ಕಲಬುರಗಿ | ಒಂದು ವೇದಿಕೆ ನೂರು ಹಾಡು: ಕಲಬುರಗಿಯಲ್ಲಿ ಕಲಾರಸದ ಸಂಭ್ರಮ

ಕಲಬುರಗಿ: ಜಿಲ್ಲಾ ಪಂಚಾಯಿತಿ ಸಭಾಂಗಣದಲ್ಲಿ ಭಾನುವಾರ  ರಂಗಿಗೀತೆ, ಲಾವಣಿ, ಕೀರ್ತನೆ, ಕಂದ… ಕಲಬುರಗಿ ನಾಟಕೋತ್ಸವದ ಭಾಗವಾಗಿ ನಡೆದ ‘ಕಂಪನಿ ನಾಟಕಗಳು; ಪ್ರಸ್ತುತಿ ಮತ್ತ ಪರಂಪರೆ’ ಕುರಿತ ಸಂವಾದದಲ್ಲಿ ಹಿರಿಯ ರಂಗಕರ್ಮಿ ಬಿ.ಜಯಶ್ರೀ ಮತ್ತು ಸಂಗಡಿಗರ ಕಂಠದಿಂದ ಬಂದ ಹಾಡುಗಳು ಕಂಪನ ಸೃಷ್ಟಿಸಿದವು. ಕಲಬುರಗಿ

ವಿಷಯವನ್ನು ಹೇಳುತ್ತಾ ಅದಕ್ಕೆ ತಕ್ಕ ಹಾಡು, ರಾಗ ಹೇಳುವ ಜಯಶ್ರೀ ಮತ್ತು ಸಂಗಡಿಗರ ಕಂಚಿನ ಕಂಠಕ್ಕೆ ಎದುರು ಕುಳಿತ ಪ್ರತಿಯೊಬ್ಬರೂ ಚಪ್ಪಾಳೆ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದರು. ಸೇರಿದ್ದ ಬೆರಳಣಿಕೆಯಷ್ಟು ಮಂದಿಯಲ್ಲಿ ಹಾಡುಗಳಲ್ಲಿನ ರಾಗ, ಭಾವ, ತಾಳಕ್ಕೆ ಕೆಲವರು ಕಣ್ಮುಮುಚ್ಚಿ ತಲೆದೂಗುತ್ತಿದ್ದರೆ, ಇನ್ನೂ ಕೆಲವರು ಕುಳಿತ ಕುರ್ಚಿಯ ಹಿಡಿಕೆ ಮೇಲೆಯೇ ಹಾರ್ಮೋನಿಯಂ ನುಡಿಸಿದಂತೆ ಬೆರಳುಗಳನ್ನು ಆಡಿಸಿದರು. ಹಲವರು ತಮ್ಮ ತೊಡೆಯನ್ನೇ ತಬಲಾ ಮಾಡಿಕೊಂಡಿದ್ದರು.

ಇದನ್ನೂ ಓದಿ : ಬಜೆಟ್‌ನ ವಿಕೃತ ಕಾರ್ಯತಂತ್ರ-ಜನರ ಪರಿಸ್ಥಿತಿಗಳು ಇನ್ನಷ್ಟು ಹದಗೆಡಲಿವೆ