ಮಡಿಲ ಒರತೆಯ ಹುಡುಕಾಟದಲಿ

ಆದಿ-ಅಂತ್ಯವಿಲ್ಲದ ಯಾತನೆಯ
ತಂತುಗಳು
ಗತ ಗಳಿಗೆಗಳ ಕಣಜದಲಿ ಮಿಂದು
ಮಡಿಲ ಭಾವ ನೆನೆದು ಕಂಬನಿಸುವಾಗ
ಒರಗಲೊಂದು
ಸಾಂತ್ವನದ ಹೆಗಲು ಬೇಕಿದೆ ; ಒರತೆ

ತಣ್ಣನೆಯ ಹೊತ್ತಿನಲೂ
ಎದೆಯಾಗ್ನಿಯ ಕತ್ತಲಾವರಿಸಿದಾಗ
ನಿತ್ಯ ಹುಡುಕಾಟದ ಪಯಣದಲಿ
ಮಮತೆಯ ತಂಗಾಳಿ ಕಾಣದಾದಾಗ
ಒರಗಲೊಂದು
ಸಾಂತ್ವನದ ಹೆಗಲು ಬೇಕಿದೆ ;

ಹೆತ್ತೊಡಲ ಕನವರಿಕೆಯಲಿ
ಕಳೆದುಹೋದ ಮಧುರ ಗುರುತುಗಳೆಲ್ಲ
ಸ್ಮೃತಿಪಟಲದಲಿ ನರ್ತಿಸುತ್ತಿರುವಾಗ
ಭಾವಕೋಶದ ಅಣುಅಣುವಿಗೆ
ಒರಗಲೊಂದು
ಸಾಂತ್ವನದ ಹೆಗಲು ಬೇಕಿದೆ ;

ಬತ್ತಿದ ವಾತ್ಸಲ್ಯದ ಕಡಲು
ಕುಸಿದ ಜೀವೋತ್ಸಾಹದ ಏರಿಳಿತದಲಿ
ಚಿಂತೆಗಳ ಮರೆತು ವಿರಮಿಸಲು
ಬಯಸಿದಾಗ
ಅಂತರಂಗದ ಕುಲುಮೆಯ ನಂದಿಸಲು
ಸಾಂತ್ವನದ ಹೆಗಲು ಬೇಕಿದೆ ;

ಪ್ರೀತಿಸುವ ತಾಯ್ಮಡಿಲು ಬೇಕಿದೆ ;
ನಲ್ನುಡಿಗಳ ಹೆತ್ತೊಡಲು ಬೇಕಿದೆ !

ತುಳುನಾಡಿನ ಕೋಮುಸಾಮರಸ್ಯ ಪರಂಪರೆ