ದೋಹಾ: ಇಲ್ಲಿ ನಡೆಯುತ್ತಿರುವ ಕ್ವಾಲಿಫೈಯರ್ ಕೂಟದಲ್ಲಿ ಸುನೀಲ್ ಚೆಟ್ರಿ ಅವರು ಅತ್ಯಂತ ಮಹತ್ತರವಾದ ಸಾಧನೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ 2-0 ಅಂತರದಲ್ಲಿ ಗೆಲುವು ಉತ್ಸುಕದೊಂದಿಗೆ ವಿಶ್ವವಿಖ್ಯಾತವಾದ ಮತ್ತೊಂದು ಸಾಧನೆಯನ್ನು ದಾಖಲಿಸಿದ್ದಾರೆ.
ಭಾರತ ಫುಟ್ಬಾಲ್ ತಂಡದ ನಾಯಕ ಸುನೀಲ್ ಚೆಟ್ರಿ ಅವರು ಪ್ರಸಕ್ತ ಆಡುತ್ತಿರುವ ಆಟಗಾರರ ಪೈಕಿ ಮತ್ತು ಅಂತರಾಷ್ಟ್ರೀಯ ಪಂದ್ಯದಲ್ಲಿ ಅತಿ ಹೆಚ್ಚು ಗೋಲು ಬಾರಿಸುವ ಮೂಲಕ ಎರಡನೇ ಸ್ಥಾನದತ್ತ ಮುನ್ನುಗ್ಗಿದ್ದಾರೆ. ಅವರು ವಿಶ್ವ ಫುಟ್‌ಬಾಲ್‌ನ ಸಾರ್ವಕಾಲಿಕ ಟಾಪ್- 10 ಪ್ರವೇಶಿಸಲು ಕೇವಲ ಒಂದು ಗೋಲಿನಿಂದ ಹಿಂದಿದ್ದಾರೆ.
🤩 He’s now got more than Messi! Sunil Chhetri’s double earns the Blue Tigers a 2-0 win in #WCQ and moves him on to 74 international goals – above Lionel Messi and one off entering world football’s all-time top 10 🧗♂️@chetrisunil11 | @IndianFootball pic.twitter.com/sCCd6BgS9H
— FIFA World Cup (@FIFAWorldCup) June 7, 2021
ದೋಹಾದಲ್ಲಿ ನಡೆಯುತ್ತಿರುವ ಪಂದ್ಯವಳಿಯಲ್ಲಿ 36 ವರ್ಷದ ಸುನೀಲ್ ಚೆಟ್ರಿ ಗೋಲು ಗಳಿಸುವ ಮೂಲಕ ಅಂತರಾಷ್ಟ್ರೀಯ ಆಟಗಾರ ಲಿಯೋನೆಲ್ ಮೆಸ್ಸಿ ಅವರ ದಾಖಲೆಯನ್ನು ಮುರಿದಿದ್ದಾರೆ. ಅರ್ಜೈಂಟೀನಾ ದೇಶದ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ 143 ಪಂದ್ಯದಲ್ಲಿ 72 ಗೋಲು ಬಾರಿಸಿದ್ದರು. ಆದರೆ ಸುನೀಲ್ ಚೆಟ್ರಿ ಅವರು 117 ಪಂದ್ಯದಲ್ಲಿ 74 ಗೋಲು ಬಾರಿಸಿ ವಿಶ್ವದಾಖಲೆಯನ್ನು ಸಾಧಿಸಿದ್ದಾರೆ. ವಿಶ್ವದಲ್ಲಿ ಮೊದಲು ಸ್ಥಾನದಲ್ಲಿರುವ ಪೋರ್ಚುಗಲ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ 174 ಪಂದ್ಯಗಳಲ್ಲಿ 103 ಗೋಲು ಗಳಿಸಿಕೊಂಡಿದ್ದಾರೆ ಬಾರಿಸಿದ್ದಾರೆ.
ಅಂತರಾಷ್ಟ್ರಿಯ ಆಟಗಾರರ ಸಾರ್ವಕಾಲಿಕ ಗೋಲು ಹೊಡೆದವರ ಪಟ್ಟಿಯಲ್ಲಿ ಸುನೀಲ್ ಚೆಟ್ರಿ 11ನೇ ಸ್ಥಾನ ಪಡೆದಿದ್ದಾರೆ. ಹಂಗೇರಿಯ ಸ್ಯಾಂಡರ್ ಕೊಕ್ಸಿಸ್, ಜಪಾನ್‌ನ ಕುನಿಶಿಜ್ ಕಮಾಮೊಟೊ ಮತ್ತು ಕುವೈತ್‌ನ ಬಶರ್ ಅಬ್ದುಲ್ಲಾ ಅವರು 75 ಗೋಲುಗಳನ್ನು ಹೊಡೆದಿದ್ದಾರೆ.
ಭಾರತ ಫುಟ್ಬಾಲ್ ತಂಡದ ಕೋಚ್ ಇಗೊರ್ ಸ್ಟಿಮಾಕ್ ನೇತೃತ್ವದಲ್ಲಿ ಎರಡನೇ ಗೆಲುವು ಪಡೆದುಕೊಂಡಿದೆ. ದೋಹಾದಲ್ಲಿನ ಪಂದ್ಯದಲ್ಲಿ ಭಾರತಕ್ಕಾಗಿ ಸುನೀಲ್ ಚೆಟ್ರಿ 79 ಮತ್ತು 92 ನಿಮಿಷದಲ್ಲಿ ಗೋಲು ಬಾರಿಸಿದರು.
ಈ ಗೆಲುವಿನೊಂದಿಗೆ ಭಾರತವು ಏಳು ಪಂದ್ಯಗಳಿಂದ ಆರು ಅಂಕಗಳೊಂದಿಗೆ ಗ್ರೂಪ್ ಇ ಯಲ್ಲಿ ಮೂರನೇ ಸ್ಥಾನಕ್ಕೆ ಏರಿತು. ಆದರೆ ವಿಶ್ವಕಪ್ 2022ಗೆ ಅರ್ಹತೆ ಪಡೆಯಲು ಭಾರತ ತಂಡವು ಈಗಾಗಲೇ ವಿಫಲವಾಗಿದೆ. ಜೂನ್ 15 ರಂದು ಕ್ವಾಲಿಫೈಯರ್ ಮತ್ತೊಂದು ಪಂದ್ಯದಲ್ಲಿ ಭಾರತವು ಅಫ್ಘಾನಿಸ್ತಾನವನ್ನು ಎದುರಿಸಲಿದೆ.
