ಮುಂಬೈ: ಮಹಾರಾಷ್ಟ್ರ ಸರ್ಕಾರ ವಾಟರ್ ಟ್ಯಾಕ್ಸಿ ಸೇವೆಗಳನ್ನು ಜಾರಿಗೆ ತರಲು ಸಜ್ಜಾಗಿದೆ. ಮುಂಬೈನ ಜನತೆಗೆ ದೀರ್ಘಕಾಲದಿಂದ ನೀರಿಕ್ಷೆ ಮೂಡಿಸಿದ್ದ ಗೇಟ್‌ವೇ ಆಫ್ ಇಂಡಿಯಾ ಮತ್ತು ನವಿ ಮುಂಬೈ ನಡುವಿನ ಪ್ರಯಾಣ ಸೆಪ್ಟೆಂಬರ್ 22 ರಿಂದ ಪ್ರಾರಂಭವಾಗುವ ಎಲೆಕ್ಟ್ರಿಕ್ ವಾಟರ್ ಟ್ಯಾಕ್ಸಿ ಸೇವೆ ತನ್ನ ಕಾರ್ಯಾಚರಣೆ ಮಾಡಲಿದೆ. ಮುಂಬೈ
ಪ್ರಸ್ತುತ ಗೇಟ್‌ವೇ ಆಫ್ ಇಂಡಿಯಾ ಅಥವಾ ಮುಂಬೈ ಫೆರ್ರಿ ವಾರ್ಫ್‌ನಿಂದ ಜವಾಹರಲಾಲ್ ನೆಹರು ಬಂದರು ಪ್ರಾಧಿಕಾರ (JNPA) ತಲುಪಲು ಮರದ ದೋಣಿಗಳು ಬಳಸಲ್ಪಡುತ್ತಿದ್ದು, ಒಂದು ಗಂಟೆಗಿಂತ ಹೆಚ್ಚು ಸಮಯ ಬೇಕಾಗುತ್ತದೆ. ಆದರೆ ಹೊಸ ಎಲೆಕ್ಟ್ರಿಕ್ ವಾಟರ್ ಟ್ಯಾಕ್ಸಿಗಳು ಪ್ರಯಾಣದ ಸಮಯವನ್ನು ಕೇವಲ 40 ನಿಮಿಷಗಳೊಳಗೆ ತಲುಪುವಂತೆ ಮಾಡಲಿವೆ. ಇದರಿಂದ ಸಾವಿರಾರು ಪ್ರಯಾಣಿಕರಿಗೆ ಸಮಯದ ಉಳಿತಾಯವಾಗಲಿದೆ. ಮುಂಬೈ
ಇದನ್ನೂ ಓದಿ: ಕೊಲ್ಲೂರು| ಬೆಂಗಳೂರಿನ ಮಹಿಳೆ ಸೌಪರ್ಣಿಕಾ ನದಿ ಬಳಿ ಏಕಾಏಕಿ ನಾಪತ್ತೆ
ಮುಂಬೈನ ಸಾರಿಗೆ ದಟ್ಟಣೆಯನ್ನು ಕಡಿಮೆ ಮಾಡುವ ದೃಷ್ಟಿಯಿಂದ ವಾಟರ್ ಟ್ಯಾಕ್ಸಿ ಸೇವೆ ಮಹತ್ವದ ಪಾತ್ರ ವಹಿಸಲಿದೆ. ಸರ್ಕಾರವು ಭವಿಷ್ಯದಲ್ಲಿ ಇನ್ನೂ ಹೆಚ್ಚಿನ ಮಾರ್ಗಗಳನ್ನು ಸೇರಿಸಿ ಈ ಸೇವೆಯನ್ನು ವಿಸ್ತರಿಸುವ ಯೋಜನೆ ಹೊಂದಿದೆ. ಮುಂಬೈನ ನಗರ ಸಾರಿಗೆಯ ಭಾರವನ್ನು ಹಗುರಗೊಳಿಸಲು ಇದು ದೀರ್ಘಾವಧಿಯಲ್ಲಿ ಪರಿಣಾಮಕಾರಿಯಾಗಲಿದೆ. ಮುಂಬೈ
ಹೊಸ ಎಲೆಕ್ಟ್ರಿಕ್ ವಾಟರ್ ಟ್ಯಾಕ್ಸಿ ಸೇವೆ ಹಸಿರು ತಂತ್ರಜ್ಞಾನಕ್ಕೆ ಉತ್ತೇಜನ ನೀಡುವ ಹೆಜ್ಜೆಯಾಗಿದೆ. ಇಂಧನದಿಂದ ಉಂಟಾಗುವ ಮಾಲಿನ್ಯವನ್ನು ಕಡಿಮೆ ಮಾಡುವ ಮೂಲಕ ಮುಂಬೈನ ಸಮುದ್ರ ತೀರ ಪ್ರದೇಶದಲ್ಲಿ ಶುದ್ಧ ವಾತಾವರಣಕ್ಕೆ ಸಹಕಾರಿಯಾಗಲಿದೆ. ಜೊತೆಗೆ, ಶಬ್ದ ಮಾಲಿನ್ಯವನ್ನೂ ಕಡಿಮೆ ಮಾಡುವ ಮೂಲಕ ಪ್ರಯಾಣಿಕರಿಗೆ ಹೆಚ್ಚು ಆರಾಮದಾಯಕ ಅನುಭವ ಒದಗಿಸಲಿದೆ.
ಮುಂಬೈ ಮತ್ತು ನವಿ ಮುಂಬೈನ ಪ್ರಯಾಣಿಕರಿಗೆ ಇದು ಕೇವಲ ಸಾರಿಗೆಯಲ್ಲ, ಒಂದು ಹೊಸ ಅನುಭವವಾಗಲಿದ್ದು, ನಗರ ಸಾರಿಗೆ ಕ್ಷೇತ್ರದಲ್ಲಿ ಮಹತ್ವದ ಮೈಲುಗಲ್ಲು ಸಾಧನೆ ಎಂದೇ ಪರಿಗಣಿಸಲಾಗಿದೆ.
ಇದನ್ನೂ ನೋಡಿ: FRS ಗೆ ಯಾಕೆ ವಿರೋಧ? ಐಸಿಡಿಎಸ್‌ ಯೋಜನೆಯ ಆಶಯಕ್ಕೆ ಕತ್ತರಿ! Janashakthi Media #anganwadiworkers
