ಬೆಂಗಳೂರು: ವಿದೇಶಗಳಲ್ಲಿ ವಾಸಿಸುವ ಕನ್ನಡಿಗರ ಕಲ್ಯಾಣ, ಉದ್ಯೋಗ, ಹೂಡಿಕೆ, ಕಾನೂನು ನೆರವು, ವಿದ್ಯಾರ್ಥಿ ಬೆಂಬಲ ಹಾಗೂ ತುರ್ತು ಸೇವೆಗಳ ಸಮಸ್ಯೆಗಳನ್ನು ಪರಿಹರಿಸಲು ಕರ್ನಾಟಕ ಸರ್ಕಾರವು ಪ್ರತ್ಯೇಕ “NRI ಕರ್ನಾಟಕ ವ್ಯವಹಾರಗಳ ಸಚಿವಾಲಯ” ಸ್ಥಾಪಿಸಬೇಕು ಎಂದು ನಾನ್-ರೆಸಿಡೆಂಟ್ ಕನ್ನಡಿಗರು (NRKs) ಆಗ್ರಹಿಸಿದ್ದಾರೆ. ವಿದೇಶಿ
ಈ ಹಿನ್ನೆಲೆಯಲ್ಲಿ, ಗ್ಲೋಬಲ್ ನಾನ್-ರೆಸಿಡೆಂಟ್ ಕನ್ನಡಿಗರ 30 ಸದಸ್ಯರ ನಿಯೋಗವು ಉದ್ಯಮಿ ಹಾಗೂ ದಾನಶೀಲ ಡಾ. ರೊನಾಲ್ಡ್ ಕೊಲಾಕೊ ಅವರ ನೇತೃತ್ವದಲ್ಲಿ ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ್ ಅವರನ್ನು ಭೇಟಿ ಮಾಡಿ ಮನವಿ ಸಲ್ಲಿಸಿದೆ.
ಇದನ್ನೂ ಓದಿ: ಟಾಟಾ ಪವರ್ಗೆ ವಿದ್ಯುತ್ ವಿತರಣಾ ಹಕ್ಕು ಬೇಡ – ಸಿಪಿಐ(ಎಂ) ರಾಜ್ಯ ಸಮಾವೇಶ ನಿರ್ಣಯ
ಅವರು ಮಾಧ್ಯಮಗಳಿಗೆ ಮಾತನಾಡುತ್ತಾ, ಜಗತ್ತಿನ 100ಕ್ಕೂ ಹೆಚ್ಚು ದೇಶಗಳಲ್ಲಿ ಸುಮಾರು 18 ಲಕ್ಷಕ್ಕೂ ಹೆಚ್ಚು ಕನ್ನಡಿಗರು ವಾಸಿಸುತ್ತಿದ್ದಾರೆ ಎಂದು ತಿಳಿಸಿದ್ದಾರೆ. ಕೇರಳ, ತಮಿಳುನಾಡು, ಗುಜರಾತ್, ಆಂಧ್ರಪ್ರದೇಶ, ತೆಲಂಗಾಣ, ಉತ್ತರ ಪ್ರದೇಶ ಹಾಗೂ ಪಂಜಾಬ್ ಸೇರಿದಂತೆ ಹಲವು ರಾಜ್ಯಗಳು ಈಗಾಗಲೇ ಪ್ರತ್ಯೇಕ NRI ಸಚಿವಾಲಯ ಹೊಂದಿವೆ, ಆದರೆ ಕರ್ನಾಟಕದಲ್ಲಿ ಅದೇ ವ್ಯವಸ್ಥೆ ಇಲ್ಲ ಎಂದು ಅವರು ಹೇಳಿದ್ದಾರೆ.
“ಕರ್ನಾಟಕ ವೇಗವಾಗಿ ಅಭಿವೃದ್ಧಿ ಹೊಂದಬೇಕಾದರೆ ಎಲ್ಲಾ ಸಂಪನ್ಮೂಲಗಳನ್ನು ಬಳಸಿಕೊಳ್ಳಬೇಕು. ಹೂಡಿಕೆದಾರರು 25ಕ್ಕೂ ಹೆಚ್ಚು ಇಲಾಖೆಗಳ ನಡುವೆ ಓಡಾಡುವ ಬದಲು, ಒಂದೇ NRI ಸಚಿವಾಲಯದ ಮೂಲಕ ಸಿಂಗಲ್-ವಿಂಡೋ ಕ್ಲಿಯರೆನ್ಸ್ ಸಿಗಬೇಕು. ಇದರಿಂದ ಹೂಡಿಕೆ ಹೆಚ್ಚಾಗುತ್ತದೆ,” ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ವಿದೇಶಿ ಕನ್ನಡಿಗರ ಸಮಸ್ಯೆಗಳಿಗೆ ತ್ವರಿತ ಪರಿಹಾರ ನೀಡಲು ಪ್ರತ್ಯೇಕ ಸಚಿವಾಲಯ, ಸೆಕ್ರೆಟರಿಯೇಟ್ ಹಾಗೂ ಡೈರೆಕ್ಟರೇಟ್ ಅಗತ್ಯವಿದೆ ಎಂಬುದಾಗಿ ನಿಯೋಗ ಒತ್ತಾಯಿಸಿದೆ.
ಇದನ್ನೂ ನೋಡಿ: BLO ಕೆಲಸದ ಒತ್ತಡಕ್ಕೆ ಬೇಸತ್ತ ಅಂಗನವಾಡಿ ನೌಕರರು! ಫ್ರೀಡಂ ಪಾರ್ಕ್ನಲ್ಲಿ ಬೃಹತ್ ಪ್ರತಿಭಟನೆ Janashakthi Media
