ಪೋಲ್ಯಾಂಡ್‌ನ ಛೋರ್ಜೋವ್‌ನಲ್ಲಿ ಮೇ 23ರಂದು ನಡೆದ ಜನೂಝ್ ಕುಸೊಸಿನ್‌ಸ್ಕಿ ಸ್ಮಾರಕ ಅಥ್ಲೆಟಿಕ್ಸ್ ಕೂಟದಲ್ಲಿ ಭಾರತದ ಜಾವೆಲಿನ್ ತಾರೆ ನೀರಜ್ ಚೋಪ್ರಾ ತೀವ್ರ ಚಳಿಯ ವಾತಾವರಣದ ನಡುವೆಯೂ ಶ್ರೇಷ್ಠ ಪ್ರದರ್ಶನ ನೀಡಿ ದ್ವಿತೀಯ ಸ್ಥಾನ ಗಳಿಸಿದರು. ಅವರು ತಮ್ಮ ಆರನೇ ಮತ್ತು ಅಂತಿಮ ಪ್ರಯತ್ನದಲ್ಲಿ 84.14 ಮೀಟರ್ ದೂರಕ್ಕೆ ಜಾವೆಲಿನ್ ಎಸೆದು ಮೂರನೇ ಸ್ಥಾನದಿಂದ ಎರಡನೇ ಸ್ಥಾನಕ್ಕೆ ಏರಿದರು .
ಈ ಸ್ಪರ್ಧೆಯಲ್ಲಿ ಜರ್ಮನಿಯ ಜೂಲಿಯನ್ ವೆಬೆರ್ 86.12 ಮೀಟರ್ ದೂರ ಎಸೆದು ಪ್ರಥಮ ಸ್ಥಾನ ಪಡೆದರು. ಅವರು ಮೂರು ಬಾರಿ 85 ಮೀಟರ್ ಗಡಿಯನ್ನು ದಾಟಿದ ಏಕೈಕ ಸ್ಪರ್ಧಿಯಾಗಿದ್ದರು . ಗ್ರೆನೇಡಾದ ಅಂಡರ್ಸನ್ ಪೀಟರ್ಸ್ 83.24 ಮೀಟರ್ ಎಸೆದು ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟರು.
ಇದನ್ನು ಓದಿ:ಬಿಜೆಪಿಯ 18 ಶಾಸಕರ ಅಮಾನತು: ಮೇ 25ರಂದು ಸಭೆ
ನೀರಜ್ ಚೋಪ್ರಾ ಈ ಮೂಲಕ 2021 ರಿಂದ ಪ್ರತಿ ಅಂತಾರಾಷ್ಟ್ರೀಯ ಸ್ಪರ್ಧೆಯಲ್ಲಿ ಟಾಪ್-2 ಸ್ಥಾನವನ್ನು ಕಾಯ್ದುಕೊಂಡು 22ನೇ ಬಾರಿ ಈ ಸಾಧನೆ ಮಾಡಿದ್ದಾರೆ . ಇತ್ತೀಚೆಗೆ ದೋಹಾ ಡೈಮಂಡ್ ಲೀಗ್‌ನಲ್ಲಿ 90.23 ಮೀಟರ್ ಎಸೆದು ವೈಯಕ್ತಿಕ ಶ್ರೇಷ್ಠತೆ ಸಾಧಿಸಿದ್ದರೂ, ಈ ಸ್ಪರ್ಧೆಯಲ್ಲಿ ಅವರು ತೀವ್ರ ಚಳಿಯ ವಾತಾವರಣದಲ್ಲಿ ತಮ್ಮ ಸಾಮರ್ಥ್ಯವನ್ನು ಮತ್ತೊಮ್ಮೆ ಸಾಬೀತುಪಡಿಸಿದರು.
ಚಳಿಯ ಕಾರಣದಿಂದ ಪ್ರಾರಂಭಿಕ ಪ್ರಯತ್ನಗಳಲ್ಲಿ ಅವರು ಉತ್ತಮ ಪ್ರದರ್ಶನ ನೀಡಲಾಗಿಲ್ಲ. ಆದರೆ ಕೊನೆಯ ಪ್ರಯತ್ನದಲ್ಲಿ ಶ್ರೇಷ್ಠ ಎಸೆತ ನೀಡಿ ದ್ವಿತೀಯ ಸ್ಥಾನವನ್ನು ಖಚಿತಪಡಿಸಿದರು. ಈ ಸಾಧನೆಯೊಂದಿಗೆ ನೀರಜ್ ಚೋಪ್ರಾ ಮುಂದಿನ ಸ್ಪರ್ಧೆಗಳಲ್ಲಿ ಉತ್ತಮ ಪ್ರದರ್ಶನ ನೀಡುವ ನಿರೀಕ್ಷೆಯಿದೆ.
ಇದನ್ನು ಓದಿ:ಡೆಂಗ್ಯೂ ತಡೆಗೆ ಆರೋಗ್ಯ ಇಲಾಖೆಯ ಹೊಸ ಅಭಿಯಾನ: 700 ಸ್ವಯಂ ಸೇವಕರು, 240 ಆರೋಗ್ಯ ಅಧಿಕಾರಿಗಳ ನೇಮಕ
