ನವದೆಹಲಿ: ಪರೀಕ್ಷೆಯ ತಾತ್ಕಾಲಿಕ ಉತ್ತರ ಕೀಲಿಯಲ್ಲಿನ ತಪ್ಪುಗಳನ್ನು ಪ್ರಶ್ನಿಸಲು ವಿಧಿಸಲಾಗುತ್ತಿರುವ ಶುಲ್ಕ ದುಬಾರಿಯಾಗಿದೆ ಎಂಬ ಆರೋಪವನ್ನು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (ಎನ್ಟಿಎ) ತಳ್ಳಿಹಾಕಿದೆ. ಉತ್ತರ ಕೀ ಪ್ರಶ್ನಿಸುವ ವ್ಯವಸ್ಥೆಯನ್ನು ಎಲ್ಲ ಅಭ್ಯರ್ಥಿಗಳಿಗೂ ನ್ಯಾಯಸಮ್ಮತವಾಗುವಂತೆ ರೂಪಿಸಲಾಗಿದೆ ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ. ಉತ್ತರ
ಉತ್ತರ ಕೀಲಿಯಲ್ಲಿ ತಪ್ಪು ಕಂಡುಬಂದರೆ ಅಭ್ಯರ್ಥಿಗಳು ಆನ್ಲೈನ್ ಮೂಲಕ ಆಕ್ಷೇಪಣೆ ಸಲ್ಲಿಸಬಹುದು. ಪ್ರತಿ ಪ್ರಶ್ನೆಗೆ ₹200 ಶುಲ್ಕ ನಿಗದಿಪಡಿಸಲಾಗಿದ್ದು, ಅಭ್ಯರ್ಥಿಯ ಆಕ್ಷೇಪಣೆ ಸರಿಯೆಂದು ತಜ್ಞರು ಒಪ್ಪಿಕೊಂಡರೆ ಆ ಶುಲ್ಕವನ್ನು ಮರುಪಾವತಿಸಲಾಗುತ್ತದೆ ಎಂದು ಎನ್ಟಿಎ ತಿಳಿಸಿದೆ.
“ಶುಲ್ಕದ ಉದ್ದೇಶ ಲಾಭ ಗಳಿಸುವುದಲ್ಲ. ಆಧಾರರಹಿತ ಹಾಗೂ ಅನಗತ್ಯ ಆಕ್ಷೇಪಣೆಗಳನ್ನು ತಡೆಯುವುದಕ್ಕಾಗಿ ಶುಲ್ಕ ವಿಧಿಸಲಾಗುತ್ತದೆ” ಎಂದು ಎನ್ಟಿಎ ಹೇಳಿದೆ.
ಇದನ್ನೂ ಓದಿ : ಜುಲೈ 20ರ ದೆಹಲಿ ಪ್ರತಿಭಟನೆ | ಪೊಲೀಸರ ಬಲಪ್ರಯೋಗಕ್ಕೆ ಸುಪ್ರೀಂ ಕೋರ್ಟ್ ತನಿಖೆ
ಒಬ್ಬ ಅಭ್ಯರ್ಥಿ ಸಲ್ಲಿಸುವ ಆಕ್ಷೇಪಣೆ ಸರಿಯೆಂದು ತಜ್ಞರು ದೃಢಪಡಿಸಿದರೆ, ಪರಿಷ್ಕೃತ ಉತ್ತರ ಕೀ ಆ ಪರೀಕ್ಷೆ ಬರೆದ ಎಲ್ಲ ಅಭ್ಯರ್ಥಿಗಳಿಗೂ ಅನ್ವಯಿಸುತ್ತದೆ. ಹೀಗಾಗಿ ಒಬ್ಬರು ಸಲ್ಲಿಸಿದ ಸರಿಯಾದ ಆಕ್ಷೇಪಣೆಯಿಂದ ಲಕ್ಷಾಂತರ ಅಭ್ಯರ್ಥಿಗಳಿಗೆ ಪ್ರಯೋಜನವಾಗಬಹುದು ಎಂದು ಸಂಸ್ಥೆ ವಿವರಿಸಿದೆ.
ಇತ್ತೀಚೆಗೆ ಎನ್ಟಿಎ ನಡೆಸುತ್ತಿರುವ ಪರೀಕ್ಷೆಗಳ ಕುರಿತು ಹಲವು ವಿವಾದಗಳು ಹಾಗೂ ಆಕ್ಷೇಪಣೆಗಳು ವ್ಯಕ್ತವಾಗಿರುವ ಹಿನ್ನೆಲೆಯಲ್ಲಿ ಸಂಸ್ಥೆಯ ಈ ಸ್ಪಷ್ಟನೆ ಮಹತ್ವ ಪಡೆದಿದೆ. ನೀಟ್-ಯುಜಿ ಪ್ರಶ್ನೆಪತ್ರಿಕೆ ಸೋರಿಕೆ ಸೇರಿದಂತೆ ವಿವಿಧ ಪರೀಕ್ಷೆಗಳಲ್ಲಿನ ದೋಷಗಳ ವಿಚಾರವಾಗಿ ಎನ್ಟಿಎ ಈ ಹಿಂದೆ ಟೀಕೆಗೆ ಗುರಿಯಾಗಿತ್ತು.
ಇದೇ ವೇಳೆ, ಯುಜಿಸಿ-ನೆಟ್ ಜೂನ್ 2026ರ 84 ವಿಷಯಗಳ ತಾತ್ಕಾಲಿಕ ಉತ್ತರ ಕೀಲಿಯನ್ನು ಎನ್ಟಿಎ ಆಗಸ್ಟ್ 16ರಂದು ಬಿಡುಗಡೆ ಮಾಡಿತ್ತು. ಉತ್ತರ ಕೀ ಪ್ರಶ್ನಿಸಲು ಪ್ರತಿ ಪ್ರಶ್ನೆಗೆ ₹200 ಶುಲ್ಕ ನಿಗದಿಪಡಿಸಲಾಗಿತ್ತು.
ಒಬ್ಬ ವಿದ್ಯಾರ್ಥಿಯ ಆಕ್ಷೇಪಣೆ ಸರಿಯಾಗಿದ್ದರೆ ಎಲ್ಲರಿಗೂ ಫಲಿತಾಂಶ ಬದಲಾಗುತ್ತದೆ ಎಂಬುದು ಎನ್ಟಿಎಯ ವಾದ. ಆದರೆ ಆಕ್ಷೇಪಣೆ ಸಲ್ಲಿಸಲು ವಿಧಿಸುವ ಶುಲ್ಕ ನಿಜವಾಗಿಯೂ ವಿದ್ಯಾರ್ಥಿಗಳಿಗೆ ಹೊರೆಯಾಗುತ್ತದೆಯೇ ಎಂಬ ಚರ್ಚೆ ಮಾತ್ರ ಮುಂದುವರಿದಿದೆ.
ಇದನ್ನ ನೋಡಿ : ಹಳೇ ಕ್ಯಾಮರಾ ಹೇಗಿತ್ತು ನೋಡಿ! ಆಗಿನ ತಂತ್ರಜ್ಞಾನ ಕಂಡರೆ ಅಚ್ಚರಿಯಾಗುತ್ತೆ! Janashakthi Media
