ನವದೆಹಲಿ: ಜಗತ್ತಿನ 10 ದೊಡ್ಡ ಆರ್ಥಿಕ ರಾಷ್ಟ್ರಗಳ ನಡುವೆ, ಸಾಮಾನ್ಯ ನಾಗರಿಕರಿಗೆ ಪೆಟ್ರೋಲ್ ಮತ್ತು ಡೀಸೆಲ್ ಅತ್ಯಂತ ದುಬಾರಿಯಾಗಿರುವ ದೇಶವಾಗಿ ಭಾರತ ಹೊರಹೊಮ್ಮಿದೆ. ದರ
ದೇಶದ ತಲಾ ಆದಾಯ ಮಟ್ಟದ ಸರಾಸರಿ ಭಾರತೀಯನು ತನ್ನ ದಿನದ ಆದಾಯದಿಂದ ಕೇವಲ ಸುಮಾರು 8 ಲೀಟರ್ ಪೆಟ್ರೋಲ್ ಅಥವಾ ಡೀಸೆಲ್ ಮಾತ್ರ ಖರೀದಿಸಲು ಸಾಧ್ಯವಾಗುತ್ತದೆ. ಇದಕ್ಕೆ ವಿರುದ್ಧವಾಗಿ, ಅಮೆರಿಕದ ಸರಾಸರಿ ನಾಗರಿಕನು ಒಂದೇ ದಿನದ ಆದಾಯದಲ್ಲಿ 199 ಲೀಟರ್ ಪೆಟ್ರೋಲ್ ಅಥವಾ 171 ಲೀಟರ್ ಡೀಸೆಲ್ ಖರೀದಿಸಬಲ್ಲನು ಎಂದು ವರದಿಗಳು ಸೂಚಿಸುತ್ತವೆ. ದರ
ಮೇ 25ರಂದು ವಿವಿಧ ದೇಶಗಳ ಇಂಧನ ದರಗಳ ಆಧಾರದ ಮೇಲೆ ಸಂಗ್ರಹಿಸಲಾದ ಮಾಹಿತಿಯು ಈ ಅಂಕಿಅಂಶಗಳನ್ನು ತೋರಿಸುತ್ತದೆ.
ಇದನ್ನೂ ಓದಿ: ಮಧ್ಯಪ್ರದೇಶದಲ್ಲಿ ಶೀಘ್ರ ಯುಸಿಸಿ ಜಾರಿ: ಸಾರ್ವಜನಿಕ ಅಭಿಪ್ರಾಯಕ್ಕೆ ಆನ್ಲೈನ್ ಪೋರ್ಟಲ್ ಆರಂಭ
ಈ ಪಟ್ಟಿಯಲ್ಲಿ ಬ್ರೆಜಿಲ್ ಎರಡನೇ ಅತಿ ಕಡಿಮೆ ಖರೀದಿ ಸಾಮರ್ಥ್ಯ ಹೊಂದಿರುವ ದೇಶವಾಗಿದ್ದು, ಅಲ್ಲಿ ಸರಾಸರಿ ನಾಗರಿಕನು ದಿನದ ಆದಾಯದಲ್ಲಿ ಸುಮಾರು 20 ಲೀಟರ್ ಇಂಧನ ಮಾತ್ರ ಖರೀದಿಸಬಲ್ಲನು. ಇಟಲಿ, ಫ್ರಾನ್ಸ್, ಜರ್ಮನಿ, ಯುಕೇ ಮತ್ತು ಜಪಾನ್ ದೇಶಗಳಲ್ಲಿ ದಿನದ ಆದಾಯದಿಂದ 50 ಲೀಟರ್ಗಿಂತ ಹೆಚ್ಚು ಇಂಧನ ಖರೀದಿಸುವ ಸಾಧ್ಯತೆ ಇದೆ.
ತೈಲ ಉತ್ಪಾದಕ ರಾಷ್ಟ್ರಗಳಲ್ಲಿ ಇಂಧನ ಹೆಚ್ಚು ಲಭ್ಯವಾಗಿದ್ದು, ಲಿಬಿಯಾದಲ್ಲಿ ದಿನದ ಆದಾಯದಿಂದ ಸುಮಾರು 789 ಲೀಟರ್ ಪೆಟ್ರೋಲ್ ಅಥವಾ ಡೀಸೆಲ್ ಖರೀದಿಸಬಹುದು — ಇದು 158 ದೇಶಗಳ ಪಟ್ಟಿಯಲ್ಲಿ ಅತಿ ಹೆಚ್ಚು. ಡೀಸೆಲ್ ದೃಷ್ಟಿಯಿಂದ ವೆನೆಜುವೆಲಾದಲ್ಲಿ ಈ ಸಂಖ್ಯೆ 2,573 ಲೀಟರ್ವರೆಗೆ ಇದೆ, ಇರೆಾನ್ನಲ್ಲಿ 1,866 ಲೀಟರ್ ಎಂದು ವರದಿ ತಿಳಿಸುತ್ತದೆ.
ಕುವೈತ್, ವೆನೆಜುವೆಲಾ, ಖತರ್, ಇರಾನ್ ಮತ್ತು ಲಿಬಿಯಾ ಸೇರಿದಂತೆ ತೈಲ ಉತ್ಪಾದಕ ರಾಷ್ಟ್ರಗಳಲ್ಲಿ ಜನರು ದಿನದ ಆದಾಯದಲ್ಲಿ 200 ಲೀಟರ್ಗಿಂತ ಹೆಚ್ಚು ಇಂಧನ ಖರೀದಿಸಲು ಸಾಧ್ಯವಾಗುತ್ತದೆ.
ಇದಕ್ಕೆ ವಿರುದ್ಧವಾಗಿ, ಆಫ್ರಿಕಾದ ಬಡ ರಾಷ್ಟ್ರಗಳಲ್ಲಿ ಇಂಧನ ಅತ್ಯಂತ ದುಬಾರಿಯಾಗಿದ್ದು, ಮಾಲಾವಿ ಮತ್ತು ಸೆಂಟ್ರಲ್ ಆಫ್ರಿಕನ್ ರಿಪಬ್ಲಿಕ್ ದೇಶಗಳಲ್ಲಿ ದಿನದ ಆದಾಯದಿಂದ ಒಂದು ಲೀಟರ್ ಇಂಧನವನ್ನೂ ಖರೀದಿಸಲು ಸಾಧ್ಯವಾಗುವುದಿಲ್ಲ. ಬುರುಂಡಿ, ಮೊಜಾಂಬಿಕ್, ಮಡಗಾಸ್ಕರ್ ಸೇರಿದಂತೆ ಇನ್ನೂ ಕೆಲವು ದೇಶಗಳಲ್ಲಿ ಎರಡು ಲೀಟರ್ಗಿಂತ ಕಡಿಮೆ ಮಾತ್ರ ಖರೀದಿಸಬಹುದು.
ಒಟ್ಟು 158 ದೇಶಗಳ ಪಟ್ಟಿಯಲ್ಲಿ, ಭಾರತವು ಪೆಟ್ರೋಲ್ ಖರೀದಿ ಸಾಮರ್ಥ್ಯದಲ್ಲಿ 121ನೇ ಸ್ಥಾನ ಮತ್ತು ಡೀಸೆಲ್ನಲ್ಲಿ 118ನೇ ಸ್ಥಾನದಲ್ಲಿದೆ ಎಂದು ವರದಿ ಹೇಳಿದೆ.
ಇದನ್ನೂ ನೋಡಿ: ನನ್ನ ಮತ ಕಸಿಯುವ ಎಸ್ಐಆರ್ ರದ್ದುಪಡಿಸಿ – ದುಂಡುಮೇಜಿನ ಸಭೆಯಲ್ಲಿ ಆಕ್ರೋಶ Janashakthi Media
