ಲೈಂಗಿಕ ಕಿರುಕುಳ ಆರೋಪ: ಚೈತನ್ಯಾನಂದ ಸ್ವಾಮೀ ಕೊನೆಗೂ ಅರೆಸ್ಟ್!

50 ದಿನ CCTV ಇಲ್ಲದ 15 ಹೋಟೆಲ್‌ಗಳಲ್ಲಿ ಸ್ಥಳಾಂತರ

ನವದೆಹಲಿ: ವಿದ್ಯಾರ್ಥಿನಿಯರ ಮೇಲೆ ಲೈಂಗಿಕ ದೌರ್ಜನ್ಯದ ಆರೋಪ ಕೇಳಿಬಂದ ಹಿನ್ನೆಲೆ, ದಕ್ಷಿಣ ದೆಹಲಿಯ ವಸಂತ್‌ ಕುಂಜ್‌ ಪ್ರದೇಶದಲ್ಲಿರುವ ಸ್ವಯಂ ಘೋಷಿತ ದೇವಮಾನವ ಸ್ವಾಮಿ ಚೈತನ್ಯಾನಂದ ಸರಸ್ವತಿ ಸ್ವಾಮೀಜಿ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಪ್ರತಿಷ್ಠಿತ ಮಠದ ಸಂಪರ್ಕ ಹೊಂದಿದ್ದ ಸ್ವಾಮೀಜಿ, ತಮ್ಮ ವಿರುದ್ಧ ಪ್ರಕರಣ ದಾಖಲಾಗುತ್ತಿದ್ದಂತೆಯೇ ತಲೆ ಮರೆಸಿಕೊಂಡಿದ್ದರು. ಸದ್ಯ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.ಲೈಂಗಿಕ

62 ರ ವಯಸ್ಸಿನವರಾದ ಅವರು, 50 ದಿನಗಳಲ್ಲಿ 15 ಹೋಟೆಲ್‌ಗಳ ನಡುವೆ ಸ್ಥಳಾಂತರಗೊಂಡಿದ್ದರು. ಸಿಸಿಟಿವಿ ಕಣ್ಗಾವಲು ಇಲ್ಲದೆಡೆ, ಸಿಕ್ಕಿಬೀಳದಿರುವುದರಿಂದ ತಪ್ಪಿಸಿಕೊಳ್ಳಲು ಉದ್ದೇಶಪೂರ್ವಕವಾಗಿ ಕಡಿಮೆ-ವೆಚ್ಚದ ಲಾಡ್ಜ್‌ಗಳಲ್ಲಿ ಉಳಿದುಕೊಳ್ಳುತ್ತಿದ್ದರು.  ಅವರಿಗೆ ಮಠದ ಕೆಲ ಆಪ್ತರು ಸಹಾಯ ಮಾಡುತ್ತಿದ್ದರು ಎಂದು ತಿಳಿದು ಬಂದಿದೆ.  ಲೈಂಗಿಕ

ಪೊಲೀಸ್ ಮೂಲಗಳ ಪ್ರಕಾರ, ಚೈತನ್ಯಾನಂದ ಸರಸ್ವತಿ 50 ದಿನಗಳಿಂದ ತಲೆಮರೆಸಿಕೊಂಡಿದ್ದ. ಈ ಅವಧಿಯಲ್ಲಿ, ಅವನು 15 ಹೋಟೆಲ್‌ಗಳನ್ನು ಬದಲಾಯಿಸಿದ್ದಾನೆ. ಚೈತನ್ಯಾನಂದ CCTV ಕ್ಯಾಮೆರಾಗಳಿಲ್ಲದ ಅಗ್ಗದ ಹೋಟೆಲ್‌ಗಳಲ್ಲಿ ಉಳಿದುಕೊಳ್ಳುತ್ತಿದ್ದ. ಪೊಲೀಸರ ಕಣ್ಣು ತಪ್ಪಿಸಲು ಅವನು ಈ ರೀತಿ ಮಾಡುತ್ತಿದ್ದ. ಅವನ ಬೆಂಬಲಿಗರು ಹೋಟೆಲ್‌ಗಳನ್ನು ಆಯ್ಕೆ ಮಾಡುತ್ತಿದ್ದರು. ಆರೋಪಿ ಸ್ವಾಮೀಜಿಗೆ ಸಹಾಯ ಮಾಡಿದ ಬೆಂಬಲಿಗರಿಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: ಧರ್ಮಸ್ಥಳ ಪ್ರಕರಣ: ಅಸಹಜ ಸಾವುಗಳ ಸಮಗ್ರ ತನಿಖೆ ಆಗಬೇಕು – ಕೆ. ನೀಲಾ‌ ಆಗ್ರಹ

ತನ್ನ ಡಿಜಿಟಲ್ ಸಾಧನಗಳ “ಪಾಸ್‌ವರ್ಡ್‌ಗಳನ್ನು ಮರೆತಿದ್ದೇನೆ” ಎಂದು ಆತ ಪೊಲೀಸರಿಗೆ ತಿಳಿಸಿದ್ದೂ, ಆತನಿಂದ ವಶಪಡಿಸಿಕೊಂಡ ಮೂರು ಫೋನ್‌ಗಳು ಮತ್ತು ಐಪ್ಯಾಡ್ ಅನ್ನು ವಿಧಿವಿಜ್ಞಾನ ಪರೀಕ್ಷೆಗೆ ಕಳುಹಿಸಲಾಗಿದೆ.