ಭಾರತದ ರಕ್ಷಣಾ ಸಂಶೋಧನಾ ಮತ್ತು ಅಭಿವೃದ್ಧಿ ಸಂಸ್ಥೆ (DRDO) ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿರುವ ಕಾವೇರಿ ಜೆಟ್ ಇಂಜಿನ್ ರಷ್ಯಾದಲ್ಲಿ ಪರೀಕ್ಷೆಗೊಳಪಡುತ್ತಿದೆ. ಈ ಇಂಜಿನ್‌ನ್ನು ಭಾರತೀಯ ಧೀರ್ಘ ಶ್ರೇಣಿಯ ಮಾನವ ರಹಿತ ಯುದ್ಧ ವಿಮಾನ (UCAV)ಗಳಿಗೆ ಶಕ್ತಿ ತುಂಬಲು ಯೋಜಿಸಲಾಗಿದೆ. ಸದ್ಯ 25 ಗಂಟೆಗಳ ಪರೀಕ್ಷೆ ಬಾಕಿಯಿದ್ದು, ರಷ್ಯಾದ ಅಧಿಕಾರಿಗಳ ಅನುಮತಿ ನಂತರ ಮುಂದಿನ ಹಂತದ ಪರೀಕ್ಷೆಗಳು ನಡೆಯಲಿವೆ .
ಕಾವೇರಿ ಇಂಜಿನ್‌ನ್ನು ಮೂಲತಃ ಲಘು ಯುದ್ಧ ವಿಮಾನ ತೇಜಸ್‌ಗೆ ಶಕ್ತಿ ನೀಡಲು DRDO ಅಭಿವೃದ್ಧಿಪಡಿಸಿತ್ತು. ಆದರೆ, ತಾಂತ್ರಿಕ ಸವಾಲುಗಳಿಂದಾಗಿ ಈ ಯೋಜನೆ ವಿಳಂಬವಾಯಿತು ಮತ್ತು ತೇಜಸ್‌ಗೆ ಅಮೆರಿಕದ GE-404 ಇಂಜಿನ್‌ಗಳನ್ನು ಬಳಸಲಾಯಿತು. ಇದರಿಂದಾಗಿ, ಸ್ವದೇಶಿ ಇಂಜಿನ್ ಅಭಿವೃದ್ಧಿಗೆ ಹೆಚ್ಚಿನ ಒತ್ತಡ ಮೂಡಿದೆ .
ಇದನ್ನು ಓದಿ :-ಕುಮಾರ್ ಶಾ ಎಂಬ ಈ ಜೋಗಿ
ಸಾಮಾಜಿಕ ಮಾಧ್ಯಮಗಳಲ್ಲಿ #FundKaveri ಎಂಬ ಹ್ಯಾಷ್‌ಟ್ಯಾಗ್‌ ಮೂಲಕ ಈ ಯೋಜನೆಗೆ ಸರ್ಕಾರದಿಂದ ಹೆಚ್ಚಿನ ಅನುದಾನ ನೀಡಬೇಕೆಂದು ಸಾರ್ವಜನಿಕರು ಆಗ್ರಹಿಸುತ್ತಿದ್ದಾರೆ. ಈ ಹ್ಯಾಷ್‌ಟ್ಯಾಗ್‌ ಟ್ರೆಂಡ್‌ ಆಗಿದ್ದು, ಕಾವೇರಿ ಇಂಜಿನ್ ಬಗ್ಗೆ ಜನರಲ್ಲಿ ಹೆಚ್ಚಿನ ಕುತೂಹಲ ಮೂಡಿಸಿದೆ .
ಕಾವೇರಿ ಇಂಜಿನ್ ರಷ್ಯಾದಲ್ಲಿ ನಡೆಯುತ್ತಿರುವ ಪರೀಕ್ಷೆಗಳು ಯಶಸ್ವಿಯಾದರೆ, ಭಾರತೀಯ ಯುದ್ಧ ಡ್ರೋನ್‌ಗಳಿಗೆ ಸ್ವದೇಶಿ ಶಕ್ತಿ ಮೂಲ ಒದಗಿಸುವಲ್ಲಿ ಮಹತ್ವದ ಹೆಜ್ಜೆಯಾಗಿ ಪರಿಗಣಿಸಲಾಗುತ್ತದೆ. ಇದು ‘ಮೇಕ್ ಇನ್ ಇಂಡಿಯಾ’ ಮತ್ತು ‘ಆತ್ಮನಿರ್ಭರ ಭಾರತ್’ ಯೋಜನೆಗಳಿಗೆ ಬಲ ನೀಡುತ್ತದೆ .
ಇದನ್ನು ಓದಿ :-ರೋಗಿಯ ಕುಟುಂಬ ವೈದ್ಯರ ನಡವಿನ ವಾಗ್ವಾದಕ್ಕೆ “ಹಿಂದು v/s ಮುಸ್ಲಿಂ” ಬಣ್ಣ
ರಕ್ಷಣಾ ತಜ್ಞರು ಈ ಯೋಜನೆಗೆ ಹೆಚ್ಚಿನ ಅನುದಾನ ನೀಡುವ ಮೂಲಕ, ಭಾರತವು ವಿದೇಶಿ ಇಂಜಿನ್‌ಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಿ, ಸ್ವದೇಶಿ ತಂತ್ರಜ್ಞಾನದಲ್ಲಿ ಮುನ್ನಡೆ ಸಾಧಿಸಬೇಕೆಂದು ಸಲಹೆ ನೀಡಿದ್ದಾರೆ .
