ರಾಜಸ್ಥಾನ: ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಸಂವಿಧಾನ ದಿನದಂದು ವಿಶಿಷ್ಟ ಮತ್ತು ಸ್ಪೂರ್ತಿದಾಯಕ ವಿವಾಹವೊಂದು ನಡೆಯಿತು. ಇಬ್ಬರೂ ಬನ್ಸೂರ್ನ ಗುಂಟಾ ಶಹಪುರ್ ಗ್ರಾಮದ ನಿವಾಸಿ ಹೇಮಂತ್ ಮೆಹ್ರಾ ಮತ್ತು ಹನುಮಾನ್ಗಢ ನಿವಾಸಿ ಕರೀನಾ ಕಲಾ ನ್ಯಾಯಾಂಗ ಅಧಿಕಾರಿಗಳಾಗಿದ್ದು, ವರದಕ್ಷಿಣೆ ಇಲ್ಲದೇ ಹಾಗೂ ದುಂದುವೆಚ್ಚಕ್ಕೆ ಅವಕಾಶ ನೀಡದೇ ಸಂವಿಧಾನವನ್ನು ಸಾಕ್ಷಿಯಾಗಿಟ್ಟುಕೊಂಡು ವಿವಾಹಬಂಧಕ್ಕೆ ಒಳಗಾಗುವ ಮೂಲಕ ಸಮಾಜಕ್ಕೆ ಸಂದೇಶ ರವಾನಿಸಿದ್ದಾರೆ.
ನ್ಯಾಯಾಧೀಶ ಹೇಮಂತ್ ಅವರು ನ್ಯಾಯಾಂಗ ಸೇವೆಯಲ್ಲಿರುವ ಕಾರಣ, ಸಂವಿಧಾನವನ್ನು ಅತ್ಯುನ್ನತ ಎಂದು ಪರಿಗಣಿಸುತ್ತಾರೆ. ಈ ಗೌರವ ಮತ್ತು ನಂಬಿಕೆಯಿಂದ ಅವರು ಸಂವಿಧಾನ ದಿನದಂದು ಮದುವೆಯಾಗಲು ನಿರ್ಧರಿಸಿದರು. ವರ ಹೇಮಂತ್ ಮೆಹ್ರಾ ಪ್ರಸ್ತುತ ಚೌತ್ ಕಾ ಬರ್ವಾರಾ (ಸವಾಯಿ ಮಾಧೋಪುರ)ದಲ್ಲಿ ಸಿವಿಲ್ ನ್ಯಾಯಾಧೀಶರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಮತ್ತು ವಧು ಕರೀನಾ ಕಲಾ ತರಬೇತಿ ನ್ಯಾಯಾಂಗ ಅಧಿಕಾರಿಯಾಗಿದ್ದಾರೆ. ಜಿಲ್ಲಾಧಿಕಾರಿ ಪ್ರಿಯಾಂಕಾ ಗೋಸ್ವಾಮಿ ಮತ್ತು ಹೆಚ್ಚುವರಿ ಜಿಲ್ಲಾಧಿಕಾರಿ ಓಂಪ್ರಕಾಶ್ ಸಹಾರನ್ ಮತ್ತು ಎರಡೂ ಕುಟುಂಬಗಳು ಸರಳ ಸಮಾರಂಭದಲ್ಲಿ ಹಾಜರಿದ್ದರು.
ಇದನ್ನೂ ಓದಿ : ಕೆಲಸದ ಜಾಗಗಳಲ್ಲಿ ಲಿಂಗ ತಾರತಮ್ಯ ಮಾಡಬಾರದು :ಮುಕ್ತ ಮನಸ್ಸಿನಿಂದ ಕೆಲಸ ಮಾಡುವ ವಾತಾವರಣ ಕಲ್ಪಿಸಬೇಕು
ಅಧಿಕಾರಿಗಳು ನವವಿವಾಹಿತರನ್ನು ಆಶೀರ್ವದಿಸಿ ಅವರ ದಾಂಪತ್ಯ ಜೀವನ ಸುಖಕರವಾಗಿರಲಿ ಎಂದು ಹಾರೈಸಿದರು. ಈ ಇಬ್ಬರು ಯುವ ನ್ಯಾಯಾಧೀಶರು ವರದಕ್ಷಿಣೆ ವಿರೋಧಿ ಮತ್ತು ಸಾಮಾಜಿಕ ಸರಳತೆಗೆ ಉದಾಹರಣೆಯಾಗಿ ನಿಂತಿದ್ದಾರೆ. ಇದು ಸಾವಿರಾರು ಜನರಿಗೆ ಸ್ಫೂರ್ತಿ ನೀಡುವುದರಲ್ಲಿ ಯಾವುದೇ ಸಂದೇಹವೂ ಇಲ್ಲ.
ಹೇಮಂತ್ ಬನ್ಸೂರಿನ ಗುಂಟಾ ಶಹಪುರದಲ್ಲಿ ಜನಿಸಿದರು. COVID-19 ಸಾಂಕ್ರಾಮಿಕದ ನಂತರ ಅವರು ತಮ್ಮ ಹುದ್ದೆಯನ್ನು ಪಡೆದರು. 2021 ರಲ್ಲಿ, COVID-19 ಸಾಂಕ್ರಾಮಿಕ ಸಮಯದಲ್ಲಿ, ಅವರನ್ನು ಬನ್ಸುರ್ ಜಿಲ್ಲೆಯಲ್ಲಿ ಅವರು ತರಬೇತಿ ಪಡೆದುಕೊಂಡ ನಂತರ ಅವರನ್ನು ಜೋಧ್ಪುರಕ್ಕೆ ನಿಯುಕ್ತಿ ಮಾಡಲಾಗಿತ್ತು. ತಾತ್ಕಾಲಿಕ ಅವಧಿಯ ನಂತರ, ಅವರನ್ನು ಜೈಪುರ ಜಿಲ್ಲಾ ಸೆಷನ್ಸ್ ನ್ಯಾಯಾಲಯಕ್ಕೆ ನಿಯೋಜಿಸಲಾಗಿದೆ.
ಇನ್ನು ಹನುಮಂತಗಢದ ನೋಹರ್ ನಿವಾಸಿ ಕರೀನಾ ಕಲಾ, RJS ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ಪ್ರಸ್ತುತ ತರಬೇತಿ ಪಡೆಯುತ್ತಿದ್ದಾರೆ. ಅವರ ತಂದೆ, MP ಕಲಾ, ನಿವೃತ್ತ ಪ್ರಾಂಶುಪಾಲರು, ಆದರೆ ಅವರ ತಾಯಿ ಗೃಹಿಣಿ.
ಇದನ್ನೂ ನೋಡಿ : ಕರ್ನಾಟಕದ 17 ಭಾಷೆಗಳಲ್ಲಿ ಸಂವಿಧಾನ ಪೀಠಿಕೆ
