ನವದೆಹಲಿ: ಕಾಂಗ್ರೆಸ್ ಪಕ್ಷದ ಲೋಕಸಭಾ ಚುನಾವಣಾ ಪ್ರಣಾಳಿಕೆಗೆ ಸಂಬಂಧಿಸಿದಂತೆ ಪ್ರಧಾನಿ ನರೇಂದ್ರ ಮೋದಿ ನೀಡಿರುವ ಹೇಳಿಕೆಯನ್ನು ಶಿರೋಮಣಿ ಅಕಾಲಿದಳ (ಬಾದಲ್) ಕಟುವಾಗಿ ಟೀಕಿಸಿದೆ. ಶಿರೋಮಣಿ
“ಮುಸಲ್ಮಾನ್ ಸಮುದಾಯವನ್ನು ಗುರಿಯಾಗಿಸಿಕೊಂಡು ಮಾತನಾಡಿರುವ ಮೋದಿಯ ಹೇಳಿಕೆಯನ್ನು ತೀಕ್ಷ್ಣವಾಗಿ ಟೀಕಿಸಿರುವ ಶಿರೋಮಣಿ ಅಕಾಲಿದಲ್, ” ಇಂದು ಅವರು..ನಾಳೆ ನಾವಾಗಬಹುದು” ಎಂದು ಆತಂಕ ವ್ಯಕ್ತಪಡಿಸಿ ಹೇಳಿಕೆ ನೀಡಿದೆ. ಶಿರೋಮಣಿ
ಭಾನುವಾರ ರಾಜಸ್ಥಾನದ ಬನ್ಸ್ವಾರಾದಲ್ಲಿ ಚುನಾವಣಾ ಜಾಥಾದಲ್ಲಿ ಪ್ರಧಾನಿ ಮೋದಿ, ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ, ದೇಶದ ಸಂಪತ್ತನ್ನು “ಒಳನುಸುಳುಕೋರರು” ಮತ್ತು ಹೆಚ್ಚು ಮಕ್ಕಳನ್ನು ಹೊಂದಿರುವ ಕುಟುಂಬಗಳಿಗೆ ಹಂಚುವ ಅಪಾಯವಿದೆ ಎಂದಿದ್ದರು.
ಶಿಅದ (ಬಿ) ವಕ್ತಾರ ಪರಂಬನ್ಸ್ ಸಿಂಗ್ ರೊಮಾನಾ, ತಮ್ಮ ಟ್ವಿಟರ್‌ನಲ್ಲಿ ಪ್ರಧಾನಿ ಮೋದಿ ನೀಡಿರುವ ಭಾಷಣದ ಕ್ಲಿಪ್ ಅನ್ನು ಹಂಚಿಕೊಂಡು, ಭಾರತವನ್ನು “ಸಾರ್ವಭೌಮ, ಸಮಾಜವಾದಿ, ಜಾತ್ಯತೀತ, ಪ್ರಜಾಪ್ರಭುತ್ವ ಗಣರಾಜ್ಯ” ಎಂದು ಇಡೀ ವಿಶ್ವವೇ ಶ್ಲಾಘಿಸುವಾಗ ಈ ದೇಶದಲ್ಲಿ “ ವಿಷ ಮತ್ತು ದ್ವೇಷ.” ಬಿತ್ತುವುದು ನಾಚಿಕೆಗೇಡಿನ ಸಂಗತಿ ಎಂದು ಟೀಕಿಸಿದ್ದಾರೆ.
ರೊಮಾನಾ ಹೊರತುಪಡಿಸಿ, ಪಕ್ಷದ ಅಧ್ಯಕ್ಷ ಬಾದಲ್ ರ ಸೋದರಮಾವರೂ ಆಗಿರುವ ಮತ್ತೊಬ್ಬ ಹಿರಿಯ ಅಕಾಲಿ ನಾಯಕ ಬಿಕ್ರಮ್ ಸಿಂಗ್ ಮಜಿಥಿಯಾ ಅವರು ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
ಅಕಾಲಿದಳ ಮತ್ತು ಬಿಜೆಪಿ ಎರಡೂ ಪಕ್ಷಗಳು ಸಹಜ ರಾಜಕೀಯ ಮಿತ್ರರು ಎಂದು ಬಹಳ ಸಮಯದಿಂದ ಹೇಳುತ್ತಿದ್ದಾರೆ. ಆದರೆ ವಿಷಯಗಳು ಇನ್ನು ಮುಂದೆ ಒಂದೇ ಆಗಿರುವುದಿಲ್ಲ ಎಂದು ಸೂಚ್ಯವಾಗಿ ಹೇಳಿದ್ದಾರೆ. ಶಿರೋಮಣಿ
ಅಲ್ಲದೇ ಮಾಜಿ ಸಚಿವ ಮತ್ತು ಎಸ್‌ಎಡಿ (ಬಿ) ನಾಯಕ ಬಿಕ್ರಮ್ ಸಿಂಗ್ ಮಜಿಥಿಯಾ ಕೂಡ ಈ ಕುರಿತು ಹೇಳಿಕೆ ನೀಡಿ, “ಶ್ರೀ ಗುರುನಾನಕ್ ದೇವ್‌ಜೀ ಎಲ್ಲ ಮಾನವರನ್ನು ಸಮಾನವಾಗಿ ಕಾಣಬೇಕು ಮತ್ತು ಎಲ್ಲರಿಗೂ ಒಳ್ಳೆಯದನ್ನು ಬಯಸಬೇಕೆಂದು ನಮಗೆ ಕಲಿಸಿಕೊಟ್ಟಿದ್ದಾರೆ. ಎಲ್ಲಾ ನಾಗರಿಕರನ್ನು ಸಮಾನವಾಗಿ ಅಕಾಲಿ ದಲ್‌ ಕಾಣುತ್ತದೆ. ಅಲ್ಲದೇ ಯಾವಾಗಲೂ ಅಲ್ಪಸಂಖ್ಯಾತರು, ಪಂಜಾಬ್ ಮತ್ತು ಪಂಜಾಬಿಯತ್‌ಗಾಗಿ ಡಾ. ಬಿ.ಆರ್. ಅಂಬೇಡ್ಕರ್ ನೀಡಿರುವ ಸ ನಮ್ಮ ಸಂವಿಧಾನವನ್ನು ಪ್ರಧಾನಿ ಮೋದಿಯವರು ದುರ್ಬಲಗೊಳಿಸುತ್ತಿರುವುದು ಖಂಡನೀಯ. ಇದು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ‘ಸಬ್ ಕಾ ಸಾಥ್, ಸಬ್ಕಾ ವಿಕಾಸ್’ ಎಂದು ಅವರು ಟ್ವಿಟರ್‌ನಲ್ಲಿ ಬರೆದುಕೊಂಡಿದ್ದಾರೆ.
ಏತನ್ಮಧ್ಯೆ, ಅಕಾಲಿದಳದ ಅಧ್ಯಕ್ಷ ಸುಖಬೀರ್ ಬಾದಲ್ ಪ್ರತಿಕ್ರಿಯಿಸಿ, ಭಾರತದ ಜನರಲ್ಲಿ ಕೋಮು ದ್ವೇಷ, ಪರಸ್ಪರ ದ್ವೇಷ ಮತ್ತು ವಿಷವನ್ನು ಹರಡುವ ಹೇಳಿಕೆಗಳನ್ನು ಪ್ರಧಾನಿ ಎಂದಿಗೂ ನೀಡಬಾರದು ಎಂದಿದ್ದಾರೆ.
ಇದನ್ನು ಓದಿ : ದೇವೇಗೌಡರನ್ನು ಕಾಂಗ್ರೆಸ್ ಪ್ರಧಾನಿ ಮಾಡಿದೆ, ಆದ್ರೂ ಕಣ್ಣೀರು ಯಾಕೆ ಹಾಕುತ್ತಿದ್ದಾರೋ ಗೊತ್ತಿಲ್ಲ: ಡಿಸಿಎಂ ಡಿ.ಕೆ ಶಿವಕುಮಾರ್
‘ಭಾರತವು ಹಿಂದೂಗಳು, ಸಿಖ್ಖರು, ಮುಸ್ಲಿಮರು, ಕ್ರಿಶ್ಚಿಯನ್ನರು ಸೇರಿದಂತೆ ಎಲ್ಲರಿಗೂ ಸಮಾನವಾಗಿದೆ. ಶಾಂತಿ ಮತ್ತು ಕೋಮು ಸೌಹಾರ್ದತೆಯನ್ನು ಹೇಗೆ ಕಾಪಾಡಬೇಕು ಎಂಬುದನ್ನು ಸರ್ದಾರ್ ಪ್ರಕಾಶ್ ಸಿಂಗ್ ಬಾದಲ್ ಅವರಿಂದ ಪ್ರಧಾನಿ ಮತ್ತು ಬಿಜೆಪಿ ಕಲಿಯಬೇಕು. ಪ್ರತಿ ಸಮುದಾಯದ ಧಾರ್ಮಿಕ ಕಾರ್ಯಕ್ರಮಗಳು ಮತ್ತು ಆಚರಣೆಗಳನ್ನು ವೈಯಕ್ತಿಕವಾಗಿ ಗೌರವಿಸಿದಬೇಕು.ಈ ದೇಶ ನಮ್ಮೆಲ್ಲರದ್ದು. ಇದನ್ನು ಎಲ್ಲರೂ ಗೌರವಿಸಬೇಕು ಎಂದಿದ್ದಾರೆ. ಶಿರೋಮಣಿ
ಇದು ಪ್ರಧಾನಿ ಮೋದಿಯವರ ಹೇಳಿಕೆಗೆ ಎಸ್‌ಎಡಿ (ಬಿ) ನಿಂದ ಆರಂಭಿಕ ತೀಕ್ಷ್ಣ ಪ್ರತಿಕ್ರಿಯೆ ಸೂಚಿಸುತ್ತದೆ. ಈ ಹಿಂದೆ, ಶಿಅದ್ (ಬಿ) ತನ್ನ ಮಾಜಿ ಮೈತ್ರಿಕೂಟದ ಪಾಲುದಾರ ಭಾರತೀಯ ಜನತಾ ಪಕ್ಷಸಿಖ್ ಕೈದಿಗಳ ಬಿಡುಗಡೆ ಮತ್ತು ರೈತರಿಗೆ ಎಲ್ಲಾ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆ (MSP) ನಂತಹ ತನ್ನ ಬೇಡಿಕೆಗಳನ್ನು ಪೂರೈಸಲು ವಿಫಲವಾಗಿದೆ ಎಂದು ಟೀಕಿಸಿತ್ತು.
ಕಳೆದ ವಾರವಷ್ಟೇ ಬಿಕ್ರಮ್ ಸಿಂಗ್ ಮಜಿಥಿಯಾ, ಪಂಜಾಬ್‌ನ ಹಳ್ಳಿಗಳಿಗೆ ಬಿಜೆಪಿ ಅಭ್ಯರ್ಥಿಗಳು ಪ್ರವೇಶಿಸದಂತೆ ತಡೆಹಿಡಿಯಲು ಮತದಾರರನ್ನು ಬಹಿರಂಗವಾಗಿ ಒತ್ತಾಯಿಸಿದ್ದರು.
ಇದು ಮೋದಿ ವಿರುದ್ಧದ ಅಕಾಲಿದಳದ ಪ್ರಬಲ ದಾಳಿಯಾಗಿದೆ. 2020 ರಲ್ಲಿ ರೈತರ ಚಳವಳಿಯಿಂದಾಗಿ ಔಪಚಾರಿಕ ಮೈತ್ರಿಯಿಂದ ಹೊರಬರುವ ಮುನ್ನ ಅಕಾಲಿದಳವು ಹಲವು ವರ್ಷಗಳ ಕಾಲ ಕೇಂದ್ರ ಸರ್ಕಾರದಲ್ಲಿ ಅಧಿಕಾರವನ್ನು ಹಂಚಿಕೊಂಡಿತ್ತು.
ಮೋದಿಯವರ ಭಾರತೀಯ ಜನತಾ ಪಕ್ಷ (ಬಿಜೆಪಿ) ಸಾರ್ವತ್ರಿಕ ಚುನಾವಣೆಯ ಮೊದಲು ಮತ್ತೆ ಅಕಾಲಿದಳದೊಂದಿಗೆ ಮೈತ್ರಿ ಮಾಡಿಕೊಳ್ಳಲು ಬಯಸಿತ್ತು. ಆದರೆ ಸಿಖ್ ಕೈದಿಗಳ ಬಿಡುಗಡೆ ಮತ್ತು ಕನಿಷ್ಠ ಬೆಂಬಲ ಬೆಲೆಯಂತಹ ಬೇಡಿಕೆಗಳ ಕುರಿತು ಬಿಜೆಪಿಯನ್ನು ಬೆಂಬಲಿಸಲು ಅಕಾಲಿದಳ ನಿರಾಕರಿಸಿದ್ದರಿಂದ ಮೈತ್ರಿ ಮಾತುಕತೆ ವಿಫಲವಾಯಿತು. ರೈತರ ಎಲ್ಲಾ ಬೆಳೆಗಳು ಚುನಾವಣಾ ಪೂರ್ವ ಬೇಡಿಕೆಗಳನ್ನು ಒಪ್ಪಿಕೊಳ್ಳಲು ಸಾಧ್ಯವಾಗಲಿಲ್ಲ, ಇದರಿಂದಾಗಿ ಈ ವರ್ಷದ ಫೆಬ್ರವರಿಯಲ್ಲಿ ರೈತರ ಎರಡನೇ ಹಂತದ ಪ್ರತಿಭಟನೆ ಪ್ರಾರಂಭವಾಯಿತು.
ರಾಜಕೀಯ ವಿಶ್ಲೇಷಕ ಹರ್ಜೇಶ್ವರ್ ಸಿಂಗ್ ಅವರು ಮೋದಿ ವಿರುದ್ಧ ಅಕಾಲಿದಳದ ತೀವ್ರ ದಾಳಿಯು ಆಳವಾದ ರಾಜಕೀಯ ಪರಿಣಾಮಗಳನ್ನು ಹೊಂದಿದೆ ಎಂದು ದಿ ವೈರ್‌ಗೆ ತಿಳಿಸಿದ್ದಾರೆ.
ಕಳೆದ ಕೆಲವು ವರ್ಷಗಳಲ್ಲಿ ಮೋದಿ ಸರ್ಕಾರದ ವಿರುದ್ಧ ರೈತರ ತೀವ್ರ ವಿರೋಧದಿಂದಾಗಿ ಗ್ರಾಮೀಣ ಪಂಜಾಬ್‌ನಲ್ಲಿ ಬಿಜೆಪಿ ಜನಪ್ರಿಯವಾಗಿಲ್ಲ. ಬಿಜೆಪಿಯ ಬಹುತೇಕ ಎಲ್ಲಾ ಲೋಕಸಭಾ ಅಭ್ಯರ್ಥಿಗಳು ತಮ್ಮ ಇತ್ತೀಚಿನ ಪ್ರಚಾರದ ಸಮಯದಲ್ಲಿ ಗ್ರಾಮೀಣ ಪ್ರದೇಶಗಳಲ್ಲಿ ವಿರೋಧವನ್ನು ಎದುರಿಸಿದ್ದಾರೆ. ಶಿರೋಮಣಿ
ಮೋದಿ ಮತ್ತು ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸುವ ಮೂಲಕ ರಾಜ್ಯದಲ್ಲಿ ಮತ್ತೆ ನೆಲೆ ಕಂಡುಕೊಳ್ಳುವ ತವಕದಲ್ಲಿರುವ ಅಕಾಲಿದಳ ಬಿಜೆಪಿಯೊಂದಿಗಿನ ತನ್ನ ಹಿಂದಿನ ಸಂಬಂಧವನ್ನು ಮುರಿಯಲು ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದೆ. ಪಂಜಾಬ್ ಮತ್ತು ಪಂಜಾಬಿಗಳ ವಿಶಾಲ ಹಿತಾಸಕ್ತಿಗಳೊಂದಿಗೆ ಮತದಾರರಿಗೆ ಅವರ ಪರ ನಿಲ್ಲುತ್ತೇವೆ ಎಂಬ ಸಂದೇಶವನ್ನು ರವಾನಿಸುತ್ತಿದೆ..
‘ಎರಡನೆಯದಾಗಿ, ಪಂಜಾಬ್‌ನಲ್ಲಿ ಬಿಜೆಪಿ ವಿಸ್ತರಿಸಲು ಯತ್ನಿಸುತ್ತಿರುವ ಬಗ್ಗೆ ಅಕಾಲಿದಳ ಕೂಡ ಜಾಗೃತವಾಗಿದೆ. ಮುಸ್ಲಿಂ ವಿರೋಧಿ ಹೇಳಿಕೆಗಳ ಮೇಲೆ ಮೋದಿಯ ಮೇಲೆ ದಾಳಿ ಮಾಡುವುದು ಪ್ರಮುಖ ಸಿಖ್ ಮತದಾರರನ್ನು ಮನೆಗೆ ಕರೆತರಲು ರಾಜಕೀಯವಾಗಿ ವಿವೇಕಯುತವಾಗಿದೆ.
ಕಳೆದ ವಾರ ಮಜಿಥಿಯಾ ಅವರು ಬಿಜೆಪಿ ಅಭ್ಯರ್ಥಿಗಳನ್ನು ಪಂಜಾಬ್‌ನ ಹಳ್ಳಿಗಳಿಗೆ ಪ್ರವೇಶಿಸಲು ಬಿಡಬೇಡಿ ಎಂದು ಮತದಾರರನ್ನು ಬಹಿರಂಗವಾಗಿ ಕೇಳಿಕೊಂಡಿದ್ದರು.
ರೈತರ ಪ್ರತಿಭಟನೆಗೆ ದೆಹಲಿಗೆ ಹೋಗದಂತೆ ಬಿಜೆಪಿ ತಡೆದಿದೆ ಎಂದರು. ರೈತರನ್ನು ದೆಹಲಿಗೆ ಹೋಗದಂತೆ ತಡೆದಂತೆಯೇ ಬಿಜೆಪಿ ಅಭ್ಯರ್ಥಿಗಳನ್ನು ಪಂಜಾಬ್‌ನ ಹಳ್ಳಿಗಳಿಗೆ ಪ್ರವೇಶಿಸದಂತೆ ತಡೆಯಬೇಕು. ಪ್ರಶ್ನಿಸಬೇಕು ಎಂದಿದ್ದಾರೆ.
ಇದನ್ನು ನೋಡಿ : ಕನ್ನಗಳ್ಳಂಗೆ (ಮೋದಿ) ಕರುಳುಂಟೆ ? ಡಾ ಮೀನಾಕ್ಷಿ ಬಾಳಿ ಹೀಗಂದಿದ್ದು ಯಾಕೆ..?Janashakthi Media
