ಕಾಟೇರ ಬರ್ಜರಿ ಹಿಟ್‌; ಸಿನಿಮಾ ಏಳೇ ದಿನಕ್ಕೆ ಗಳಿಸಿದೆಷ್ಟು?

Please follow and like us:
  ‘ಕಾಟೇರ’ ದರ್ಶನ್‌ ಅಭಿನಯಿಸಿರುವ ಸಿನಿಮಾ, ಹೊಸ ವರ್ಷದಲ್ಲಿ ಬರ್ಜರಿ ಹಿಟ್‌ ಬಾರಿಸಿದೆ. ಸಿನಿಮಾ ತೆರೆಕಂಡ ಏಳೇ ದಿನಕ್ಕೆ 104.88 ಕೋಟಿ ರೂ. ಗಳಿಸುವ ಮೂಲಕ ‘100 ಕೋಟಿ ಕ್ಲಬ್‌’ ಸೇರ್ಪಡೆಯಾಗಿದೆ. ಕಾಟೇರ

ಮೊದಲ ಆರು ದಿನಗಳಿಗೆ ‘ಕಾಟೇರ’ ಸಿನಿಮಾವು 95.36 ಕೋಟಿ ರೂ. ಗಳಿಸಿತ್ತು. ಇದೀಗ ಮೊದಲ ವಾರಕ್ಕೆ ಸರಿಯಾಗಿ ಶತಕೋಟಿ ಕ್ಲಬ್ ಸೇರಿದೆ. ಏಳನೇ ದಿನ ‘ಕಾಟೇರ’ ಸಿನಿಮಾವು 9.52 ಕೋಟಿ ರೂ. ಗಳಿಸಿದ್ದು, ಅಲ್ಲಿಗೆ ‘ಕಾಟೇರ’ ಸಿನಿಮಾದ ಒಟ್ಟಾರೆ ಗಳಿಕೆ 104.88 ಕೋಟಿ ರೂ. ತಲುಪಿದೆ. ಕಾಟೇರ

ರಾಜ್ಯಾದ್ಯಂತ ‘ಕಾಟೇರ’ ಸಿನಿಮಾವು ದಾಖಲೆ ಪ್ರದರ್ಶನ ಕಂಡಿದೆ. ಒಂದು ವಾರಕ್ಕೆ ಈ ಸಿನಿಮಾವು ಭರ್ತಿ 10,961 ಪ್ರದರ್ಶನ ಆಗಿದೆ. ಇದರಲ್ಲಿ ಮತ್ತೊಂದು ವಿಶೇಷವೆಂದರೆ, 6,117 ಶೋಗಳು ಹೌಸ್‌ಫುಲ್ ಆಗಿವೆ. ಇದು ಕನ್ನಡ ಚಿತ್ರರಂಗದ ಮಟ್ಟಿಗೆ ಹೊಸ ದಾಖಲೆ ಆಗಿದೆ. 2023ರಲ್ಲಿ ಕನ್ನಡ ಚಿತ್ರರಂಗಕ್ಕೆ ಅಂತಹ ದೊಡ್ಡ ಲಾಭವೇನೂ ಆಗಿರಲಿಲ್ಲ. ಆದರೆ 2024ರ ಆರಂಭದಿಂದಲೂ ಸ್ಯಾಂಡಲ್‌ವುಡ್ ಸದ್ದು ಜೋರಾಗಿಯೇ ಇದೆ. ಕಾಟೇರ

ಇದನ್ನು ಓದಿ : “ಕಾಟೇರ” ಪಾಳೆಗಾರಿ ಮತ್ತು ಜಾತಿ ವ್ಯವಸ್ಥೆ ವಿರುದ್ಧದ ಧ್ವನಿ

‘ಕಾಟೇರ’ ಯಾವುದೇ ಪ್ಯಾನ್ ಇಂಡಿಯಾ ಟ್ಯಾಗ್ ಹೊತ್ತು ಬಂದ ಸಿನಿಮಾ ಅಲ್ಲ. ಇದು ಕಂಪ್ಲೀಟ್ ಆಗಿ ಕನ್ನಡದಲ್ಲೇ ತಯಾರಾಗಿ, ಕನ್ನಡದಲ್ಲಿ ಮಾತ್ರ ತೆರೆಕಂಡ ಸಿನಿಮಾ. ಮೊದಲು ಕರ್ನಾಟಕ ಮತ್ತು ಬೇರೆ ಬೇರೆ ರಾಜ್ಯಗಳ ಒಂದಷ್ಟು ಸ್ಕ್ರೀನ್‌ಗಳಲ್ಲಿ ಮಾತ್ರ ಈ ಸಿನಿಮಾ ತೆರೆಗೆ ಬಂದಿತ್ತು. ಇದೀಗ ಜನವರಿ 5ರಿಂದ ‘ಕಾಟೇರ’ನ ಆರ್ಭಟ ವಿದೇಶದಲ್ಲೂ ಶುರುವಾಗಿದೆ. ಅಲ್ಲದೆ, ತಮಿಳು ಮತ್ತು ತೆಲುಗು ಭಾಷೆಗಳಿಗೆ ಡಬ್ ಮಾಡಿ, ತೆರೆಗೆ ತರುವುದಕ್ಕೆ ‘ಕಾಟೇರ’ ಚಿತ್ರತಂಡ ಪ್ಲ್ಯಾನ್ ಮಾಡಿಕೊಳ್ಳುತ್ತಿದೆ.

ಈ ಮಧ್ಯೆ ಪೈರಸಿ ಕಾಟ ಕೂಡ ‘ಕಾಟೇರ’ನಿಗೆ ತಟ್ಟಿದೆ. ಈ ಸಿನಿಮಾವನ್ನು ಪೈರಸಿ ಮಾಡುತ್ತಿದ್ದ ದೇವದುರ್ಗ ತಾಲ್ಲೂಕಿನ ಗಂಗಾನಾಯಕ್ ತಾಂಡದ ಆರೋಪಿ ಮೌನೇಶ್‌ನನ್ನು ಈಗಾಗಲೇ ರಾಯಚೂರು ಪೊಲೀಸರು ಬಂಧಿಸಿದ್ದಾರೆ. ಆರೋಪಿ ಮೌನೇಶ್‌ ಫೋನ್‌ಪೇ ಮೂಲಕ ₹40 ಪಡೆದು ಟೆಲಿಗ್ರಾಮ್‌ ಆಪ್‌ ಮೂಲಕ ‘ಕಾಟೇರ’ ಸಿನಿಮಾದ ಲಿಂಕ್ ಕಳಿಸುತ್ತಿದ್ದ. ಮೌನೇಶ್ ವಿರುದ್ಧ ಕಾಪಿ ರೈಟ್ ಆಕ್ಟ್ 1957 ಹಾಗೂ ಭಾರತೀಯ ದಂಡ ಸಂಹಿತೆಯ ಕಲಂ 420 ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಕಾಟೇರ

ಒಟ್ಟಿನಲ್ಲಿ ಏನೇ ಅಡೆತಡೆ ಬಂದರೂ ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ ‘ಕಾಟೇರ’ ಸಿನಿಮಾ. ಸದ್ಯ 100 ಕೋಟಿ ಕ್ಲಬ್ ಸೇರಿರುವ ಈ ಸಿನಿಮಾವು, ಈಗ 200 ಕೋಟಿ ರೂ. ಕ್ಲಬ್ ಸೇರಲಿದೆಯೇ ಎಂದು ಫ್ಯಾನ್ಸ್ ಕಾಯುತ್ತಿದ್ದಾರೆ. ಅಂದಹಾಗೆ, ತರುಣ್ ಸುಧೀರ್ ನಿರ್ದೇಶನ ಮಾಡಿರುವ ‘ಕಾಟೇರ’ ಸಿನಿಮಾವನ್ನು ರಾಕ್‌ಲೈನ್‌ ವೆಂಕಟೇಶ್ ನಿರ್ಮಾಣ ಮಾಡಿದ್ದಾರೆ. ಹಾಡುಗಳಿಗೆ ವಿ ಹರಿಕೃಷ್ಣ ಸಂಗೀತ ನೀಡಿದ್ದರೆ, ಛಾಯಾಗ್ರಹಣವನ್ನು ಸುಧಾಕರ್ ಎಸ್ ರಾಜ್ ಮಾಡಿದ್ದಾರೆ.
Please follow and like us:
Donate Janashakthi Media

Leave a Reply

Your email address will not be published. Required fields are marked *