ನವದೆಹಲಿ: ದೆಹಲಿ ವಿಮಾನ ನಿಲ್ದಾಣದಲ್ಲಿ ಇಂಜಿನ್ ನಿರ್ವಹಣೆ ಕಾರ್ಯದ ವೇಳೆ ಸ್ಪೈಸ್ ಜೆಟ್ ವಿಮಾನವೊಂದು ಬೆಂಕಿಗೆ ಆಹುತಿಯಾಗಿದೆ. ಈ ಘಟನೆಯ ಕುರಿತು, ವಿಮಾನ ಮತ್ತು ನಿರ್ವಹಣಾ ಸಿಬ್ಬಂದಿ ಸುರಕ್ಷಿತವಾಗಿದ್ದಾರೆ ಎಂದು ಕಂಪನಿ ತಿಳಿಸಿದೆ.
ಸ್ಪೈಸ್ ಜೆಟ್ ವಕ್ತಾರರು, ಕ್ಯೂ400 ವಿಮಾನವು ನಿರ್ವಹಣೆಗಾಗಿ ಗ್ರೌಂಡ್ ಮಾಡಿದಾಗ ಇಂಜಿನ್ ಬೆಂಕಿಯ ಬಗ್ಗೆ ಫೈರ್ ಅಲಾರ್ಮ್ ಸಿಸ್ಟಮ್ ಮೂಲಕ ರಾತ್ರಿ 8 ಗಂಟೆಗೆ ಕರೆ ಸ್ವೀಕರಿಸಲಾಗಿದೆ ಎಂದು ಹೇಳಿದರು. ಸ್ಥಳದಲ್ಲಿ ಲಭ್ಯವಿದ್ದ ಅಗ್ನಿಶಾಮಕ ಉಪಕರಣಗಳಿಂದ ಬೆಂಕಿಯನ್ನು ನಂದಿಸಲಾಗಿದೆ ಎಂದು ಅವರು ಹೇಳಿದರು.
ಇದನ್ನೂ ಓದಿ:ವಿಮಾನ ತುರ್ತು ಭೂಸ್ಪರ್ಶ: ಕೂದಲೆಳೆಯ ಅಂತರದಿಂದ ತಪ್ಪಿದ ಭಾರಿ ಅನಾಹುತ
ಮುಂಜಾಗ್ರತಾ ಕ್ರಮವಾಗಿ ಅಗ್ನಿಶಾಮಕ ದಳವನ್ನೂ ಕರೆಯಲಾಗಿದ್ದು, ಘಟನೆಯಲ್ಲಿ ವಿಮಾನ ಮತ್ತು ನಿರ್ವಹಣಾ ಸಿಬ್ಬಂದಿ ಸುರಕ್ಷಿತವಾಗಿದ್ದಾರೆ ಎಂದು ವಕ್ತಾರರು ತಿಳಿಸಿದ್ದಾರೆ. ಏರ್‌ಲೈನ್ಸ್ ಪ್ರಕಾರ, ಈ ಘಟನೆ ವೇಳೆ ಕ್ಯೂ400 ವಿಮಾನದಲ್ಲಿ 78 ರಿಂದ 90 ಪ್ರಯಾಣಿಕರು ಕುಳಿತ್ತಿದ್ದರು.
ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯವು ಸ್ಪೈಸ್‌ಜೆಟ್ ವಿಮಾನಯಾನವನ್ನು ಕಠಿಣ ಕಣ್ಗಾವಲು ಆಡಳಿತದ ವ್ಯಾಪ್ತಿಯಿಂದ ಹೊರಗಿಟ್ಟಿದೆ. ಅಲ್ಲದೆ ವಿಮಾನಯಾನ ವಾಚ್‌ಡಾಗ್‌ನಿಂದ ವಿಮಾನಯಾನವನ್ನು ಕಟ್ಟುನಿಟ್ಟಾದ ಕಣ್ಗಾವಲು ಇರಿಸಲಾಗಿದೆ. ಕಳೆದ ಮಾನ್ಸೂನ್ ಋತುವಿನಲ್ಲಿನ ಘಟನೆಗಳು ಮತ್ತು ಅಸಮರ್ಪಕ ನಿರ್ವಹಣೆಯ ಬಗ್ಗೆ ಹಿಂದಿನ ಅವಲೋಕನಗಳಿಂದ ಕಣ್ಗಾವಲು ಹೆಚ್ಚಿಸಲು ಕ್ರಮ ತೆಗೆದುಕೊಳ್ಳಲಾಗಿದೆ ಎಂದು ಹಿರಿಯ ಡಿಜಿಸಿಎ ಅಧಿಕಾರಿಯೊಬ್ಬರು ಬಹಿರಂಗಪಡಿಸಿದ್ದಾರೆ.
ಈ ಕಳವಳಗಳಿಗೆ ಪ್ರತಿಕ್ರಿಯೆಯಾಗಿ, ಡಿಜಿಸಿಎ ಭಾರತದಾದ್ಯಂತ 11 ಸ್ಥಳಗಳಲ್ಲಿ 51 ಸ್ಪಾಟ್ ಚೆಕ್ಗಳನ್ನು ನಡೆಸಿತು. ನಿರ್ದಿಷ್ಟವಾಗಿ ಬೋಯಿಂಗ್ 737 ಮತ್ತು ಬೊಂಬಾರ್ಡಿಯರ್ ಡಿಹೆಚ್‌ಸಿಕ್ಯೂ -400 ಫ್ಲೀಟ್ಗಳನ್ನು ಗುರಿಯಾಗಿಟ್ಟುಕೊಂಡು, ಒಟ್ಟು 23 ವಿಮಾನ ತಪಾಸಣೆಗಳನ್ನು ನಡೆಸಿತು ಎಂದು ಅಧಿಕಾರಿ ಹೇಳಿದರು.
