ಸೈಬರ್ ಭದ್ರತಾ ವಿಶ್ಲೇಷಕ ರಾಜಶೇಖರ್ ರಾಜಹರಿಯಾ ಏನು ಹೇಳುತ್ತಾರೆ?
ಎಚ್ಚರ್‌ !! ಎಚ್ಚರ್‌ !!! Apply New Pink Look on Your Whatsapp And Enjoy Whats app new Features. http://lookpink.xyz/?whatsapp ಹೀಗೊಂದು ಲಿಂಕ್ ನಿಮಗೆ ಬಂದಿರುತ್ತೆ ಅದನ್ನು ಕ್ಲಿಕ್ ಮಾಡಬೇಡಿ
ಎರಡು-ಮೂರು ದಿನಗಳಿಂದ ಪಿಂಕ್ ವಾಟ್ಸ್ಆ್ಯಪ್ ಎಂಬ ಶಬ್ದ ಪದೇಪದೆ ಕಿವಿಗೆ ಬೀಳುತ್ತಲೇ ಇದೆ. ವಾಟ್ಸ್ಆ್ಯಪ್ ಬಳಕೆದಾರರಿಗೆ ಲಿಂಕ್ ಬರುತ್ತಿದ್ದು, ಅದನ್ನು ಕ್ಲಿಕ್ ಮಾಡಿದವರ ಫೋನ್ಗೆ ವೈರಸ್ ಅಟ್ಯಾಕ್ ಆಗಿ, ಹ್ಯಾಕ್ ಆಗುತ್ತಿದೆ…! ಬಳಕೆ ಮಾಡಿದ ನೂರಾರು ಜನ ಆರೋಪವನ್ನು ಮಾಡುತ್ತಿದ್ದಾರೆ.
ಇದು ವಾಟ್ಸ್ಆ್ಯಪ್ನ ಹೊಸ ವರ್ಶನ್. ಪಿಂಕ್ ಟ್ರೇಡ್ಮಾರ್ಕ್ ಹೊಂದಿದೆ. ಇದರಲ್ಲೂ ಸಹ ಮೆಸೇಜ್, ಚಾಟ್ ಮಾಡಬಹುದು. ಇನ್ನು ಪಿಂಕ್ ವಾಟ್ಸ್ಆ್ಯಪ್ನಲ್ಲಿ ಹಲವು ರೀತಿಯ ವೈಶಿಷ್ಟ್ಯಗಳಿವೆ ಎಂಬ ಸಂದೇಶಗಳೊಂದಿಗೆ ಲಿಂಕ್ವೊಂದು ವಾಟ್ಸ್ಆ್ಯಪ್ಗೆ ಬರುತ್ತಿದೆ. ಇದು ಹೆಚ್ಚಾಗಿ ಗ್ರೂಪ್ಗಳಲ್ಲಿ ಬರುತ್ತಿದ್ದು, ಸಹಜವೆಂಬಂತೇ ಜನರು ಕ್ಲಿಕ್ ಮಾಡಿ ಪೇಚಿಗೆ ಸಿಲುಕುತ್ತಿದ್ದಾರೆ.
ಗೂಗಲ್ ಪೇ, ಫೋನ್ ಪೇ ಮೂಲಕ ಲಿಂಕ್ ಕಳುಹಿಸಿ ನಿಮಗೆ ಹಣ ಬಂದಿದೆ ಪಡೆದು ಕೊಳ್ಳುಲು ಈ ಲಿಂಕ್ ಕ್ಲಿಕ್ ಮಾಡಿ ಎಂಬ ಸಂದೇಶ್‌, ಫೋನ್ ಕರೆಗಳು, ಫೆಸ್ಬುಕ್‌ ಫೇಕ್ ಐಡಿ ರಚಿಸಿ ಹಣ ಕೇಳುವ ಜಂಜಾಟದಿಂದ ಈಗಾಗಗಲೇ ಅನೇಕರು ಸಾಕಷ್ಟು ಕಿರಿ ಕಿರಿ ಅನುಭವಿಸಿದ್ದಾರೆ. ಈ ರೀತಿ ಫೋನ್ಗಳನ್ನು ಹ್ಯಾಕ್ ಮಾಡಲು ಇಂಥ ಲಿಂಕ್ಗಳನ್ನು ಕಳಿಸಿ ಗಿಮಿಕ್ ಮಾಡುವುದು ಹಳೇ ವಿಧಾನ. ಇದೀಗ ಪಿಂಕ್ ವಾಟ್ಸ್ ಆ್ಯಪ್ ಎಂಬ ಹೊಸ ರೂಪದೊಂದಿಗೆ ಮತ್ತೆ ಸದ್ದುಮಾಡುತ್ತಿದೆ. ಈ ಲಿಂಕ್ ನಿಮ್ಮ ವಾಟ್ಸ್ಆ್ಯಪ್ಗೂ ಬರಬಹುದು. ಹಾಗೊಮ್ಮೆ ಬಂದರೆ ತುಂಬ ಆತಂಕ ಪಡುವ ಅಗತ್ಯವಿಲ್ಲ. ಕ್ಲಿಕ್ ಕೂಡ ಮಾಡಬೇಡಿ. ಆ ಲಿಂಕ್ನಿಂದ ದೂರವೇ ಇರಿ ಎಂದು ಸೈಬರ್ ಭದ್ರತಾ ವಿಶ್ಲೇಷಕರು ಹೇಳಿದ್ದಾರೆ.
https://twitter.com/rajaharia/status/1384070098114154500?s=19
ಅಂತರ್ಜಾಲ ಭದ್ರತಾ ಸಂಶೋಧಕ ರಾಜಶೇಖರ್ ರಾಜಹರಿಯಾ ಈ ಬಗ್ಗೆ ಟ್ವೀಟ್ ಮಾಡಿದ್ದು, ವಾಟ್ಸ್ಆ್ಯಪ್ ಪಿಂಕ್ ಬಗ್ಗೆ ಎಚ್ಚರಿಕೆಯಿಂದ ಇರಿ. ಪಿಂಕ್ ವಾಟ್ಸ್ಆ್ಯಪ್ ಹೆಸರಲ್ಲಿ ವೈರಸ್ ಹರಿದಾಡುತ್ತಿದೆ. ಈ ಲಿಂಕ್ ಕ್ಲಿಕ್ ಮಾಡಿದರೆ ನಿಮ್ಮ ಮೊಬೈಲ್ನಲ್ಲಿರುವ ಎಲ್ಲವನ್ನೂ ಕಳೆದುಕೊಳ್ಳುತ್ತೀರಿ. ಹ್ಯಾಕ್ ಆಗುತ್ತದೆ ಎಂದಿದ್ದಾರೆ.
ಪಿಂಕ್ ವಾಟ್ಸ್ಆ್ಯಪ್ ಲಿಂಕ್ ಮೇಲೆ ಕ್ಲಿಕ್ ಮಾಡಿದರೆ ಒಂದು ಎಪಿಕೆ ಆ್ಯಪ್ ಡೌನ್ಲೋಡ್ ಆಗಿ, ನಮ್ಮ ಇಡೀ ಮೊಬೈಲ್ ಹ್ಯಾಕ್ ಆಗುತ್ತದೆ. ಹಾಗಾಗಿ ಅಧಿಕೃತ ಆ್ಯಪ್ ಸ್ಟೋರ್ ಆಗಿರುವ ಗೂಗಲ್ ಅಥವಾ ಆ್ಯಪಲ್ ಆ್ಯಪ್ಸ್ಟೋರ್ಗಳಲ್ಲಿ ಇರುವ ಆ್ಯಪ್ಗಳನ್ನು ಮಾತ್ರ ಡೌನ್ಲೋಡ್ ಮಾಡಿಕೊಳ್ಳಬೇಕು. ಉಳಿದಂತೆ ಯಾವುದೇ ಲಿಂಕ್ ಮೂಲಕ ಹೋಗಿ ಆ್ಯಪ್ಗಳನ್ನು ಡೌನ್ಲೋಡ್ ಮಾಡಿಕೊಳ್ಳಬಾರದು ಎಂದು ಟೆಕ್ ತಜ್ಞರು ಹೇಳಿದ್ದಾರೆ. ಫೋನ್ನಲ್ಲಿರುವ ವೈಯಕ್ತಿಕ ಡಾಟಾ ಕದಿಯಲು ಇಂಥ ಲಿಂಕ್ಗಳನ್ನು ಬಳಕೆ ಮಾಡಲಾಗುತ್ತದೆ. ಬ್ಯಾಂಕಿಂಗ್ ವ್ಯವಹಾರಕ್ಕೆ ಸಂಬಂಧಪಟ್ಟ ಪಾಸ್ವರ್ಡ್ಗಳೂ ಹ್ಯಾಕರ್ಗಳ ಪಾಲಾಗುತ್ತವೆ ಎಂದು ಎಚ್ಚರಿಕೆ ನೀಡಿದ್ದಾರೆ. ಇದೀಗ ವಾಟ್ಸ್ಆ್ಯಪ್ ಪಿಂಕ್ ಅಥವಾ ವಾಟ್ಸ್ಆ್ಯಪ್ ಗೋಲ್ಡ್ ಕೂಡ ಹ್ಯಾಕರ್ಗಳ ಇನ್ನೊಂದು ಗಿಮಿಕ್ ಆಗಿದ್ದು, ಫೇಕ್ ಫೀಚರ್ ಆಗಿದೆ. ಈ ಲಿಂಕ್ ಬಂದರೆ ಇಗ್ನೋರ್ ಮಾಡಿ. ಡಿಲೀಟ್ ಮಾಡಿಬಿಡಿ ಎಂದು ಸಲಹೆ ನೀಡಿದ್ದಾರೆ.
