(ಸಂಗ್ರಹ:ಕೆ.ವಿ.) “ನನ್ನ ಮೂರನೇ ಅವಧಿಯಲ್ಲಿ, ಭಾರತ ಅತ್ಯುನ್ನತ ಮೂರು ಅರ್ಥವ್ಯವಸ್ಥೆಗಳಲ್ಲಿ ಇರುತ್ತದೆ. ಇದು ಮೋದಿಯ ಗ್ಯಾರಂಟಿ” ಎಂದು ಪ್ರಧಾನಿಗಳು ‘ಭಾರತ ಮಂಡಪಂ’ಎಂದು ಮರುನಾಮಕರಣಗೊಂಡಿರುವ ದಿಲ್ಲಿಯ ಪ್ರಗತಿ ಮೈದಾನದ ಅಂತರ್ರಾಷ್ಟ್ರೀಯ ಪ್ರದರ್ಶನಾ ಮತ್ತು ಸಮಾವೇಶ ಕೇಂದ್ರದಿಂದ ಸಾರಿದ್ದಾರೆ (ಎನ್‌ಡಿಟಿವಿ, ಜುಲೈ 26). “ನಮ್ಮ ಮೊದಲ ಅವಧಿಯಲ್ಲಿ ಅರ್ಥವ್ಯವಸ್ಥೆಯ ವಿಷಯದಲ್ಲಿ ಭಾರತ 10ನೇ ಸ್ಥಾನದಲ್ಲಿತ್ತು. ನನ್ನ ಎರಡನೇ ಅವಧಿಯಲ್ಲಿ ಜಗತ್ತಿನ ಐದನೇ ಅತಿ ದೊಡ್ಡ ಅರ್ಥವ್ಯವಸ್ಥೆಯಾಯಿತು. ಈ ಸಾಧನೆಯ ದಾಖಲೆಗಳ ಆಧಾರದಲ್ಲಿ, ಮೂರನೇ ಅವಧಿಯಲ್ಲಿ, ಅರ್ಥವ್ಯವಸ್ಥೆ ಜಗತ್ತಿನ ಅತ್ಯುನ್ನತ ಮೂರರಲ್ಲಿ ಇರುತ್ತದೆ…