ಲಕ್ನೋ: ಶಾಲೆಗೆ ಗೈರುಹಾಜರಾಗುತ್ತಿರುವ ರಾಜ್ಯದ ಸುಮಾರು 9,000 ಸರ್ಕಾರಿ ಪ್ರಾಥಮಿಕ ಶಿಕ್ಷಕರಿಗೆ ಉತ್ತರ ಪ್ರದೇಶ ಸರ್ಕಾರ ನೋಟಿಸ್ ಜಾರಿ ಮಾಡಿದೆ ಎಂದು ವರದಿಯಾಗಿದೆ. ಸೆಪ್ಟೆಂಬರ್ ಮತ್ತು ಅಕ್ಟೋಬರ್‌ನಲ್ಲಿ ಜಿಲ್ಲಾ ಮತ್ತು ಬ್ಲಾಕ್ ಮಟ್ಟದ ಟಾಸ್ಕ್ ಫೋರ್ಸ್ ನಡೆಸಿದ ತಪಾಸಣೆ ಅಭಿಯಾನದಲ್ಲಿ ಈ ಮಾಹಿತಿ ಬಹಿರಂಗಗೊಂಡಿದ್ದು, ಈ ವೇಳೆ ಗೈರುಹಾಜರಾದ ಶಿಕ್ಷಕರ ಪಟ್ಟಿಯನ್ನು ಮಾಡಲಾಗಿತ್ತು.
ಶಿಕ್ಷಣ ಇಲಾಖೆಯ ನಿರ್ದೇಶನದ ಮೇರೆಗೆ, ಮೂಲ ಶಿಕ್ಷಣ ಅಧಿಕಾರಿಗಳು (ಬಿಎಸ್ಎ) ಈ ಶಿಕ್ಷಕರಿಗೆ ಶೋಕಾಸ್ ನೋಟಿಸ್ ಜಾರಿ ಮಾಡಿದ್ದು, ಅವರ ವೇತನ ಕಡಿತಗೊಳಿಸಿದ್ದಾರೆ. ವಿದ್ಯಾರ್ಥಿಗಳು ಮತ್ತು ಶಿಕ್ಷಕರ ನಿಯಮಿತ ಹಾಜರಾತಿ, ‘ಆಪರೇಷನ್ ಕಾಯಕಲ್ಪ್’ ಅಡಿಯಲ್ಲಿ ಸಂಗ್ರಹಿಸಲಾದ ಮೂಲ ಸೌಕರ್ಯಗಳ ಶುದ್ಧತ್ವ ಮತ್ತು ಕಲಿಕೆಯ ಫಲಿತಾಂಶಗಳನ್ನು ನಿರ್ಣಯಿಸುವುದು ತಪಾಸಣೆ ಅಭಿಯಾನದ ಉದ್ದೇಶವಾಗಿದೆ.
ಇದನ್ನೂ ಓದಿ: ಕ್ರಿಮಿನಲ್ ಮೊಕದ್ದಮೆ ಎದುರಿಸುತ್ತಿದ್ದಾರೆ ತೆಲಂಗಾಣದ 85% ಹಾಲಿ ಶಾಸಕರು!
ವಿದ್ಯಾರ್ಥಿಗಳು ಮತ್ತು ಶಿಕ್ಷಕರ ನಿಯಮಿತ ಹಾಜರಾತಿಯನ್ನು ಖಚಿತಪಡಿಸಿಕೊಳ್ಳುವುದು, ‘ಆಪರೇಷನ್ ಕಾಯಕಲ್ಪ್’ ಅಡಿಯಲ್ಲಿ ಸಂಗ್ರಹಿಸಲಾದ ಮೂಲ ಸೌಕರ್ಯಗಳ ಮೌಲ್ಯಮಾಪನ ಮತ್ತು ಕಲಿಕೆಯ ಫಲಿತಾಂಶಗಳನ್ನು ನಿರ್ಣಯಿಸುವುದು ಈ ತಪಾಸಣಾ ಅಭಿಯಾನದ ಉದ್ದೇಶವಾಗಿತ್ತು.
ಶಿಕ್ಷಣ ಇಲಾಖೆ ಹಂಚಿಕೊಂಡ ಅಂಕಿಅಂಶಗಳ ಪ್ರಕಾರ, ಅಜಂಗಢ್, ಬಲ್ಲಿಯಾ, ಗೊಂಡಾ, ಸಿದ್ಧಾರ್ಥ್ ನಗರ ಮತ್ತು ಹರ್ದೋಯ್‌ ಸೇರಿ 5 ಜಿಲ್ಲೆಗಳ 250 ಕ್ಕೂ ಹೆಚ್ಚು ಶಿಕ್ಷಕರು ನಿಯಮಿತವಾಗಿ ಶಾಲೆಗಳಲ್ಲಿ ಕಾಣೆಯಾಗುತ್ತಿದ್ದಾರೆ. ರಾಜ್ಯದ 75 ಜಿಲ್ಲೆಗಳ 30,000 ಕ್ಕೂ ಹೆಚ್ಚು ಶಾಲೆಗಳಲ್ಲಿ ನಿರಂತರ ತಪಾಸಣೆ ನಡೆಸಿದ ನಂತರ ಗೈರುಹಾಜರಾದ ಶಿಕ್ಷಕರ ಪಟ್ಟಿಯನ್ನು ರಚಿಸಲಾಗಿದೆ ಎಂದು ವರದಿಯಾಗಿದೆ.
ಇದನ್ನೂ ಓದಿ: ಮಿಜೋರಾಂ ವಿಧಾನಸಭೆ ಚುನಾವಣೆ-2023 | ರಾಜ್ಯದ ರಾಜಕೀಯ ಸ್ಥಿತಿಗತಿ ಹೀಗಿದೆ!
ಪ್ರತಿ ತಿಂಗಳು ಸರಾಸರಿ 40 ಶಾಲೆಗಳಿಗೆ ಟಾಸ್ಕ್ ಫೋರ್ಸ್ ಭೇಟಿ ನೀಡುತ್ತಿದೆ. ತಂಡವು ಹಳ್ಳಿಗಾಡಿನ ಶಾಲೆಗಳನ್ನು ಕೂಡಾ ಒಳಗೊಂಡಿದೆ ಎಂದು ವರದಿ ಹೇಳಿವೆ.
“ಶೈಕ್ಷಣಿಕ ವಿಷಯಗಳ ಮೇಲೆ ಕೇಂದ್ರೀಕರಿಸುವಂತೆ, ನಿಪುನ್ ಭಾರತ್ ಮಿಷನ್ ಅಡಿಯಲ್ಲಿ ಯುಪಿಯಲ್ಲಿ ಮೂಲಭೂತ ಸಾಕ್ಷರತೆ ತಲುಪಲು ಸಹಾಯ ಮಾಡಿ ಎಂದು ಸರ್ಕಾರ ಕಟ್ಟುನಿಟ್ಟಾದ ಆದೇಶಗಳನ್ನು ಹೊರಡಿಸಿರುವುದ ಹೊರತಾಗಿಯೂ ಶಿಕ್ಷಕರು ಗೈರುಹಾಜರಾಗುತ್ತಿದ್ದಾರೆ. ಪ್ರತಿಭಟನೆಯ ಉದ್ದೇಶಕ್ಕಾಗಿ ಶಿಕ್ಷಕರು ತಮ್ಮ ಶಾಲೆಗಳಿಂದ ಹೊರಹೋಗುತ್ತಿದ್ದಾರೆ, ಇದು ಸಂಪೂರ್ಣವಾಗಿ ಸ್ವೀಕಾರಾರ್ಹವಲ್ಲ” ಎಂದು ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
“ಶಾಲಾ ಶಿಕ್ಷಣದ ಮಹಾನಿರ್ದೇಶಕರು (DGSE) ಪದೇ ಪದೇ ಶಾಲೆಗಳನ್ನು ಕಾಣೆಯಾಗುತ್ತಿರುವ ಶಿಕ್ಷಕರ ನಿರಂತರ ಪ್ರತಿಭಟನೆಯ ಬಗ್ಗೆ ಅಸಮಾಧಾನಗೊಂಡಿದ್ದಾರೆ. ಇಂತಹ ಶಿಕ್ಷಕರ ವಿರುದ್ಧ ಶಿಸ್ತು ಕ್ರಮಗಳನ್ನು ಪ್ರಾರಂಭಿಸಲು ತಪಾಸಣೆ ಅಭಿಯಾನವು ಸಹಾಯ ಮಾಡುತ್ತದೆ” ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ವಿಡಿಯೊ ನೋಡಿ: ಇಸ್ರೇಲ್ ಮತ್ತು ಪ್ಯಾಲೆಸ್ತೀನ್‌ನಲ್ಲಿ ಶಾಂತಿ ನೆಲೆಸಲಿ ಎಂದವರನ್ನು ಬಂಧಿಸಿದ ಸರ್ಕಾರ! Janashakthi Media
