ಬೆಂಗಳೂರು: ಉದ್ಯೋಗಾವಕಾಶಗಳಿಗಾಗಿ ಭಾರತದ ಹಲವು ಭಾಗಗಳಿಂದ ಜನರು ಬೆಂಗಳೂರಿಗೆ ಬರುತ್ತಾರೆ. ಹೆಚ್ಚಿದ ಬಾಡಿಗೆ, ಅಂತ್ಯವಿಲ್ಲದ ಟ್ರಾಫಿಕ್‌ ಸಮಸ್ಯೆಗಳಿದ್ದರೂ, ನಗರವನ್ನು ಬಿಡಲು ಬಹಳ ಮಂದಿಗೆ ಸಾಧ್ಯವಾಗುವುದಿಲ್ಲ ಎಂಬ ಪ್ರಶ್ನೆ ಮತ್ತೆ ಚರ್ಚೆಗೆ ಬಂದಿದೆ.
ಬಿಹಾರ ಮೂಲದ ಅಂಕಿತ್ ಎಂಬ ವ್ಯಕ್ತಿ ‘travel_diaries_by_Ankit’ ಹೆಸರಿನಲ್ಲಿ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ವಿಡಿಯೋ ಇದೀಗ ವೈರಲ್ ಆಗಿದ್ದು, ಜನರು ಏಕೆ ಬೆಂಗಳೂರನ್ನು ತೊರೆಯಲು ಇಚ್ಛಿಸುವುದಿಲ್ಲ ಎಂಬುದನ್ನು ವಿವರಿಸಿದ್ದಾರೆ.
ವಿಡಿಯೋದಲ್ಲಿ ಅವರು, ಉದ್ಯೋಗಕ್ಕಾಗಿ ನಗರಕ್ಕೆ ಬರುವ ಹಲವರು, ಏಕಾಂತ, ಆತಂಕ ಅಥವಾ ಟ್ರಾಫಿಕ್‌ ಸಮಸ್ಯೆಗಳನ್ನು ಎದುರಿಸಿದರೂ ಕೂಡ, ನಗರವನ್ನು ಬಿಡಲು ಮನಸ್ಸು ಮಾಡಲಾಗುವುದಿಲ್ಲ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಸಿಯುಇಟಿ ಪರೀಕ್ಷೆಗೆ ತಾಂತ್ರಿಕ ದೋಷ: 3,765 ವಿದ್ಯಾರ್ಥಿಗಳಿಗೆ ಪರೀಕ್ಷೆ ಬರೆಯಲು ಅವಕಾಶ ಸಿಗದೆ ತೊಂದರೆ
ಹಲವರ ಸಂಬಳದ ಅರ್ಧಕ್ಕಿಂತ ಹೆಚ್ಚು ಬಾಡಿಗೆಗೆ ತೆರಳುತ್ತಿದ್ದರೂ ಕೂಡ, ಬೆಂಗಳೂರೇ ಅವರನ್ನು ಹಿಡಿದುಕೊಂಡಿರುವಂತೆ ಕಾಣುತ್ತದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
“ಗುರುಗಾಂವ್, ದೆಹಲಿ, ಹೈದರಾಬಾದ್, ಮುಂಬೈ, ಚೆನ್ನೈ ನಗರಗಳಲ್ಲಿ ಐಟಿ ಅವಕಾಶಗಳಿಲ್ಲದ ಕಾರಣದಿಂದಲ್ಲ, ಆದರೆ ಬೆಂಗಳೂರಿನ ಹವಾಮಾನವೇ ನಗರ ಬಿಡಲು ಅವಕಾಶ ನೀಡುವುದಿಲ್ಲ,” ಎಂದು ಅವರು ಹೇಳಿದ್ದಾರೆ.
ಇದೇ ಅಭಿಪ್ರಾಯವನ್ನು ಹಲವರು ಹಂಚಿಕೊಂಡಿದ್ದು, ಇತರ ನಗರಗಳ ಹವಾಮಾನಕ್ಕೆ ಹೋಲಿಸಿದರೆ ಬೆಂಗಳೂರಿನ ಸುಸಹನೀಯ ವಾತಾವರಣವೇ ಮುಖ್ಯ ಕಾರಣ ಎಂದು ಹೇಳಿದ್ದಾರೆ.
ವಿಡಿಯೋಗೆ ಬಂದ ಕೆಲ ಕಾಮೆಂಟ್‌ಗಳಲ್ಲಿ “ಇದು ನಿಜ” ಎಂದು ಒಬ್ಬರು ಹೇಳಿದರೆ, ಮತ್ತೊಬ್ಬರು “ಬೆಂಗಳೂರು ಹವಾಮಾನ ತುಂಬಾ ಚೆನ್ನಾಗಿದೆ” ಎಂದು ಪ್ರತಿಕ್ರಿಯಿಸಿದ್ದಾರೆ.
ಆದರೆ, ಕೆಲವರು ಈ ಅಭಿಪ್ರಾಯಕ್ಕೆ ವಿರೋಧ ವ್ಯಕ್ತಪಡಿಸಿದ್ದು, ಹವಾಮಾನಕ್ಕಿಂತ ಜೀವನಶೈಲಿ ಮತ್ತು ಸಂಬಳವೇ ಪ್ರಮುಖ ಕಾರಣ ಎಂದು ಹೇಳಿದ್ದಾರೆ.
“ಬೆಂಗಳೂರು ಉತ್ತಮ ಸಂಬಳ, ವೃತ್ತಿಜೀವನದ ಬೆಳವಣಿಗೆ ಮತ್ತು ಜೀವನಶೈಲಿಯನ್ನು ಒದಗಿಸುತ್ತದೆ,” ಎಂದು ಒಬ್ಬ ಬಳಕೆದಾರರು ಇತರ ನಗರಗಳೊಂದಿಗೆ ಹೋಲಿಕೆ ಮಾಡಿದ್ದಾರೆ.
ಇದನ್ನೂ ನೋಡಿ: ಹಾಸ್ಟೆಲ್‌ ನೌಕರರ ಕಣ್ಣೀರ ಕಥೆ | ಬೆಂಗಳೂರಿನಲ್ಲಿ ಸಾವಿರಾರು ಜನರ ಪ್ರತಿಭಟನೆ Janashakthi Media
