ಭಕ್ತಿಯಿಂದ ಪ್ರಶ್ನೆಗಳವರೆಗೆ: ಒಂದು ನಾಗರಿಕನ ಅಸಮಾಧಾನ

ನಾನು ಮೋಹನ ಭಾಗವತ ಅವರ ವೈಯಕ್ತಿಕ ಜೀವನದ ಬಗ್ಗೆ ಬಹಳ ಕೇಳಿದ್ದೇನೆ, ತುಂಬಾ ಒಳ್ಳೆಯ ವಿಷಯಗಳನ್ನು ಕೇಳಿದ್ದೇನೆ. ಮನೆಯಲ್ಲಿ ಆರ್​ಎಸ್​ಎಸ್ (RSS) ಸದಸ್ಯರೊಬ್ಬರು ಇರುವುದು ಒಂದು ರೀತಿಯ ವಿಶೇಷ ಸವಲತ್ತು. ಆರ್​ಎಸ್​ಎಸ್ ಬಗ್ಗೆಯೂ ಇಂತಹ ಒಳ್ಳೆಯ ಮಾತುಗಳನ್ನು ಕೇಳಿದ್ದೆ. ಆದರೆ, ನಾನು ಈ ಹಿಂದೆ ಅಷ್ಟಾಗಿ ಗಮನ ಹರಿಸುತ್ತಿರಲಿಲ್ಲ. ಎಲ್ಲವೂ ಚೆನ್ನಾಗಿತ್ತು. ನನ್ನ ಜೀವನದಲ್ಲಿ ನಾಲ್ಕು ಬಾರಿ ಮತ ಚಲಾಯಿಸಿದ್ದೇನೆ, ಅದರಲ್ಲಿ ಎರಡು ಬಾರಿ ಬಿಜೆಪಿಗೆ ಮತ್ತು ಎರಡು ಬಾರಿ ಅದರ ಮೈತ್ರಿ ಪಕ್ಷಕ್ಕೆ ಮತ ಹಾಕಿದ್ದೆ. ಎಲ್ಲವೂ ಸರಿಯಾಗಿಯೇ ಇತ್ತು. ಭಕ್ತಿ

– ಹಿಮಾಂಶು ಕುಮಾರ

ಕಳೆದ ಕೆಲವು ವರ್ಷಗಳಿಂದ ಅಥವಾ ಹೇಳಬೇಕೆಂದರೆ ಕಳೆದ ಕೆಲವು ತಿಂಗಳುಗಳಿಂದ ಎಲ್ಲವೂ ಬದಲಾದಂತೆ ಭಾಸವಾಗುತ್ತಿದೆ. ಬಹುಶಃ ನಾನು ತಪ್ಪಾಗಿ ಕೇಳಿದ್ದೆ ಅಥವಾ ಅರ್ಥಮಾಡಿಕೊಂಡಿದ್ದೆ, ಅಥವಾ ಅಧಿಕಾರದ ಅಮಲು ಬೇರೆಯದೇ ರೀತಿಯಲ್ಲಿ ತಲೆಗೇರಿದೆ. ಭಕ್ತಿ

ಆರ್​ಎಸ್​ಎಸ್ ಮುಖ್ಯಸ್ಥರು, ಸರ್ಕಾರಿ ಹಣದಲ್ಲಿ ಇಪ್ಪತ್ತು ವಾಹನಗಳಲ್ಲಿ ಓಡಾಡುತ್ತಾ ಅವರು, “ನಾವು ನಮ್ಮ ಸಂಸ್ಥೆಯನ್ನು ಎಲ್ಲಿಯಾದರು ಏಕೆ ನೋಂದಾಯಿಸಬೇಕು? ಮೊದಲು ಹೋಗಿ ಹಿಂದೂ ಧರ್ಮವನ್ನು ನೋಂದಾಯಿಸಿ” ಎಂದು ಹೇಳುತ್ತಾರೆ. ಪ್ರಶ್ನೆ ಕೇಳಿದರೆ, ಮತ್ತೊಂದು ಪ್ರಶ್ನೆಯನ್ನು ಎದುರಿಗೆ ಇಟ್ಟು ನಿಮ್ಮ ಬಾಯಿಗೆ ಬೀಗ ಹಾಕುವುದು ಈಗ ಬಿಜೆಪಿ ಮತ್ತು ಆರ್​ಎಸ್​ಎಸ್​ನ ಶೈಲಿಯಾಗಿದೆ. ಭಕ್ತಿ

ಇದನ್ನೂ ಓದಿ: ₹440 ಕೋಟಿ TMC ಬ್ಯಾಂಕ್ ಖಾತೆಗಳು ಡೆಬಿಟ್ ಫ್ರೀಜ್: ಪಕ್ಷದೊಳಗಿನ ಹಣಕಾಸು ಹೋರಾಟ ತೀವ್ರ

ನೀವು ಬಿಜೆಪಿಯನ್ನು ಏನಾದರೂ ಕೇಳಿದರೆ, “ಕಾಂಗ್ರೆಸ್ ಏನು ಮಾಡಿದೆ, ಮೊದಲು ಅವರನ್ನು ಕೇಳಿ ಬನ್ನಿ” ಎಂದು ಹೇಳುತ್ತಾರೆ. ಆ ಕಾಂಗ್ರೆಸ್​ ಅನ್ನು ಸೋಲಿಸಿ ಹೊರಹಾಕಿ ತಾನೇ ನಿಮ್ಮನ್ನು ಅಧಿಕಾರಕ್ಕೆ ತಂದಿದ್ದು. ನೀವು ಅವರಿಗಿಂತ ಸ್ವಲ್ಪ ಕಡಿಮೆ ಭ್ರಷ್ಟರಾಗಿದ್ದೀರಿ ಎಂದು, ಆದರೆ ನೀವು ಅವರಿಗಿಂತ ಕಡು ಭ್ರಷ್ಟರು ಎಂಬುದು ಈಗ ಸಾಬೀತಾಗಿದೆ. ಭಕ್ತಿ

ಅದೇ ರೀತಿ ಆರ್​ಎಸ್​ಎಸ್ ಕೂಡ ಉತ್ತರಿಸುತ್ತದೆ. “ಹಿಂದೂ ಧರ್ಮ ಎಲ್ಲಿ ನೋಂದಣಿಯಾಗಿದೆ?” ಎಂದು ಕೇಳಿದರೆ ಸಾಕು, ನಿಮ್ಮ ನಾಲಿಗೆಗೆ ಬೀಗ ಬೀಳುತ್ತದೆ. ಇನ್ನು ಯಾರೂ ಪ್ರಶ್ನೆ ಕೇಳುವುದಿಲ್ಲ. ಎಲ್ಲದಕ್ಕೂ ಧರ್ಮವನ್ನು ಗುರಾಣಿಯಾಗಿ ಬಳಸಲಾಗುತ್ತದೆ. ಭಕ್ತಿ

ಇನ್ನು ಮೋದಿ ಸರ್ಕಾರ ಉತ್ತರಿಸದಿದ್ದರೆ, ನೀವು ಏನು ಮಾಡುತ್ತೀರಿ? ಆರ್​ಟಿಐ ಅಡಿಯಲ್ಲಿ ಮಾಹಿತಿ ಕೇಳುತ್ತೀರಾ? ಆರ್​ಟಿಐನಲ್ಲಿ ಬಿಜೆಪಿಯವರಿಗೆ ಇಷ್ಟವಿಲ್ಲದ ಅಥವಾ ಉತ್ತರಿಸಲು ಮನಸ್ಸಿಲ್ಲದ ಯಾವುದೇ ಪ್ರಶ್ನೆಗೆ, “ಇದು ಆರ್​ಟಿಐನ ವ್ಯಾಪ್ತಿಗೆ ಬರುವುದಿಲ್ಲ”, “ದೇಶದ ಸುರಕ್ಷತೆಯ ದೃಷ್ಟಿಯಿಂದ ತಿಳಿಸಲಾಗುವುದಿಲ್ಲ” ಅಥವಾ ಈಗ ಹೊಸದಾಗಿ “ಇದು ಗೌಪ್ಯ ವಿಷಯ” (confidential in nature) ಎಂಬ ಉತ್ತರ ಬರುತ್ತದೆ. ಭಕ್ತಿ

ನಂತರ ನೀವು ಪಿಐಎಲ್ (PIL) ಅಥವಾ ಪ್ರಕರಣ ದಾಖಲಿಸಲು ಹೋದರೆ ಎಲ್ಲಿಗೆ ಹೋಗುತ್ತೀರಿ? ಸುಪ್ರೀಂ ಕೋರ್ಟ್ಗ್ ಗೆ? ಅದು ಮೊದಲೇ ಬಿಜೆಪಿಯೊಂದಿಗೆ ಲಂಡನ್​ನಲ್ಲಿ ಬ್ಯಾಡ್ಮಿಂಟನ್ ಆಡುತ್ತಿದೆ, ಭಾಭಿ ಪಾಪಡ್ ತಿನ್ನುತ್ತಿದೆ. ಇದು ಯಾವುದೇ ಅಂತರರಾಷ್ಟ್ರೀಯ ಟೂರ್ನಮೆಂಟ್ ಅಲ್ಲ. ಎಲ್ಲ ನ್ಯಾಯಾಧೀಶರು ಸೇರಿ ಆಟವಾಡುತ್ತಿದ್ದಾರೆ, ಅದರಲ್ಲಿ ಮುಖ್ಯ ನ್ಯಾಯಾಧೀಶರೂ ಇದ್ದಾರೆ. ಈ ತಂಡದಲ್ಲಿರುವ ಕೆಲವರು ಕ್ಯಾಬಿನೆಟ್ ಶ್ರೇಣಿಯ ಬಿಜೆಪಿ ನಾಯಕರು. ಸೈಕಲ್​ನಲ್ಲಿ ಓಡಾಡುವ ನಾಟಕವಾಡಿದವರು ಇವರು. ಈಗ ಚಾರ್ಟರ್ಡ್ ವಿಮಾನವನ್ನೇ ಬಾಡಿಗೆಗೆ ತೆಗೆದುಕೊಂಡು ಇಡೀ ಲಂಡನ್ ಹೋಟೆಲ್ ಬುಕ್ ಮಾಡಿ ಮಜಾ ಮಾಡುತ್ತಿದ್ದಾರೆ. ಭಕ್ತಿ

ಇವರ ಎದುರು ಬಿಜೆಪಿ ಅಥವಾ ಆರ್​ಎಸ್​ಎಸ್ ವಿರುದ್ಧ ಕೇಸ್ ಹಾಕಿದರೆ, ಅವರು ಕೇಳಿಸಿಕೊಳ್ಳುತ್ತಾರೆಂದು ನೀವು ಭಾವಿಸುತ್ತೀರಾ? ಮೊದಲ ಅವಕಾಶದಲ್ಲಿಯೇ ಕೇಸ್ ವಜಾ. ಮುಂದಿನ ಅವಕಾಶದಲ್ಲಿ ನಿಮ್ಮ ಮೇಲೆ ಸಿಬಿಐ (CBI) ಮತ್ತು ಇಡಿ (ED). ಮುಗಿದೇ ಹೋಯಿತು.
ಇದು ಮಿತಿ ಮೀರಿದೆ.

2018ರಲ್ಲಿ ಒಮ್ಮೆ ಹೇಳಿದ್ದರು, “ಆರ್​ಎಸ್​ಎಸ್​ನಲ್ಲಿ ಎಷ್ಟು ಜನರಿದ್ದಾರೆಂದರೆ, ಮೂರು ದಿನಗಳಲ್ಲಿ ಭಾರತೀಯ ಸೇನೆಗಿಂತ ದೊಡ್ಡ ಸೈನ್ಯವನ್ನು ಸಿದ್ಧಪಡಿಸಬಹುದು. ನಾವು ಜನರಿಗೆ ಶಾಸ್ತ್ರದೊಂದಿಗೆ ಶಸ್ತ್ರದ ತರಬೇತಿಯನ್ನೂ ನೀಡುತ್ತೇವೆ.” ಈಗ ಇಂತಹ ಶಕ್ತಿಶಾಲಿ ಜನರು, ತಮ್ಮದೇ ಆದ ವೈಯಕ್ತಿಕ ಸೈನ್ಯವನ್ನು ಇಟ್ಟುಕೊಂಡಿರುವಾಗ, ಇವರಿಗೆ ಎಸ್‌ಪಿಜಿ (SPG) ಭದ್ರತೆ ಏಕೆ ನೀಡಲಾಗಿದೆ ಎಂಬುದು ಅರ್ಥವಾಗುತ್ತಿಲ್ಲ.

ಬಿಜೆಪಿಯ ಮಾಜಿ ಅಧ್ಯಕ್ಷ ಗಡ್ಕರಿ ಅವರು. ಆರ್​ಎಸ್​ಎಸ್​ನ ಅಚ್ಚುಮೆಚ್ಚಿನವರು, ಇವರ ವಿರುದ್ಧ ಮಾತನಾಡುವ ಧೈರ್ಯ ಯಾರಿಗಿದೆ? ಅವರ ಇಥೆನಾಲ್ ಪ್ರೀತಿ. ದಿನವೂ ಇಥೆನಾಲ್ ಹಗರಣಗಳು ನಡೆಯುತ್ತಿವೆ. ಒಂದೊಂದು ದಿನ ತೈಲ ಮತ್ತು ಜ್ಯೂಸ್ ಬೇರೆಯಾಗುತ್ತಿವೆ. ಒಂದು ದಿನ ಇರುವೆ ಮತ್ತು ಜೇನುನೊಣಗಳು ಬಂದು ಕುಳಿತುಕೊಳ್ಳುತ್ತಿವೆ. ಮೈಲೇಜ್ 25% ಕಡಿಮೆಯಾಗಿದೆ. ಒಂದು ಕಿಲೋಮೀಟರ್ ಚಲಿಸುವ ವೆಚ್ಚ 30-40% ಹೆಚ್ಚಾಗಿದೆ.

ಆದರೆ ಪುತ್ರ ವ್ಯಾಮೋಹದಲ್ಲಿರುವ ಸಚಿವ ಗಡ್ಕರಿ ಹೇಳುತ್ತಾರೆ, “ಇಥೆನಾಲ್​ನಿಂದ ಮೈಲೇಜ್ ಕಡಿಮೆಯಾಗಿದೆ ಅಥವಾ ವಾಹನ ಹಾಳಾಗಿದೆ ಎಂದು ಸಾಬೀತಾಗಿರುವ ಯಾವುದೇ ದೂರುಗಳು ಬಂದಿಲ್ಲ.” ಅರೇ, ನೀವು ಮತ್ತು ನಿಮ್ಮ ನ್ಯಾಯಾಲಯದ ಲಾಬಿ, ಯಾವುದೇ ದೂರು ಉಳಿಯಲು ಬಿಟ್ಟರೆ ತಾನೇ! ಮತ್ತು ಅವರೇ ಸ್ವತಃ ಹೆಮ್ಮೆಯಿಂದ ಹೇಳುತ್ತಾರೆ, “ಇದನ್ನು ಕೇಳಿದರೆ ಪೊಲೀಸರನ್ನು ಕರೆಸಿ ಹೊರಗೆ ಎಸೆಸುತ್ತೇನೆ” ಎಂದು.

ಒಬ್ಬ ಆಂಟಿ ಹಲವು ವರ್ಷಗಳ ಹಿಂದೆ ಹೇಳಿದ್ದರು, “ಈ ಸರ್ಕಾರ ಮಾರಾಟವಾಗಿದೆ” ಎಂದು, ಅದು ನಿಜವಾಗಿಯೇ ಇರಬೇಕು. ಜನರಿಗೂ ಬಿಜೆಪಿಯ ದುರಾಡಳಿತದಿಂದ ಯಾವುದೇ ತೊಂದರೆಯಾಗುತ್ತಿಲ್ಲ, ಅವರಿಗೆ ಅಭ್ಯಾಸವಾಗಿಬಿಟ್ಟಿದೆ. ಇದರಲ್ಲಿ ಹೊಸತೇನಿದೆ? ಇವೆಲ್ಲವೂ ನೆಹರು ಕಾಲದಿಂದಲೂ ನಡೆಯುತ್ತಲೇ ಇದೆ ಎಂದು ಸುಮ್ಮನಾಗುತ್ತಾರೆ.

ಅರೇ, ನೆಹರು ತಮ್ಮ ಸಂಪೂರ್ಣ ಆಸ್ತಿಯನ್ನು ದೇಶದ ಹೆಸರಿಗೆ ಬರೆದುಕೊಟ್ಟಿದ್ದರು. ಅವರು ದೇವಸ್ಥಾನದ ಹುಂಡಿಯಿಂದ ನೋಟುಗಳನ್ನು ಕದಿಯುತ್ತಿರಲಿಲ್ಲ.
ಆಗ ಜನರು, ವಾಹ್ ಎಂದು ಮೋದಿಯನ್ನು ಬೆಂಬಲಿಸುತ್ತಾ ಹೇಳುತ್ತಾರೆ, “ಆಗ ನೋಂದಣಿ ಅಂತಹ ವ್ಯವಸ್ಥೆ ಇರಲಿಲ್ಲ, ಅದು ಬ್ರಿಟಿಷರ ಕಾಲ.” ಅರೇ, ‘ಸೊಸೈಟಿ ರಿಜಿಸ್ಟ್ರೇಷನ್ ಆಕ್ಟ್ 1860’ರಲ್ಲೇ ಬಂದಿದೆ. ಬ್ರಿಟಿಷರೇ ತಂದಿದ್ದು. ಆಗ ಜನ ಹೇಳುತ್ತಾರೆ, “ಹೌದು, ಆದರೆ ಅದು ಧರ್ಮ-ಕರ್ಮದ ಕೆಲಸವಾಗಿತ್ತು. ಆಗ ಇಂತಹ ನೋಂದಣಿ ಇರಲಿಲ್ಲ.”

ಹಾಗಾದರೆ, ಈ ನಾಟಕಗಳನ್ನೆಲ್ಲಾ ಕೊನೆಗಾಣಿಸಲು 1920ರಲ್ಲಿ ‘ಚಾರಿಟಬಲ್ ಅಂಡ್ ರಿಲಿಜಿಯಸ್ ಟ್ರಸ್ಟ್ ಆಕ್ಟ್’ ಬಂದಿತು. ಆರ್​ಎಸ್​ಎಸ್ ಸ್ಥಾಪನೆಯಾದದ್ದು 1925ರಲ್ಲಿ. ವಿಷಯವೇನೆಂದರೆ, ಆರ್​ಎಸ್​ಎಸ್ ಸ್ಥಾಪನೆಯಾಗಿದ್ದು ಒಂದು ಗುಪ್ತ ಕೆಲಸಕ್ಕಾಗಿ. ಅದು ಚಾರಿಟಬಲ್ ಆಗಿರಲಿಲ್ಲ, ಧಾರ್ಮಿಕ ಟ್ರಸ್ಟ್ ಕೂಡ ಆಗಿರಲಿಲ್ಲ.

ಯಾರಿಗಾದರೂ ಗೊತ್ತಿಲ್ಲದಿದ್ದರೆ ಕೇಳಿ, ರಾಮಕೃಷ್ಣ ಮಿಷನ್ ಅನ್ನು ಸ್ವಾಮಿ ವಿವೇಕಾನಂದರು 1897ರಲ್ಲಿ ಸ್ಥಾಪಿಸಿದರು ಮತ್ತು 1902ರಲ್ಲಿ ಅವರ ಮರಣದ ನಂತರ, 1909ರಲ್ಲಿ ಬೇಲೂರು ಮಠದ ವಿಳಾಸದಲ್ಲಿ ಸೊಸೈಟಿಯಾಗಿ ನೋಂದಾಯಿಸಲಾಯಿತು. ಸುಶಿಕ್ಷಿತ ಮತ್ತು ಸಂಸ್ಕೃತಿವಂತರು ಹೀಗೆ ಕೆಲಸ ಮಾಡುತ್ತಾರೆ.

ಎಲ್ಲೆಡೆ ವಿವೇಕಾನಂದರ ಹೆಸರನ್ನು ಬಳಸಿಕೊಂಡು ಕೇವಲ ಮತ ಪಡೆಯುವುದು ಮುಖ್ಯವಲ್ಲ. ಆಗ ಅವರು ಹೇಳುತ್ತಾರೆ, “ನಾವು ದೇಶವನ್ನು ಜಾಗೃತಗೊಳಿಸುತ್ತೇವೆ, ಅದಕ್ಕೆ ಯಾವುದೇ ನೋಂದಣಿಯ ಅಗತ್ಯವಿಲ್ಲ.” ರವೀಂದ್ರನಾಥ ಟ್ಯಾಗೋರ್ ಬಂಗಾಳವನ್ನು ಜಾಗೃತಗೊಳಿಸಲು 1922ರಲ್ಲಿ ‘ವಿಶ್ವ ಭಾರತಿ ಸೊಸೈಟಿ’ಯನ್ನು ಸ್ಥಾಪಿಸಿದರು. ಶಾಂತಿನಿಕೇತನದ ವಿಳಾಸದಲ್ಲಿ ನೋಂದಾಯಿಸಿದರು. ಕೇವಲ ಠ್ಯಾಗೋರರಂತೆ ಗಡ್ಡ ಬೆಳೆಸಿಕೊಂಡು ನಕಲು ಮಾಡಿದರೆ ಇವೆಲ್ಲ ಆಗುವುದಿಲ್ಲ.

ಆದರೆ ಮೋದಿಜಿ ಅವರ 2025ರ ಕೆಂಪು ಕೋಟೆಯ ಭಾಷಣದ ಪ್ರಕಾರ, ಭಾರತದ ಅತ್ಯಂತ ಹಳೆಯ ಮತ್ತು ದೊಡ್ಡ ಎನ್​ಜಿಒ (NGO) ಆರ್​ಎಸ್​ಎಸ್. ಸರ್ಕಾರೇತರ ಸಂಸ್ಥೆಯಾಗಿ (Non-government organization) ಸರ್ಕಾರವನ್ನೇ ನಡೆಸುತ್ತಿದೆ. ಪ್ರತಿಯೊಂದು ಮಗುವಿಗೂ ಗೊತ್ತಿದೆ. ಸಚಿವರಾಗಲು, ಮುಖ್ಯಮಂತ್ರಿಯಾಗಲು ಆರ್​ಎಸ್​ಎಸ್​ನೊಂದಿಗೆ ಎಷ್ಟು ಹಳೆಯ ಸಂಬಂಧವಿದೆ ಎಂಬುದನ್ನು ನೋಡಲಾಗುತ್ತದೆ. ಪರಂಪರೆಯಿಂದ ಸಂಬಂಧವಿದ್ದರೆ, ನೀವು ಎಷ್ಟೇ ಅಸಮರ್ಥರಾಗಿದ್ದರೂ ನಿಮ್ಮ ರಾಜೀನಾಮೆಯನ್ನು ತೆಗೆದುಕೊಳ್ಳಲಾಗುವುದಿಲ್ಲ. ಧರ್ಮೇಂದ್ರ ಪ್ರಧಾನ್ ಇದಕ್ಕೆ ಉದಾಹರಣೆ. ಹೇಗಾದರೂ ಇರಲಿ, ನನಗೆ ಏನು. ಫೋಟೋ ನೋಡಿ, ಎಷ್ಟು ಸುಂದರವಾಗಿದೆ!

ಇದನ್ನೂ ನೋಡಿ: ಪಿಚ್ಚರ್‌ ಪಯಣ -174| ಸಿನಿಮಾ – ವಲವಾರ, ಗ್ರಾಮೀಣ ಬದುಕಿನ ಸೊಗಡು | ವಿಶ್ಲೇಷಣೆ – ಎಂ.‌ನಾಗರಾಜ ಶೆಟ್ಟಿ