ಗಿಗ್ ಆರ್ಥಿಕತೆಯ ನಿಯಮಗಳಿಗೆ ಬ್ರೇಕ್? ಗಿಗ್ ಕಾರ್ಮಿಕ ಕಾನೂನಿಗೆ ಹೈಕೋರ್ಟ್‌ನಲ್ಲಿ ಸವಾಲು

Please follow and like us:
ಬೆಂಗಳೂರು: ಕರ್ನಾಟಕ ಪ್ಲಾಟ್‌ಫಾರ್ಮ್ ಆಧಾರಿತ ಗಿಗ್ ಕಾರ್ಮಿಕರ (ಸಾಮಾಜಿಕ ಭದ್ರತೆ ಮತ್ತು ಕಲ್ಯಾಣ) ಕಾಯ್ದೆ 2025 ಹಾಗೂ ಸಂಬಂಧಿತ ನಿಯಮಗಳ ಸಂವಿಧಾನಾತ್ಮಕ ಮಾನ್ಯತೆಯನ್ನು ಪ್ರಶ್ನಿಸಿ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಲಾಗಿದೆ.

ಇಂಟರ್ನೆಟ್ ಅಂಡ್ ಮೊಬೈಲ್ ಅಸೋಸಿಯೇಶನ್ ಆಫ್ ಇಂಡಿಯಾ (IAMAI) ಜೊತೆಗೆ ಜೊಮ್ಯಾಟೋ (Eternal Ltd), ಸ್ವಿಗ್ಗಿ, ಜೆಪ್ಟೋ, ಅರ್ಬನ್ ಕಂಪನಿ ಮತ್ತು ವಾಲ್ಮೋ ಟ್ರಾನ್ಸ್‌ಪೋರ್ಟ್ ಸೇರಿದಂತೆ ಹಲವು ಪ್ಲಾಟ್‌ಫಾರ್ಮ್ ಕಂಪನಿಗಳು ಈ ಪ್ರಕರಣದಲ್ಲಿ ಹೈಕೋರ್ಟ್ ಮಧ್ಯಪ್ರವೇಶ ಕೋರಿ ಅರ್ಜಿ ಸಲ್ಲಿಸಿವೆ. ಆದರೆ ಈ ಅರ್ಜಿ ಇನ್ನೂ ವಿಚಾರಣೆಗೆ ಪಟ್ಟಿ ಆಗಿಲ್ಲ.

ಇದನ್ನೂ ಓದಿ: ಕರಾವಳಿಯಲ್ಲಿ ಭಾರೀ ಮಳೆ ಎಚ್ಚರಿಕೆ: ಜೂನ್ 30ರಿಂದ ಜುಲೈ 6ರವರೆಗೆ ಆರೆಂಜ್ ಅಲರ್ಟ್

ರಾಜ್ಯ ಸರ್ಕಾರದ ಈ ಕಾಯ್ದೆಯ ಜೊತೆಗೆ, ಗಿಗ್ ಕಾರ್ಮಿಕರ ಕಲ್ಯಾಣ ಮಂಡಳಿ ರಚನೆಗೆ ಸಂಬಂಧಿಸಿದ ಅಧಿಸೂಚನೆ ಹಾಗೂ ಫೆಬ್ರವರಿ 12ರಂದು ಹೊರಡಿಸಿದ ಸರ್ಕಾರದ ಆದೇಶವನ್ನೂ ಅರ್ಜಿಯಲ್ಲಿ ಪ್ರಶ್ನಿಸಲಾಗಿದೆ.

ಅದರ ಜೊತೆಗೆ, ಕಾಯ್ದೆ ಜಾರಿಗೆ ಸಹಕರಿಸದಿರುವುದಾಗಿ ಆರೋಪಿಸಿ ನೀಡಲಾಗಿರುವ ಶೋಕಾಸ್ ನೋಟಿಸ್‌ಗಳನ್ನೂ ಪ್ರಶ್ನಿಸಲಾಗಿದೆ. ಇದರಲ್ಲಿ ಐಡಿಆರ್‌ಸಿ (IDRC)ಗಳನ್ನು ರಚಿಸದಿರುವುದು, ಕಲ್ಯಾಣ ಶುಲ್ಕ ಪಾವತಿಗೆ ಸಂಬಂಧಿಸಿದ ಸಾಫ್ಟ್‌ವೇರ್ ಬಳಕೆ ಮತ್ತು ಆನ್‌ಬೋರ್ಡಿಂಗ್ ಕುರಿತು ಬಂದಿರುವ ಸಂವಹನಗಳಿಗೆ ಉತ್ತರಿಸದಿರುವುದು, ಹಾಗೂ ಅಧಿಕಾರಿಗಳು ಕೇಳಿದ ಮಾಹಿತಿಯನ್ನು ನೀಡದಿರುವುದು ಸೇರಿದಂತೆ ಹಲವು ಆರೋಪಗಳು ಸೇರಿವೆ.

ಇದನ್ನೂ ನೋಡಿ: ದುಡಿಯುವ ಭೂಮಿ ಕಿತ್ತುಕೊಂಡ ಸರಕಾರ – ಯು.‌ಬಸವರಾಜ Janashakthi Media

Please follow and like us:
Donate Janashakthi Media

Leave a Reply

Your email address will not be published. Required fields are marked *