ವಾಷಿಂಗ್ಟನ್ : ಜನಪ್ರಿಯ ಸಾಮಾಜಿಕ ಜಾಲತಾಣ ಟ್ವಿಟ್ವರ್ ಹಕ್ಕಿ ಲೊಗೊ ನಾಯಿ ಮರಿಯಾಗಿ ಮಂಗಳವಾರ ಬದಲಾಣೆಗೊಂಡಿದೆ. ಈ ಬಗ್ಗೆ ಜಾಲತಾಣ ಬಳಕೆದಾರರು ಮೀಮ್ಸ್, ಟ್ರೋಲ್ ಮಾಡುವುದರ ಮೂಲಕ ಹಾಸ್ಯದ ಚರ್ಚೆ ನಡೆಸುತ್ತಿದ್ದಾರೆ.
‘ನಾಯಿಯಾಗಿ ಬದಲಾದ ಟ್ವಿಟ್ಟರ್ ಹಕ್ಕಿ ಲೊಗೊವು ಎರಡು ದಿನ ತಡವಾಗಿ ಮಾಡಿದ ಎಪ್ರಿಲ್ ಪೂಲ್’ ಎಂದು ಕ್ರೈಡ್‌ಮ್ಯಾನ್ ಎಂಬ ಖಾತೆ ಹಾಸ್ಯವತ್ತಾಗಿ ಬರೆದುಕೊಂಡಿದೆ.
ಅಲ್ಲದೇ, #Doge ಎಂದು ಬಳಸಿ ಮಾನವನ ದೇಹಕ್ಕೆ ನಾಯಿ ತಲೆ ಅಂಟಿಸಿದ ವಿವಿಧ ರೀತಿಯ ಪೋಸ್ಟರ್‌ಗಳನ್ನು ಟ್ವಿಟ್ಟರ್ ಬಳಕೆದಾರರು ಹಂಚಿಕೊಂಡು ಕುಟುಕುತ್ತಿದ್ದಾರೆ.
ಇದನ್ನೂ ಓದಿ : 6 ಗಂಟೆಗಳ ಕಾಲ ಸ್ಥಗಿತಗೊಂಡಿದ್ದ ಸಾಮಾಜಿಕ ಜಾಲತಾಣ! – ಚಟಪಟಿಸಿದವರೆಷ್ಟು ಜನ ಗೊತ್ತೆ?
ಒಟ್ಟಿನಲ್ಲಿ ಹಲವು ಬಳಕೆದಾರರು ಟ್ವಿಟರ್ ಲಾಗಿನ್ ಆದ ತಕ್ಷಣ ಹೋಮ್ ಪೇಜಿನಲ್ಲಿ ನಾಯಿ ಲೊಗೊ ಕಂಡು ಬೆರಗಾಗುತ್ತಿದ್ದಾರೆ. ಅಸಲಿಗೆ ಈ ಲೊಗೊ ಬದಲಾವಣೆ ಹಿಂದಿನ ವಾಸ್ತವ ಏನೆಂದರೆ, ಟ್ವಿಟ್ವರ್ ಮಾಲೀಕ ಎಲಾನ್ ಮಾಸ್ಕ್ ಅವರ ಮುದ್ದಿನ ನಾಯಿಯಾದ ‘ಶಿಬಾ ಇನು’ ಮರಿ ಹಾಕಿದೆ. ಆ ಮರಿಗೆ ‘ಫ್ಲಾಕಿ’ ಎಂದು ಹೆಸರಿಟ್ಟಿದ್ದಾರೆ ಮಸ್ಕ್. ಈ ಖುಷಿಗೆ ಟ್ವಿಟ್ವರ್ ಹಕ್ಕಿ ಲೊಗೊ ‘ಫ್ಲಾಕಿ’ ನಾಯಿಮರಿಯಾಗಿ ಬದಲಾಗಿದೆ.
ಎಲಾನ್ ಮಸ್ಕ್ ಅವರು ಟ್ವಿಟ್ವರ್‌ಗೆ ಕಳೆದ ವರ್ಷ ಅಕ್ಟೋಬರ್ 27ರಂದು ಅಧಿಕೃತವಾಗಿ ಖರೀದಿಸಿದ್ದರು. ಎಲಾನ್ ಮಸ್ಕ್ ಅವರು ಕೆಲ ತಿಂಗಳ ಹಿಂದೆ ತನ್ನ ಟ್ವಿಟರ್ ಸಿಇಒ ಬದಲಾಗಿದ್ದಾರೆ ಎಂದು ಹೇಳಿ, ನಾಯಿ ಸಿಇಒ ಸೀಟ್ನಲ್ಲಿ ಕುಳಿತುಕೊಂಡಿರುವಂತೆ ಫೋಟೋ ಶೇರ್ ಮಾಡಿದ್ದರು. ಇದೀಗ ನಾಯಿಯ ಫೋಟೋವನ್ನೆ ಲೋಗೋ ಆಗಿ ಬದಲಾಯಿಸಿದ್ದಾರೆ.
