ಸುಪ್ರೀಂ ಕೋರ್ಟ್ ಮುಖ್ಯ ನ್ಯಾಯಾಧೀಶರ ಮೇಲೆ ಶೂ ಎಸೆದ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಇಂತಹ ಅಮಾನವೀಯ ಕೃತ್ಯ ಮಾಡಲು ಆ ವಕೀಲರಿಗೆ ಹೇಗೆ ಧೈರ್ಯ ಬಂತು ಎಂಬುದನ್ನು ನೋಡಬೇಕು. ಈ ಸಂದರ್ಭದಲ್ಲಿ, ಮಹಾತ್ಮಾ ಗಾಂಧಿಯವರ ಹತ್ಯೆಯ ನಂತರ ಅಂದಿನ ಗೃಹ ಸಚಿವ ಸರ್ದಾರ್ ಪಟೇಲ್ ಅವರು ನೀಡಿದ ಹೇಳಿಕೆಗಳನ್ನು ಇಲ್ಲಿ ನೆನಪಿಸಿಕೊಳ್ಳುವುದು ಸೂಕ್ತವಾಗಿದೆ. ಗಾಂಧೀಜಿಯವರ ಹತ್ಯೆಗೂ, ಆರ್ಎಸ್ಎಸ್ ಚಳುವಳಿಗೂ ನೇರ ಸಂಬಂಧವಿದೆ ಎಂದು ಸಾಬೀತುಪಡಿಸಲು ಸಾಕಷ್ಟು ಪುರಾವೆಗಳಿಲ್ಲದಿದ್ದರೂ, ಇಂತಹ ದುರಂತ ಸಂಭವಿಸಲು ಆ ಚಳವಳಿಯ ಚಟುವಟಿಕೆಗಳು ಮತ್ತು ಪ್ರಚಾರಗಳು, ಅವರು ಅನುಸರಿಸುತ್ತಿರುವ ದ್ವೇಷದ ರಾಜಕೀಯವೂ ಒಂದು ಪ್ರಮುಖ ಕಾರಣ ಎಂಬುದನ್ನು ಖಚಿತವಾಗಿ ಹೇಳಬಲ್ಲೆ ಎಂದರು. ನ್ಯಾಯಮೂರ್ತಿ ಗವಾಯಿಯವರು, ಆ ವಕೀಲರನ್ನು ಕ್ಷಮಿಸಿದರೂ, ನಮ್ಮ ಸಮಾಜವು ಆ ಘಟನೆಯನ್ನು ಅದೇ ರೀತಿಯಲ್ಲಿಯೇ ನಿರ್ಲಕ್ಷಿಸಲು ಸಾಧ್ಯವಿಲ್ಲ. ಸನಾತನ
-ಸಿ. ಸಿದ್ದಯ್ಯ
ಕಳೆದ ಅಕ್ಟೋಬರ್ 6 ರಂದು ಸುಪ್ರೀಂ ಕೋರ್ಟ್ನಲ್ಲಿ ನಡೆದ ಅಮಾನವೀಯ ಕೃತ್ಯವು ಭಾರತದ ಪ್ರಜಾಪ್ರಭುತ್ವ, ಕಾನೂನಿನ ಆಳ್ವಿಕೆ, ನ್ಯಾಯಾಂಗದ ಸ್ವತಂತ್ರ ಕಾರ್ಯನಿರ್ವಹಣೆ ಮತ್ತು ಸಾಮಾಜಿಕ ನ್ಯಾಯದ ಭವಿಷ್ಯದ ಬಗ್ಗೆ ನಮ್ಮ ಮನಸ್ಸಿನಲ್ಲಿ ಭಯ ಹುಟ್ಟುಹಾಕದೆ ಇರಲಾರದು. 70 ವರ್ಷದ ವಕೀಲ ರಾಕೇಶ್ ಕಿಶೋರ್ “ಸನಾತನ ಧರ್ಮವನ್ನು ಅವಮಾನಿಸುವುದನ್ನು ಸಹಿಸಲು ಸಾಧ್ಯವಿಲ್ಲ” ಎಂದು ಘೋಷಣೆ ಕೂಗುತ್ತಾ, ಸುಪ್ರೀಂ ಕೋರ್ಟ್ನ ಮುಖ್ಯ ಪೀಠದ ಮೇಲೆ ಕುಳಿತು ನ್ಯಾಯ ನಿರ್ವಹಿಸುತ್ತಿದ್ದ ಬಿ.ಆರ್. ಗವಾಯಿಯವರ ಮೇಲೆ ಶೂ ಎಸೆದದ್ದನ್ನು ನ್ಯಾಯಾಲಯದ ತಿರಸ್ಕಾರದ ಸರಳ ಕೃತ್ಯ ಎಂದು ತಳ್ಳಿಹಾಕಲಾಗದು. ನಾವು ಆಳವಾಗಿ ಹೋದರೆ, ಮುಖ್ಯ ನ್ಯಾಯಮೂರ್ತಿ ಗವಾಯಿ ದಲಿತ ಸಮುದಾಯಕ್ಕೆ ಸೇರಿದವರು. ಸುಶಿಕ್ಷಿತ ದಲಿತನೊಬ್ಬ ಸುಪ್ರೀಂ ಕೋರ್ಟ್ನ ಮುಖ್ಯ ನ್ಯಾಯಮೂರ್ತಿಯಾಗುವುದನ್ನು ಸನಾತನ ಧರ್ಮವು ಒಪ್ಪುವುದಿಲ್ಲ ಅಥವಾ ಸಹಿಸುವುದಿಲ್ಲ. ಸನಾತನ
ಚಪ್ಪಲಿಯ ಸಾಂಸ್ಕೃತಿಕ ಅರ್ಥ
ನಮ್ಮ “ಸಂಸ್ಕೃತಿ”ಯ ಪ್ರಕಾರ, ಚಪ್ಪಲಿ ಕಳಚಿ ಯಾರನ್ನಾದರೂ ಹೊಡೆಯುವುದು ಅಥವಾ ಅವರ ಮೇಲೆ ಎಸೆಯುವುದು, ಆ ವ್ಯಕ್ತಿಯ ಗೌರವಕ್ಕೆ ಮತ್ತು ಘನತೆಗೆ ಅತ್ಯಂತ ದೊಡ್ಡ ಅವಮಾನವಾಗಿದೆ. ಇದು ಕೇವಲ ದೈಹಿಕ ಶಿಕ್ಷೆಯಲ್ಲದೆ, ಮಾನಸಿಕ ಹಿಂಸೆಗೂ ಕಾರಣವಾಗುತ್ತದೆ. ಆ ದಾಳಿಯ ಉದ್ದೇಶ ಯಾರಿಗಾದರೂ ದೈಹಿಕವಾಗಿ ಹಾನಿ ಮಾಡುವುದಲ್ಲ. ಬದಲಾಗಿ, ಅದು ಆ ವ್ಯಕ್ತಿಯ ಸ್ವಾಭಿಮಾನವನ್ನು ಅವಮಾನಿಸುವುದಾಗಿದೆ. ಸಾಮಾನ್ಯವಾಗಿ ಕ್ರೂರ ಕೃತ್ಯ ಎಸಗಿದವರಿಗೆ ನಮ್ಮ ಪೂರ್ವಜರು “ಚಪ್ಪಲಿಯಲ್ಲಿ ಹೊಡೆಯುವ” ಶಿಕ್ಷೆಯನ್ನು ಬಳಸುತ್ತಿದ್ದರು. ಇಂತಹ ಶಿಕ್ಷೆಯನ್ನು ಹೆಚ್ಚಾಗಿ “ಕೆಳಜಾತಿ ಜನಗಳ” ಮೇಲೆ ಮಾತ್ರವೇ ವಿಧಿಸಲಾಗುತ್ತಿತ್ತು ಎಂಬುದನ್ನು ನಾವು ನೆನಪಿನಲ್ಲಿಡಬೇಕು. ಸನಾತನ
ಇದನ್ನೂ ಓದಿ: ಅಂಗಡಿ!
ನಾವು ಇಂದು “ಐತಿಹಾಸಿಕ ನಾಯಕರು” ಎಂದು ಕರೆಯಲ್ಪಡುವ ಮಹಾತ್ಮ ಗಾಂಧಿ ಮತ್ತು ಪೆರಿಯಾರ್ ರಾಮಸ್ವಾಮಿ ಸಹ ಪ್ರಬಲ ಶಕ್ತಿಗಳಿಂದ ಅಂತಹ ದಾಳಿಗೆ ಒಳಗಾಗಿದ್ದರು. ಆ ಸಮಯದಲ್ಲಿ ನಮ್ಮ ಮಹಾನ್ ನಾಯಕರು ಆ ದಾಳಿಯನ್ನು ಎದುರಿಸಿದಂತೆಯೇ, ನಮ್ಮ ಮುಖ್ಯ ನ್ಯಾಯಾಧೀಶರು ಸಹ ದೃಢವಾಗಿ ನಿಂತರು, ಅವರು ಈ ಘಟನೆಯನ್ನು ತಮ್ಮ ಸ್ಥಾನದ ಘನತೆ ಮತ್ತು ಗೌರವವನ್ನು ಕುಗ್ಗಿಸದೆ ಎದುರಿಸಿದರು. ಅಂತಹ ಅವಮಾನದ ಹೊರತಾಗಿಯೂ, ನ್ಯಾಯಮೂರ್ತಿ ಗವಾಯಿ, “ಆ ವಕೀಲರನ್ನು ಸುಮ್ಮನೆ ಬಿಡಿ, ಪ್ರಕರಣವನ್ನೂ ದಾಖಲಿಸಬೇಡಿ” ಎಂದು ಹೇಳಿದರು. ಆದರೆ ನಮ್ಮ ಸಮಾಜವು ಆ ಘಟನೆಯನ್ನು ಅದೇ ರೀತಿಯಲ್ಲಿಯೇ ನಿರ್ಲಕ್ಷಿಸಲು ಸಾಧ್ಯವಿಲ್ಲ. ಸನಾತನ
ನ್ಯಾಯಮೂರ್ತಿ ಗವಾಯಿ ಅವರ ಹಿನ್ನೆಲೆ
ನ್ಯಾಯಮೂರ್ತಿ ಗವಾಯಿ ಅವರು ಸ್ವತಂತ್ರ ಭಾರತದ ಮುಕ್ಕಾಲು ಶತಮಾನದಲ್ಲಿ ದಲಿತ ಸಮುದಾಯದಿಂದ ಬಂದ ಎರಡನೇ ಮುಖ್ಯ ನ್ಯಾಯಾಧೀಶರು. ಅಂಬೇಡ್ಕರ್ ಅವರ ಚಿಂತನೆ ಮತ್ತು ಸಾಮಾಜಿಕ ದೃಷ್ಟಿಕೋನವನ್ನು ಹೊಂದಿರುವ ಸಾಂಪ್ರದಾಯಿಕ ಕುಟುಂಬ ವಂಶವಾಹಿನಿಯಿಂದ ಬಂದವರು ಅವರು. ಅವರ ತಂದೆ ರಾಮಕೃಷ್ಣ ಸೂರ್ಯಪನ್ ಗವಾಯಿ, ಬಾಬಾಸಾಹೇಬ್ ಡಾ. ಅಂಬೇಡ್ಕರ್ ಅವರ ಆಪ್ತ ಸ್ನೇಹಿತರಾಗಿದ್ದರು. 1956 ರಲ್ಲಿ ಡಾ. ಅಂಬೇಡ್ಕರ್ ಅವರು ನಾಗ್ಪುರದಲ್ಲಿ ಬೌದ್ಧಧರ್ಮವನ್ನು ಸ್ವೀಕರಿಸಿದಾಗ, ಅವರ ಜೊತೆಗೆ ಬೌದ್ಧಧರ್ಮವನ್ನು ಸ್ವೀಕರಿಸಿದರು. ಈ ರೀತಿಯಾಗಿ, ನ್ಯಾಯಮೂರ್ತಿ ಗವಾಯಿ ಅವರು ಬೌದ್ಧಧರ್ಮದ ಮೊದಲ ಮುಖ್ಯ ನ್ಯಾಯಾಧೀಶರು ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಸನಾತನ
“ಭಾರತದಲ್ಲಿ ನಡೆಯುತ್ತಿರುವುದು ಕಾನೂನಿನ ಆಳ್ವಿಕೆ, ಬುಲ್ಡೋಜರ್ ಆಳ್ವಿಕೆಯಲ್ಲ. ನಾನು ಅದನ್ನು ಎಂದಿಗೂ ಒಪ್ಪುವುದಿಲ್ಲ” ಎಂದು ದೃಢವಾದ ತೀರ್ಪಿತ್ತು, ಬುಲ್ಡೋಜರ್ ಸಂಸ್ಕೃತಿಗೆ ಅಂತ್ಯ ಹಾಡಿದವರು ನ್ಯಾಯಮೂರ್ತಿ ಗವಾಯಿ. ತಮ್ಮ ಅಧಿಕಾರ ಅವಧಿ ಮುಗಿದ ನಂತರ ಬೇರೆ ಯಾವುದೇ ಸರ್ಕಾರಿ ಹುದ್ದೆಯನ್ನು ಸ್ವೀಕರಿಸುವುದಿಲ್ಲ ಎಂದು ಸಾರ್ವಜನಿಕವಾಗಿ ಘೋಷಿಸಿದ್ದಾರೆ. ಸನಾತನ
ಅಕ್ಟೋಬರ್ 5 ರಂದು ಮಹಾರಾಷ್ಟ್ರದ ಅಮರಾವತಿಯಲ್ಲಿ ಆರ್ಎಸ್ಎಸ್ ಆಯೋಜಿಸಿದ್ದ ಶತಮಾನೋತ್ಸವ ಆಚರಣೆಗೆ ನ್ಯಾ. ಗವಾಯಿ ಅವರ ತಾಯಿಯನ್ನು ಸಹ ಆಹ್ವಾನಿಸಲಾಗಿತ್ತು. ಅವರು ಈ ಆಹ್ವಾನವನ್ನು ತಿರಸ್ಕರಿಸುತ್ತಿರುವುದಾಗಿ ಘೋಷಿಸಿದರು. ಅಂದಿನಿಂದ, ಮಹಾರಾಷ್ಟ್ರದ ಸಂಘ ಪರಿವಾರದ ಶಕ್ತಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಅವರ ವಿರುದ್ಧ ಅಭಿಯಾನವನ್ನು ಪ್ರಾರಂಭಿಸಿವೆ. ಇದರ ಹೊರತಾಗಿ, ಬಿಹಾರದಲ್ಲಿ ಮತದಾರರ ಪರಿಷ್ಕರಣೆ ಕುರಿತು ಗವಾಯಿ ಅವರ ಆದೇಶಗಳು ಮತ್ತು ತಮಿಳುನಾಡಿನಲ್ಲಿ ರಾಜ್ಯಪಾಲರ ನಡವಳಿಕೆಯು ರಾಜಕೀಯ ಹಿನ್ನೆಲೆಯ ಕಾರಣಗಳನ್ನು ಹೊಂದಿರಬಹುದು. ಇವೆಲ್ಲವೂ ನ್ಯಾ. ಗವಾಯಿ ಅವರ ಮೇಲಿನ ದಾಳಿಗೆ ಪ್ರೇರಣೆಯಾಗಿರಬಹುದು. ಸನಾತನ
ಹಿಂಸೆಗೆ ಪ್ರಚೋದನೆ
ಕೆಲವು ದಿನಗಳ ಹಿಂದೆ, ಮಧ್ಯಪ್ರದೇಶದಲ್ಲಿ ಇರುವ ಪ್ರಾಚೀನ ಜಾವೇರಿ ಹಿಂದೂ ದೇವಾಲಯದಲ್ಲಿ ಶಿಥಿಲಗೊಂಡ ವಿಷ್ಣುವಿನ ಪ್ರತಿಮೆಯನ್ನು ಪುನಃಸ್ಥಾಪಿಸಲು ಸಲ್ಲಿಸಲಾದ ಪ್ರಕರಣದಲ್ಲಿ, ನ್ಯಾಯಮೂರ್ತಿ ಗವಾಯಿ ಅವರ ಕೆಲವು ಹೇಳಿಕೆಗಳಿಗಾಗಿ ಬಲಪಂಥೀಯ ಸಾಮಾಜಿಕ ಮಾಧ್ಯಮಗಳಳ್ಲಿ, ಅವು ಹಿಂದೂಗಳ ಭಾವನೆಗಳಿಗೆ ನೋವುಂಟು ಮಾಡಿವೆ ಎಂದು ಹೇಳಿ ನ್ಯಾಯಮೂರ್ತಿ ಗವಾಯಿ ಅವರನ್ನು ಕಟುವಾಗಿ ಟೀಕಿಸಿವೆ. “ಸುಪ್ರೀಂ ಕೋರ್ಟ್ಗೆ ಹೋಗಿ ಮುಖ್ಯ ನ್ಯಾಯಮೂರ್ತಿಗಳು ತಮ್ಮ ಪೀಠದಲ್ಲಿ ಕುಳಿತಿರುವಾಗ ಅವರ ತಲೆಯನ್ನು ಒಡೆಯಬೇಕು.” ಎಂದು ಪೋಸ್ಟ್ ಮಾಡಿದರು. ಬಲಪಂಥೀಯ ಧಾರ್ಮಿಕ ಮತಾಂಧರು ಸಾಮಾಜಿಕ ಮಾಧ್ಯಮಗಳಲ್ಲಿ ಇಂತಹ ಪ್ರಚೋದನಕಾರಿ ಹೇಳಿಕೆಗಳನ್ನು ಪೋಸ್ಟ್ ಮಾಡುವುದನ್ನು ಮುಂದುವರೆಸಿದರು. ಈ ರೀತಿಯಾಗಿ ಹಿಂಸೆಗೆ ಪ್ರಚೋದನೆ ನೀಡುವ ಪೋಸ್ಟ್ಗಳನ್ನು ಹಾಕಿದ ಜನರ ವಿರುದ್ಧ ಯಾವುದೇ ಕ್ರಮ ಕೈಗೊಳ್ಳಲಾಗಿಲ್ಲ. ಸನಾತನ
“ದೇವರು ಹೇಳಿದನು” ಎಂಬ ತಪ್ಪಿಸಿಕೊಳ್ಳುವ ಮಾರ್ಗ
“ದೇವರು ಹೇಳಿದ. ಅದನ್ನು ನಾನು ಮಾಡಿದೆ” ಎಂದು ಕಿಶೋರ್ ಹೇಳಿದಾಗ, ಅದು ಅಯೋಧ್ಯಾ ರಾಮ ಮಂದಿರ ಪ್ರಕರಣದಲ್ಲಿ ಮಾಜಿ ಮುಖ್ಯ ನ್ಯಾಯಮೂರ್ತಿ ಚಂದ್ರಚೂಡ್ ಅವರ ಹೇಳಿಕೆಯನ್ನು ನೆನಪಿಸುತ್ತದೆ, “ದೇವರು ಕನಸಿನಲ್ಲಿ ಬಂದು ಹೇಳಿದನು. ನಾನು ಅದನ್ನು ತೀರ್ಪಿನಲ್ಲಿ ಬರೆದಿದ್ದೇನೆ”ಎಂದಿದ್ದರು. ಅದೇ ರೀತಿ, ನಮ್ಮ ಪ್ರಧಾನಿಯೂ ಸಹ ಈ ದೇಶವನ್ನು ಮುನ್ನಡೆಸಲು ದೇವರು ತನ್ನನ್ನು ಆಯ್ಕೆ ಮಾಡಿ ಕಳುಹಿಸಿದ್ದಾನೆ ಎಂದು ಹೇಳಿದರು. ಅವರು ತಮ್ಮ ಕ್ರಿಯೆಗಳನ್ನು ಸಮರ್ಥಿಸಿಕೊಳ್ಳಲು ಸಾಧ್ಯವಾಗದಿದ್ದರೆ, ಜವಾಬ್ದಾರಿಯಿಂದ ತಪ್ಪಿಸಿಕೊಳ್ಳುವ ಏಕೈಕ ಮಾರ್ಗವೆಂದರೆ ಭಗವಂತನ ಮೇಲೆ ಹೊರೆ ಹಾಕುವುದು ಎಂದು ತೋರುತ್ತದೆ. ವಿಶ್ವದ ಅತಿದೊಡ್ಡ ಪ್ರಜಾಪ್ರಭುತ್ವದ ಮುಖ್ಯ ನ್ಯಾಯಾಧೀಶರ ಮೇಲೆ ನ್ಯಾಯಾಲಯದಲ್ಲಿ ಶೂನಿಂದ ದಾಳಿ ಮಾಡಲು ಪ್ರಯತ್ನಿಸಿದ ಅವರು, “ಭಗವಂತ ಹಾಗೆ ಹೇಳಿದನು, ನಾನು ಅದನ್ನು ಮಾಡಿದ್ದೇನೆ” ಎಂದು ಹೇಳಿದರೆ, ಅದನ್ನು ಅಲ್ಲಿಗೆ ಬಿಡಬಹುದೇ?
ಇಷ್ಟೊಂದು ಧೈರ್ಯ ಬಂದಿದ್ದಾದರೂ ಹೇಗೆ?
ನ್ಯಾಯಮೂರ್ತಿ ಗವಾಯಿ ಮೇಲಿನ ದಾಳಿ ಸರಳ, ಯಾದೃಚ್ಛಿಕ ಘಟನೆಯಲ್ಲ. ಈ ವ್ಯಕ್ತಿ ಹುಚ್ಚನೇ? ಖಂಡಿತ ಇಲ್ಲ. ನೂರು ವರ್ಷ ಹಳೆಯದಾದ ಸಂಘ ಪರಿವಾರವು ಹಿಂದೂ ಜನರ ಮನಸ್ಸಿನಲ್ಲಿ ತುಂಬಿರುವ ದ್ವೇಷದ ವಿಷ ಇದು. ಆತನ ಇಂತಹ ಮನಸ್ಥಿತಿ ಮತ್ತು ಪರಿಣಾಮಗಳ ಬಗ್ಗೆ ಚಿಂತಿಸುವುದು ಮಾತ್ರವಲ್ಲದೆ, ಇಂತಹ ಕೃತ್ಯ ಮಾಡಲು ಅವರಿಗೆ ಹೇಗೆ ಧೈರ್ಯ ಬಂತು ಎಂಬುದನ್ನು ಪ್ರಮುಖವಾಗಿ ನೋಡಬೇಕು. ಮಹಾತ್ಮಾ ಗಾಂಧಿಯವರ ಹತ್ಯೆಯ ನಂತರ ಅಂದಿನ ಗೃಹ ಸಚಿವ ಸರ್ದಾರ್ ಪಟೇಲ್ ಅವರು ನೀಡಿದ ಹೇಳಿಕೆಗಳನ್ನು ಇಲ್ಲಿ ನೆನಪಿಸಿಕೊಳ್ಳುವುದು ಸೂಕ್ತವಾಗಿದೆ.
ಗಾಂಧೀಜಿಯವರ ಹತ್ಯೆಗೂ, ಆರ್ಎಸ್ಎಸ್ ಚಳುವಳಿಗೂ ನೇರ ಸಂಬಂಧವಿದೆ ಎಂದು ಸಾಬೀತುಪಡಿಸಲು ಸಾಕಷ್ಟು ಪುರಾವೆಗಳಿಲ್ಲದಿದ್ದರೂ, ಇಂತಹ ದುರಂತ ಸಂಭವಿಸಲು ಆ ಚಳವಳಿಯ ಚಟುವಟಿಕೆಗಳು ಮತ್ತು ಪ್ರಚಾರಗಳು, ಅವರು ಅನುಸರಿಸುತ್ತಿರುವ ದ್ವೇಷದ ರಾಜಕೀಯವೂ ಒಂದು ಪ್ರಮುಖ ಕಾರಣ ಎಂಬುದನ್ನು ಖಚಿತವಾಗಿ ಹೇಳಬಲ್ಲೆ ಎಂದರು. ಇಂದು ದೇಶಾದ್ಯಂತ ಬಿಜೆಪಿ, ಆರ್ಎಸ್ಎಸ್, ವಿಶ್ವ ಹಿಂದೂ ಪರಿಷತ್, ಬಜರಂಗ ದಳ ಮತ್ತು ಹಿಂದೂ ಮಹಾಸಭಾದಂತಹ ಬಲಪಂಥೀಯ ಧಾರ್ಮಿಕ ಸಂಘಟನೆಗಳು ಬಿತ್ತಿದ ದ್ವೇಷ, ಧಾರ್ಮಿಕ ಸಾಮರಸ್ಯ ಇವು ಕಾಡ್ಗಿಚ್ಚಿನಂತೆ ಹರಡುತ್ತಿದ್ದು, ಸಾಮಾಜಿಕ ಏಕತೆಯನ್ನು ಸಂಪೂರ್ಣವಾಗಿ ನಾಶಮಾಡುತ್ತಿವೆ.
ಸರ್ಕಾರದ ಮೌನ ಮತ್ತು ಪಿತೂರಿ
ಈ ಘಟನೆಯನ್ನು ವಿರೋಧ ಪಕ್ಷಗಳು ಕಟುವಾಗಿ ಖಂಡಿಸಿದವು. ಪ್ರಧಾನಿಯವರು ಒಂದು ದೀರ್ಘ ಮೌನದ ನಂತರ, ಎಚ್ಚರಿಕೆಯಿಂದ ಆಯ್ಕೆಮಾಡಿದ ಹತ್ತು ಪದಗಳಲ್ಲಿ ತಮ್ಮ ಖಂಡನೆಯನ್ನು ದಾಖಲಿಸಿದರು. ಇಂತಹ ಘಟನೆಗಳು ನಡೆದಾಗ, ಪ್ರಧಾನಿ ಸ್ವತಃ ಮುಖ್ಯ ನ್ಯಾಯಮೂರ್ತಿಗಳ ಮನೆಗೆ ಹೋಗಿ ಸರ್ಕಾರದ ಬೆಂಬಲ ಇದೆ ಎಂದೂ, ನಿಮ್ಮ ಜೊತೆ ನಾವಿದ್ದೇವೆ ಎಂದು ಹೇಳಬೇಕಿತ್ತು. ಸಂಸದ ಓವೈಸಿ ಹೇಳಿದ ಒಂದು ಅಂಶವನ್ನು ನಿರ್ಲಕ್ಷಿಸಲಾಗುವುದಿಲ್ಲ. ಈ ಘಟನೆಯನ್ನು ಮುಸ್ಲಿಂ ವಕೀಲರು ಮಾಡಿದ್ದರೆ, ದೇಶವು ಇಷ್ಟೊತ್ತಿಗಾಗಲೇ ರಣರಂಗವಾಗಿ ಬದಲಾಗುತ್ತಿತ್ತು.
ಆ ವ್ಯಕ್ತಿಯ ಮನೆಯನ್ನು ಬುಲ್ಡೋಜರ್ನಿಂದ ಕೆಡವಲಾಗುತ್ತಿತ್ತು. ಘಟನೆಯ ಮರುದಿನ, ವಕೀಲ ಕಿಶೋರ್ ಬಿಜೆಪಿಯ ಅಖಿಲ ಭಾರತ ವಕ್ತಾರರಲ್ಲಿ ಒಬ್ಬರೊಂದಿಗೆ ದೀರ್ಘಕಾಲ ಕಳೆದಿದ್ದಾರೆಂದು ವರದಿಯಾಗಿದೆ, ಈ ವಿಡಿಯೋ ರೆಕಾರ್ಡಿಂಗ್ ಸಾಮಾಜಿಕ ಜಾಲತಾಣಗಳಲ್ಲೂ ಕಾಣಿಸಿಕೊಂಡಿತು. ನಮ್ಮ ಮಟ್ಟಿಗೆ ಹೇಳುವುದಾದರೆ, ಕಿಶೋರ್ ಹೊಡೆದ ಬಾಣವಷ್ಟೇ ಮುಖ್ಯವಲ್ಲ, ಅವನಿಗೆ ಈ ದಾಳಿ ಮಾಡಲು ಕಾರಣವಾದ ಶಕ್ತಿ ಯಾವುದು ಎಂಬುದು ಮುಖ್ಯ. ಒಬ್ಬ ದಲಿತ ನ್ಯಾಯಾಧೀಶರ ಮೇಲೆ ಶೂ ಎಸೆಯಲು ಅದೇ ಸಮುದಾಯಕ್ಕೆ ಸೇರಿದ ಒಬ್ಬ ದಲಿತ ದಲಿತ ವಕೀಲರನ್ನು ಸಿದ್ಧಪಡಿಸುವುದು ‘ಅವರುಗಳಲ್ಲಿರುವ’ ಕೌಶಲ್ಯ.
ದೇಶದ ಭವಿಷ್ಯವೇನು?
ನಮಗೆ ಈಗ ಚಿಂತೆಯಾಗಿರುವುದು, ಸಾಂವಿಧಾನಿಕ ಕಾನೂನಿನ ಭದ್ರಕೋಟೆಯಾಗಿ, ಅಂತಹ ಉಲ್ಲಂಘನೆಗಳನ್ನು ತಡೆಯಲು ಅಧಿಕಾರ ಹೊಂದಿರುವ ಸಂಸ್ಥೆಯೂ ಆಗಿರುವ ಸುಪ್ರೀಂ ಕೋರ್ಟ್ನ ಮುಖ್ಯ ನ್ಯಾಯಮೂರ್ತಿಗಳಿಗೆ, ಸುಪ್ರೀಂ ಕೋರ್ಟ್ ಆವರಣದೊಳಗಿನ ಪರಿಸ್ಥಿತಿಯೇ ಹೀಗಿದ್ದರೆ, ಈ ದೇಶದ ಭವಿಷ್ಯ ಏನಾಗುತ್ತದೆ? ಸನಾತನವಾದಿಗಳು ಮೇಲುಗೈ ಸಾಧಿಸುತ್ತಾರೆ. ಸನಾತನವಾದ ಮತ್ತೆ ಮೇಲುಗೈ ಸಾಧಿಸುತ್ತದೆ.
ಇದನ್ನೂ ನೋಡಿ: ಧರ್ಮಸ್ಥಳದ ನಿಗೂಢಗಳು | ಲಾಡ್ಜ್ಗಳ ದಾಖಲೆ ಪರಿಶೀಲನೆಗೆ ಮುಂದಾದ ಎಸ್ಐಟಿ Janashakthi Media
