ಆನೇಕಲ್: ನಗ್ನ ಸ್ಥಿತಿಯಲ್ಲಿ ಅಪರಿಚಿತ ಯುವತಿ ಶವ ಪತ್ತೆ, ಕೊಲೆಗೈದಿರುವ ಶಂಕೆ

Please follow and like us:
ಬೆಂಗಳೂರು :ಜಿಲ್ಲೆಯ ಆನೇಕಲ್ ​ ತಾಲೂಕಿನ ಚಂದಾಪುರ ಹೆಡ್​ಮಾಸ್ಟರ್ ಬಡಾವಣೆಯ ಮನೆಯೊಂದರ 4ನೇ ಮಹಡಿಯ ಕೊಠಡಿಯಲ್ಲಿ ಮಾ.11  ನಗ್ನ ಸ್ಥಿತಿಯಲ್ಲಿ ಅಪರಿಚಿತ ಯುವತಿಯ ಶವ ಪತ್ತೆಯಾಗಿದ್ದು, ಕೊಲೆ ಮಾಡಿರುವ ಶಂಕೆ ವ್ಯಕ್ತವಾಗಿದೆ. ಆನೇಕಲ್

ಮಹಿಳೆಯ ಗುರುತು ಇನ್ನೂ ಪತ್ತೆಯಾಗಿಲ್ಲ, ಪ್ರಾಥಮಿಕ ತನಿಖೆಯಲ್ಲಿ ಮಹಿಳೆ ಸುಮಾರು 25 ವರ್ಷ ವಯಸ್ಸಿನವಳು ಮತ್ತು ಪಶ್ಚಿಮ ಬಂಗಾಳದವಳು ಎಂದು ಪೊಲೀಸರು ತಿಳಿಸಿದ್ದಾರೆ. ಇನ್ನು ಮೃತ ಯುವತಿ ಒರಿಸ್ಸಾ ಮೂಲದ ಸಪನ್ ಕುಮಾರ್ ಜೊತೆಗಿದ್ದರು. ಯುವತಿ ಕೊಲೆಗೈದ ಬಳಿಕ ಸಪನ್ ನಾಪತ್ತೆಯಾಗಿರುವ ಸಾಧ್ಯತೆ ಇದ್ದು, ಸದ್ಯ ಮೊಬೈಲ್ ಸ್ವಿಚ್ಡ್ ಆಫ್ ಮಾಡಿ ಸಪನ್ ಕುಮಾರ್ ನಾಪತ್ತೆಯಾಗಿದ್ದಾನೆ.

ಕಳೆದ ಡಿಸೆಂಬರ್‌ನಲ್ಲಿ ಒಡಿಶಾ ಮೂಲದ ಸಫಾನ್ ಎಂದು ಪರಿಚಯಿಸಿಕೊಂಡ ವ್ಯಕ್ತಿಯೊಬ್ಬ 9,800 ರೂ.ಬಾಡಿಗೆ ಹಾಗೂ 60,000 ರೂ.ಗಳನ್ನು ಮುಂಗಡವಾಗಿ ಪಾವತಿಸಿ ನಾಲ್ಕನೇ ಮಹಡಿಯಲ್ಲಿ ಸಿಂಗಲ್ ಬೆಡ್‌ರೂಮ್ ಫ್ಲಾಟ್ ಮತ್ತು ಪಕ್ಕದ ಕೋಣೆಯನ್ನು ಬಾಡಿಗೆಗೆ ಪಡೆದಿದ್ದ. ನಂತರ, ಜನವರಿ 10 ರಂದು ಮತ್ತೆ ಕಾಣಿಸಿಕೊಂಡು ಬಾಡಿಗೆಯನ್ನು ಪಾವತಿಸುವವರೆಗೂ ಸಫಾನ್ ಕಾಣಲಿಲ್ಲ ಮತ್ತು ತನ್ನ ಹೆಂಡತಿ ತನ್ನ ಊರಿನಲ್ಲಿದ್ದಾಳೆ ಮತ್ತು ಶೀಘ್ರದಲ್ಲೇ ಅವಳನ್ನು ಕರೆತರುವುದಾಗಿ ಮನೆಯ ಮಾಲೀಕರಿಗೆ ತಿಳಿಸಿದ್ದನು ಎನ್ನಲಾಗುತ್ತಿದೆ. ಆನೇಕಲ್

ಇದನ್ನೂ ಓದಿ : ಸುಪ್ರೀಂ ತರಾಟೆ ಬಳಿಕ ಚುನಾವಣಾ ಬಾಂಡ್​ಗಳ ಮಾಹಿತಿಯನ್ನು ಸಲ್ಲಿಸಿದ SBI :ಮಾರ್ಚ್ 15ರಂದು ಬಹಿರಂಗ

ಫೆ.28ರಂದು ಸಪನ್‌ ಕುಮಾರ್ ಬಾಡಿಗೆಗೆ ಪಡೆದಿದ್ದ ಕೋಣೆಯಲ್ಲಿ 40ರ ಹರೆಯದ ಮತ್ತೊಬ್ಬ ಪುರುಷ ಹಾಗೂ 20ರ ಹರೆಯದ ಮಹಿಳೆಯೊಬ್ಬರನ್ನು ಮನೆ ಮಾಲೀಕರು ಪತ್ತೆ ಮಾಡಿದ್ದರು. ಹೊಸ ನಿವಾಸಿಗಳ ಬಗ್ಗೆ ಅವರು ಸಪನ್‌ನನ್ನು ಕೇಳಿದಾಗ, ಅವರು ತನಗೆ ತಿಳಿದಿರುವ ತಂದೆ-ಮಗಳು ಜೋಡಿ ಎಂದು ಹೇಳಿದ್ದರು. ಮೂರು ದಿನಗಳ ನಂತರ ಕೊಠಡಿ ಖಾಲಿ ಮಾಡುವುದಾಗಿ ಸಪನ್‌ ತಿಳಿಸಿದ್ದ ಎನ್ನಲಾಗುತ್ತಿದೆ.

ಮಾರ್ಚ್ 10 ರಂದು, ಗುಪ್ತ ದಂಪತಿಗಳು ಕೊಠಡಿಯನ್ನು ಪರಿಶೀಲಿಸಿದಾಗ, ಅವರು ಬಾಗಿಲು ತೆರೆದಿರುವುದನ್ನು ಗಮನಿಸಿ ಬಾಗಿಲಿ ತೆಗೆದು ನೋಡಿದಾಗ ಮಹಿಳೆ ಹೊದಿಕೆ ಹೊದ್ದು ಮಲಗಿರುವುದನ್ನು ಕಂಡಿದ್ದಾರೆ. ಮರುದಿನ ಬೆಳಿಗ್ಗೆ, ಅವರು ಕೆಟ್ಟ ವಾಸನೆ ಬರುತ್ತಿರುವುದನ್ನು ಗಮನಿಸಿ, ಕೋಣೆಯೊಳಗೆ ಹೋದಾಗ, ಮಹಿಳೆ ಅದೇ ಭಂಗಿಯಲ್ಲಿ ಮಲಗಿರುವುದು ಕಂಡುಬಂದಿದೆ. ಕಂಬಳಿಯನ್ನು ಮೇಲೆತ್ತಿ ನೋಡಿದಾಗ, ಹುಳುಗಳು ಮುತ್ತಿಕೊಂಡಿದ್ದು , ಕೊಳೆತ ದೇಹವನ್ನು ಕಂಡಿದ್ದಾರೆ, ಕೊಠಡಿಯಿಂದ ಬಿಳಿ ಪುಡಿಯಂತಹ ವಸ್ತು ಮತ್ತು ಸಿರಿಂಜ್ ಅನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಬೆಂಗಳೂರು ಜಿಲ್ಲಾ ಎಸ್ಪಿ ಮಲ್ಲಿಕಾರ್ಜುನ್ ಬಾಲದಂಡಿ ತಿಳಿಸಿದ್ದಾರೆ. ಆನೇಕಲ್

ವಿಡಿಯೋ ನೋಡಿ : ಅಚ್ಚೆದಿನದಿಂದ… ಅಮೃತ ಕಾಲದವರೆಗೆ…! ಚುನಾವಣಾ ಬಾಂಡ್ ಮೂಲಕ ಖಾವೋ, ಖಾನೆ ಮಾಡಿದ ಬಿಜೆಪಿ – ಗುರುರಾಜ ದೇಸಾಯಿ

 

Please follow and like us:
Donate Janashakthi Media

Leave a Reply

Your email address will not be published. Required fields are marked *