ನವದೆಹಲಿ: ಶುದ್ಧ ಇಂಧನ ಬಳಕೆಯನ್ನು ಉತ್ತೇಜಿಸುವುದು ಹಾಗೂ ಬಯೋಫ್ಯುಯೆಲ್ಗಳ ಬಳಕೆಯನ್ನು ಹೆಚ್ಚಿಸುವ ಉದ್ದೇಶದಿಂದ, ಎಥೆನಾಲ್ ಮಿಶ್ರಿತ ಪೆಟ್ರೋಲ್ನ ಕೆಲವು ರೂಪಾಂತರಗಳಿಗೆ ಕೇಂದ್ರ ಸರ್ಕಾರ ಎಕ್ಸೈಸು ತೆರಿಗೆಯನ್ನು ಮನ್ನಾ ಮಾಡಿದೆ.
ಹಣಕಾಸು ಸಚಿವಾಲಯ ಹೊರಡಿಸಿದ ಅಧಿಸೂಚನೆಯ ಪ್ರಕಾರ, ಈ ತೆರಿಗೆ ಮನ್ನಾ E22, E25, E27 ಮತ್ತು E30 ರೂಪಾಂತರಗಳ ಪೆಟ್ರೋಲ್ಗೆ ಅನ್ವಯಿಸುತ್ತದೆ.
ಅಧಿಸೂಚನೆಯಲ್ಲಿ, 22 ಶೇಕಡಾ, 25 ಶೇಕಡಾ, 27 ಶೇಕಡಾ ಮತ್ತು 30 ಶೇಕಡಾ ಇಥನಾಲ್ ಮಿಶ್ರಣ ಹೊಂದಿರುವ ಪೆಟ್ರೋಲ್ಗೆ ಎಕ್ಸೈಸು ತೆರಿಗೆ ‘ಶೂನ್ಯ’ವಾಗಿರುತ್ತದೆ ಎಂದು ಸಚಿವಾಲಯ ತಿಳಿಸಿದೆ.
ಇದನ್ನೂ ಓದಿ: ಪ್ರಸ್ತುತ ರಾಜಕೀಯ ಬೆಳವಣಿಗೆಗಳ ಚರ್ಚೆಗೆ ಜೂನ್ 11 ರಂದು ಕಾಂಗ್ರೆಸ್ ‘ತುರ್ತು’ ಸಭೆ
ಈ ನಿರ್ಧಾರವು ಗ್ರಾಹಕರು ಹೆಚ್ಚು ಎಥೆನಾಲ್ ಮಿಶ್ರಿತ ಇಂಧನಗಳ ಬಳಕೆಗೆ ತಿರುಗುವಂತೆ ಪ್ರೋತ್ಸಾಹಿಸಲು ಕೈಗೊಳ್ಳಲಾಗಿದೆ. ಜೊತೆಗೆ, ಜೀವಾಶ್ಮ ಇಂಧನಗಳ ಅವಲಂಬನೆಯನ್ನು ಕಡಿಮೆ ಮಾಡುವುದು ಹಾಗೂ ಕಚ್ಚಾ ತೈಲ ಆಮದುಗಳನ್ನು ನಿಯಂತ್ರಿಸುವ ಸರ್ಕಾರದ ವ್ಯಾಪಕ ಉದ್ದೇಶಕ್ಕೂ ಇದು ಸಹಕಾರಿಯಾಗಲಿದೆ.
ಇತ್ತೀಚೆಗೆ ಇಂಧನ ಬೆಲೆಗಳು ಏರಿಕೆಯಾಗುತ್ತಿರುವ ಹಿನ್ನೆಲೆ ಈ ಕ್ರಮ ಕೈಗೊಳ್ಳಲಾಗಿದೆ. ಮೇ ತಿಂಗಳ ದ್ವಿತೀಯಾರ್ಧದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ದರಗಳು ಲೀಟರ್ಗೆ ಸುಮಾರು ₹7.50ರಷ್ಟು ಹೆಚ್ಚಳ ಕಂಡಿವೆ.
ಈಗಾಗಲೇ ಮಾರ್ಚ್ನಲ್ಲಿ, ಪಶ್ಚಿಮ ಏಷ್ಯಾದ ಸಂಘರ್ಷದ ಪರಿಣಾಮವಾಗಿ ಜಾಗತಿಕ ಕಚ್ಚಾ ತೈಲದ ಬೆಲೆ ಏರಿಕೆಯಿಂದ ದೇಶೀಯ ಗ್ರಾಹಕರ ಮೇಲೆ ಉಂಟಾದ ಹೊರೆ ತಗ್ಗಿಸಲು, ಸರ್ಕಾರವು ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ಎಕ್ಸೈಸು ತೆರಿಗೆಯನ್ನು ಲೀಟರ್ಗೆ ₹10ರಷ್ಟು ಕಡಿತಗೊಳಿಸಿತ್ತು. ಇದರಿಂದ ವರ್ಷಕ್ಕೆ ₹1 ಲಕ್ಷ ಕೋಟಿಗೂ ಅಧಿಕ ಆದಾಯವನ್ನು ಸರ್ಕಾರ ತ್ಯಜಿಸಿತ್ತು.
ಇದನ್ನೂ ನೋಡಿ: ದೇವದಾಸಿ ಮಕ್ಕಳಿಗೂ ತಂದೆಯ ಹೆಸರಿನ ಹಕ್ಕು: ದಶಕಗಳ ಹೋರಾಟಕ್ಕೆ ಸಿಕ್ಕ ಐತಿಹಾಸಿಕ ಜಯ | ಬಿ. ಮಾಳಮ್ಮ | ಗುರುರಾಜ ದೇಸಾಯಿ
