ಸರ್ಕಾರಿ ಸ್ವಾಮ್ಯದ ಪ್ರಮುಖ ಬ್ಯಾಂಕ್ ಆಗಿರುವ ಕೆನರಾ ಬ್ಯಾಂಕ್ ತನ್ನ ನಿಯಮದಲ್ಲಿ ಪ್ರಮುಖ ಬದಲಾವಣೆಯೊಂದನ್ನ ಮಾಡಿದ್ದೂ, ಉಳಿತಾಯ ಖಾತೆ ಹೊಂದಿರುವ ಗ್ರಾಹಕರು ನೀವಾಗಿದ್ದರೆ, ನಿಮಗೆ ಇಲ್ಲಿದೆ ನೋಡಿ ಭರ್ಜರಿ ಗುಡ್‌ನ್ಯೂಸ್‌.
ಜೂನ್ ತಿಂಗಳ ಮೊದಲ ದಿನದಂದು ಕೆನರಾ ಬ್ಯಾಂಕ್ ಮಾಡಿರುವ ಬದಲಾವಣೆಗಳು
ಬ್ಯಾಂಕ್‌ಗಳಲ್ಲಿ ಉಳಿತಾಯ ಅಕೌಂಟ್‌ ಹೊಂದಿರುವ ಪ್ರತಿಯೊಬ್ಬರೂ, ಆಯಾ ಬ್ಯಾಂಕ್‌ಗಳು ನಿಗದಿಪಡಿಸಿರುವ ಕನಿಷ್ಠ ಮೊತ್ತದ ಹಣವನ್ನ ಅಕೌಂಟ್‌ನಲ್ಲಿ ಇಡಲೇಬೇಕು. ಇಲ್ಲದೆ ಇದ್ದರೆ ತಿಂಗಳ ಕೊನೆಯಲ್ಲಿ ದಂಡದ ಶುಲ್ಕ ಕಟ್‌ ಆಗುತ್ತದೆ. ಈ ನಿಯಮದಲ್ಲಿ ಕೆನರಾ ಬ್ಯಾಂಕ್ ಬದಲಾವಣೆ ತಂದಿದೆ.
ಗ್ರಾಹಕರು ತಮ್ಮ ಉಳಿತಾಯ ಖಾತೆಯಲ್ಲಿ ಕನಿಷ್ಠ ಮೊತ್ತವನ್ನ ಕಾಯ್ದುಕೊಳ್ಳದೆ ಇದ್ದರೆ ವಿಧಿಸುತ್ತಿದ್ದ ದಂಡವನ್ನ ಮನ್ನಾ ಮಾಡಿದೆ. ಅಂದರೆ ನೀವು ಕೆನರಾ ಬ್ಯಾಂಕ್‌ನಲ್ಲಿ ಯಾವುದೇ ರೀತಿಯ ಉಳಿತಾಯ ಖಾತೆ ಹೊಂದಿದ್ದು, ಅದರಲ್ಲಿ ನಿಗದಿತ ಕನಿಷ್ಠ ಮೊತ್ತಕ್ಕಿಂತ ಕಡಿಮೆ ಹಣ ಅಂದರೆ 100, 200 ರೂಪಾಯಿ ಹೊಂದಿದ್ದರೆ ಅಥವಾ ಶೂನ್ಯ ಮೊತ್ತವನ್ನೇ ಹೊಂದಿದ್ದರೂ ದಂಡ ಕಟ್ಟುವ ಅಗತ್ಯ ಇರೋದಿಲ್ಲ.
ಇದನ್ನೂ ಓದಿ: ಮುಖ್ಯ ಶಿಕ್ಷಕ ವೀರಣ್ಣ ಮಡಿವಾಳ ಅಮಾನತು: ನೆಟ್ಟಿಗರು ಆಕ್ರೋಶ
ಅಂದಹಾಗೇ, ಕೆನರಾ ಬ್ಯಾಂಕ್‌ನಲ್ಲಿ ನೀವು ಯಾವುದೇ ಬಗೆಯ ಸೇವಿಂಗ್ಸ್‌ ಅಕೌಂಟ್‌, ಸ್ಯಾಲರಿ ಅಕೌಂಟ್‌ ಅಥವಾ NRI ಸೇವಿಂಗ್ಸ್‌ ಅಕೌಂಟ್ಸ್‌ ಹೊಂದಿದ್ದರೆ ನಿಮಗೆ ಈ ನಿಯಮ ಅನ್ವಯ ಆಗುತ್ತದೆ. ಇಂದಿನಿಂದ ಕೆನರಾ ಬ್ಯಾಂಕ್‌ನಲ್ಲಿ ಹೊಂದಿರುವ ಉಳಿತಾಯ ಖಾತೆಯಲ್ಲಿ ನೀವು ಕನಿಷ್ಠ ಮೊತ್ತದ ಹಣ ಹೊಂದಿಲ್ಲದೆ ಇದ್ದರೂ ಅದಕ್ಕೆ ದಂಡ ಕಟ್ಟುವ ಚಿಂತೆ ಬೇಡ. ಇದು ಗ್ರಾಹಕರ ಪಾಲಿಗೆ ನಿಜಕ್ಕೂ ಒಳ್ಳೆಯ ಸುದ್ದಿಯೇ ಆಗಿದೆ.
ಅನೇಕರಿಗೆ ತಿಂಗಳು ಪೂರ್ತಿ ನಿಗದಿತ ಕನಿಷ್ಠ ಮೊತ್ತವನ್ನ ಅಕೌಂಟ್‌ನಲ್ಲಿ ಇಡಲು ಆಗೋದಿಲ್ಲ. ಹಾಗಾದಾಗ ಬ್ಯಾಂಕ್‌ಗಳು ದಂಡದ ಹೆಸರಲ್ಲಿ ಇಂತಿಷ್ಟು ಹಣ ಕಟ್‌ ಮಾಡಿದಾಗ ನಿಜಕ್ಕೂ ಹೊರೆಯಾಗುತ್ತದೆ.ಈ ಬಗ್ಗೆ ಹೇಳಿಕೆ ಬಿಡುಗಡೆ ಮಾಡಿರುವ ಕೆನರಾ ಬ್ಯಾಂಕ್ ʼನಮ್ಮ ಹೊಸ ನೀತಿ-ನಿಯಮದ ಪ್ರಕಾರ ಕೆನರಾ ಬ್ಯಾಂಕ್‌ನಲ್ಲಿ ಯಾರೆಲ್ಲ SB ಖಾತೆ ಹೊಂದಿದ್ದಾರೋ ಅವರೆಲ್ಲ ಇನ್ಮುಂದೆ ಕನಿಷ್ಠ ಮೊತ್ತದ ಹಣಕ್ಕೆ ಸಂಬಂಧಪಟ್ಟಂತೆ ದಂಡ ಕಟ್ಟುವ ಅವಶ್ಯಕತೆ ಇಲ್ಲ. AMB ( average monthly balance) ದಂಡ ಅಥವಾ ಶುಲ್ಕದಿಂದ ಗ್ರಾಹಕರು ಮುಕ್ತರಾಗುತ್ತಾರೆʼ ಎಂದು ತಿಳಿಸಿದೆ.
ಕೆನರಾ ಬ್ಯಾಂಕ್ Q4 2025 ಲಾಭ
ಮಾರ್ಚ್ 31, 2025ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ, ಕೆನರಾ ಬ್ಯಾಂಕ್ ತನ್ನ ಸ್ವತಂತ್ರ ನಿವ್ವಳ ಲಾಭದಲ್ಲಿ ವರ್ಷದಿಂದ ವರ್ಷಕ್ಕೆ (YoY) ಶೇ. 33.15 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. 2024 ರ ಜನವರಿಯಿಂದ ಮಾರ್ಚ್ ತ್ರೈಮಾಸಿಕದಲ್ಲಿ ಬ್ಯಾಂಕಿನ ನಿವ್ವಳ ಲಾಭ ₹3,757.23 ಕೋಟಿಗಳಷ್ಟಿತ್ತು.
ಮಾರ್ಚ್ 31, 2025ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ಬ್ಯಾಂಕಿನ ಒಟ್ಟು ಬಡ್ಡಿ ಆದಾಯ ₹31,002.04 ಕೋಟಿಗಳಾಗಿದ್ದು, ಇದು ₹28,807.35 ಕೋಟಿಗಳಿಗೆ ಹೋಲಿಸಿದರೆ ಶೇ. 7.62 ರಷ್ಟು ಹೆಚ್ಚಾಗಿದೆ. 1906 ರಲ್ಲಿ ಸ್ಥಾಪನೆಯಾದ ಕೆನರಾ ಬ್ಯಾಂಕ್ ದೇಶಾದ್ಯಂತ 9849 ಶಾಖೆಗಳನ್ನು ಹೊಂದಿದೆ, ಇದರಲ್ಲಿ ಗ್ರಾಮೀಣ ಪ್ರದೇಶಗಳಲ್ಲಿ 3139, ಅರೆ ನಗರ ಪ್ರದೇಶಗಳಲ್ಲಿ 2900, ನಗರ ಪ್ರದೇಶಗಳಲ್ಲಿ 1944 ಮತ್ತು ಮೆಟ್ರೋ ನಗರಗಳಲ್ಲಿ 1866 ಶಾಖೆಗಳಿವೆ.
ಇದನ್ನೂ ನೋಡಿ: ಫ್ಯಾಸಿಸಂ ಹುಟ್ಟು ಹೇಗಾಯಿತು ಮತ್ತು ಅದನ್ನು ಮೊದಲಿನಿಂದಲೂ ವಿರೋಧಿಸಿದ ರಾಜಕೀಯ ಶಕ್ತಿಗಳು ಯಾವುವು? Janashakthi
