ನವದೆಹಲಿ: ಬಲವಂತದ ಕಾರ್ಮಿಕರಿಂದ ತಯಾರಿಸಲಾದ ವಸ್ತುಗಳ ಆಮದು ತಡೆಯಲು ವಿಫಲವಾಗಿವೆ ಎಂಬ ಆರೋಪದ ಮೇಲೆ, ಯುನೈಟೆಡ್ ಸ್ಟೇಟ್ಸ್ ವ್ಯಾಪಾರ ಪ್ರತಿನಿಧಿಯ ಕಚೇರಿ (USTR) ಭಾರತ ಸೇರಿದಂತೆ 54 ದೇಶಗಳ ಮೇಲೆ 12.5 ಶೇಕಡಾ ಹೆಚ್ಚುವರಿ ಆಮದು ಸುಂಕ ವಿಧಿಸಲು ಪ್ರಸ್ತಾಪಿಸಿದೆ. ಉಲ್ಲಂಘನೆ
60 ದೇಶಗಳ ಮೇಲೆ ನಡೆಸಿದ ತನಿಖೆಯ ಬಳಿಕ ಈ ಪ್ರಸ್ತಾವನೆ ಮುಂದಿಟ್ಟಿದ್ದು, ಬಲವಂತದ ಕಾರ್ಮಿಕರೊಂದಿಗೆ ಸಂಬಂಧ ಹೊಂದಿರುವ ಉತ್ಪನ್ನಗಳ ಆಮದು ಮೇಲೆ ನಿರ್ಬಂಧ ವಿಧಿಸುವಲ್ಲಿ ದೇಶಗಳು ವಿಫಲವಾಗಿವೆ ಅಥವಾ ಪರಿಣಾಮಕಾರಿಯಾಗಿ ಜಾರಿಗೆ ತರುವಲ್ಲಿ ಕೊರತೆಯಿದೆ ಎಂದು ಯುಎಸ್ಟಿಆರ್ ಹೇಳಿದೆ.
ಅಮೆರಿಕದ ವಾಣಿಜ್ಯ ಪ್ರತಿನಿಧಿ ಅಂಬಾಸಿಡರ್ ಜೇಮಿಸನ್ ಗ್ರೀರ್ ಅವರು, “ನಮ್ಮ ಪ್ರಮುಖ ವ್ಯಾಪಾರ ಭಾಗಿದಾರರು ಬಲವಂತದ ಕಾರ್ಮಿಕರಿಂದ ತಯಾರಿಸಲಾದ ವಸ್ತುಗಳ ಆಮದು ತಡೆಯಲು ವಿಫಲವಾಗಿರುವುದು ಅಸ್ವೀಕಾರಾರ್ಹ. ಇದರಿಂದ ಅಮೆರಿಕದ ಕಾರ್ಮಿಕರು ಅಸಮಾನ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಬೇಕಾಗುತ್ತಿದೆ,” ಎಂದು ಹೇಳಿದ್ದಾರೆ. ಉಲ್ಲಂಘನೆ
ಇದನ್ನೂ ಓದಿ: ಟಿಎಂಸಿ ನಾಯಕರ ಮೇಲೆ ದಾಳಿ ಆರೋಪ: ಕೊಲ್ಕತ್ತಾದಲ್ಲಿ ಮಮತಾ ಬ್ಯಾನರ್ಜಿ ಪ್ರತಿಭಟನೆ
“ಈ ಅಸಮಾನತೆಯನ್ನು ನಾವು ಇನ್ನು ಸಹಿಸುವುದಿಲ್ಲ,” ಎಂದು ಅವರು ಎಚ್ಚರಿಸಿದರು. ಉಲ್ಲಂಘನೆ
ಈ ಆರೋಪಗಳನ್ನು ಭಾರತ ತಿರಸ್ಕರಿಸಿದ್ದು, ಬಲವಂತದ ಕಾರ್ಮಿಕರ ನಿಯಮಾವಳಿಯ ಅಡಿಯಲ್ಲಿ ತನಿಖೆ ಮುಂದುವರಿಸುವುದನ್ನು ನಿಲ್ಲಿಸಲು ಅಮೆರಿಕವನ್ನು ಮನವಿ ಮಾಡಿದೆ. ಈ ವಿಷಯವನ್ನು ದ್ವಿಪಕ್ಷೀಯ ವ್ಯಾಪಾರ ಚರ್ಚೆಗಳ ಮೂಲಕ ಪರಿಹರಿಸಬೇಕು ಎಂದು ಭಾರತ ಅಭಿಪ್ರಾಯಪಟ್ಟಿದೆ. ಉಲ್ಲಂಘನೆ
ಯುಎಸ್ಟಿಆರ್ ಪ್ರಕಾರ, ಭಾರತ, ಚೀನಾ, ಜಪಾನ್, ಬ್ರೆಜಿಲ್, ಆಸ್ಟ್ರೇಲಿಯಾ, ಯುಕೇ ಮತ್ತು ಸೌದಿ ಅರೇಬಿಯಾ ಸೇರಿದಂತೆ 54 ದೇಶಗಳು ಬಲವಂತದ ಕಾರ್ಮಿಕರಿಂದ ತಯಾರಿಸಲಾದ ಉತ್ಪನ್ನಗಳ ಆಮದು ತಡೆಯುವಲ್ಲಿ ಸಮರ್ಪಕ ಕ್ರಮ ಕೈಗೊಂಡಿಲ್ಲ.
ಇದೇ ವೇಳೆ, ಕೆನಡಾ, ಈಕ್ವಡಾರ್, ಯುರೋಪಿಯನ್ ಯೂನಿಯನ್, ಇಂಡೋನೇಷ್ಯಾ, ಮೆಕ್ಸಿಕೋ ಮತ್ತು ಪಾಕಿಸ್ತಾನ ದೇಶಗಳಲ್ಲಿ ಇಂತಹ ನಿರ್ಬಂಧಗಳಿದ್ದರೂ, ಅವುಗಳನ್ನು ಪರಿಣಾಮಕಾರಿಯಾಗಿ ಜಾರಿಗೊಳಿಸುವಲ್ಲಿ ಕೊರತೆ ಕಂಡುಬಂದಿದೆ ಎಂದು ಹೇಳಿದೆ.
ಕೆಲವು ದೇಶಗಳು ಯುಎಸ್‌ಎಂಸಿಎ (USMCA) ಮತ್ತು ಪರಸ್ಪರ ವ್ಯಾಪಾರ ಒಪ್ಪಂದಗಳ ಮೂಲಕ ಬಲವಂತದ ಕಾರ್ಮಿಕರ ಉತ್ಪನ್ನಗಳ ಆಮದು ನಿಯಂತ್ರಿಸಲು ಕ್ರಮ ಕೈಗೊಂಡಿದ್ದರೂ, ಇನ್ನಷ್ಟು ಕಠಿಣ ಕ್ರಮಗಳ ಅಗತ್ಯವಿದೆ ಎಂದು ಗ್ರಿಯರ್ ತಿಳಿಸಿದ್ದಾರೆ.
“ಪ್ರತಿ ವ್ಯಾಪಾರ ಪಾಲುದಾರ ದೇಶವೂ ಜಾಗತಿಕ ಮಟ್ಟದಲ್ಲಿ ಬಲವಂತದ ಕಾರ್ಮಿಕರನ್ನು ಉತ್ತೇಜಿಸುವ ಪರಿಸ್ಥಿತಿ ಉಂಟಾಗದಂತೆ ಇನ್ನಷ್ಟು ಕ್ರಮ ಕೈಗೊಳ್ಳಬೇಕು,” ಎಂದು ಅವರು ಹೇಳಿದರು.
ಪ್ರಸ್ತಾವನೆಯ ಪ್ರಕಾರ, ಈಗಾಗಲೇ ಬಲವಂತದ ಕಾರ್ಮಿಕರ ಉತ್ಪನ್ನಗಳ ಆಮದು ನಿಷೇಧ ಜಾರಿಗೊಳಿಸಿರುವ ಅಥವಾ ವ್ಯಾಪಾರ ಒಪ್ಪಂದಗಳ ಮೂಲಕ ಇಂತಹ ಕ್ರಮಗಳಿಗೆ ಬದ್ಧವಾಗಿರುವ ದೇಶಗಳಿಗೆ 10% ಹೆಚ್ಚುವರಿ ಸುಂಕ ವಿಧಿಸಲಾಗುತ್ತದೆ.
ಇತರೆ ದೇಶಗಳಿಗೆ 12.5% ಹೆಚ್ಚುವರಿ ಸುಂಕ ವಿಧಿಸಲು ಪ್ರಸ್ತಾಪಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.
ಇದಲ್ಲದೆ, ಕೆಲವು ದೇಶಗಳಿಂದ ನಿಗದಿತ ಪ್ರಮಾಣದ ವಸ್ತ್ರ ಮತ್ತು ಟೆಕ್ಸ್ಟೈಲ್ ಉತ್ಪನ್ನಗಳನ್ನು ಕಡಿಮೆ ಸುಂಕದಲ್ಲಿ ಅಮೆರಿಕಕ್ಕೆ ಆಮದು ಮಾಡಲು ಅವಕಾಶ ನೀಡುವ ಹೊಸ ವ್ಯವಸ್ಥೆಯನ್ನೂ ಯುಎಸ್ಟಿಆರ್ ಪ್ರಸ್ತಾಪಿಸಿದೆ.
ಈ ಕುರಿತು ಆಸಕ್ತಪಕ್ಷಗಳು ಜೂನ್ 22ರೊಳಗೆ ವಿಚಾರಣೆಯಲ್ಲಿ ಭಾಗವಹಿಸಲು ಅರ್ಜಿ ಸಲ್ಲಿಸಬಹುದಾಗಿದ್ದು, ಲಿಖಿತ ಅಭಿಪ್ರಾಯಗಳನ್ನು ಜುಲೈ 6ರವರೆಗೆ ಸಲ್ಲಿಸಲು ಅವಕಾಶ ನೀಡಲಾಗಿದೆ. ಜುಲೈ 7ರಂದು ವಿಚಾರಣೆ ನಡೆಯಲಿದೆ ಎಂದು ಪ್ರಕಟಣೆ ತಿಳಿಸಿದೆ.
ಇದನ್ನೂ ನೋಡಿ: ನಳ ಇದೆ, ಪೈಪ್ ಇದೆ… ಆದರೆ ನೀರೇ ಇಲ್ಲ! ಕೊಡಗಿನ ಆದಿವಾಸಿಗಳ ಕಣ್ಣೀರಿನ ಕಥೆ Janashakthi Media
