‘ಕುಟುಂಬಕ್ಕೆ ಅಪಾಯ’: ದಿಪ್ಕೆ ತಾಯಿಯ ಆತಂಕ
ಮುಂಬೈ: ಕಾಕ್ರೋಚ್ ಜನತಾ ಪಾರ್ಟಿ (CJP) ಸ್ಥಾಪಕ ಅಭಿಜೀತ್ ದಿಪ್ಕೆ ಅವರಿಗೆ ಬಿಜೆಪಿ ಸೇರದಿದ್ದರೆ ಕುಟುಂಬದ ಮೇಲೆ ಗಂಭೀರ ಪರಿಣಾಮ ಎದುರಾಗುತ್ತದೆ ಎಂದು ವಿಡಿಯೋ ಮೂಲಕ ಬೆದರಿಕೆ ಬಂದಿದೆ ಎಂದು ಅವರ ತಾಯಿ ಅನಿತಾ ದಿಪ್ಕೆ ಜುಲೈ 29ರಂದು ಆರೋಪಿಸಿದ್ದಾರೆ. ಬಿಜೆಪಿ
ಈ ಬೆದರಿಕೆಯ ಹಿನ್ನೆಲೆಯಲ್ಲಿ ತಾವು ಮತ್ತು ಕುಟುಂಬದವರು ತಮ್ಮ ಮನೆಯಿಂದ ಹೊರಗೆ ಹೋಗಿ ಕೊಂಕಣ ಪ್ರದೇಶದಲ್ಲಿರುವ ಸಂಬಂಧಿಕರ ಮನೆಯಲ್ಲಿ 16 ದಿನಗಳ ಕಾಲ ತಂಗಿದ್ದರು ಎಂದು ತಿಳಿಸಿದ್ದಾರೆ.
ಅಭಿಜೀತ್ ದಿಪ್ಕೆ ಮೇ 16ರಂದು ಸಿಜೆಪಿ ಎಂಬ ವ್ಯಂಗ್ಯಾತ್ಮಕ ಆನ್‌ಲೈನ್ ಚಳವಳಿಯನ್ನು ಆರಂಭಿಸಿದ್ದರು. ಅದು ನಂತರ ದೇಶವ್ಯಾಪಿ ಯುವಕರ ಹೋರಾಟವಾಗಿ ಬೆಳೆದಿದ್ದು, ಕಳೆದ ವಾರ ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ ರಾಜೀನಾಮೆಗೆ ಕಾರಣವಾದ ಚಳವಳಿಯಾಗಿ ರೂಪಾಂತರಗೊಂಡಿತು.
“ಅಭಿಜೀತ್‌ಗೆ ಬೆದರಿಕೆಗಳು ಬಂದಿದ್ದರೂ, ಮೊದಲಿಗೆ ನಮಗೆ ಹೇಳಲಿಲ್ಲ. ಒಂದು ವಿಡಿಯೋ ಇದೆ, ಅದನ್ನು ನೋಡಬೇಡಿ ಎಂದು ಹೇಳಿದ್ದ,” ಎಂದು ಅವರ ತಾಯಿ ತಿಳಿಸಿದ್ದಾರೆ. “ಆ ವಿಡಿಯೋದಲ್ಲಿ ಬಿಜೆಪಿ ಸೇರದಿದ್ದರೆ ಅವರ ತಂದೆ-ತಾಯಿಯ ಮೇಲೆ ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ಹೇಳಲಾಗಿದೆ,” ಎಂದು ಅವರು ಹೇಳಿದ್ದಾರೆ.
ಇದನ್ನೂ ಓದಿ: ವಿದ್ಯಾರ್ಥಿಗಳ ವಿರುದ್ಧ ಹಿಂಸೆಗೆ ಕರೆ: ಟಿ.ಜಿ. ಮೋಹನ್‌ದಾಸ್‌ ವಿರುದ್ಧ ಪ್ರಕರಣ ದಾಖಲಿಸಲು ಮಹಿಳಾ ಸಂಘಟನೆ ಆಗ್ರಹ
ಈ ಬೆದರಿಕೆಯ ನಂತರ, ಅಭಿಜೀತ್ ತಮ್ಮ ಪಾಲಕರಿಗೆ ಕೆಲವು ದಿನಗಳ ಕಾಲ ಮನೆ ಬಿಟ್ಟು ಬೇರೆಡೆ ಉಳಿಯಲು ಸಲಹೆ ನೀಡಿದರು. “ಅವನು ತನ್ನ ಬಗ್ಗೆ ಹೆದರಲಿಲ್ಲ, ಆದರೆ ನಾವು ಇಂತಹ ಪರಿಸ್ಥಿತಿಗೆ ಒಲಿದವರಲ್ಲ ಎಂದು ಹೇಳಿ ಹೊರಗೆ ಹೋಗುವಂತೆ ಹೇಳಿದ,” ಎಂದು ಅವರು ಹೇಳಿದರು.
ಅದಾದ ನಂತರ ಕುಟುಂಬವು ಕೊಂಕಣದಲ್ಲಿರುವ ಸಂಬಂಧಿಕರ ಮನೆಯಲ್ಲಿ 16 ದಿನಗಳ ಕಾಲ ವಾಸವಿತ್ತು. “ಅವನು ನಮ್ಮ ಜೊತೆಯಲ್ಲಿ ಇರಲಿಲ್ಲ, ಹಾಗಾಗಿ ಆತಂಕಗೊಂಡಿದ್ದ. ಜೊತೆಗೆ ಅವನ ತಂದೆಗೆ ಕಡಿಮೆ ರಕ್ತದ ಒತ್ತಡದ ಸಮಸ್ಯೆಯಿದೆ,” ಎಂದು ತಾಯಿ ಹೇಳಿದ್ದಾರೆ.
ಅವರ ತಂದೆ ಮಾತನಾಡಿ, “ಸಾಮಾಜಿಕ ಕಾರ್ಯದಲ್ಲಿ ತೊಡಗಿಕೊಂಡರೆ ಟೀಕೆಗಳು ಬರುತ್ತವೆ. ಆದರೆ ಕೆಲವರು ನಿಮ್ಮ ಕೆಲಸವನ್ನು ಮೆಚ್ಚುತ್ತಾರೆ. ಕೆಲವರು ಯೋಚನೆ ಮಾಡದೇ ಟೀಕಿಸುತ್ತಾರೆ,” ಎಂದು ಹೇಳಿದರು.
ಇದರ ನಡುವೆ, ಅಭಿಜೀತ್ ತನ್ನ ತಂದೆಯನ್ನು ಸ್ವಲ್ಪ ಹೆದರುತ್ತಾನೆ ಎಂದು ತಾಯಿ ಹಳೆಯ ಘಟನೆ ಒಂದನ್ನು ನೆನೆಸಿಕೊಂಡು ಹೇಳಿದರು. “ಒಮ್ಮೆ ಮನೆಗೆ ಪ್ಲಂಬರ್ ಕರೆಸಿದ್ದ. ಆದರೆ ಅವನು ಪೈಪ್ ಒಡೆದು, ಮನೆ ತುಂಬ ನೀರು ತುಂಬಿತು. ಆ ದಿನ ಸಂಜೆ ಹೊರಡಬೇಕಿದ್ದರೂ, ತಂದೆಯ ಗದರಿಕೆಯಿಂದ ತಪ್ಪಿಸಿಕೊಳ್ಳಲು ಮಧ್ಯಾಹ್ನವೇ ಮನೆ ಬಿಟ್ಟು ಹೋಗಿದ್ದ,” ಎಂದು ಅವರು ಹಾಸ್ಯಭರಿತವಾಗಿ ಹೇಳಿದ್ದಾರೆ.
“ನಂತರ ಅವನು ಸಮಸ್ಯೆಯನ್ನು ಸರಿಪಡಿಸಿದ್ದ. ಆದರೆ ಆ ವಿಷಯವನ್ನು ನಾನು ಆರು ತಿಂಗಳು ಅವನ ತಂದೆಗೆ ಹೇಳಲೇ ಇಲ್ಲ,” ಎಂದು ಅವರು ಹೇಳಿದರು.
ಇದನ್ನೂ ನೋಡಿ: ಧರ್ಮೇಂದ್ರ ಪ್ರಧಾನ ರಾಜೀನಾಮೆ: ವಿದ್ಯಾರ್ಥಿಗಳ ಐಕ್ಯ ಹೋರಾಟಕ್ಕೆ ಗೆಲುವು; ಸಂಘಟನೆಗಳಿಂದ ಸಂಭ್ರಮಾಚರಣೆ
