38 KSRTC, 28 BMTC ಬಸ್ ಸಂಚಾರ ಆರಂಭ
ಬೆಂಗಳೂರು: 6ನೇ ವೇತನ ಆಯೋಗ ಜಾರಿಗೆ ಒತ್ತಾಯಿಸಿ ಸಾರಿಗೆ ನೌಕರರು ನಡೆಸುತ್ತಿರೋ ಮುಷ್ಕರ ಇಂದು ಎರಡನೇ ದಿನಕ್ಕೆ ಕಾಲಿಟ್ಟಿದೆ. ನಿನ್ನೆ ಸರ್ಕಾರಿ ಬಸ್ಗಳ ಸಂಚಾರ ಸಂಪೂರ್ಣ ಸ್ಥಗಿತವಾಗಿತ್ತು. ಆದ್ರೆ ಇಂದು ಕೆಲವು ಜಿಲ್ಲೆಗಳಲ್ಲಿ ಕೆಎಸ್ಆರ್ಟಿಸಿ ಬಸ್ಗಳ ಸಂಚಾರ ಆರಂಭವಾಗಿದೆ.
ಬೆಳಿಗ್ಗೆಯಿಂದ 38 ಕೆ.ಎಸ್.ಆರ್.ಟಿ.ಸಿ, 28 ಬಿಎಂಟಿಸಿ, 54 NEKRTC ಹಾಗೂ 14 NWKRTC ಬಸ್ಸುಗಳ ಕಾರ್ಯಾಚರಣೆ ಆರಂಭವಾಗಿದೆ ಎಂದು KSRTC ಕೇಂದ್ರ ಕಚೇರಿಯಿಂದ ಮಾಹಿತಿ ಲಭ್ಯವಾಗಿದೆ.
ಹಲವು ಜಿಲ್ಲೆಗಳಲ್ಲಿ ಪೊಲೀಸ್ ಭದ್ರತೆಯೊಂದಿಗೆ ಕೆಎಸ್ಆರ್ಟಿಸಿ ಬಸ್ಗಳನ್ನ ರಸ್ತೆಗಿಳಿಸಲಾಗಿದೆ. ವಿಜಯಪುರದಿಂದ ಶ್ರೀಶೈಲಕ್ಕೆ ಬಸ್ ಸಂಚಾರ ಶುರುವಾಗಿದೆ. ವಿಭಾಗೀಯ ನಿಯಂತ್ರಣಾಧಿಕಾರಿ ನಾರಾಯಣಪ್ಪ ಮುಂದೆ ನಿಂತು ಬಸ್ ಬಿಡಿಸಿದ್ದಾರೆ. ನಿನ್ನೆಯಿಂದಲು ಬಸ್ ಓಡಿಸಲು ಡಿಸಿ ನೌಕರರ ಮನವೊಲಿಕೆ ಮಾಡುತ್ತಿದ್ದಾರೆ.
ಇಂದು ಡಿಪೋದಿಂದ 28 ಬಸ್ಗಳು ರಸ್ತೆಗಿಳಿದಿದ್ದು, ಮುದ್ದೇಬಿಹಾಳ, ಸಾತಾರ, ಶ್ರೀಶೈಲ, ಇಂಡಿ, ಸಿಂದಗಿ, ಗಜೇಂದ್ರಘಡ ಕಡೆಗೆ ಹೋಗಿವೆ.
ಚಾಮರಾಜನಗರದಲ್ಲಿ ಒಬ್ಬ ಡ್ರೈವರ್ ಹಾಗೂ ಒಬ್ಬರು ಕಂಡಕ್ಟರ್ ಕೆಲಸಕ್ಕೆ ಹಾಜರಾಗಿದ್ದು, ಜಿಲ್ಲೆಯಿಂದ ಮೈಸೂರಿಗೆ ಒಂದು ಕೆಎಸ್ಆರ್ಟಿಸಿ ಬಸ್ ಹೊರಟಿದೆ. ಮೈಸೂರು ಕೇಂದ್ರ ಬಸ್ ನಿಲ್ದಾಣಕ್ಕೆ ಕೆಎಸ್ಆರ್ಟಿಸಿ ಬಸ್ಗಳು ಆಗಮಿಸುತ್ತಿವೆ. ಕೆ.ಆರ್.ನಗರದ ಮಾರ್ಗದ ಬಸ್ ತೆರಳಿದ ಬೆನ್ನಲ್ಲೇ, ಮಂಡ್ಯ ಕಡೆ ಎರಡು ಬಸ್ಗಳು ತೆರಳಿವೆ. ಉಡುಪಿಯಿಂದ ಐರಾವತ ಬಸ್ ಸಂಚಾರ ಆರಂಭಿಸಿದೆ.
