ಬೆಂಗಳೂರು: ಬಾಡಿಗೆ ಮನೆ ಖಾಲಿ ಮಾಡುವಾಗ ಅಡ್ವಾನ್ಸ್ ಹಣ ವಾಪಸ್ ಪಡೆಯುವುದು ಕೆಲವೊಮ್ಮೆ ಬಾಡಿಗೆದಾರರಿಗೆ ದೊಡ್ಡ ತಲೆನೋವಾಗಿ ಪರಿಣಮಿಸುತ್ತದೆ. ಬೆಂಗಳೂರಿನಲ್ಲಿ ನಡೆದಿರುವ ಇಂತಹದ್ದೇ ಒಂದು ಘಟನೆ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಕಾರಣವಾಗಿದೆ. ಬಾಡಿಗೆದಾರನೊಬ್ಬ ನೀಡಿದ್ದ ₹1.30 ಲಕ್ಷ ಅಡ್ವಾನ್ಸ್ನಲ್ಲಿ ಮನೆ ಮಾಲೀಕ ಬರೋಬ್ಬರಿ ₹1.11 ಲಕ್ಷವನ್ನು ವಿವಿಧ ಶುಲ್ಕಗಳ ಹೆಸರಿನಲ್ಲಿ ಕಡಿತಗೊಳಿಸಿದ್ದು, ಕೊನೆಗೆ ಕೇವಲ ₹19 ಸಾವಿರವನ್ನು ಮಾತ್ರ ಹಿಂದಿರುಗಿಸಿದ್ದಾನೆ ಎಂದು ಆರೋಪಿಸಲಾಗಿದೆ.
