ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದಲ್ಲಿ ಜನಗಣತಿ-2027 ಕಾರ್ಯಾಚರಣೆ ಹಿನ್ನೆಲೆಯಲ್ಲಿ ಸರ್ಕಾರ ನೌಕರರಿಗೆ ಕಠಿಣ ಎಚ್ಚರಿಕೆ ನೀಡಿದ್ದು, ಕರ್ತವ್ಯ ನಿರ್ಲಕ್ಷ್ಯಕ್ಕೆ ಮೂರು ವರ್ಷಗಳವರೆಗೆ ಜೈಲು ಶಿಕ್ಷೆ ವಿಧಿಸಬಹುದೆಂದು ತಿಳಿಸಿದೆ.
ಜೂನ್ 1ರಿಂದ ಪ್ರಾರಂಭವಾದ ಹೌಸ್ ಲಿಸ್ಟಿಂಗ್ ಕಾರ್ಯ ಜೂನ್ 30ರವರೆಗೆ ನಡೆಯಲಿದ್ದು, ಜನಗಣತಿ ಸಿಬ್ಬಂದಿಗೆ ನೀಡಿರುವ ಕರ್ತವ್ಯಗಳು ಕಾನೂನುಬದ್ಧವಾಗಿವೆ. ಜನಗಣತಿ ಕಾಯ್ದೆ 1948ರ ಸೆಕ್ಷನ್ 11 ಅನ್ವಯ ಕರ್ತವ್ಯ ನಿರಾಕರಣೆ ಅಥವಾ ನಿರ್ಲಕ್ಷ್ಯ ತೋರಿದ ಎನ್ಯೂಮರೇಟರ್ ಹಾಗೂ ಮೇಲ್ವಿಚಾರಕರಿಗೆ ಜೈಲು ಶಿಕ್ಷೆ ಹಾಗೂ ₹1,000ರವರೆಗೆ ದಂಡ ವಿಧಿಸುವ ಸಾಧ್ಯತೆ ಇದೆ ಎಂದು ಸರ್ಕಾರದ ಸರ್ಕ್ಯುಲರ್ ತಿಳಿಸಿದೆ.
ಇದರ ನಡುವೆಯೇ, ಶ್ರೀನಗರದ ಪೋಲೊ ಗ್ರೌಂಡ್ ಪಾರ್ಕ್ನಲ್ಲಿ ತ್ಯಾಜ್ಯ ಮತ್ತು ಬಳಕೆಯಿಲ್ಲದ ವಸ್ತುಗಳನ್ನು ಬಳಸಿಕೊಂಡು ಪರಿಸರ ಸ್ನೇಹಿ ಥೀಮ್ ತೋಟವನ್ನು ಅಭಿವೃದ್ಧಿಪಡಿಸಲಾಗಿದೆ. ಪೂಷ್ಪಕೃಷಿ ಇಲಾಖೆಯ ಈ ಉಪಕ್ರಮವು ತ್ಯಾಜ್ಯ ವಸ್ತುಗಳನ್ನು ಆಕರ್ಷಕ ವಿನ್ಯಾಸಗಳಾಗಿ ರೂಪಿಸುವ ಮೂಲಕ ಉದ್ಯಾನದ ಸೌಂದರ್ಯವನ್ನು ಹೆಚ್ಚಿಸುವ ಉದ್ದೇಶ ಹೊಂದಿದೆ.
ಇದನ್ನೂ ಓದಿ: ಪೊಲೀಸ್ ಕಾನ್ಸ್ಟೇಬಲ್ ನೇಮಕಾತಿ: 3,395 ಹುದ್ದೆಗಳಿಗೆ ಅರ್ಜಿ ಆಹ್ವಾನ
ಕಾಶ್ಮೀರ ಪೂಷ್ಪಕೃಷಿ ನಿರ್ದೇಶಕಿ ಮಥೂರಾ ಮಸೂಮ್ ಅವರ ಪ್ರಕಾರ, ಸರ್ಕಾರಿ ಕಚೇರಿಗಳು ಹಾಗೂ ತೋಟಗಳಲ್ಲಿ ಬಳಕೆಯಾಗದೇ ಬಿದ್ದಿದ್ದ ಹಳೆಯ ವಸ್ತುಗಳಿಗೆ ಹೊಸ ಜೀವ ನೀಡುವ ಉದ್ದೇಶದಿಂದ ಈ ಯೋಜನೆ ರೂಪಿಸಲಾಗಿದೆ. ತ್ಯಾಜ್ಯ ವಸ್ತುಗಳನ್ನು ಸೃಜನಾತ್ಮಕವಾಗಿ ಬಳಸಿ ಅಲಂಕಾರಿಕ ನಿರ್ಮಿತಿಗಳು ಮತ್ತು ಕುಂಡಿಗಳನ್ನು ಸಿದ್ಧಪಡಿಸಲಾಗಿದೆ.
ಇನ್ನೊಂದೆಡೆ, ಜಮ್ಮು ಮತ್ತು ಕಾಶ್ಮೀರದಲ್ಲಿ ಒಟ್ಟು ಜನನ ಪ್ರಮಾಣ (TFR) ಹಲವು ವರ್ಷಗಳ ಕುಸಿತದ ಬಳಿಕ ಏರಿಕೆಯಾಗಿದೆ. ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ-6 (NFHS-6) 2023–24 ವರದಿ ಪ್ರಕಾರ, ಮಹಿಳೆಗೆ ಸರಾಸರಿ ಮಕ್ಕಳ ಸಂಖ್ಯೆ 1.4ರಿಂದ 1.8ಕ್ಕೆ ಏರಿಕೆಯಾಗಿದೆ.
ಕಳೆದ ದಶಕದಲ್ಲಿ ಕುಸಿತ ಕಂಡಿದ್ದ ಈ ಪ್ರಮಾಣ ಇದೀಗ ಏರಿಕೆಗೆ ತಿರುಗಿದ್ದು, ಜನಸಂಖ್ಯಾ ವೃದ್ಧಿಯಲ್ಲಿ ಹೊಸ ಬದಲಾವಣೆಗೆ ಕಾರಣವಾಗಿದೆ. ಜಮ್ಮು-ಕಾಶ್ಮೀರ ಆರ್ಥಿಕ ಸಮೀಕ್ಷೆ 2024–25 ಪ್ರಕಾರ, NFHS-4 (2015–16)ರಲ್ಲಿ 1.6 ಇದ್ದ TFR, NFHS-5 (2019–21)ರಲ್ಲಿ 1.4ಕ್ಕೆ ಇಳಿಕೆಯಾಗಿತ್ತು.
ಇದನ್ನೂ ನೋಡಿ: ಪರೀಕ್ಷಾ ಅಕ್ರಮಗಳಿಗೆ ಇನ್ನು ಸಾಕು! ಧರ್ಮೇಂದ್ರ ಪ್ರಧಾನ ರಾಜೀನಾಮೆಗೆ ವ್ಯಾಪಕ ಒತ್ತಾಯ Janashakthi Media
