ಶಾಲಾ ಬ್ಯಾಗ್ ಮರೆತನೆಂದು 7 ವರ್ಷದ ಹುಡುಗನನ್ನು ಥಳಿಸಿ ವಿದ್ಯುತ್ ಶಾಕ್ ನೀಡಿದ ಶಿಕ್ಷಕ

Please follow and like us:
ಅಲಿಘರ್: ಅಲಿಘರ್‌ನ ಲೋಧಾ ಪೊಲೀಸ್ ಠಾಣಾ ವ್ಯಾಪ್ತಿಯ ಖಾಸಗಿ ಶಾಲೆಯೊಂದರಲ್ಲಿ ಏಳು ವರ್ಷದ ಮಗು ತನ್ನ ಶಾಲಾ ಬ್ಯಾಗ್ ಮರೆತ ನಂತರ ಆತನನ್ನು ಶಿಕ್ಷಕ ಥಳಿಸಿ ಕ್ರೌರ್ಯಕ್ಕೆ ಒಳಪಡಿಸಿದ್ದಾನೆ ಎಂದು ಪೊಲೀಸರು ಬುಧವಾರ ತಿಳಿಸಿದ್ದಾರೆ.

ಪೊಲೀಸರ ಪ್ರಕಾರ, ಮಗು ಅಳುತ್ತಾ ಮನೆಗೆ ಹಿಂದಿರುಗಿ ತನ್ನ ತಾಯಿಗೆ ವಿಷಯ ತಿಳಿಸಿದೆ. ಇದಾದ ಬಳಿಕ ವಿಷಯ ಪೊಲೀಸರಿಗೆ ತಲುಪಿತ್ತು. ಸೋಮವಾರದಿಂದಲೇ ಈ ಕುರಿತು ತನಿಖೆ ಆರಂಭಿಸಲಾಗಿತ್ತು.

ಮಗುವಿಗೆ ವಿದ್ಯುತ್‌ ಶಾಕ್‌ 

ಶಾಲೆಯಲ್ಲಿ ಶಿಕ್ಷೆಯಾಗಿ ಮಕ್ಕಳನ್ನು ಯಾವುದೇ ರೀತಿಯಲ್ಲಿ ಹೊಡೆಯುವುದನ್ನು ನಿಷೇಧಿಸಲಾಗಿದೆ. ಹೀಗಿದ್ದರೂ ಮಕ್ಕಳನ್ನು ನಿರ್ದಯವಾಗಿ ಥಳಿಸುವ ಇಂತಹ ಹಲವು ಪ್ರಕರಣಗಳು ಬೆಳಕಿಗೆ ಬರುತ್ತಿವೆ. ಅಲಿಗಢದ ಲೋಧಾ ಪೊಲೀಸ್ ಠಾಣಾ ವ್ಯಾಪ್ತಿಯ ಶಾಲೆಯೊಂದರಲ್ಲಿ, ಮಗುವಿನ ಶಾಲಾ ಬ್ಯಾಗ್ ತರಲು ವಿಫಲವಾದ ಕಾರಣ ಶಿಕ್ಷಕನು ಅವನನ್ನು ಶಿಕ್ಷಿಸಲು ವಿದ್ಯುತ್ ಶಾಕ್ ನೀಡಿದ್ದಾನೆ ಮತ್ತು ಮಗುವಿಗೆ ಥಳಿಸಿದನು. ಮಗು ಅಳುತ್ತಾ ಮನೆಗೆ ಮರಳಿತು.

ಇದನ್ನೂ ಓದಿ: ಸಮಾನತೆ ಹಾಗೂ ಸೌಹಾರ್ದತೆಗಾಗಿ ಎಸ್ಎಫ್ಐ 16ನೇ ರಾಜ್ಯ ಸಮ್ಮೇಳನಕ್ಕೆ ಚಾಲನೆ

ಟೈಮ್ಸ್ ಆಫ್ ಇಂಡಿಯಾ ವರದಿ ಪ್ರಕಾರ, ನಾಗ್ಲಾ ಗ್ರಾಮದ ನಿವಾಸಿ ದಿಲೀಪ್ ಕುಮಾರ್ ತಮ್ಮ ಮಗ ಜೇಮ್ಸ್ ಖಾಸಗಿ ಶಾಲೆಯಲ್ಲಿ ಯುಕೆಜಿ ವಿದ್ಯಾರ್ಥಿಯಾಗಿದ್ದಾನೆ. ಘಟನೆ ನಡೆದ ದಿನ ದಿಲೀಪ್ ನಗರದಿಂದ ಹೊರಗೆ ಹೋಗಿದ್ದರು. ಮಗುವನ್ನು ಅಜ್ಜ ಶಾಲೆಗೆ ಬಿಟ್ಟಿದ್ದರು. ಈ ವೇಳೆ ಮಗು ತನ್ನ ಶಾಲಾ ಬ್ಯಾಗ್ ಅನ್ನು ಮನೆಯಲ್ಲಿಯೇ ಮರೆತು ಹೋಗಿದ್ದು, ಇದಕ್ಕೆ ಶಿಕ್ಷಕಿ ಶಿಕ್ಷೆ ನೀಡಿದ್ದಾರೆ.

ಮಗುವಿನ ಬಟ್ಟೆ, ಶೂ ತೆಗೆದು ಥಳಿತ

ಶಿಕ್ಷಕನು ಆತನನ್ನು ಕೆಟ್ಟದಾಗಿ ಥಳಿಸಿ, ಬಟ್ಟೆ ಮತ್ತು ಬೂಟುಗಳನ್ನು ತೆಗೆದಿದ್ದಾನೆ ಎಂದು ಮಗುವಿನ ತಂದೆ ಹೇಳಿದ್ದಾರೆ. ಅಷ್ಟೇ ಅಲ್ಲ, ವಿದ್ಯುತ್ ಶಾಕ್ ಕೂಡ ನೀಡಿದ್ದಾರೆ. ಶಾಲೆಯಲ್ಲಿ ನಡೆದ ಘಟನೆಯಿಂದ ಮಗು ಭಯಗೊಂಡಿದ್ದು, ಅಳುತ್ತಾ ಮನೆಗೆ ಹಿಂತಿರುಗಿ ನಡೆದ ಘಟನೆಯ ಬಗ್ಗೆ ತಾಯಿಗೆ ತಿಳಿಸಿದ್ದಾನೆ. ಮಗುವಿನ ಮನೆಯವರು ಕೂಡಲೇ ಶಾಲೆಗೆ ತೆರಳಿ ಪ್ರತಿಭಟನೆ ನಡೆಸಿ ಘಟನೆಯ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ದೂರಿನ ನಂತರ ಲೋಧಾ ಪೊಲೀಸ್ ಠಾಣೆಯ ಉಸ್ತುವಾರಿ ರಾಜವೀರ್ ಸಿಂಗ್ ಪರ್ಮಾರ್ ಮತ್ತು ಅವರ ತಂಡ ಶಾಲೆಗೆ ಆಗಮಿಸಿ ತನಿಖೆ ಆರಂಭಿಸಿದರು.

ಲಿಖಿತ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ. ಆದರೆ, ಶಾಲೆಯ ಪ್ರಾಂಶುಪಾಲರು ಆರೋಪವನ್ನು ಅಲ್ಲಗಳೆದಿದ್ದಾರೆ. ಮಗುವಿಗೆ ವಿದ್ಯುತ್ ಶಾಕ್ ನೀಡಿಲ್ಲ, ಇದು ತಪ್ಪು ದೂರು ಎಂದು ಅವರು ಹೇಳುತ್ತಾರೆ. ಇದಕ್ಕಾಗಿ ಅವರು ಸಿಸಿಟಿವಿ ದೃಶ್ಯಾವಳಿಗಳನ್ನು ತೋರಿಸಲು ಸಹ ಸಿದ್ಧರಾಗಿದ್ದಾರೆ.

ಇದನ್ನೂ ನೋಡಿ: ಮಹಿಳೆಯನ್ನು ಕೇವಲ ಸರಕಾಗಿ ಬಳಸಿಕೊಳ್ಳಲಾಗುತ್ತಿದೆ – ಸಾಹಿತಿ ರೂಪ ಹಾಸನ Janashakthi Media

Please follow and like us:
Donate Janashakthi Media

Leave a Reply

Your email address will not be published. Required fields are marked *