ಕೃಪೆ: ಪ್ರಭೀರ್ ವಿಷ್ಣು ಪೊರುತಿಯಿಲ್ | ದಿ ವೈರ್
ಫೆಬ್ರವರಿ 1933 ರಲ್ಲಿ, ಅಡಾಲ್ಫ್ ಹಿಟ್ಲರ್ ಪ್ರಜಾಸತ್ತಾತ್ಮಕ ಚುನಾವಣೆಗಳ ಮೂಲಕ ವೀಮರ್ ಗಣರಾಜ್ಯದ ಮೇಯರ್‌ ಸ್ಥಾನವನ್ನು ಪಡೆದುಕೊಂಡ ಸುಮಾರು ಒಂದು ತಿಂಗಳ ನಂತರ, ಅಲ್ಲಿನ ಅರಾಜಕತಾವಾದಿಗಳು ಜರ್ಮನ್ ಸಂಸತ್ತಿನ ಕಟ್ಟಡವಾದ ರೀಚ್‌ಸ್ಟ್ಯಾಗ್‌ಗೆ ಬೆಂಕಿ ಹಚ್ಚಿದರು. ಅಲ್ಲಿ ಆಗಲೇ ಫ್ಯಾಸಿಸ್ಟ್ ಪ್ರಭುತ್ವದ ಸ್ಥಾಪನೆ ಪ್ರಾರಂಭಿಸಿದ್ದ ಹೊಸ ಆಡಳಿತವು ರೀಚ್‌ಸ್ಟ್ಯಾಗ್ ಬೆಂಕಿ ಹಚ್ಚಿದ್ದು ಕಮ್ಯುನಿಸ್ಟರು ಮತ್ತು ಇತರ ರಾಜಕೀಯ ವಿರೋಧಿಗಳು ಎಂದು ಆರೋಪಿಸಿ, ಅವರ ಮೇಲೆ ದಾಳಿ ಪ್ರಾರಂಭಿಸಿತು. ಕೇರಳ ಸ್ಫೋಟ
ನಾಗರಿಕ ಸ್ವಾತಂತ್ರ್ಯಗಳನ್ನು ಅಮಾನತುಗೊಳಿಸಿದ ‘ಜನರು ಮತ್ತು ರಾಜ್ಯದ ರಕ್ಷಣೆಗಾಗಿ ರೀಚ್ ಅಧ್ಯಕ್ಷರ ತೀರ್ಪು’ ಎಂಬ ಕಠೋರವಾದ ಕಾಯ್ದೆಯನ್ನು ಸಮರ್ಥಿಸಲು ಈ ಘಟನೆಯನ್ನು ಬಳಸಲಾಯಿತು. ಈ ಕಾಯ್ದೆಯು ಹಿಟ್ಲರ್ ಸುತ್ತ ಅಧಿಕಾರವನ್ನು ಕೇಂದ್ರೀಕರಿಸಿತು. ಈ ಮೂಲಕ ಕ್ರೂರ ಜನಾಂಗೀಯವಾದಿ ಸರ್ವಾಧಿಕಾರತ್ತ ಜರ್ಮನಿಯನ್ನು ಕೊಂಡೊಯ್ಯುವ ಪರಿವರ್ತನೆಗೆ ವೇಗ ನೀಡಲಾಯಿತು. ಕೇರಳ ಸ್ಫೋಟ
ಅಕ್ಟೋಬರ್ 29, 2023 ರಂದು ಕೇರಳ ಕ್ರೈಸ್ತರ ಸಣ್ಣ ಪಂಗಡವಾದ “ಯೆಹೋವನ ಸಾಕ್ಷಿಗಳು” ಪ್ರಾರ್ಥನಾ ಸಮಾವೇಶದಲ್ಲಿ ಬಾಂಬ್ ಸ್ಫೋಟಗೊಂಡಾಗ ಸಂಘ ಪರಿವಾರವು ಉತ್ಸುಕತೆಯಿಂದ ವರ್ತಿಸಿತು. ಈ ದುರಂತದಲ್ಲಿ ನಾಲ್ವರು ಮೃತಪಟ್ಟು ಡಜನ್‌ಗಟ್ಟಲೆ ಜನರು ಗಾಯಗೊಂಡರು.
ಇದನ್ನೂ ಓದಿ: ಅಸಹಿಷ್ಣುತೆ ದೇಶವನ್ನು ಆಳುತ್ತಿದೆ: ಕೇರಳ ಮಾಜಿ ಮಂತ್ರಿ ಶೈಲಜಾ ಟೀಚರ್
ರಾಜ್ಯದಲ್ಲಿ ವಿಶಿಷ್ಟ ಜನಸಂಖ್ಯೆ ಮತ್ತು ಜಾತ್ಯತೀತ ನಿಲುವುಗಳಿಗೆ ಬಹಳಷ್ಟು ಹಿಂದೂಗಳು ಬೆಂಬಲಿಸುತ್ತಿರುವ ಕಾರಣಕ್ಕೆ ನಿರಾಶೆ ಅನುಭವಿಸುತ್ತಿರುವ ಆರೆಸ್ಸೆಸ್‌, ಕೇರಳದಲ್ಲಿ ಚುನಾವಣೆ ಗೆಲ್ಲಲು ಕ್ರಿಶ್ಚಿಯನ್ ಮತದಾರರನ್ನು ಸೆಳೆಯುವ ಹುನ್ನಾರ ಮಾಡುತ್ತಿದೆ. ದೇಶದ ಇತರ ಪ್ರದೇಶಗಳಲ್ಲಿ ಕ್ರಿಶ್ಚಿಯನ್ನರನ್ನು ರಾಕ್ಷಸರಂತೆ ಬಿಂಬಿಸುವ ಮತ್ತು ಅವರ ಮೇಲೆ ಆಕ್ರಮಣ ಮಾಡುವ ಇದೇ ಆರೆಸ್ಸೆಸ್‌, ಅಲ್ಪಸಂಖ್ಯಾತರ ನಡುವಿನ ದೀರ್ಘಕಾಲದ ಮೈತ್ರಿಗಳನ್ನು ಮುರಿಯಲು “ಕ್ರಿ-ಸಂಘಿ” ಎಂಬ ಒಂದು ವರ್ಗವನ್ನು ಮುಸ್ಲಿಂ ವಿರೋಧಿ ಧ್ವನಿಯಾಗಿ ಪೋಷಿಸುತ್ತಿದೆ.
ಆರೆಸ್ಸೆಸ್‌ಗೆ ಅನುಕೂಲಕರವಾಗುವಂತೆ ಕೇರಳದ ಬಾಂಬ್ ಘಟನೆಯು ಮುಸ್ಲಿಮರ ಪ್ರಾಬಲ್ಯವಿರುವ ಕಲಮಸ್ಸೆರಿಯಲ್ಲಿ ಸಂಭವಿಸಿತು. ಈ ಬಾಂಬ್ ಸ್ಫೋಟದ ದುರಂತವು ಸಂಘ ಪರಿವಾರಕ್ಕೆ ಜರ್ಮನಿಯ “ರೀಚ್‌ಸ್ಟ್ಯಾಗ್ ಫೈರ್” ಆಗಿ ರೂಪುಗೊಂಡಿತು.
ಸಾಮಾನ್ಯ ಜನರಲ್ಲಿ ಭಯವನ್ನು ಹುಟ್ಟುಹಾಕುವುದು, ವಿರೋಧಿಗಳನ್ನು ಬೆದರಿಸುವುದು ಮತ್ತು ಚುನಾವಣಾ ವಿರೋಧಗಳು ಪ್ರಬಲವಾಗಿರುವ ರಾಜ್ಯದ ಯಂತ್ರವನ್ನು ಕಸಿದುಕೊಳ್ಳುವುದು ಫ್ಯಾಸಿಸ್ಟ್ ಚಳುವಳಿಗಳ ಸ್ವಭಾವವಾಗಿದೆ. ಸಾಮಾಜಿಕ ಬಿರುಕುಗಳನ್ನು ವಿಸ್ತರಿಸಲು, ಬೀದಿ ಹಿಂಸಾಚಾರವನ್ನು ಸಂಘಟಿಸಲು ಮತ್ತು ಕೋಮುಗಲಭೆಗಳನ್ನು ಹುಟ್ಟುಹಾಕಲು ಮಾಡಲು ತಮ್ಮ ಪ್ರಾವೀಣ್ಯತೆಯ ಬಗ್ಗೆ ಅವರಿಗೆ ವಿಶ್ವಾಸವಿದೆ.
ಕೇರಳದಲ್ಲಿ ಬಿಜೆಪಿಗೆ ಚುನಾವಣಾ ಅವಕಾಶಗಳು ಮಂಕಾಗಿರುವುದನ್ನು ನೋಡಿದರೆ, ಅಲ್ಲಿ ರಾಷ್ಟ್ರಪತಿ ಆಳ್ವಿಕೆ ಹೇರಿದರೆ ಅದು ಅನಿರೀಕ್ಷಿತವಾಗಿರುವುದಿಲ್ಲ. ಅದಕ್ಕಾಗಿ ಅವರು ಇಂತಹ ಅವಕಾಶಗಳಿಗೆ ಕಾಯುತ್ತಿದ್ದಾರೆ.
ಇದನ್ನೂ ಓದಿ: ಕೇರಳ | ನ್ಯೂಸ್‌ ಕ್ಲಿಕ್ ಮಾಜಿ ಉದ್ಯೋಗಿಯ ನಿವಾಸದ ಮೇಲೆ ದಾಳಿ ನಡೆಸಿ ಲ್ಯಾಪ್‌ಟಾಪ್ ಮೊಬೈಲ್ ವಶಕ್ಕೆ ಪಡೆದ ದೆಹಲಿ ಪೊಲೀಸ್
ಸಂಘಪರಿವಾಕ್ಕೆ ನಿರಾಶೆ
ಕೇರಳದಲ್ಲಿ ಬಾಂಬ್ ಸ್ಪೋಟವಾಗುತ್ತಿದ್ದಂತೆ ಇಡೀ ಆರೆಸ್ಸೆಸ್ಸಿನ ವ್ಯವಸ್ಥೆ ತಕ್ಷಣವೇ ಕಾರ್ಯಪ್ರವೃತ್ತವಾಯಿತು. ಬಿಜೆಪಿಯ ಉಪಾಧ್ಯಕ್ಷ ಕೆ. ರಾಧಾಕೃಷ್ಣನ್ ಅವರು ಕಲಮಸ್ಸೆರಿಯು ಉಗ್ರಗಾಮಿ ಚಟುವಟಿಕೆಗಳ ಇತಿಹಾಸವನ್ನು ಹೊಂದಿದೆ ಮತ್ತು ಅದನ್ನು ನಿಗ್ರಹಿಸಲು ರಾಜ್ಯ ಪೊಲೀಸರು ವಿಫಲವಾಗಿರುವುದರಿಂದ ಕೇಂದ್ರ ಸರ್ಕಾರದ ಸಂಸ್ಥೆಗಳಿಂದ ತನಿಖೆ ನಡೆಸಬೇಕೆಂದು ಒತ್ತಾಯಿಸಿದರು. ಬಿಜೆಪಿಯ ಇನ್ನೊಬ್ಬ ಪ್ರಮುಖ ನಾಯಕ ಸಂದೀಪ್ ವಾರಿಯರ್, ”ಯೆಹೋವನ ಸಾಕ್ಷಿಗಳು” ಯಹೂದಿಗಳೆಂದು ಪ್ರತಿಪಾದಿಸಿ, ಸ್ಪೋಟಕ್ಕೂ ಹಮಾಸ್‌ಗೂ ಸಂಬಂಧ ಇದೆ ಎಂದು ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಮಾಡಿ ತಮ್ಮ ಅಜ್ಞಾನ ಬಹಿರಂಗಪಡಿಸಿದರು.
ಅದರಲ್ಲೂ ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ ಅವರ ಹೇಳಿಕೆ ಅತ್ಯಂತ ಅಪಾಯಕಾರಿಯಾಗಿದ್ದು, ಭಾರಿ ಪರಿಣಾಮ ಬೀರಿತು. “ಭ್ರಷ್ಟಾಚಾರದ ಆರೋಪದ ಮೂಲಕ ಅಪಖ್ಯಾತಿ ಪಡೆದ ಸಿಎಂ ಪಿನರಾಯಿ ವಿಜಯನ್ ಅವರು ನಾಚಿಕೆಯಿಲ್ಲದೆ ಕೊಳಕು ರಾಜಕಾರಣ ನಡೆಸುತ್ತಿದ್ದಾರೆ. ಅವರು ದೆಹಲಿಯಲ್ಲಿ ಕುಳಿತು ಇಸ್ರೇಲ್ ವಿರುದ್ಧ ಪ್ರತಿಭಟನೆ ನಡೆಸುತ್ತಿರುವಾಗ, ಕೇರಳದಲ್ಲಿ ಭಯೋತ್ಪಾದಕ ಹಮಾಸ್‌ನಿಂದ ಜಿಹಾದ್‌ಗಾಗಿ ಬಹಿರಂಗ ಕರೆ ನೀಡಲಾಗಿದೆ. ಇದು ಅಮಾಯಕ ಕ್ರಿಶ್ಚಿಯನ್ನರ ಮೇಲೆ ದಾಳಿ ಬಾಂಬ್ ಸ್ಫೋಟಗಳನ್ನು ಉಂಟುಮಾಡುತ್ತಿವೆ” ಎಂದು ಟ್ವೀಟ್ ಮಾಡಿದ್ದರು.
Dirty shameless appeasement politics by a discredited CM (and HM) @pinarayivijayan besieged by corruption charges
Sitting in Delhi and protesting against Israel , when in Kerala open calls by Terrorist Hamas for Jihad is causing attacks and bomb blasts on innocent christians https://t.co/MQH0ycZsqu
— Rajeev Chandrasekhar 🇮🇳 (@Rajeev_GoI) October 29, 2023
ಇದನ್ನೂ ಓದಿ: ಕೇರಳ ಸ್ಫೋಟ ಪ್ರಕರಣ: 3 ಸಾವು, ಹಮಾಸ್‌ ದೂಷಿಸಿ ಜನರಿಂದ ಛೀಮಾರಿ ಹಾಕಿಸಿಕೊಂಡ ಬಿಜೆಪಿ
ಇಷ್ಟೆ ಅಲ್ಲದೆ, ಎಎನ್‌ಐ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ್ದ ಅವರು, ರಾಜ್ಯದಲ್ಲಿ ನಡೆಯುತ್ತಿರುವ ಇಸ್ರೇಲ್ ವಿರೋಧಿ ಘಟನೆಗಳಿಗೆ ಬಾಂಬ್ ಸ್ಪೋಟ ನೇರವಾಗಿ ಸಂಬಂಧ ಹೊಂದಿವೆ ಎಂದು ಪ್ರತಿಪಾದಿಸಿದರು. ಅವರ ಈ ಪ್ರತಿಪಾದನೆಯು ದೇಶದ ಉಳಿದ ಭಾಗಗಲಿಗೂ ಶೀಘ್ರವಾಗಿ ಹರಡಿತು. ಅವರ ಈ ಆಯಾಮದ ಹೇಳಿಕೆ, ಕೇರಳವನ್ನು ದೂಷಿಸಲು ಆರೆಸ್ಸೆಸ್‌ ಮತ್ತು ಅದರ ಅಂಗಸಂಸ್ಥೆಗಳು ನಡೆಸುತ್ತಿರುವ ವ್ಯವಸ್ಥಿತ ಷಡ್ಯಂತ್ರಗಳನ್ನು ಮತ್ತಷ್ಟು ಬಲಪಡಿಸಿತು.
ಅದಾಗ್ಯೂ, ಆರೆಸ್ಸೆಸ್‌ಗೆ ನಿರಾಶೆಯಾಗುವಂತೆ, ಬಾಂಬ್ ಸ್ಪೋಟ ಮಾಡಿದ ದುಷ್ಕರ್ಮಿ ಸ್ಪೋಟ ನಡೆದು ಗಂಟೆಗಳೊಳಗೆ ಶರಣಾದನು. ವಿನೀತ ಇಂಗ್ಲಿಷ್ ಶಿಕ್ಷಕ ಡೊಮಿನಿಕ್ ಮಾರ್ಟಿನ್ ‘ಯೆಹೋವನ ಸಾಕ್ಷಿಗಳು’ ಪಂಥದಿಂದ ಹೊರಬಂದ ಸದಸ್ಯರಾಗಿದ್ದರು. ಆರೆಸ್ಸೆಸ್‌ ಪ್ರಕಾರ ಈ ಹೆಸರು ಭಯೋತ್ಪಾದಕನಿಗೆ ಇರುವ ಸೂಕ್ತ ಹೆಸರಲ್ಲ, ಹಾಗಾಗಿ ಅವರು ಬಯಸಿದಂತೆ ಏನೂ ನಡೆಯಲಿಲ್ಲ.
ಆರೋಪಿ ಶರಣಾಗುತ್ತಿದ್ದಂತೆ ಅನೇಕರು ತಮ್ಮ ಟ್ವೀಟ್‌ಗಳನ್ನು ಅಳಿಸುವುದರೊಂದಿಗೆ, ಹೆಜ್ಜೆಗಳನ್ನು ಹಿಂದಿಡುವುದರೊಂದಿಗೆ ಆರೆಸ್ಸೆಸ್‌ನ ಅಭಿಯಾನವು ಕ್ಷೀಣಿಸಿತು. ಸಂಘ ಪರಿವಾರದ ಈ ನಿರಾಶೆಯು ಕೇರಳದ ನಾಗರಿಕರು ಮತ್ತು ಮುಖ್ಯವಾಹಿನಿಯ ರಾಜಕೀಯ ವ್ಯವಸ್ಥೆಯ ಮೇಲೆ ಬೀಸಿದ ಪರಿಹಾರದ ದೊಡ್ಡ ಅಲೆ ಎಂಬುವುದು ಸ್ಪಷ್ಟವಾಗಿತ್ತು.
ಇದನ್ನೂ ಓದಿ: ಕೇರಳ ಸ್ಫೋಟದ ಬಗ್ಗೆ ಕೋಮು ದ್ವೇಷ ಹೇಳಿಕೆ: ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ ವಿರುದ್ಧ ಸಿಎಂ ಪಿಣರಾಯಿ ವಾಗ್ದಾಳಿ
ಇವೆಲ್ಲಾ ನಡೆಯಲು ಆಗಿದ್ದೇನು? ಕೇರಳ ಸ್ಫೋಟ
ಆರೆಸ್ಸೆಸ್‌ ಷಡ್ಯಂತ್ರವನ್ನು ವಿಫಲಗೊಳಿಸುವಲ್ಲಿ ಕಾಂಗ್ರೆಸ್ ನೇತೃತ್ವದ ವಿರೋಧ ಪಕ್ಷಗಳ ಪಾತ್ರವು ನಿರ್ಣಾಯಕವಾಗಿದೆ. ತೀವ್ರ ಪೈಪೋಟಿಯನ್ನು ಬದಿಗಿಟ್ಟು ಪ್ರಬುದ್ಧವಾಗಿ ಮತ್ತು ತೂಗಿ ಅಳೆದು ಹೇಳಿಕೆಗಳನ್ನು ನೀಡುವ ಅದರ ಹಿರಿಯ ನಾಯಕರ ಪ್ರಬುದ್ಧ ನಡೆ, ಹೆಚ್ಚಿನ ಸಾರ್ವಜನಿಕರು ದ್ವೇಷ ಹರುಡುತ್ತಿರುವವರ ವಿರುದ್ಧ ಒಟ್ಟುಗೂಡಿಸಿತು.
ಘಟನೆಯ ಹಿನ್ನೆಲೆಯಲ್ಲಿ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ ಪ್ರತಿಪಕ್ಷದ ನಾಯಕ ವಿ.ಡಿ. ಸತೀಶ ಅವರು, ಘಟನೆಗೆ ಸರಕಾರದತ್ತ ಬೊಟ್ಟು ಮಾಡುವ ಬದಲು ಸಂತ್ರಸ್ತರ ವೈದ್ಯಕೀಯ ಸೇವೆಗೆ ಆದ್ಯತೆ ನೀಡಿದರು. ಇದು ಅತ್ಯಂತ ಜಾಗರೂಕತೆಯಿಂದ ನಿರ್ವಹಿಸಬೇಕಾದ ಸಮಸ್ಯೆಯಾಗಿದೆ ಎಂದು ಒತ್ತಿಹೇಳಿದರು ಮತ್ತು ತಪ್ಪು ಮಾಹಿತಿ ಹರಡುವ ಅಪಾಯಗಳ ಬಗ್ಗೆ ಎಚ್ಚರಿಕೆ ನೀಡಿದರು. ಕೇರಳ ಸ್ಫೋಟ
ಈ ನಡುವೆ ಸರ್ಕಾರ ಕರೆದ ಸರ್ವಪಕ್ಷ ಸಭೆಯು ಮತೀಯ ಧ್ರುವೀಕರಣದ ತಪ್ಪು ಮಾಹಿತಿ ಮತ್ತು ಆರೆಸ್ಸೆಸ್‌ನಿಂದ ಉತ್ತೇಜಿತವಾಗುತ್ತಿರುವ ಉದ್ವಿಗ್ನತೆಯನ್ನು ಮೊಟಕುಗೊಳಿಸುವುದರ ವಿರುದ್ಧದ ಏಕತೆಯ ಪ್ರದರ್ಶನಕ್ಕೆ ಮತ್ತೊಂದು ವೇದಿಕೆಯಾಯಿತು.
ಕೊಚ್ಚಿಯಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಕೋಮುವಾದಿ ಹೇಳಿಕೆಗಾಗಿ ಕೇಂದ್ರ ಸಚಿವ ಚಂದ್ರಶೇಖರ್‌ಗೆ ಬಿಸಿ ಮುಟ್ಟಿಸಿರುವುದು ಮನಮೋಹಕವಾಗಿತ್ತು. ಮಾಧ್ಯಮಗಳು ಆಡಳಿತದ ಮಡಿಲಿನಲ್ಲಿ ಇರುವ ಈ ಕರಾಳ ಸಮಯದಲ್ಲಿ, ಮುಖ್ಯವಾಹಿನಿಯ ಪತ್ರಕರ್ತರ ನೈತಿಕ ಆಕ್ರೋಶ ಮತ್ತು ಅಧಿಕಾರಕ್ಕೆ ವಿರುದ್ಧವಾಗಿ ಸತ್ಯ ಮಾತನಾಡುವ ಅವರ ಸಾಮರ್ಥ್ಯದ ಸಂಪೂರ್ಣ ಪ್ರದರ್ಶನವಾಯಿತು. ಮಾಧ್ಯಮದ ತೀಕ್ಷ್ಣ ಪ್ರಶ್ನೆಗಳು ಚಂದ್ರಶೇಖರ್ ಅವರ ಕೋಮು ಹೇಳಿಕೆಗಳನ್ನು ನಿರಾಕರಿಸುವಂತೆ ಒತ್ತಾಯಿಸಿದವು.
ಇದನ್ನೂ ಓದಿ: ಕೇರಳ ಸ್ಫೋಟದ ಬಗ್ಗೆ ದ್ವೇಷ ವರದಿ | ಮಲಯಾಳಂ ಮಾಧ್ಯಮ ಮತ್ತು ಅದರ ಪತ್ರಕರ್ತೆ ವಿರುದ್ಧ ಎಫ್‌ಐಆರ್
ಈ ವೇಳೆ ಅವರು, ತನ್ನ ಹೇಳಿಕೆಯು ಈ ನಿರ್ದಿಷ್ಟ ಘಟನೆಗೆ ಮಾತ್ರ ಸಂಬಂಧಿಸಿದ್ದಲ್ಲ, ಬದಲಾಗಿ ರಾಜ್ಯದಲ್ಲಿ ನಡೆದ ಇಸ್ಲಾಮಿಕ್ ಉಗ್ರವಾದ ಮತ್ತು ಅದರ ಪರಿಣಾಮಗಳ ಬಗ್ಗೆ ಇತರರಿಗೆ ಮನವರಿಕೆ ಮಾಡಲು ಎಂದು ಹೇಳಿ ತಮ್ಮ ಕೋಮುದ್ವೇಷದ ಹೇಳಿಕೆಯನ್ನು ಸಮರ್ಥಿಸಲು ವ್ಯರ್ಥ ಪ್ರಯತ್ನ ನಡೆಸಿದರು. ಕೇರಳ ಸ್ಫೋಟ
ಮಾರ್ಟಿನ್‌ನ ತಪ್ಪೊಪ್ಪಿಗೆ ಮತ್ತು ಬಂಧನದ ಹೊರತಾಗಿಯೂ, ಮುಂದೆ ನಡೆಯುವ ತನಿಖೆಗಳು ಇಸ್ಲಾಮಿಸ್ಟ್ ಪಿತೂರಿಯನ್ನು ಬಹಿರಂಗಪಡಿಸುತ್ತವೆ ಎಂದು ಹೇಳಿದ ಅವರು ಕೇರಳ ಬಾಂಬ್ ಸ್ಫೋಟವು ಒಬ್ಬನೇ ವ್ಯಕ್ತಿಯ ಕೆಲಸ ಎಂಬ ಕಥನವನ್ನು ತನಿಖೆ ತಳ್ಳಿಹಾಕುತ್ತದೆ ಎಂಬ ಭರವಸೆಯಿದೆ ಎಂದು ಚಂದ್ರಶೇಖರ್ ಹತಾಶವಾಗಿ ಹೇಳಿದರು. ಇತ್ತೀಚಿನ ದಿನಗಳಲ್ಲಿ ಮುಖ್ಯವಾಹಿನಿಯ ಪತ್ರಕರ್ತರು ಪ್ರಸ್ತುತ ಕೇಂದ್ರ ಸರ್ಕಾರದಲ್ಲಿ ಮಂತ್ರಿಯನ್ನು ಈ ಮಟ್ಟದ ಪರಿಶೀಲನೆಗೆ ಒಳಪಡಿಸಿದ ಉದಾಹರಣೆ ಮತ್ತೊಂದಿಲ್ಲ.
ರಾಜ್ಯ ಸರ್ಕಾರ ಸ್ಫೋಟವನ್ನು ನಿಭಾಯಿಸಿದ ಗಂಭೀರತೆಯು, ರಾಜಕೀಯ ವಾತಾವರಣ ಮತ್ತು ಹಿಂಸಾಚಾರವನ್ನು ಸಂಘಟಿಸುವ ಆರೆಸ್ಸೆಸ್‌ನ ಸಾಮರ್ಥ್ಯಗಳ ಬಗ್ಗೆ ತೀಕ್ಷ್ಣತೆಯನ್ನು ಕೂಡಾ ಬಹಿರಂಗಪಡಿಸುತ್ತದೆ.
ಕೆಲವೇ ಗಂಟೆಗಳಲ್ಲಿ ಹಿರಿಯ ಪೊಲೀಸ್ ಅಧಿಕಾರಿಗಳು ಮತ್ತು ಸಚಿವರನ್ನು ಸ್ಥಳಕ್ಕೆ ಕಳುಹಿಸಲಾಯಿತು. ಅದರಲ್ಲಿ ಆರೋಗ್ಯ ಸಚಿವರು ಮುಂಚೂಣಿಯಲ್ಲಿದ್ದು ತುರ್ತು ವೈದ್ಯಕೀಯ ಆರೈಕೆಯನ್ನು ಆಯೋಜಿಸಿದರು. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಯಾವುದೇ ಗುದ್ದಾಟ ನಡೆಸದೆ, ಸಚಿವ ಚಂದ್ರಶೇಖರ್ ದ್ವೇಷದ ‘ವಿಷ’ ಉಗುಳಿದ್ದಾರೆ ಎಂದು ಆರೋಪಿಸಿದರು. ಕೇರಳ ಪೊಲೀಸರು ಚಂದ್ರಶೇಖರ್ ಮತ್ತು ಆರೆಸ್ಸೆಸ್‌ನ ಇತರರ ವಿರುದ್ಧ ಗಲಭೆಗೆ ಪ್ರಚೋದನೆ ಮತ್ತು ಸುವ್ಯವಸ್ಥೆಗೆ ಅಡ್ಡಿಪಡಿಸಿದ ಪ್ರಕರಣಗಳನ್ನು ದಾಖಲಿಸುವ ಮೂಲಕ ಅದನ್ನು ಅನುಸರಿಸಿದರು. ಕೇರಳ ಸ್ಫೋಟ
ಜಾತ್ಯತೀತತೆಯ ಸಂಪೂರ್ಣ ರಕ್ಷಣೆ, ದ್ವೇಷ ಭಾಷಣದ ಅಸಹಿಷ್ಣುತೆ ಹಾಗೂ ರಾಜಕೀಯ ಮತ್ತು ಕಾನೂನು ತಂತ್ರಗಳನ್ನು ಬಳಸಿ ಆರೆಸ್ಸೆಸ್‌ ಅನ್ನು ಮಂಡಿಯೂರಿಸುವ ಸರ್ಕಾರದ ಇಚ್ಛೆಯು ಇತರ ರಾಜ್ಯ ಸರ್ಕಾರಗಳು ಅನುಕರಿಸಬಹುದಾದ ಸಂಗತಿಯಾಗಿದೆ.
ಇದನ್ನೂ ಓದಿ: ‘ಮಣಿಪುರವನ್ನು ಮರೆಯುವುದಿಲ್ಲ’ | ನರೇಂದ್ರ ಮೋದಿಯನ್ನು ನೇರವಾಗಿ ಟೀಕಿಸಿದ ಕೇರಳ ಸಿರೋ-ಮಲಬಾರ್ ಚರ್ಚ್
ತಪ್ಪಿದ ದುರಂತ
ಈ ಘಟನೆಯನ್ನು ಒಂದು ತಪ್ಪಿದ ದುರಂತದ ಎಚ್ಚರಿಕೆ ಘಂಟೆಯಾಗಿ ನೋಡಬೇಕು. ಆರೋಪಿಯ ಶರಣಾಗತಿ ಮತ್ತು ಬಂಧನದಲ್ಲಿ ಯಾವುದೇ ವಿಳಂಬ ಆಗದಿರುವುದು ಆರೆಸ್ಸೆಸ್‌ನ ಸಂತೋಷವನ್ನು ನಾಶಮಾಡಲು ಅವಕಾಶ ಮಾಡಿಕೊಟ್ಟಿತು. ರಾಜ್ಯದ ರಾಜಕೀಯ ವರ್ಗ, ಸ್ಥಳೀಯ ಮಾಧ್ಯಮ ಮತ್ತು ರಾಜ್ಯದ ಜನರು ಫ್ಯಾಸಿಸ್ಟ್ ಷಡ್ಯಂತ್ರಗಳ ವಿರುದ್ಧದ ಸ್ವಯಂಪ್ರೇರಿತ ಒಗ್ಗಟ್ಟು ಕೇರಳವನ್ನು ದುರಂತದಿಂದ ತಪ್ಪಿಸಲು ಸಹಾಯ ಮಾಡಿತು. ಈ ಒಗ್ಗಟ್ಟನ್ನು ಮತ್ತು ಜಾಗೃತಿಯನ್ನು ಸಂಭ್ರಮಿಸಬೇಕಿದೆ, ಜೊತೆಗೆ ಬಲಪಡಿಸಬೇಕಿದೆ.
ಭವಿಷ್ಯದಲ್ಲಿ ಕೇರಳದ ಜನರ ಫಲಿತಾಂಶ ಒಂದೇ ಆಗದಿರಬಹುದು. “ರೀಚ್‌ಸ್ಟ್ಯಾಗ್ ಫೈರ್”ನ ಮುಂದಿನ ಆವೃತ್ತಿಯ ಬೆಂಕಿಗೆ ಇಂಧನವನ್ನು ಪಡೆಯಬಹುದು, ಹೀಗಾದರೆ ಮೌಲ್ಯಯುತವಾದ ಎಲ್ಲವನ್ನೂ ಅದು ಸುಟ್ಟು ಬೂದಿ ಮಾಡುತ್ತದೆ.
ಪ್ರಭೀರ್ ವಿಷ್ಣು ಪೊರುತಿಯಿಲ್ | ದಿ ವೈರ್
ಲೇಖಕ ಪ್ರಭೀರ್ ವಿಷ್ಣು ಪೊರುತಿಯಿಲ್ ಅವರು ಬಾಂಬೆಯ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ನೀತಿ ಅಧ್ಯಯನ ಕೇಂದ್ರದ ಅಧ್ಯಾಪಕರಾಗಿದ್ದಾರೆ.
ವಿಡಿಯೊ ನೋಡಿ: ನಮ್ಮನ್ನು ಸರ್ಕಾರಿ ನೌಕರರೆಂದು ಪರಿಗಣಿಸಿಸಿಡಿದೆದ್ದ ಗ್ರಾಮ ಪಂಚಾಯಿತಿ ನೌಕರರು Janashakthi Media
