ನಾಡನ್ನೇ ಸರ್ವನಾಶ ಮಾಡಿದ ಬಿಜೆಪಿ ಉಳಿಯುವ ಸಾಧ್ಯತೆ ಇಲ್ಲ – ಪರಕಾಲ ಪ್ರಭಾಕರ್

– ಕನ್ನಡಕ್ಕೆ: ಸಿ. ಸಿದ್ದಯ್ಯ

ಭಾರತ ಈಗ ನಿರ್ಣಾಯಕ ಘಟ್ಟದಲ್ಲಿದೆ. ಸಂಘಪರಿವಾರದ ಬೆದರಿಕೆ ಮತ್ತು ಸರ್ವಾಧಿಕಾರಕ್ಕೆ ಹಿಂದೂ ಧರ್ಮ ಶರಣಾಗಬೇಕೇ ಎಂಬುದು ಇಂದಿನ ಪ್ರಶ್ನೆಯಾಗಿದೆ. ಇವರಿಗೆ ನಾವು ಬಾಗಿದರೆ ನಮ್ಮ ದೇಶವೇ ಬಾಗಿದಂತಾಗುತ್ತದೆ. ಮೋದಿ-ಅಮಿತ್ ಷಾ-ಬಿಜೆಪಿ-ಆರ್ ಎಸ್ ಎಸ್ ಮೈತ್ರಿಯೊಂದಿಗೆ ರಾಜಿ ಮಾಡಿಕೊಂಡು, ಚೌಕಾಸಿ ಮಾಡಿ, ಸಣ್ಣಪುಟ್ಟ ಸ್ಥಾನ ಗಿಟ್ಟಿಸಿಕೊಳ್ಳುವವರು ದೇಶದ ಸ್ಥಿತಿಯನ್ನು ಅಧೋಗತಿಗೆ ತಳ್ಳುತ್ತಿದ್ದಾರೆ.  ಬಿಜೆಪಿ

ಪರಕಾಲ ಪ್ರಭಾಕರ್ ಆರ್ಥಿಕ ವಿಶ್ಲೇಷಕರಾಗಿ, ರಾಜಕೀಯ ವೀಕ್ಷಕರಾಗಿ ಮತ್ತು ಸಾಮಾಜಿಕ ಚಿಂತಕರಾಗಿ ಪ್ರಸಿದ್ಧರಾಗಿದ್ದಾರೆ. ಅವರ ಪತ್ನಿ ನಿರ್ಮಲಾ ಸೀತಾರಾಮನ್ ಅವರು ನರೇಂದ್ರ ಮೋದಿ ಸರ್ಕಾರದಲ್ಲಿ ಹಣಕಾಸು ಸಚಿವರಾಗಿದ್ದಾರೆ ಎಂಬುದು ಇಲ್ಲಿ ಗಮನಾರ್ಹ. ಆದರೆ ಪರಕಾಲ ಪ್ರಭಾಕರ್ ಅವರು ಮೋದಿ ಸರ್ಕಾರ ಮತ್ತು ಅವರ ಆಡಳಿತದ ಅವಧಿಯಲ್ಲಿ ದೇಶದ ಆರ್ಥಿಕತೆಯ ಅಧಃಪತನವನ್ನು ತೀವ್ರವಾಗಿ ಟೀಕಿಸುತ್ತಿದ್ದಾರೆ. ‘ದೇಶಾಭಿಮಾನಿ’ ಪತ್ರಿಕೆಯ ಪಿ.ವಿ.ಜೀಜೋ ಅವರೊಂದಿಗೆ ನಡೆಸಿದ ಸಂದರ್ಶನದಲ್ಲಿ ಪ್ರಸ್ತುತ ರಾಜಕೀಯ ಪರಿಸ್ಥಿತಿಯನ್ನು ಕಟುವಾಗಿ ಟೀಕಿಸಿದ್ದಾರೆ.

ನಮ್ಮ ದೇಶ ಜಗತ್ತಿನ ಸೂಪರ್ ಪವರ್ ಆಗಲಿದೆ ಎಂದು ಪ್ರಧಾನಿ ಮೋದಿ ಹಾಗೂ ಸಂಘಪರಿವಾರದವರು ಸುಳ್ಳು ಹೇಳತೊಡಗಿದ್ದಾರೆ. ಆದರೆ, ರಾಷ್ಟ್ರೀಯ ಆರ್ಥಿಕ ಮುನ್ನಡೆಯಲ್ಲಿ ಶೇಕಡಾ 19 ರಷ್ಟು ಕುಸಿತ ಕಂಡುಬಂದಿದೆ. ಆಕ್ಸ್‌ಫ್ಯಾಮ್, ವಿಶ್ವ ಬ್ಯಾಂಕ್, ವಿಶ್ವಸಂಸ್ಥೆ ಭಾರತದ ಪರಿಸ್ಥಿತಿ ಹದಗೆಟ್ಟಿದೆ ಎಂದು ವರದಿ ಮಾಡಿವೆ. ಭಾರತದ ಮೆಗಾ-ಬಿಲಿಯನೇರ್‌ಗಳು ಹೆಚ್ಚಾದರು. ಅವರ ಆರ್ಥಿಕ ಅಭಿವೃದ್ಧಿಯನ್ನು ದೇಶದ ಅಭಿವೃದ್ಧಿ ಎಂದು ನೋಡಬಹುದೇ? 2020 ರಲ್ಲಿ, 102 ಬಿಲಿಯನೇರ್‌ಗಳಿದ್ದರು. ಆಕ್ಸ್‌ಫ್ಯಾಮ್‌ನ ಇತ್ತೀಚಿನ ಅಧ್ಯಯನವು ಮುಂದಿನ ವರ್ಷ ಇದು 142 ಆಗಲಿದೆ ಎಂದು ಹೇಳಿದೆ.

ಮರೆಯಬಾರದು ;

2021-22ರ ವೇಳೆಗೆ ಭಾರತವು 75 ಲಕ್ಷ ಹಸಿದ ಜನರನ್ನು ಸೃಷ್ಟಿಸಿದೆ. ವಿಶ್ವಸಂಸ್ಥೆಯ ಅಭಿವೃದ್ಧಿ ಕಾರ್ಯಕ್ರಮ (ಯುಎನ್‌ಡಿಪಿ) ಪ್ರಕಟಿಸಿದ ಮಾನವ ಅಭಿವೃದ್ಧಿ ಸೂಚ್ಯಂಕದಲ್ಲಿ ನಾವು 134 ನೇ ಸ್ಥಾನದಲ್ಲಿದ್ದೇವೆ. ಆಳುವವರು ಅದನ್ನು ಸೂಪರ್ ಆರ್ಥಿಕ ಶಕ್ತಿ ಎಂದು ಉಲ್ಲೇಖಿಸುತ್ತಾರೆ. ಆದರೆ, ಅಭಿವೃದ್ಧಿ ಸೂಚ್ಯಂಕದಲ್ಲಿ ಕೇವಲ 18 ದೇಶಗಳು ಮಾತ್ರ ನಮ್ಮ ಹಿಂದೆ ಉಳಿದಿರುವುದು ಮೋದಿ ಸರಕಾರದ ಸುಳ್ಳು ಪ್ರಚಾರದ ಪೊಳ್ಳುತನವನ್ನು ತೋರಿಸುತ್ತದೆ. 2022 ರ ವಿಶ್ವ ಹಸಿವಿನ ಸೂಚ್ಯಂಕದಲ್ಲಿ ನಮ್ಮ ದಾಖಲೆಯು ಹೆಮ್ಮೆಪಡುವಂಥದ್ದಲ್ಲ. ಈ ಪಟ್ಟಿಯಲ್ಲಿ ಭಾರತ 107ನೇ ಸ್ಥಾನದಲ್ಲಿದೆ. ಈ ಪಟ್ಟಿಯಲ್ಲಿ ಕೇವಲ 121 ದೇಶಗಳಿವೆ ಎಂಬುದನ್ನು ಮರೆಯಬಾರದು.

ಬಡವರ ಹಸಿವು ಮತ್ತು ಕೋಟ್ಯಾಧಿಪತಿಗಳ ಬೆಳವಣಿಗೆ ;

ನಿರುದ್ಯೋಗ, ಸಾಕ್ಷರತೆ, ಆರೋಗ್ಯ ಇತ್ಯಾದಿ ವಿಚಾರದಲ್ಲಿ ಬಿಜೆಪಿ ಸರಕಾರ ನಮ್ಮನ್ನು ಇನ್ನಷ್ಟು ಕೆಳಗಿಳಿಸಿದೆ. ಅಧ್ಯಯನಗಳ ಪ್ರಕಾರ, ಜಗತ್ತಿನಲ್ಲಿ ಹಸಿವಿನಿಂದ ಮತ್ತು ಅಪೌಷ್ಟಿಕತೆಯಿಂದ ನರಳುತ್ತಿರುವ ಜನರ ಅರ್ಧದಷ್ಟು ಜನರು ಭಾರತದಲ್ಲಿದ್ದಾರೆ. ಈ ಸತ್ಯವನ್ನು ‘ಸೂಪರ್ ಪವರ್’ಎಂಬ ಅಭಿಯಾನ ಮುಚ್ಚಿಹಾಕಿದೆ. ವಾಸ್ತವವಾಗಿ, ‘ಭಾರತ ಸೂಪರ್ ಪವರ್ ಅಲ್ಲ, ಇದು ಸೂಪರ್ ಬಡ ದೇಶ’. ಮೋದಿ ಆಡಳಿತದಲ್ಲಿ ದೇಶ ಬಡತನದಿಂದ ಕಡು ಬಡತನಕ್ಕೆ ತಳ್ಳಲ್ಪಟ್ಟಿದೆ. ಅಂಬಾನಿ-ಅದಾನಿಗಳು  ಬೃಹದಾಕಾರವಾಗಿ ಬೆಳೆದಿದ್ದಾರೆ. ಅದೇ ಸಮಯದಲ್ಲಿ, ಬಡವರ ಜೀವನವು ಮತ್ತಷ್ಟು ಹದಗೆಟ್ಟಿದೆ ಎಂದು ವಾಸ್ತವ ಪರಿಸ್ಥಿತಿ ತೋರಿಸುತ್ತವೆ. ದೇಶದ 100 ಬಿಲಿಯನೇರ್‌ಗಳ ಆದಾಯ 975 ಬಿಲಿಯನ್ ಡಾಲರ್ (ಬಿಲಿಯನ್ ಎಂದರೆ 100 ಕೋಟಿ. 975 ಬಿಲಿಯನ್ ಡಾಲರ್ ಎಂದರೆ ರೂಪಾಯಿಗಳಲ್ಲಿ ಅಂದಾಜು 81 ಲಕ್ಷ ಕೋಟಿ). ಏತನ್ಮಧ್ಯೆ, ಹಸಿವಿನಿಂದ ಬಳಲುತ್ತಿರುವವರ ಸಂಖ್ಯೆ 59 ಲಕ್ಷದಿಂದ ಮೂರು ಪಟ್ಟು ಹೆಚ್ಚಾಗಿದೆ. ಇದನ್ನೇ ಅವರು ಸೂಪರ್ ಪವರ್ ಆರ್ಥಿಕತೆ ಎಂದು ಪ್ರಚಾರ ಮಾಡುತ್ತಾರೆ. ಹತ್ತಾರು ಕೋಟಿ ಜನರು ಬಡತನದ ನರಕದಲ್ಲಿ ಬದುಕುತ್ತಿರುವಾಗ ಭಾರತ ಸೂಪರ್ ಪವರ್ ಎಂದು ಬಿಂಬಿಸುತ್ತಿರುವುದು ಸತ್ಯಗಳನ್ನು ಅಪಹಾಸ್ಯ ಮಾಡುತ್ತದೆ. ಮೋದಿ ಆಡಳಿತವು ಭಾರತವನ್ನು ಬಡ ದೇಶವನ್ನಾಗಿ ಮಾಡಿದೆ ಎಂಬುದು ವಾಸ್ತವ. ಸ್ವಾತಂತ್ರ್ಯಾ ನಂತರ 2014ರಲ್ಲಿ ಮೋದಿ ಅಧಿಕಾರಕ್ಕೆ ಬರುವವರೆಗೆ ನಮ್ಮ ಸಾಲ 50 ಲಕ್ಷಕೋಟಿ ಇತ್ತು. ಆದರೆ ಕೇವಲ ಹತ್ತು ವರ್ಷಗಳ ಬಿಜೆಪಿ ಮತ್ತು ಮೋದಿ ಆಡಳಿತದಲ್ಲಿ ಮಾಡಿರುವ ಸಾಲ 100 ಲಕ್ಷಕೋಟಿ ರೂ. ಈ ಅಂಕಿಅಂಶಗಳು, ಅಭಿವೃದ್ಧಿ ಕುರಿತ ಅವರ ವಾಕ್ಚಾತುರ್ಯದಿಂದಾಗಿ ಮರೆಯಾಗಿವೆ.

ಚುನಾವಣಾ ಬಾಂಡ್ ಹಗರಣ ಬಿಜೆಪಿ ;

ನಿರುದ್ಯೋಗದ ಸ್ಥಿತಿ ತೀರಾ ಹದಗೆಟ್ಟಿದೆ. ನಮ್ಮ ದೇಶದ ಜನಸಂಖ್ಯೆಯಲ್ಲಿ ಅರ್ಧದಷ್ಟು ಯುವಜನರು. ಅವರಲ್ಲಿ ನಿರುದ್ಯೋಗ ಸುಮಾರು ಶೇ. 25 ರಷ್ಟಿದೆ. ಬಿಜೆಪಿಯುವರ ಹೇಳುವಂತೆ ಆರ್ಥಿಕತೆ ಸುಧಾರಿಸಿದ್ದರೆ ಹಸಿವು ಮತ್ತು ನಿರುದ್ಯೋಗ ಏಕೆ ಕಡಿಮೆಯಾಗುವುದಿಲ್ಲ? ದಿನದಿಂದ ದಿನಕ್ಕೆ ಅಸಮಾನತೆ ಏಕೆ ಹೆಚ್ಚುತ್ತಿದೆ? ಈ ಪ್ರಶ್ನೆಗಳಿಗೆ ಮೋದಿ ಅಥವಾ ಅವರ ಬೆಂಬಲಿಗರು ಉತ್ತರಿಸಲು ಸಾಧ್ಯವಾಗಲಿಲ್ಲ. ವಿಮಾನ ನಿಲ್ದಾಣಗಳು, ಏರ್ ಇಂಡಿಯಾ, ಡಿಪಾರ್ಟ್‌ಮೆಂಟ್ ಸ್ಟೋರ್‌ಗಳು, ಕಾರ್ಖಾನೆಗಳು ಮತ್ತು ಮೆಗಾ ಯೋಜನೆಗಳನ್ನು ಕೋಟ್ಯಾಧಿಪತಿಗಳಿಗೆ ಹಸ್ತಾಂತರಿಸಲಾಗುತ್ತಿದೆ. ಅವರಿಂದ ಚುನಾವಣಾ ಬಾಂಡ್ ಗಳ ಮೂಲಕ ಹಣ ಪಡೆಯುತ್ತಿದ್ದಾರೆ. ಭ್ರಷ್ಟ ಕೋಟ್ಯಾಧಿಪತಿಗಳ ಪರವಾಗಿ ತಮಗಿರುವ ಅಧಿಕಾರ ದುರುಪಯೋಗ  ಪಡಿಸಿಕೊಂಡ ಈ ಆಡಳಿತದಿಂದ ದೇಶಕ್ಕೆ ಆಗಿರುವ ಹಾನಿ ಅಷ್ಟಿಷ್ಟಲ್ಲ.

ಇದನ್ನು ಓದಿ : ಮೋದಿ ಹತ್ತು ವರ್ಷ ಪ್ರಧಾನಿಯಾಗಿ ಕೊಟ್ಟ ಮಾತಲ್ಲಿ ಒಂದನ್ನಾದರೂ ಈಡೇರಿಸಿದ್ದಾರಾ? ಎದೆ ಮುಟ್ಟಿಕೊಂಡು ಹೇಳಿ: ಸಿ.ಎಂ. ಸವಾಲು

ಮಾರ್ಕ್ಸ್‌ವಾದಿ ಪಕ್ಷದ ಧೈರ್ಯ ;

ದೇಶದಲ್ಲಿ ಚುನಾವಣಾ ಬಾಂಡ್ ಹಗರಣವನ್ನು ಸೃಷ್ಟಿಸಿದ ಬಿಜೆಪಿ ಸರ್ಕಾರ ಹಣಗಳಿಕೆ ಮತ್ತು ಕಾರ್ಪೊರೇಟೀಕರಣಕ್ಕೆ ಕಾರಣವಾಯಿತು. ಮೋದಿಯವರ ಚುನಾವಣಾ ಬಾಂಡ್ ಯೋಜನೆಯಲ್ಲಿ ಬಹುತೇಕ ಪಕ್ಷಗಳು ಭಾಗವಹಿಸಿದ್ದವು. ಆದರೆ, ಅದನ್ನು ತಿರಸ್ಕರಿಸುವ ದಿಟ್ಟತನವೂ ಒಂದು ಕಡೆ ಇದೆ ಎನ್ನುವುದನ್ನು ಮರೆಯಬಾರದು. ಚುನಾವಣಾ  ಬಾಂಡ್ ಹಗರಣವನ್ನು ಹೊರತರುವಲ್ಲಿ ಎಡಪಕ್ಷಗಳು, ವಿಶೇಷವಾಗಿ ಸಿಪಿಎಂನ ಪಾತ್ರ ಮತ್ತು ಒಳಗೊಳ್ಳುವಿಕೆಯನ್ನು ಕಡೆಗಣಿಸಲಾಗುವುದಿಲ್ಲ.

ನೆನಪಿಸುತ್ತಲೇ ಇರಿ!

ಬಿಜೆಪಿ ಆಡಳಿತದಲ್ಲಿ ಸಂಸತ್ತು ಎಷ್ಟು ದಿನ ಸಭೆ ಸೇರಿತು? ಎಷ್ಟು ಚರ್ಚೆಗಳು ನಡೆದಿವೆ? ವಿರೋಧ ಪಕ್ಷಗಳ ಸಗಟು ಉಚ್ಛಾಟನೆ ಎಂತಹ ಪ್ರಜಾಪ್ರಭುತ್ವ? ರಾಷ್ಟ್ರಪತಿಗಳನ್ನು ನಿರ್ಲಕ್ಷಿಸುವ ಪುರೋಹಿತರನ್ನು ಸ್ಥಾಪಿಸಿ ಹೊಸ ರಾಷ್ಟ್ರೀಯ ಸಂಸತ್ತಿನ ಕಟ್ಟಡವನ್ನು ಉದ್ಘಾಟಿಸಲಿಲ್ಲವೇ?  ರಾಜದಂಡ ಮತ್ತು ಕಿರೀಟದೊಂದಿಗೆ ತೆರೆಯಲಾದ ಈ ಸಮಾರಂಭದ ಸಭಾಂಗಣದಲ್ಲಿ ನೀವು ಪ್ರಜಾಸತ್ತಾತ್ಮಕ ಚರ್ಚೆಗೆ ಸಿದ್ಧರಿದ್ದೀರಾ? ಯಾವುದಾದರೂ ವಿಚಾರದಲ್ಲಿ ಪ್ರಧಾನಿಯವರು ಪ್ರತಿನಿಧಿ ಸಭೆಯನ್ನು ವಿಶ್ವಾಸಕ್ಕೆ ತೆಗೆದುಕೊಂಡಿದ್ದಾರೆಯೇ? ದೇಶದ ಮೇಲೆ ಪರಿಣಾಮ ಬೀರುವ ಕಾನೂನುಗಳನ್ನು ಚರ್ಚಿಸಲು ಅನುಮತಿಸುವುದಿಲ್ಲ. ಚರ್ಚೆಯಿಲ್ಲದೆ, ಚರ್ಚೆ ಇಲ್ಲದೆ, ಬಿಸಿ ರೊಟ್ಟಿಯನ್ನು ಬೇಯಿಸಿದಂತೆ ಬಹುಸಂಖ್ಯಾತರ ಮೇಲೆ ಪರಿಣಾಮ ಬೀರುವ ಕೃಷಿ ಕಾಯ್ದೆಯನ್ನು ಅವರು ಅಂಗೀಕರಿಸಿದರು. ಅವರ ಪ್ರಜಾಸತ್ತಾತ್ಮಕ ಮನೋಭಾವ ಮತ್ತು ಪ್ರಜಾಪ್ರಭುತ್ವ ವಿರೋಧಿ ನೀತಿಗಳನ್ನು ಪ್ರತಿಯೊಬ್ಬರೂ ನೆನಪಿಸಿಕೊಳ್ಳಬೇಕು.

ಭಾರತ ಬಿಟ್ಟು ಹೋಗುವ ಜನರು ;

ಪೌರತ್ವ ಈಗ ಚರ್ಚೆಯ ಪ್ರಮುಖ ವಿಷಯವಾಗಿದೆ. ಮುಸ್ಲಿಮರನ್ನು ಗುರಿಯಾಗಿಸುವುದು ಸಮಸ್ಯಾತ್ಮಕವಾಗಿದೆ. ಪೌರತ್ವ ತಿದ್ದುಪಡಿ ಕಾಯ್ದೆ (ಸಿಎಎ) ಜಾರಿಗೆ ಬಂದಿದೆ. ಇಲ್ಲಿ ಧರ್ಮದ ಹೆಸರಿನಲ್ಲಿ ಪೌರತ್ವ ಜಾರಿಯಾಗಿದೆ. ಪೌರತ್ವ ವಿಚಾರಕ್ಕೆ ಬಂದರೆ ಮೋದಿ ಮತ್ತು ಬಿಜೆಪಿಗೆ ಉತ್ತರಿಸಲು ದೊಡ್ಡ ಸಮಸ್ಯೆ ಇದೆ. ಪ್ರತಿ ವರ್ಷ, ನಮ್ಮ ದೇಶದ ಜನರು ತಮ್ಮ ಭಾರತದ ಪೌರತ್ವವನ್ನು ಬಿಟ್ಟು ಬೇರೆ ದೇಶಗಳಿಗೆ ವಲಸೆ ಹೋಗುತ್ತಾರೆ. 2015 ರ ಹೊತ್ತಿಗೆ, 1.31 ಲಕ್ಷ ಜನರು ತಮ್ಮ ಪೌರತ್ವವನ್ನು ತ್ಯಜಿಸಿ ಭಾರತವನ್ನು ತೊರೆದಿದ್ದಾರೆ. ಮೋದಿ ಅಧಿಕಾರಕ್ಕೆ ಬಂದು 10 ವರ್ಷಗಳ ನಂತರ ಪೌರತ್ವ ತ್ಯಜಿಸಿ ದೇಶ ತೊರೆದವರ ಸಂಖ್ಯೆ 2.25 ಲಕ್ಷ ತಲುಪಿದೆ. ದೇಶವನ್ನು ಕತ್ತಲಲ್ಲಿ ಮುಳುಗಿಸುವ ಮೋದಿ ಆಡಳಿತದ ಭಯಾನಕ ವಾತಾವರಣದಲ್ಲಿ, ಈ ನಿರಂತರವಾಗಿ ಹೆಚ್ಚುತ್ತಿರುವ ಭಾರತೀಯ ನಾಗರಿಕರ ವಲಸೆಯನ್ನು ನಿರ್ಣಯಿಸಬೇಕಾಗಿದೆ.

ರಾಜ್ಯಗಳು ವಸಾಹತುಗಳಲ್ಲ ;

ರಾಜ್ಯಗಳನ್ನು ಆರ್ಥಿಕವಾಗಿ ಮತ್ತು ಆಡಳಿತಾತ್ಮಕವಾಗಿ ಅಭದ್ರಗೊಳಿಸುವುದು ಮತ್ತು ಬಲವಂತವಾಗಿ ದುರ್ಬಲಗೊಳಿಸುವುದು ಬಿಜೆಪಿ ಆಡಳಿತವಾಗಿದೆ. ಎಲ್ಲಾ ಹಣಕಾಸಿನ ಪ್ರಯೋಜನಗಳು ಮತ್ತು ಹಣವನ್ನು ಕೇಂದ್ರ ಸರ್ಕಾರವು ಸಂಗ್ರಹಿಸುತ್ತದೆ. ರಾಜ್ಯಗಳ ಮೇಲೆ ಷರತ್ತುಗಳನ್ನು ವಿಧಿಸುತ್ತದೆ. ನೀತಿ ಆಯೋಗದ ಸಭೆಯಲ್ಲಿ, ರಾಜ್ಯದ ಪಾಲನ್ನು ಇನ್ನೂ ಹತ್ತು ಪ್ರತಿಶತದಷ್ಟು (ಶೇ 42 ರಿಂದ 32 ಕ್ಕೆ) ಕಡಿಮೆ ಮಾಡುವಂತೆ ಪ್ರಧಾನಿ ಕೇಳಿದರು. ಅವರು ಕೇರಳ, ತಮಿಳುನಾಡು ಮತ್ತು ಕರ್ನಾಟಕವನ್ನು ಕಡೆಗಣಿಸುತ್ತಾರೆ. ಅದೇ ಸಮಯದಲ್ಲಿ, ಕೆಲವು ರಾಜ್ಯಗಳು ಅರ್ಹತೆಗಿಂತ ಹೆಚ್ಚಿನ ಹಣವನ್ನು ಪಡೆಯುತ್ತವೆ. ಮೋದಿ ಅವಳಿ ಯಂತ್ರ ನೀತಿಯನ್ನು ಮುಂದುವರೆಸಿದ್ದಾರೆ. ನೀವು ನಮ್ಮ ವಿರುದ್ಧ ಇದ್ದರೆ, ನೀವು ನೀತಿಯನ್ನು ವಿರೋಧಿಸಿದರೆ, ಹಣದ ಹಂಚಿಕೆಯನ್ನು ಕಡಿಮೆ ಮಾಡುವ ಮೂಲಕ ಆರ್ಥಿಕ ದಮನವನ್ನು ಮಾಡಲಾಗುತ್ತದೆ. ಈ ತತ್ವವು ನಮ್ಮ ದೇಶದ ಮೂಲಭೂತ ಪ್ರಜಾಸತ್ತಾತ್ಮಕ ಪರಿಕಲ್ಪನೆಯನ್ನು ಒಳಗೊಂಡಿದೆ.  ಕೇರಳದಲ್ಲಿ ಅನೇಕ ಕಲ್ಯಾಣ ಯೋಜನೆಗಳಿವೆ. ವಿವಿಧ ವರ್ಗದ ಜನರಿಗೆ ಪಿಂಚಣಿ ನೀಡುವುದರಿಂದ ಕೇರಳ ಪಿಂಚಣಿದಾರರ ರಾಜ್ಯ ಎಂಬ ಆರೋಪವಿದೆ. ಆದಾಗ್ಯೂ, ಇಂತಹ ಸಮಾಜ ಕಲ್ಯಾಣ ಕಾರ್ಯಕ್ರಮಗಳು ಸುಸಂಸ್ಕೃತ ಮತ್ತು ಪ್ರಗತಿಪರ ಸರ್ಕಾರ ಮತ್ತು ನೀತಿಯನ್ನು ಪ್ರತಿಬಿಂಬಿಸುತ್ತವೆ. ಇಂತಹ ಕಾರ್ಯಕ್ರಮಗಳ ಮೂಲಕ ಪ್ರಜಾಸತ್ತಾತ್ಮಕ -ಸಾಮಾಜಿಕ ಪರಿಸರದ ಆರೋಗ್ಯಕರ ಬೆಳವಣಿಗೆಯನ್ನು ಕಾರ್ಯಗತಗೊಳಿಸಲಾಗುತ್ತದೆ. ಆದ್ದರಿಂದ ಈ ಕಲ್ಯಾಣ ಯೋಜನೆಗಳು ಬೆಳವಣಿಗೆ ಮತ್ತು ಅಭಿವೃದ್ಧಿಗಾಗಿ ಉದ್ದೇಶಿಸಲಾಗಿದೆ. ಅವರು ಅಭಿವೃದ್ಧಿ ವಿರೋಧಿಗಳಲ್ಲ.

ಕೇರಳವೇ ಮಾದರಿ, ಗುಜರಾತ್ ಅಲ್ಲ ;

ಗುಜರಾತ್ ಅಭಿವೃದ್ಧಿಯಲ್ಲಿ ಮಿಂಚುತ್ತದೆ ಎಂಬುದು ಸುಳ್ಳು. ಮೋದಿ ಮಾಧ್ಯಮಗಳ ಬಣ್ಣದ ಬಲೂನ್ ಒಡೆದಿದೆ. ಕೇರಳ ಹಾಗಲ್ಲ. ಸತ್ಯವೆಂದರೆ ಗುಜರಾತ್ ಅನ್ನು ಕೇರಳದೊಂದಿಗೆ ಸಾಮಾಜಿಕವಾಗಿ ಮತ್ತು ಸಾಂಸ್ಕೃತಿಕವಾಗಿ ಹೋಲಿಸಲು ಸಾಧ್ಯವಿಲ್ಲ. ದ್ವೇಷವೇ ಗುಜರಾತ್‌ನ ಪ್ರತಿರೂಪ. ಮಾನವೀಯತೆಯೇ ಕೇರಳದ ಘೋಷಣೆ. ಕೇರಳ ಮಾನವ ಕಲ್ಯಾಣವನ್ನು ಕಲಿಸುತ್ತದೆ. ಕೇರಳವನ್ನು ‘ದೇವರ ನಾಡು’ ಎಂದು ಕರೆಯಲಾಗುತ್ತದೆ. ಆದಾಗ್ಯೂ, ಕೇರಳವು ಜನರ ರಾಷ್ಟ್ರ ಎಂದು ನಾನು ಹೇಳಲು ಬಯಸುತ್ತೇನೆ. ಭಾರತ ಈಗ ನಿರ್ಣಾಯಕ ಘಟ್ಟದಲ್ಲಿದೆ. ಸಂಘಪರಿವಾರದ ಬೆದರಿಕೆ ಮತ್ತು ಸರ್ವಾಧಿಕಾರಕ್ಕೆ ಹಿಂದೂ ಧರ್ಮ ಶರಣಾಗಬೇಕೇ ಎಂಬುದು ಇಂದಿನ ಪ್ರಶ್ನೆಯಾಗಿದೆ. ಇವರಿಗೆ ನಾವು ಬಾಗಿದರೆ ನಮ್ಮ ದೇಶವೇ ಬಾಗಿದಂತಾಗುತ್ತದೆ. ಮೋದಿ-ಅಮಿತ್ ಷಾ-ಬಿಜೆಪಿ-ಆರ್ ಎಸ್ ಎಸ್ ಮೈತ್ರಿಯೊಂದಿಗೆ ರಾಜಿ ಮಾಡಿಕೊಂಡು, ಚೌಕಾಸಿ ಮಾಡಿ, ಸಣ್ಣಪುಟ್ಟ ಸ್ಥಾನ ಗಿಟ್ಟಿಸಿಕೊಳ್ಳುವವರು ದೇಶದ ಸ್ಥಿತಿಯನ್ನು ಅಧೋಗತಿಗೆ ತಳ್ಳುತ್ತಿದ್ದಾರೆ.

ಇದನ್ನು ನೋಡಿ : ಜನತಂತ್ರ, ಸಂವಿಧಾನಕ್ಕೆ ಗಂಡಾಂತರ : ಸಂರಕ್ಷಣೆ ಈ ದೇಶದ ಜನರ ಹೊಣೆJanashakthi Media