ಪ್ರಪಂಚದಾದ್ಯಂತ ತನ್ನ ಪ್ರಾಬಲ್ಯವನ್ನು ಸ್ಥಾಪಿಸಲು ಅಮೆರಿಕದ ಸಾಮ್ರಾಜ್ಯಶಾಹಿ ತನ್ನ ಆಕ್ರಮಣವನ್ನು ಉಲ್ಬಣಗೊಳಿಸುತ್ತಿರುವ ಈ ಸಂದರ್ಭದಲ್ಲಿ, ಈ ಸಾಮ್ರಾಜ್ಯಶಾಹಿ ದಾಳಿಗಳಿಗೆ ಜನರ ಪ್ರತಿರೋಧವು ಸಹಾ ಹೆಚ್ಚುತ್ತಿವೆ, ಇಂತಹ ಸಂಧರ್ಭದಲ್ಲಿ ಈ ವರ್ಷದ ಕಾರ್ಮಿಕ ವರ್ಗವು ಮೇ ದಿನವನ್ನು ಆಚರಿಸಲು ಸಜ್ಜಾಗುತ್ತಿದೆ.
– ಡಾ. ಕೆ. ಹೇಮಲತಾ
– ಅನು: ನಾಗರಾಜ ನಂಜುಂಡಯ್ಯ
ಪ್ರಪಂಚದಾದ್ಯಂತ ತನ್ನ ಪ್ರಾಬಲ್ಯವನ್ನು ಸ್ಥಾಪಿಸಲು ಅಮೆರಿಕದ ಸಾಮ್ರಾಜ್ಯಶಾಹಿ ತನ್ನ ಆಕ್ರಮಣವನ್ನು ಉಲ್ಬಣಗೊಳಿಸುತ್ತಿರುವ ಈ ಸಂದರ್ಭದಲ್ಲಿ, ಈ ಸಾಮ್ರಾಜ್ಯಶಾಹಿ ದಾಳಿಗಳಿಗೆ ಜನರ ಪ್ರತಿರೋಧವು ಸಹಾ ಹೆಚ್ಚುತ್ತಿವೆ, ಇಂತಹ ಸಂಧರ್ಭದಲ್ಲಿ ಈ ವರ್ಷದ ಕಾರ್ಮಿಕ ವರ್ಗವು ಮೇ ದಿನವನ್ನು ಆಚರಿಸಲು ಸಜ್ಜಾಗುತ್ತಿದೆ.
ಟ್ರಂಪ್ ಅವರ ಅಧ್ಯಕ್ಷತೆಯ ಎರಡನೇ ಅವಧಿಯಲ್ಲಿ, ಅಂತರರಾಷ್ಟ್ರೀಯ ಕಾನೂನುಗಳು ಮತ್ತು ಸ್ಥಾಪಿತಗೊಂಡಿರುವ ನಿಯಮಗಳನ್ನು ನಿರ್ಲಕ್ಷಿಸಲಾಗುತ್ತಿದೆ. ಸಾಮ್ರಾಜ್ಯಶಾಹಿ ಅಮೆರಿಕ ತನ್ನ ಪ್ರಾದೇಶಿಕ ಮತ್ತು ಕಾರ್ಯತಂತ್ರದ ಪ್ರಭಾವವನ್ನು ವಿಸ್ತರಿಸಲು ಬೆತ್ತಲೆ ಪ್ರಯತ್ನಗಳನ್ನು ಮಿಲಿಟರಿ ಶಕ್ತಿಯ ಮೂಲಕ ಪ್ರದರ್ಶಿಸುತ್ತಿದೆ. ಅಗತ್ಯವಿದ್ದರೆ ಬಲಪ್ರಯೋಗ ಸೇರಿದಂತೆ ಗ್ರೀನ್ಲ್ಯಾಂಡ್ ಅನ್ನು ಸ್ವಾಧೀನ ಪಡಿಸಿಕೊಳ್ಳುವುದು, ಕೆನಡಾವನ್ನು ಅಮೆರಿಕದ 51 ನೇ ರಾಜ್ಯವಾಗಿ ಸ್ವಾಧೀನಪಡಿಸಿಕೊಳ್ಳುವುದು, ಚೀನಾದ ಒಳಗೊಳ್ಳುವಿಕೆಯಿಂದಾಗಿ ರಾಷ್ಟ್ರೀಯ ಭದ್ರತೆಯ ನೆಪದಲ್ಲಿ ಪನಾಮ ಕಾಲುವೆಯನ್ನು ನಿಯಂತ್ರಿಸುವುದು ಮತ್ತು ‘ಕ್ಯೂಬಾ ಮತ್ತು ಇರಾನ್ನಲ್ಲಿ ಆಡಳಿತ ಬದಲಾವಣೆಯನ್ನು ಮಾಡುವ’ ಬಗ್ಗೆಯೂ ಟ್ರಂಪ್ ಗಮನ ಹರಿಸಿದ್ದಾರೆ.
ಇದನ್ನೂ ಓದಿ: ಕುಡಿತಿನಿ ಭೂಹೋರಾಟ – ರೈತರ ಬಂಧನ: ಸಿಪಿಐ(ಎಂ) ಖಂಡನೆ; ರೈತರನ್ನು ಬಿಡುಗಡೆ ಮಾಡಲು ಆಗ್ರಹ
ಈ ವರ್ಷದ ಜನವರಿಯಲ್ಲಿ, ಸಾರ್ವಭೌಮ ರಾಷ್ಟ್ರವಾದ ವೆನೆಜುವೆಲಾದ ಚುನಾಯಿತ ಅಧ್ಯಕ್ಷ ಮಡುರೊ ಮತ್ತು ವೆನೆಜುವೆಲಾದ ಸಂಸತ್ತಿನ ಸದಸ್ಯರಾಗಿದ್ದ ಅವರ ಪತ್ನಿ ಸಿಲಿಯಾ ಫ್ಲೋರ್ಸ್ ಅವರನ್ನು ಅಮೆರಿಕ ಅಪಹರಿಸಿದೆ. ಮಾದಕವಸ್ತು ಕಳ್ಳಸಾಗಣೆ ಆರೋಪದ ಮೇಲೆ ಅವರನ್ನು ಅಮೆರಿಕದಲ್ಲಿ ಜೈಲಿಗೆ ಹಾಕಲಾಗಿದೆ. ಮಾರ್ಚ್’ ನಲ್ಲಿ ಟ್ರಂಪ್ ಸಮಾಜವಾದಿ ಕ್ಯೂಬಾವನ್ನು ‘ತೆಗೆದುಕೊಳ್ಳುವ’ ಗೌರವ ಕೂಡ ತನಗೆ ಸಿಗುತ್ತದೆ ಎಂದು ಕೊಚ್ಚಿಕೊಳ್ಳುತ್ತಿದ್ದರು.
ಟ್ರಂಪ್ ಅಧಿಕಾರಕ್ಕೆ ಬಂದ ನಂತರ, ‘ಇನ್ನು ಮುಂದೆ ಯುದ್ಧಗಳು ನಡೆಯುವುದಿಲ್ಲ’ ಎಂದು ಭರವಸೆ ನೀಡಿದ್ದರು. ಯುದ್ಧಗಳಿಗೆ ವ್ಯರ್ಥವಾಗುವ ಹಣವನ್ನು ಅಮೆರಿಕದಲ್ಲಿ ದುಡಿಯುವ ಜನರು ಎದುರಿಸುತ್ತಿರುವ ಸಮಸ್ಯೆಗಳನ್ನು ಪರಿಹರಿಸಲು ಬಳಸಲಾಗುವುದು ಎಂದು ಕಾರ್ಮಿಕರಿಗೆ ತಿಳಿಸಿದ್ದರು. ಆದರೆ ಅಧಿಕಾರಕ್ಕೆ ಬಂದ ನಂತರ, ಅವರು ಗಾಜಾ, ಪ್ಯಾಲೆಸ್ಟೈನ್ ಮೇಲೆ ಇಸ್ರೇಲ್ ನಡೆಸಿದ ಜನಾಂಗೀಯ ಹತ್ಯೆಯ ಯುದ್ಧವನ್ನು ಬೆಂಬಲಿಸುತ್ತಲೇ ಇದ್ದರು, ಇದರಲ್ಲಿ ಸಾವಿರಾರು ಮಹಿಳೆಯರು ಮತ್ತು ಮಕ್ಕಳು ಸೇರಿದಂತೆ 77,000 ಕ್ಕೂ ಹೆಚ್ಚು ಜನರು ಕೊಲ್ಲಲ್ಪಟ್ಟರು.
ಫೆಬ್ರವರಿ 27 ರವರೆಗೆ ಅಮೆರಿಕ ಮತ್ತು ಇರಾನ್ ನಡುವೆ ಪರಮಾಣು ಶಸ್ತ್ರಾಸ್ತ್ರಗಳ ಕುರಿತು ಮಾತುಕತೆಗಳು ನಡೆಯುತ್ತಿರುವಾಗ ಮತ್ತು ಪ್ರಗತಿಯನ್ನು ನಿರೀಕ್ಷಿಸಲಾಗಿತ್ತು, ಆದರೆ ಇಸ್ರೇಲ್ ಜೊತೆಗೆ ಅಮೆರಿಕ ಈ ವರ್ಷ ಫೆಬ್ರವರಿ 28 ರಂದು ಇರಾನ್ ಮೇಲೆ ಅನ್ಯಾಯ ಮತ್ತು ಕಾನೂನುಬಾಹಿರ ಯುದ್ಧವನ್ನು ಪ್ರಾರಂಭಿಸಿತು. ಯುದ್ಧದ ಮೊದಲ ದಿನದಂದು ಇರಾನ್ನ ಸರ್ವೋಚ್ಚ ನಾಯಕ ಅಯತೊಲ್ಲಾ ಅಲಿ ಖಮೇನಿ ಮತ್ತು ಇತರ ಉನ್ನತ ಅಧಿಕಾರಿಗಳು ಕೊಲ್ಲಲ್ಪಟ್ಟರು. ಇರಾನ್ನ ಮಿನಾಬ್ನಲ್ಲಿರುವ ಪ್ರಾಥಮಿಕ ಶಾಲೆಯ ಮೇಲೆ ಅಮೆರಿಕ ನಡೆಸಿದ ನಿಖರವಾದ ದಾಳಿಗಳು 165 ಶಾಲಾ ಮಕ್ಕಳನ್ನು ಕೊಂದವು. ಇರಾನ್ ತನ್ನ ಬೇಡಿಕೆಗಳಿಗೆ ಮಣಿದು ಶರಣಾಗದಿದ್ದರೆ ಒಂದೇ ರಾತ್ರಿಯಲ್ಲಿ ತನ್ನ ಇಡೀ ನಾಗರಿಕತೆಯನ್ನು ನಾಶಪಡಿಸುವುದಾಗಿ ಟ್ರಂಪ್ ಎಚ್ಚರಿಸಿದರು.
ಇರಾನ್ ಮತ್ತು ವೆನೆಜುವೆಲಾ’ದ ಮೇಲಿನ ದಾಳಿಗಳ ನಿಜವಾದ ಉದ್ದೇಶ ಮಾದಕವಸ್ತು ಕಳ್ಳಸಾಗಣೆ ನಿಯಂತ್ರಿಸುವುದಾಗಲಿ ಅಥವಾ ಪ್ರಜಾಪ್ರಭುತ್ವವನ್ನು ಸ್ಥಾಪಿಸುವುದಾಗಲಿ ಅಲ್ಲ. ‘ಆಡಳಿತ ಬದಲಾವಣೆ’ ಎಂಬ ಅಮೆರಿಕದ ಸಾಮ್ರಾಜ್ಯಶಾಹಿ ಘೋಷಣೆಯು ತನ್ನ ಸಾಮ್ರಾಜ್ಯಶಾಹಿ ಚಾಲನೆಯನ್ನು ಸುಗಮಗೊಳಿಸಲು ತನ್ನದೇ ಆದ ಕೈಗೊಂಬೆ ಆಡಳಿತವನ್ನು ಸ್ಥಾಪಿಸುವ ತಂತ್ರವಾಗಿದೆ.
ಅವರ ತೈಲ ಮತ್ತು ಅನಿಲ ಸಂಪನ್ಮೂಲಗಳು ಮತ್ತು ಜಾಗತಿಕ ವ್ಯಾಪಾರ ಮಾರ್ಗಗಳ ಮೇಲೆ ಹಿಡಿತ ಸಾಧಿಸುವುದು. ಬಂಡವಾಳಶಾಹಿಯ ತೀವ್ರ ಬಿಕ್ಕಟ್ಟನ್ನು ನಿವಾರಿಸಲು ಈ ಬೆತ್ತಲೆ ಆಕ್ರಮಣಗಳನ್ನು ಮಾಡಲಾಗುತ್ತಿದೆ. ಹೀಗಾಗಿ, ಬಂಡವಾಳಶಾಹಿಯ ಜಾಗತಿಕ ನಾಯಕ ಅಮೆರಿಕವು ಜಗತ್ತಿನಲ್ಲಿ ಕ್ಷೀಣಿಸುತ್ತಿರುವ ತನ್ನ ಶಕ್ತಿ ಮತ್ತು ಪ್ರಭಾವವನ್ನು ಮತ್ತೆ ಮೆರೆಸಲು, ಪ್ರಪಂಚದಾದ್ಯಂತ ತನ್ನ ಮಿಲಿಟರಿ ಕಾರ್ಯತಂತ್ರದ ಪ್ರದೇಶಗಳಲ್ಲಿ ವಸಾಹತುಶಾಹಿ ಮತ್ತು ಭೌಗೋಳಿಕ ರಾಜಕೀಯ ನಿಯಂತ್ರಣ ಹೊಂದಲು, ಮತ್ತೊಂದು ರೂಪಾಂತರದ ಮೂಲಕ ತನ್ನ ಪ್ರಾಬಲ್ಯವನ್ನು ಮರುಸ್ಥಾಪಿಸಲು ಇಂತಹ ಕಚ್ಚಾ ಮತ್ತು ಕ್ರೂರ ದಾಳಿಗಳನ್ನು ನಡೆಸುತ್ತಿದೆ.
ಜಾಗತಿಕ ಕರೆನ್ಸಿಯಾಗಿ ಡಾಲರ್ನ ಪ್ರಾಬಲ್ಯವನ್ನು ರಕ್ಷಿಸುವ ಮತ್ತು ಸಮಾಜವಾದಿ ಚೀನಾಕ್ಕೆ ತನ್ನ ಇಂಧನ ಪೂರೈಕೆಗಳನ್ನು ಕಡಿತಗೊಳಿಸುವ ಮೂಲಕ ಅದರ ಅಭಿವೃದ್ದಿಯನ್ನು ನಿಯಂತ್ರಿಸುವ ಪ್ರಯತ್ನಗಳ ಭಾಗವೂ ಇದಾಗಿದೆ. ಚೀನಾ ತನ್ನ ತೈಲ ಪೂರೈಕೆಗಾಗಿ ಹೆಚ್ಚಾಗಿ ವೆನೆಜುವೆಲಾ ಮತ್ತು ರಷ್ಯಾವನ್ನು ಅವಲಂಬಿಸಿದೆ. ಹೀಗಾಗಿ, ಚೀನಾ ಇರಾನ್ನ ತೈಲ ರಫ್ತಿನ ಶೇ 80 ಕ್ಕಿಂತ ಹೆಚ್ಚು ಭಾಗವನ್ನು ರಿಯಾಯಿತಿ ದರದಲ್ಲಿ ಖರೀದಿಸುತ್ತದೆ. ಇದನ್ನು ಚೀನಾದ ಕರೆನ್ಸಿಯಾದ ಯುವಾನ್’ ನಲ್ಲಿ ಸುಗಮ ಗೊಳಿಸಲಾಗುತ್ತದೆ ಎಂದು ವ್ಯಾಪಕವಾಗಿ ನಂಬಲಾಗಿದೆ.
ರಷ್ಯಾ, ವೆನೆಜುವೆಲಾ ಮತ್ತು ಇರಾನ್ನಂತಹ ಕೆಲವು ದೇಶಗಳು ಡಾಲರ್ ಅನ್ನು ಕೈಬಿಟ್ಟು, ಬೇರೆ ಕರೆನ್ಸಿಗಳಲ್ಲಿ ವ್ಯಾಪಾರ ಮಾಡಲು ಪ್ರಾರಂಭಿಸಿವೆ. ತೈಲ ಉತ್ಪಾದಿಸುವ ಕೆಲವು ದೇಶಗಳು ಡಾಲರ್ ಅನ್ನು ಬದಿಗಿಟ್ಟು ಬೇರೆ ಕರೆನ್ಸಿಗಳಿಗೆ ವೈವಿಧ್ಯಗೊಳಿಸಲು ನಿರ್ಧರಿಸಿವೆ. 2023 ರಲ್ಲಿ ತೈಲ ವ್ಯಾಪಾರದ ಐದನೇ ಒಂದು ಭಾಗವು ಡಾಲರ್ ಅಲ್ಲದ ಕರೆನ್ಸಿಗಳನ್ನು ಬಳಸಲಾಗಿದೆ ಎಂದು ವರದಿಯಾಗಿದೆ. (Oilprice.com). ಇವೆಲ್ಲವೂ ಯುಎಸ್ ಡಾಲರ್ನ ಪ್ರಾಬಲ್ಯಕ್ಕೆ ಅಪಾಯವನ್ನುಂಟು ಮಾಡುತ್ತವೆ. ಆದ ಕಾರಣ ಅಮೆರಿಕಾ ಇಂತಹ ಕೃತ್ಯಗಳನ್ನು ನಡೆಸುತ್ತದೆ ಎಂಬುದು ಜಗತ್ತಿಗೆ ಗೊತ್ತಿರುವ ಸಂಗತಿಯಾಗಿದೆ.
ದಾಳಿ ನಡೆಸುದರೆ, ಇರಾನ್ ಬಲಿಯಾಗುತ್ತದೆ ಮತ್ತು ಅದು ಆಡಳಿತ ಬದಲಾವಣೆಗೆ ಕಾರಣವಾಗಬಹುದು ಎಂದು ಅಮೆರಿಕ ನಿರೀಕ್ಷಿಸಿತ್ತು. ಆದರೆ ಪರಿಸ್ಥಿತಿ ಹಾಗಾಗಲಿಲ್ಲ, ಇರಾನ್ನ ಮಿಲಿಟರಿ ಶಕ್ತಿ ಅಮೆರಿಕ ಅಥವಾ ಇಸ್ರೇಲ್ಗೆ ಸಮನಾಗದಿದ್ದರೂ, ಸಾಮ್ರಾಜ್ಯಶಾಹಿ ಆಕ್ರಮಣವನ್ನು ಇರಾನ್ ವಿರೋಧಿಸಿತು ಮತ್ತು ಈ ಪ್ರದೇಶದಲ್ಲಿನ ಅಮೆರಿಕದ ನೆಲೆಗಳಿಗೆ ಭಾರೀ ಹಾನಿಯನ್ನುಂಟು ಮಾಡಿತು. ಆ ರಾತ್ರಿ ಇಡೀ ನಾಗರಿಕತೆಯನ್ನು ನಾಶಮಾಡುವ ಅಮೆರಿಕದ ಬೆದರಿಕೆಯನ್ನು ಧಿಕ್ಕರಿಸಿ ಇರಾನ್ನ ಜನರು ತನ್ನ ಪ್ರಮುಖ ಮೂಲಸೌಕರ್ಯಗಳ ಸುತ್ತಲೂ ಗಮನಾರ್ಹವಾದ ಮಾನವ ಸರಪಳಿಯನ್ನು ರಚಿಸಿದರು.
ಚೀನಾದ ಹಡಗುಗಳು ಮತ್ತು ಚೀನೀ ಯುವಾನ್’ ನಲ್ಲಿ ತೈಲವನ್ನು ಖರೀದಿಸುವ ಯಾವುದೇ ಇತರ ದೇಶದ ಹಡಗುಗಳು ತನ್ನ ನಿಯಂತ್ರಣದಲ್ಲಿರುವ ಹಾರ್ಮುಜ್ ಜಲಸಂಧಿಯ ಮೂಲಕ ಹಾದುಹೋಗಲು ಅವಕಾಶ ನೀಡುವುದಾಗಿ ಇರಾನ್ ಘೋಷಿಸಿತು. ಇದರಿಂದಾಗಿ ಅಮೆರಿಕವು ಕದನ ವಿರಾಮಕ್ಕೆ ಒಪ್ಪಿ ಮಾತುಕತೆಗೆ ಬರುವಂತೆ ಒತ್ತಾಯ ಹೇರಲಾಯಿತು. ಆದಾಗ್ಯೂ, ಇರಾನ್ ಮಾತುಕತೆಗಳಲ್ಲಿ ತನ್ನ ಹಿತಾಸಕ್ತಿಗಳನ್ನು ಬಿಟ್ಟುಕೊಡಲು ನಿರಾಕರಿಸಿತು.
ಯುದ್ಧವು ತೈಲ ಮತ್ತು ಅನಿಲದ ಸಾಗಣೆಯನ್ನು ಅಡ್ಡಿಪಡಿಸಿದೆ, ಇದರ ಪರಿಣಾಮವಾಗಿ ಪ್ರಪಂಚದಾದ್ಯಂತ ಅವುಗಳ ಕೊರತೆ ಮತ್ತು ಇಂಧನ ಬೆಲೆಗಳಲ್ಲಿ ಏರಿಕೆ ಕಂಡುಬಂದಿದೆ. ಇದು ಇಡೀ ವಿಶ್ವ ಆರ್ಥಿಕತೆಯ ಮೇಲೆ ಪರಿಣಾಮ ಬೀರುತ್ತಿದೆ ಆದರೆ ಇಂಧನ ಬೆಲೆ ಏರಿಕೆಯ ಹೊರೆಯನ್ನು ಎದುರಿಸುತ್ತಿರುವವರು ಬಡವರು ಮತ್ತು ಕಾರ್ಮಿಕರು. ಭಾರತದಲ್ಲಿ, ಸರ್ಕಾರವು ಗೃಹಬಳಕೆಯ ಮತ್ತು ವಾಣಿಜ್ಯ ಅಡುಗೆ ಅನಿಲದ ಬೆಲೆಯನ್ನು ಹೆಚ್ಚಿಸಿದೆ. ಹೆಚ್ಚಿನ ವಲಸೆ ಕಾರ್ಮಿಕರು ಗ್ಯಾಸ್ ಕಾರ್ಡ್ ಹೊಂದಿಲ್ಲ ಮತ್ತು ಕಪ್ಪು ಮಾರುಕಟ್ಟೆಯಲ್ಲಿ ಅಡುಗೆ ಅನಿಲವನ್ನು ಖರೀದಿಸುತ್ತಾರೆ.
ಕೆಲವು ಸ್ಥಳಗಳಲ್ಲಿ ಕಾಳಸಂತೆಯಲ್ಲಿ ಗ್ಯಾಸ್ ಸಿಲಿಂಡರ್ ಬೆಲೆ 10,000 ರೂ.ಗಳಿಗೆ ಏರಿದೆ. ಅನೇಕ ಧಾಬಾಗಳು ರಸ್ತೆ ಬದಿಯ ತಿನಿಸುಗಳನ್ನು ಮುಚ್ಚುವಂತೆ ಒತ್ತಾಯಿಸಲಾಗಿದೆ. ಅಡುಗೆ ಅನಿಲದ ಕೊರತೆಯಿಂದಾಗಿ ಹಾಸ್ಟೆಲ್ಗಳನ್ನು ಮುಚ್ಚಲಾಗಿದೆ ಮತ್ತು ಶಾಲಾ ಮಕ್ಕಳಿಗೆ ಮಧ್ಯಾಹ್ನದ ಊಟವನ್ನು ಸ್ಥಗಿತಗೊಳಿಸಲಾಗಿದೆ.
ಸಾವಿರಾರು ಸಣ್ಣ ಸಂಸ್ಥೆಗಳು ಕಾರ್ಯನಿರ್ವಹಿಸುವುದನ್ನು ನಿಲ್ಲಿಸಿವೆ. ಸೂರತ್ನ ಅರ್ಧದಷ್ಟು ಕಾರ್ಖಾನೆಗಳು ಅನಿಲ ಕೊರತೆಯಿಂದಾಗಿ ಕೆಲಸ ಮಾಡುವುದನ್ನು ನಿಲ್ಲಿಸಿವೆ. ಉಳಿದವುಗಳು ವಾರದಲ್ಲಿ ಕೇವಲ ಐದು ದಿನಗಳು ಮಾತ್ರ ಕೆಲಸ ಮಾಡುತ್ತಿವೆ ಎಂದು ದಕ್ಷಿಣ ಗುಜರಾತ್ ಜವಳಿ ಸಂಸ್ಕಾರಕರ ಸಂಘ ವರದಿ ಮಾಡಿದೆ. ಸುಮಾರು 5 ಮಿಲಿಯನ್ ದಿನಗೂಲಿ ಕಾರ್ಮಿಕರು ತಮ್ಮ ಉದ್ಯೋಗ ಕಳೆದುಕೊಂಡು ನಗರವನ್ನು ತೊರೆದಿದ್ದಾರೆ ಎಂದು ವರದಿಯಾಗಿದೆ. ಉತ್ತರ ಪ್ರದೇಶದ ಫಿರೋಜಾಬಾದ್’ ನಲ್ಲಿರುವ ಗಾಜಿನ ಉತ್ಪಾದನಾ ಉದ್ಯಮವು ಕಾರ್ಮಿಕರ ಸಂಖ್ಯೆಯನ್ನು ಅರ್ಧಕ್ಕಿಂತ ಹೆಚ್ಚು ಕಡಿತಗೊಳಿಸಿದೆ ಎಂದು ವರದಿಯಾಗಿದೆ. ಇಂಧನ ವೆಚ್ಚವನ್ನು ಪೂರೈಸಲು ಸಾಧ್ಯವಾಗದೆ, ಸಾವಿರಾರು ವಲಸೆ ಕಾರ್ಮಿಕರು ತಮ್ಮ ಹಳ್ಳಿಗಳಿಗೆ ಹಿಂತಿರುಗುತ್ತಿದ್ದಾರೆ. ಇದು ಕೋವಿಡ್ ಸಾಂಕ್ರಾಮಿಕ ಸಮಯದಲ್ಲಿ ಹಿಮ್ಮುಖ ವಲಸೆಯನ್ನು ನೆನಪಿಸುತ್ತದೆ.
ತೈಲ ಮತ್ತು ರಸಗೊಬ್ಬರಗಳ ಬೆಲೆ ಏರಿಕೆಯು ಪ್ರಪಂಚದಾದ್ಯಂತ ಆಹಾರ ಬೆಲೆಗಳು ಮತ್ತು ಮನೆಯ ಖರ್ಚಿನ ಮೇಲೆ ಪರಿಣಾಮ ಬೀರುತ್ತದೆ, ಇದು ಸಮಾಜದ ಬಡವರು ಮತ್ತು ದುರ್ಬಲ ವರ್ಗಗಳ ಆಹಾರ ಭದ್ರತೆಗೆ ಅಪಾಯವನ್ನುಂಟು ಮಾಡುತ್ತದೆ.
ವಿಶ್ವದ ಅತ್ಯಂತ ಮುಂದುವರಿದ ಮತ್ತು ಶಕ್ತಿಶಾಲಿ ಬಂಡವಾಳಶಾಹಿ ರಾಷ್ಟ್ರವಾದ ಅಮೆರಿಕವು ಈಗ ಪ್ರಪಂಚದಾದ್ಯಂತ ಬಲವಂತದ ಆಕ್ರಮಣ ಮತ್ತು ನೈಸರ್ಗಿಕ ಸಂಪನ್ಮೂಲಗಳ ನಿಯಂತ್ರಣದ ಮೂಲಕ ನೇರ ವಸಾಹತುಶಾಹಿಯನ್ನು ಬಯಸುತ್ತಿದೆ. ಫೆಬ್ರವರಿ 14, 2026 ರಂದು ಮ್ಯೂನಿಚ್ ಭದ್ರತಾ ಸಮ್ಮೇಳನದಲ್ಲಿ ಮಾತನಾಡಿದ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮ್ಯಾಕ್ರೋ ರುಬಿಯೊ, ಎರಡನೇ ಮಹಾಯುದ್ಧದವರೆಗೆ ಐದು ಶತಮಾನಗಳ ಕಾಲ ವಿಸ್ತರಿಸುತ್ತಾ, ಜಗತ್ತಿನಾದ್ಯಂತ ವಿಶಾಲ ಸಾಮ್ರಾಜ್ಯಗಳನ್ನು ನಿರ್ಮಿಸುತ್ತಿದ್ದ ಪಶ್ಚಿಮವು 1945 ರಲ್ಲಿ ಹಿನ್ನಡೆಯನ್ನು ಎದುರಿಸಿತು ಎಂದು ವಿಷಾದಿಸಿದರು.
‘1945 ರಲ್ಲಿ ಮಹಾನ್ ಪಾಶ್ಚಿಮಾತ್ಯ ಸಾಮ್ರಾಜ್ಯಗಳು ಅಂತಿಮ ಅವನತಿಗೆ ಪ್ರವೇಶಿಸಿದವು, ದೇವರಿಲ್ಲದ ಕಮ್ಯುನಿಸ್ಟ್ ಕ್ರಾಂತಿಗಳು ಮತ್ತು ವಸಾಹತುಶಾಹಿ ವಿರೋಧಿ ದಂಗೆಗಳಿಂದ ವೇಗಗೊಂಡವು. ಅದು ಜಗತ್ತನ್ನು ಪರಿವರ್ತಿಸುತ್ತದೆ ಮತ್ತು ಮುಂಬರುವ ವರ್ಷಗಳಲ್ಲಿ ನಕ್ಷೆಯ ವಿಶಾಲ ಪ್ರದೇಶಗಳಲ್ಲಿ ಕೆಂಪು ಸುತ್ತಿಗೆ ಮತ್ತು ಕುಡಗೋಲುಗಳನ್ನು ಆವರಿಸುತ್ತದೆ’ ಎಂದು ಅವರು ಹೇಳಿದರು. ಎರಡನೇ ಮಹಾಯುದ್ಧದ ನಂತರ ಸೋವಿಯತ್ ಒಕ್ಕೂಟದ ಉದಯ ಮತ್ತು ಸಮಾಜವಾದಿ ಬ್ಲಾಕ್ ಸ್ಥಾಪನೆಯೊಂದಿಗೆ ವಸಾಹತುಶಾಹಿ ಗಂಭೀರ ಹಿನ್ನಡೆಯನ್ನು ಅನುಭವಿಸಿದರೂ, ಯುಎಸ್ಎ ವಿಶ್ವದ ಅತ್ಯಂತ ಪ್ರಬಲ ಬಂಡವಾಳಶಾಹಿ ರಾಷ್ಟ್ರವಾಯಿತು. ಆದಾಗ್ಯೂ, ಆ ಪ್ರಾಬಲ್ಯ ಇದೀಗ ದುರ್ಬಲಗೊಳ್ಳುತ್ತಿದೆ.
ಇಂದು, ಅಮೆರಿಕವು ಜಗತ್ತನ್ನು ಪುನಃ ವಸಾಹತುವನ್ನಾಗಿ ಮಾಡುವ ಮೂಲಕ, ತನ್ನ ಮಿಲಿಟರಿ ಮತ್ತು ಆರ್ಥಿಕ ಶಕ್ತಿಯನ್ನು ಬಳಸಿಕೊಂಡು ದೇಶಗಳ ಮೇಲೆ ದಾಳಿ ಮಾಡುತ್ತದೆ. ಆಮೂಲಕ ಅವುಗಳ ನೈಸರ್ಗಿಕ ಸಂಪನ್ಮೂಲಗಳನ್ನು ನಿಯಂತ್ರಿಸಲು, ಲೂಟಿ ಮಾಡಲು, ತನ್ನ ಪ್ರಾಬಲ್ಯವನ್ನು ಮರಳಿ ಪಡೆಯಲು ಬಯಸುತ್ತಿದೆ.
ಸಮಾಜವಾದಿ ರಾಷ್ಟ್ರಗಳ ಅಭಿವೃದ್ಧಿ
ಪ್ರಪಂಚದಾದ್ಯಂತ ಕಾರ್ಮಿಕ ವರ್ಗದ ಗಮನ ಸೆಳೆದ ಮತ್ತು ಸಮಾಜವಾದಿ ಸಿದ್ಧಾಂತದಿಂದ ಕಾರ್ಮಿಕರು ಪ್ರಭಾವಿತರಾಗುವುದನ್ನು ತಡೆಯಲು ಬಂಡವಾಳಶಾಹಿ ದೇಶಗಳು ಕೆಲವು ಕಲ್ಯಾಣ ಕ್ರಮಗಳನ್ನು ಅಳವಡಿಸಿಕೊಳ್ಳುವಂತೆ ಒತ್ತಾಯಿಸಿದ ಸೋವಿಯತ್ ಒಕ್ಕೂಟ ಮತ್ತು ಸಮಾಜವಾದಿ ಬ್ಲಾಕ್ ಇಂದು ಅಸ್ತಿತ್ವದಲ್ಲಿಲ್ಲ. ಆದರೆ, ಸಮಾಜವಾದಿ ದೇಶಗಳಾದ ಚೀನಾ, ವಿಯೆಟ್ನಾಂ, ಕ್ಯೂಬಾ, ಉತ್ತರ ಕೊರಿಯಾ ಮತ್ತು ಲಾವೋಸ್ ಶೋಷಕ ಬಂಡವಾಳಶಾಹಿ ವ್ಯವಸ್ಥೆಗೆ ಪರ್ಯಾಯವಾಗಿ ಸಮಾಜವಾದಿ ವ್ಯವಸ್ಥೆಯ ಉದಾಹರಣೆಯನ್ನು ಒದಗಿಸುತ್ತವೆ. ಚೀನಾ ಅಪಾರ ಪ್ರಗತಿ ಸಾಧಿಸಿದೆ, ಸಂಪೂರ್ಣ ಬಡತನವನ್ನು ನಿವಾರಿಸಿದೆ ಮತ್ತು ತನ್ನ ಜನರ ಜೀವನ ಮಟ್ಟವನ್ನು ಸುಧಾರಿಸಿದೆ.
ವಿಜ್ಞಾನ, ತಂತ್ರಜ್ಞಾನ, ಉತ್ಪಾದನೆ ಇತ್ಯಾದಿಗಳಲ್ಲಿ ಅನೇಕ ಕ್ಷೇತ್ರಗಳಲ್ಲಿ ಅದು ಅಮೆರಿಕದೊಂದಿಗೆ ಸ್ಪರ್ಧಿಸುತ್ತಿದೆ ಮತ್ತು ಅಮೆರಿಕಕ್ಕೆ ಸವಾಲು ಹಾಕುವ ಸ್ಥಿತಿಯಲ್ಲಿದೆ. ಸೀಮಿತ ಸಂಪನ್ಮೂಲಗಳನ್ನು ಹೊಂದಿರುವ ಸಣ್ಣ ದೇಶವಾದ ಸಮಾಜವಾದಿ ಕ್ಯೂಬಾ, ಸೋವಿಯತ್ ಒಕ್ಕೂಟದ ಪತನ ಮತ್ತು ಪೂರ್ವ ಯುರೋಪಿನಲ್ಲಿ ಸಮಾಜವಾದಕ್ಕೆ ಹಿನ್ನಡೆಯ ನಂತರವೂ, ದಿಗ್ಬಂಧನಗಳು ಮತ್ತು ನಿರ್ಬಂಧಗಳ ಮೂಲಕ ಅದನ್ನು ಹತ್ತಿಕ್ಕಲು ಯುಎಸ್ ಸಾಮ್ರಾಜ್ಯಶಾಹಿ ಮಾಡಿದ ಎಲ್ಲಾ ಪ್ರಯತ್ನಗಳಿಂದ ಬದುಕುಳಿದಿದೆ. ಅಸ್ತಿತ್ವದಲ್ಲಿರುವ ಪರ್ಯಾಯ ವ್ಯವಸ್ಥೆಯ ಈ ಉದಾಹರಣೆಗಳನ್ನು ಯುಎಸ್ ಸಾಮ್ರಾಜ್ಯಶಾಹಿಗೆ ಜೀರ್ಣಿಸಿಕೊಳ್ಳಲು ಮತ್ತು ಸಹಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಅದು ತಮ್ಮ ಸಿದ್ಧಾಂತವನ್ನು ದೊಡ್ಡ ಬೆದರಿಕೆಯಾಗಿ ನೋಡುತ್ತದೆ. ಅದಕ್ಕಾಗಿಯೇ ಅದು ಚೀನಾವನ್ನು ಹಿಡಿದಿಟ್ಟುಕೊಳ್ಳಲು ಮತ್ತು ಕ್ಯೂಬಾವನ್ನು ಪುಡಿಮಾಡಲು ಪ್ರಯತ್ನಿಸುತ್ತದೆ.
ಕ್ಯೂಬಾದ ಮೇಲೆ ದಿಗ್ಬಂಧದ ಆದೇಶ
ಜನವರಿ 2026 ರಲ್ಲಿ, ಅಮೆರಿಕವು ಸಮಾಜವಾದಿ ಕ್ಯೂಬಾದ ಮೇಲೆ ಕಾರ್ಯಕಾರಿ ಆದೇಶವನ್ನು ಹೊರಡಿಸಿತು, ಇದು 1 ಕೋಟಿಗಿಂತ ಸ್ವಲ್ಪ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ ಸಣ್ಣ ದೇಶವಾಗಿದೆ. ಆದರೆ 67 ವರ್ಷಗಳ ಕಾಲ ಅಮೆರಿಕದ ಅಮಾನವೀಯ ದಿಗ್ಬಂಧನ ಮತ್ತು ನಿರ್ಬಂಧಗಳನ್ನು ವಿರೋಧಿಸಲು ಬಲವಾದ ಬೆನ್ನೆಲುಬನ್ನು ಕ್ಯೂಬ ಹೊಂದಿದೆ, ಅಪಾರ ಕಷ್ಟಗಳ ಹೊರತಾಗಿಯೂ. ಕಾರ್ಯಕಾರಿ ಆದೇಶವು ಕ್ಯೂಬಾವನ್ನು ‘ಅಸಾಮಾನ್ಯ ಮತ್ತು ಅಸಾಧಾರಣ ಬೆದರಿಕೆ’ ಎಂದು ಘೋಷಿಸಿತು. ಫೆಬ್ರವರಿಯಲ್ಲಿ ಅದು ಬಾಹ್ಯ ಹಸ್ತಕ್ಷೇಪಕ್ಕೆ ನೆಲವನ್ನು ಸಿದ್ಧಪಡಿಸುವ ಉದ್ದೇಶದಿಂದ ಹಿಂಸಾಚಾರ ಮತ್ತು ನಾಗರಿಕ ಅಸಹಕಾರಕ್ಕೆ ಕರೆ ನೀಡುವ ಉಗ್ರ ಡಿಜಿಟಲ್ ಅಭಿಯಾನವನ್ನು ಬಿಡುಗಡೆ ಮಾಡಿತು.
2019 ರಲ್ಲಿ, ಟ್ರಂಪ್ ಮೊದಲ ಬಾರಿಗೆ ಹೆಲ್ಮ್ಸ್ ಬರ್ಟನ್ ಕಾಯಿದೆ’ಯ ಶೀರ್ಷಿಕೆ III ಅನ್ನು ಅನ್ವಯಿಸಿದರು. ಇದು ಕ್ಯೂಬಾದೊಂದಿಗೆ ವ್ಯಾಪಾರ ಮಾಡುವ ಯಾವುದೇ ದೇಶ ಅಥವಾ ಕಂಪನಿಯನ್ನು ನಿರ್ಬಂಧಗಳು ಮತ್ತು ನಿರ್ಬಂಧಗಳೊಂದಿಗೆ ಬೆದರಿಸುತ್ತದೆ ಮತ್ತು ಶಿಕ್ಷಿಸುತ್ತದೆ. ಪ್ರಪಂಚದಾದ್ಯಂತದ ಕಂಪನಿಗಳು ಕ್ಯೂಬಾದೊಂದಿಗೆ ವ್ಯಾಪಾರ ಮಾಡುವುದಿಲ್ಲ ಎಂದು ಅಮೆರಿಕಕ್ಕೆ ಒಪ್ಪಂದಗಳನ್ನು ನೀಡಬೇಕಾಯಿತು. ಟ್ರಂಪ್ 243 ಹೊಸ ಕ್ರಮಗಳನ್ನು ಅಳವಡಿಸಿಕೊಳ್ಳುವ ಮೂಲಕ ದಿಗ್ಬಂಧನವನ್ನು ಮತ್ತಷ್ಟು ಬಿಗಿಗೊಳಿಸಿದರು. ಕ್ಯೂಬಾವನ್ನು ಭಯೋತ್ಪಾದನೆಯ ರಾಜ್ಯ ಪ್ರಾಯೋಜಕರ ಪಟ್ಟಿಯಲ್ಲಿ ಸೇರಿಸಲಾಯಿತು.
ಈ ಕ್ರಮಗಳು ಆಹಾರ, ಔಷಧಿಗಳು ಮತ್ತು ವೆಂಟಿಲೇಟರ್ಗಳಂತಹ ಅಗತ್ಯ ವೈದ್ಯಕೀಯ ಉಪಕರಣಗಳ ಕೊರತೆಯನ್ನು ಸೃಷ್ಟಿಸಿದವು, ಅವುಗಳನ್ನು ಆಮದು ಮಾಡಿಕೊಳ್ಳಲು ಸಾಧ್ಯವಾಗಲಿಲ್ಲ. ಆದರೆ ಅಂತಹ ಕ್ರೂರ ದಿಗ್ಬಂಧನದ ಹೊರತಾಗಿಯೂ, ಕ್ಯೂಬಾ ಕೋವಿಡ್ ಪರಿಹಾರಕ್ಕೆ 5 ಲಸಿಕೆಗಳನ್ನು ಅಭಿವೃದ್ಧಿಪಡಿಸಿತು ಮತ್ತು ಲ್ಯಾಟಿನ್ ಅಮೆರಿಕದಲ್ಲಿ ಮಾತ್ರವಲ್ಲದೆ ಅಭಿವೃದ್ಧಿ ಹೊಂದಿದ ಇಟಲಿಯಂತಹ ದೇಶಗಳಿಗೂ ಸಹ ಲಸಿಕೆ ಮತ್ತು ಅಗತ್ಯ ಇರುವ ಔಷದಿ ಮತ್ತು ಆಹಾರ ವನ್ನು ಇನ್ನು ಅನೇಕ ದೇಶಗಳಿಗೆ ಕ್ಯೂಬಾ ಪೂರೈಸಿತು. ಆದಾಗ್ಯೂ ಅಮೆರಿಕ ಕ್ಯೂಬಾವನ್ನು ಗುರಿಯಾಗಿಸಿಕೊಂಡಿತು
ಕ್ಯೂಬಾದ ವೈದ್ಯಕೀಯ ಸಹಕಾರವು ಅನೇಕ ದೇಶಗಳನ್ನು ಅಂತಹ ಸಹಕಾರದಿಂದ ಹಿಂದೆ ಸರಿಯುವಂತೆ ಅಮೆರಿಕಾ ಮಾಡಿದೆ.
ಈ ಕ್ರಮಗಳ ಹೊರತಾಗಿಯೂ ಕ್ಯೂಬಾವು ಅಭಿವೃದ್ಧಿ ಹೊಂದಿದ ದೇಶಗಳಿಗೆ ಸಮಾನವಾಗಿ ಆರೋಗ್ಯ ಮತ್ತು ಶೈಕ್ಷಣಿಕ ಸೂಚಕಗಳನ್ನು ಕಾಯ್ದುಕೊಳ್ಳಲು ಸಾಧ್ಯವಾಗಿದೆ. ಜನರ ಕಲ್ಯಾಣಕ್ಕೆ ಹೆಚ್ಚಿನ ಆದ್ಯತೆ ನೀಡುವ ಕ್ಯೂಬಾದ ಸಮಾಜವಾದಿ ವ್ಯವಸ್ಥೆಯ ಶ್ರೇಯಸ್ಸು ಇದಾಗಿದೆ. ಕ್ಯೂಬಾದ ಜನತೆ ಈ ಸವಾಲಿನ ಪರಿಸ್ಥಿತಿಯನ್ನು ಏಕತೆ ಮತ್ತು ಒಗ್ಗಟ್ಟಿನ ಮೂಲಕ ಧೈರ್ಯದಿಂದ ಎದುರಿಸುತ್ತಿದ್ದಾರೆ. ಅವರು ಸೃಜನಶೀಲತೆಯಿಂದ ಈ ತೊಂದರೆಗಳನ್ನು ನಿವಾರಿಸಲು ಪ್ರಯತ್ನಿಸುತ್ತಿದ್ದಾರೆ. ಅಡುಗೆ ಅನಿಲದ ಕೊರತೆಯನ್ನು ನೀಗಿಸಲು, ಜನರು ಹೆಚ್ಚು ಪರಿಣಾಮಕಾರಿಯಾದ ಮರದ ಒಲೆಗಳನ್ನು ಅಭಿವೃದ್ಧಿಪಡಿಸಿದ್ದಾರೆ.
ಅವರು ನೆರೆಹೊರೆಯಲ್ಲಿ ಸಮುದಾಯ ಅಡುಗೆಮನೆಗಳನ್ನು ಸ್ಥಾಪಿಸಿದ್ದಾರೆ, ಹಲವಾರು ಮನೆಗಳಲ್ಲಿ ಏಕಕಾಲದಲ್ಲಿ ಅಡುಗೆ ಮಾಡುತ್ತಾರೆ. ಅನೇಕ ಕುಟುಂಬಗಳು ಜನರು ತಮ್ಮ ಮೋಟಾರ್ ಸೈಕಲ್ಗಳು, ಫೋನ್ಗಳು ಮತ್ತು ಟ್ಯಾಬ್ಲೆಟ್ಗಳನ್ನು ಚಾರ್ಜ್ ಮಾಡಲು ಸೌರ ಫಲಕಗಳನ್ನು ಸ್ಥಾಪಿಸಿದ್ದಾರೆ. ವೈಯಕ್ತಿಕ ಬಳಕೆಗೆ ಮಾತ್ರವಲ್ಲದೆ ಪ್ರಯಾಣಿಕರು, ಸರಕುಗಳು ಇತ್ಯಾದಿಗಳನ್ನು ಸಾಗಿಸಲು ವಿದ್ಯುತ್ ಟ್ರೈಸಿಕಲ್ಗಳನ್ನು ಬಳಸಲಾಗುತ್ತಿದೆ; ಹಿಮೋಡಯಾಲಿಸಿಸ್ ಅಗತ್ಯವಿರುವ ರೋಗಿಗಳಿಗೆ ಸಹ ಅವುಗಳ ಉಪಯುಕ್ತತೆ ಮಾಡಲಾಗುತ್ತಿದೆ. ವಿದ್ಯುತ್ ಕೊರತೆಯಿಂದಾಗಿ ಆಸ್ಪತ್ರೆಗಳಲ್ಲಿ ಲಿಫ್ಟ್ಗಳು ಕಾರ್ಯನಿರ್ವಹಿಸದಿದ್ದಾಗ, ವೈದ್ಯರು ಮತ್ತು ವೈದ್ಯಕೀಯ ಸಿಬ್ಬಂದಿ ರೋಗಿಗಳನ್ನು ತಮ್ಮ ತೋಳುಗಳ ಮೇಲೆ ಹೊತ್ತುಕೊಂಡು, ಏಳು ಅಂತಸ್ತಿನ ವರೆಗೂ, ಮೆಟ್ಟಲುಗಳನ್ನು ಹತ್ತಿ ಮೇಲೆ ಸಾಗಿಸುತ್ತಾರೆ.
ಜನರ ಒಳಗೊಳ್ಳುವಿಕೆ ಮತ್ತು ಸೃಜನಶೀಲತೆಯೊಂದಿಗೆ ಕ್ರಾಂತಿಕಾರಿ ಸಂಸ್ಥೆಗಳು ಮತ್ತು ಸಮುದಾಯ ಸಂಘಟನೆಗಳು ಕ್ಯೂಬಾವನ್ನು ಜೀವಂತವಾಗಿರಿಸುತ್ತವೆ. ‘ಕ್ಯೂಬಾವನ್ನು ಸ್ವಾಧೀನಪಡಿಸಿಕೊಳ್ಳುವ ಗೌರವ’ ವನ್ನು ಪಡೆಯುವ ಟ್ರಂಪ್ ಅವರ ಕನಸು ಕೇವಲ ಒಂದು ಚಿಮೆರಾ ಆಗಿ ಉಳಿಯುತ್ತದೆ. ಜನರ ಭಾಗವಹಿಸುವಿಕೆಯೊಂದಿಗೆ ದೇಶದ ಸಾರ್ವಭೌಮತ್ವ ಮತ್ತು ಸ್ವಾತಂತ್ರ್ಯವನ್ನು ರಕ್ಷಿಸಲು, ಇಡೀ ಜನರ ರಕ್ಷಣಾ ಸಿದ್ಧತೆಯನ್ನು ಹೆಚ್ಚಿಸಲು ಕ್ಯೂಬಾ ಯೋಜನೆಯನ್ನು ಸಿದ್ಧಪಡಿಸುತ್ತಿದೆ. ಕ್ಯೂಬಾದ ಅಧ್ಯಕ್ಷ ಡಯಾಜ್ ಕ್ಯಾನೆಲ್ ಅವರು ಕ್ಯೂಬಾ ಎಂದಿಗೂ ಶರಣಾಗುವುದಿಲ್ಲ ಎಂದು ಘೋಷಿಸಿದರು.
ಇಂದಿನ ಸಾಮ್ರಾಜ್ಯಶಾಹಿ ಆಕ್ರಮಣವು, ಪ್ರಸ್ತುತ ಚೌಕಟ್ಟಿನೊಳಗೆ ವ್ಯವಸ್ಥಿತ ಬಂಡವಾಳಶಾಹಿ ಬಿಕ್ಕಟ್ಟನ್ನು ಪರಿಹರಿಸಲು ಅಸಮರ್ಥತೆಯಿಂದ ಉಂಟಾದ ಬಂಡವಾಳಶಾಹಿ ವರ್ಗದ ಹತಾಶೆಯನ್ನು ಪ್ರತಿಬಿಂಬಿಸುತ್ತದೆ.
ಎಂಟು ಗಂಟೆಗಳ ಕೆಲಸದ ದಿನ ಸೇರಿದಂತೆ ಕಾರ್ಮಿಕ ವರ್ಗದ ಮೂಲಭೂತ ಹಕ್ಕುಗಳ ಮೇಲಿನ ದಾಳಿಗಳು, ಮುಖ್ಯವಾಗಿ ಮೇ ದಿನವನ್ನು ಸೂಚಿಸುವ ಹೋರಾಟ ಮತ್ತು ತ್ಯಾಗಗಳು ಸಹ ಬಂಡವಾಳಶಾಹಿ ವರ್ಗದ ಲಾಭವನ್ನು ಹೆಚ್ಚಿಸುವ ಪ್ರಯತ್ನಗಳ ಭಾಗವಾಗಿದೆ. ವ್ಯವಸ್ಥಿತ ಬಿಕ್ಕಟ್ಟಿನಲ್ಲಿರುವ ನವ ಉದಾರವಾದಿ ಬಂಡವಾಳಶಾಹಿಯ ಅಡಿಯಲ್ಲಿ ಈ ದಾಳಿಗಳು ಮತ್ತೆ ತೀವ್ರಗೊಂಡಿವೆ.
ಅನೇಕ ಬಂಡವಾಳಶಾಹಿ ರಾಷ್ಟ್ರಗಳು ತಮ್ಮ ಕಾರ್ಮಿಕ ಕಾನೂನುಗಳನ್ನು ಬದಲಾಯಿಸುತ್ತಾ, ಜನರು ಕಷ್ಟಪಟ್ಟು ಗಳಿಸಿದ ಹಕ್ಕುಗಳು, ವೇತನಗಳು, ಸಾಮಾಜಿಕ ಭದ್ರತಾ ಸೌಲಭ್ಯಗಳು ಇತ್ಯಾದಿಗಳನ್ನು ಮೊಟಕುಗೊಳಿಸುತ್ತಿವೆ.
ಕಾರ್ಮಿಕರು. ಬಂಡವಾಳಶಾಹಿ ವರ್ಗವನ್ನು ಪ್ರತಿನಿಧಿಸುವ ಈ ಸರ್ಕಾರಗಳು ಒಕ್ಕೂಟ ಮುಕ್ತ ಕೆಲಸದ ಸ್ಥಳಗಳನ್ನು ಖಚಿತಪಡಿಸಿಕೊಳ್ಳಲು ತಮ್ಮ ಮೇಲಧಿಕಾರಿಗಳ ಬೇಡಿಕೆಯನ್ನು ಪೂರೈಸುತ್ತವೆ.
ದುಡಿಯುವ ಜನರ ಗಮನವನ್ನು ಬೇರೆಡೆಗೆ ಸೆಳೆಯಲು, ಅವರ ಐಕ್ಯತೆಯನ್ನು ತಡೆಯಲು ಮತ್ತು ಅವರ ಜೀವನೋಪಾಯ ಮತ್ತು ಜೀವನ ಪರಿಸ್ಥಿತಿಗಳ ಮೇಲಿನ ನವ ಉದಾರವಾದಿ ದಾಳಿಗಳ ವಿರುದ್ಧದ ಒಗ್ಗಟ್ಟಿನ ಹೋರಾಟಗಳನ್ನು ಅಡ್ಡಿಪಡಿಸಲು ವಿವಿಧ ವರ್ಣಗಳು ಮತ್ತು ಬಣ್ಣಗಳ ಬಲಪಂಥೀಯ, ಪ್ರತಿಗಾಮಿ ಮತ್ತು ವಿಭಜಕ ಶಕ್ತಿಗಳನ್ನು ಉತ್ತೇಜಿಸಲಾಗುತ್ತದೆ.
ನಮ್ಮ ದೇಶದಲ್ಲಿ ನವ ಉದಾರವಾದಿ ನೀತಿಗಳು ಮತ್ತು ಕೋಮು ವಿಭಜಕ ಶಕ್ತಿಗಳ ಪ್ರತಿಕೂಲ ಪರಿಣಾಮವನ್ನು ನಾವು ನೋಡುತ್ತಿದ್ದೇವೆ. ಕಾರ್ಪೊರೇಟ್ ಕೋಮು ಕೂಟವನ್ನು ಪ್ರತಿನಿಧಿಸುವ ಮೋದಿ ನೇತೃತ್ವದ ಬಿಜೆಪಿ ಆಡಳಿತದಲ್ಲಿ ಇವು ತೀವ್ರಗೊಂಡಿವೆ.
ಆದರೆ ಈ ದಾಳಿಗಳು ಕಾರ್ಮಿಕರು ಮತ್ತು ಇತರ ಶ್ರಮಜೀವಿ ವರ್ಗಗಳಿಂದ ಗಂಭೀರ ಪ್ರತಿರೋಧವನ್ನು ಎದುರಿಸುತ್ತಿವೆ.
ಟ್ರಂಪ್ ನೇತೃತ್ವದ ಅಮೆರಿಕದ ನೀತಿಗಳ ವಿರುದ್ಧ ಅಮೆರಿಕ ಸೇರಿದಂತೆ ಹಲವು ದೇಶಗಳಲ್ಲಿ ಅಸಮಾಧಾನ ಹೆಚ್ಚುತ್ತಿದೆ. ಏರುತ್ತಿರುವ ಬೆಲೆಗಳು, ಟ್ರಂಪ್ ವಿಧಿಸಿದ ಸುಂಕಗಳ ಪರಿಣಾಮ, ಆರೋಗ್ಯ ರಕ್ಷಣೆಯಲ್ಲಿನ ಕಡಿತ, ಐಸಿಇ ಮೂಲಕ ವಲಸೆ ನೀತಿಯನ್ನು ಜಾರಿಗೆ ತರುವ ರೀತಿ ಮತ್ತು ಇರಾನ್ ಮೇಲಿನ ಯುದ್ಧ ಟ್ರಂಪ್ ಅವರ ಜನಪ್ರಿಯತೆಯ ರೇಟಿಂಗ್ಗಳಲ್ಲಿ ತೀವ್ರ ಕುಸಿತಕ್ಕೆ ಕಾರಣವಾಗಿವೆ. ಮಾರ್ಚ್ 29, 2026 ರಂದು ನಡೆದ ಮೂರನೇ ‘ನೋ ಕಿಂಗ್ಸ್’ ಬೃಹತ್ ರ್ಯಾಲಿ- ಮೆರವಣಿಗೆಯಲ್ಲಿ ಸುಮಾರು 9 ಮಿಲಿಯನ್ ಜನರು ಭಾಗವಹಿಸಿದ್ದಾರೆ ಎಂದು ವರದಿಯಾಗಿದೆ. ಟ್ರಂಪ್ ಅವರ ಮಾಜಿ ಬೆಂಬಲಿಗರು ಸಹ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರದರ್ಶನಗಳಲ್ಲಿ ಸೇರುತ್ತಿದ್ದಾರೆ. ಅನೇಕ ದೇಶಗಳಲ್ಲಿ ಕಾರ್ಮಿಕರು ಸಹ ದೊಡ್ಡ ಪ್ರದರ್ಶನಗಳು ಮತ್ತು ಮುಷ್ಕರಗಳಲ್ಲಿ ಭಾಗವಹಿಸುತ್ತಿದ್ದಾರೆ.
ಭಾರತದಲ್ಲಿ, ಬಿಜೆಪಿ ಸರ್ಕಾರವನ್ನು ಅವುಗಳನ್ನು ರದ್ದುಗೊಳಿಸುವಂತೆ ಒತ್ತಾಯಿಸುವ SKM ನೇತೃತ್ವದಲ್ಲಿ ಮೂರು ಕೃಷಿ ಕಾನೂನುಗಳ ವಿರುದ್ಧದ ಐತಿಹಾಸಿಕ ರೈತರ ಹೋರಾಟ, ಫೆಬ್ರವರಿ 12 ರಂದು ನಡೆದ ಕಾರ್ಮಿಕ ಸಂಘಗಳ ಜಂಟಿ ವೇದಿಕೆಯ ಬ್ಯಾನರ್ ಅಡಿಯಲ್ಲಿ ನಡೆದ ಸಾರ್ವತ್ರಿಕ ಮುಷ್ಕರಗಳ ಸರಣಿ ಮತ್ತು ಕಾರ್ಮಿಕರು ಮತ್ತು ರೈತರ ಚಳುವಳಿಗಳಿಗೆ ಹೆಚ್ಚುತ್ತಿರುವ ಒಗ್ಗಟ್ಟು ಮತ್ತು ಬೆಂಬಲವು ಅಂತಹ ಪ್ರತಿರೋಧದ ಪ್ರಕಾಶಮಾನವಾದ ಉದಾಹರಣೆಗಳಾಗಿವೆ. ಕಳೆದ ಎರಡು ತಿಂಗಳುಗಳಲ್ಲಿ ಬಿಹಾರ, ಹರಿಯಾಣ, ಉತ್ತರ ಪ್ರದೇಶ, ಗುಜರಾತ್ ಇತ್ಯಾದಿಗಳಲ್ಲಿ ಹಲವಾರು ಬಹುರಾಷ್ಟ್ರೀಯ ಸಂಸ್ಥೆಗಳಲ್ಲಿ ಗುತ್ತಿಗೆ ಮತ್ತು ಸಾಂದರ್ಭಿಕ ಕಾರ್ಮಿಕರ ಸ್ವಯಂಪ್ರೇರಿತ ಮುಷ್ಕರಗಳು, ಗಂಭೀರವಾದ ಪ್ರತಿರೋಧದ ಅಲೆಯನ್ನು ಪೊಲೀಸ್ ದಬ್ಬಾಳಿಕೆ ಮೂಲಕ ಹತ್ತಿಕ್ಕಲು ಪ್ರಯತ್ನಿಸಲಾಗಿದೆ. ಕನಿಷ್ಠ ವೇತನ ಹೆಚ್ಚಳಕ್ಕೆ ಒತ್ತಾಯಿಸುವ ಯುವ ಕಾರ್ಮಿಕರ ಕೋಪವನ್ನು ಈ ಮುಷ್ಕರ ಪ್ರತಿಬಿಂಬಿಸುತ್ತದೆ. ದೀರ್ಘ ಕೆಲಸದ ಸಮಯ ಮತ್ತು ಅವರು ಕೆಲಸ ಮಾಡಲು ಒತ್ತಾಯಿಸಲ್ಪಡುವ ಶೋಷಣೆಯ ಪರಿಸ್ಥಿತಿಗಳ ವಿರುದ್ಧದ ಮುಷ್ಜರ ಇದಾಗಿದೆ.
ಈ ರಾಜ್ಯಗಳ ಬಿಜೆಪಿ ಸರ್ಕಾರಗಳು ಕಾರ್ಮಿಕರ ನಿಜವಾದ ಸಮಸ್ಯೆಗಳನ್ನು ಪರಿಹರಿಸುವ ಬದಲು ದಮನಕ್ಕೆ ಇಳಿದಿವೆ. ಮೋದಿ ಸರ್ಕಾರವು ಕಾರ್ಮಿಕ ಸಂಹಿತೆಗಳನ್ನು ಅನುಷ್ಠಾನಕ್ಕಾಗಿ ಪ್ರಕಟಿಸಿದೆ. ಕೇಂದ್ರದ ಬಿಜೆಪಿ ಆಡಳಿತ ಸರ್ಕಾರಿ ಆಡಳಿತ ಯಂತ್ರಗಳಾದ, ಚುನಾವಣಾ ಆಯೋಗ, ಇಡಿ, ಸಿಬಿಐ ಮುಂತಾದ ಸ್ವಾಯತ್ತ ಸಾಂವಿಧಾನಿಕ ಸಂಸ್ಥೆಗಳನ್ನು ಬಳಸಿಕೊಂಡು ಎಲ್ಲಾ ಬಗೆಯ ವಿರೋಧವನ್ನು ನಿಗ್ರಹಿಸುವ ಮೂಲಕ, ನವ ಫ್ಯಾ ಸಿಸ್ಟ್ ಗುಣಲಕ್ಷಣಗಳನ್ನು ಪ್ರದರ್ಶಿಸುತ್ತಿದೆ.
ಇಂತಹ ಸಂದರ್ಭದಲ್ಲಿ, ಕೆಲಸದ ಸ್ಥಳಗಳಲ್ಲಿ ಹೋರಾಟಗಳನ್ನು ಬಲಪಡಿಸುವುದು ಮತ್ತು ದಾಳಿಗಳನ್ನು ವಿರೋಧಿಸಲು ವಲಯವಾರು ಹೋರಾಟಗಳನ್ನು ತೀವ್ರಗೊಳಿಸುವುದು ನಮ್ಮ ಆದ್ಯತೆಯಾಗಿದೆ, ಆದರೆ ಈ ಹೋರಾಟಗಳನ್ನು ಸಾಮ್ರಾಜ್ಯಶಾಹಿ ವಿರೋಧಿ ಹೋರಾಟಗಳೊಂದಿಗೆ, ಸಾಮ್ರಾಜ್ಯಶಾಹಿ ಯುದ್ಧಗಳ ವಿರುದ್ಧ, ಕ್ಯೂಬಾದ ಮೇಲಿನ ದಾಳಿಗಳ ವಿರುದ್ಧ ಮತ್ತು ಸಮಾಜವಾದದ ರಕ್ಷಣೆಗಾಗಿ ಸಂಯೋಜಿಸುವುದು ಅವಶ್ಯಕವಾಗಿದೆ.
ನವ ಉದಾರವಾದಿ ಮತ್ತು ಬಂಡವಾಳಶಾಹಿ ವ್ಯವಸ್ಥೆಯ ಸುಸ್ಥಿರವಲ್ಲದ ಸ್ವರೂಪದ ಬಗ್ಗೆ ಜನ ಜಾಗೃತಿ ಮೂಡಿಸುವುದು ಅಗತ್ಯವಾಗಿದೆ. ಸಮಾಜವನ್ನು ಬದಲಾಯಿಸುವ, ಶೋಷಣೆಯನ್ನು ಕೊನೆಗೊಳಿಸುವ ಮತ್ತು ಶೋಷಣೆ ಮುಕ್ತ ಸಮಾಜ, ಸಮಾಜವಾದಿ ಸಮಾಜವನ್ನು ಸಾಧಿಸುವ ಮತ್ತು ಅಂತಹ ರೂಪಾಂತರದಲ್ಲಿ ಅದರ ಪಾತ್ರದ ಅವಶ್ಯಕತೆಯ ಜೊತೆಗೆ ಸಾಧ್ಯತೆಯ ಬಗ್ಗೆಯೂ ಕಾರ್ಮಿಕ ವರ್ಗಕ್ಕೆ ಅರಿವು ಮೂಡಿಸಬೇಕಾಗಿದೆ.
ಈ ಮೇ ದಿನದಂದು ನಾವು ಈ ಪ್ರತಿಜ್ಞೆಯನ್ನು ತೆಗೆದುಕೊಳ್ಳೋಣ.
ಇದನ್ನೂ ನೋಡಿ: ಖಾಸಗಿ ಆಸ್ಪತ್ರೆಗಳೊಂದಿಗೆ ಕರಾರು ಒಪ್ಪಂದ ರದ್ದತಿಗೆ ಒತ್ತಾಯಿಸಿ ಡಿವೈಎಫ್ಐ ಪ್ರತಿಭಟನೆ Janashakthi Media
