- ಫೇಸ್‌ಬುಕ್‌ಗೆ ಮೆಟಾ ಎಂದು ಮರು ನಾಮಕರಣ
- ಮಾರ್ಕ್ ಜುಕರ್ ಬರ್ಗ್ ಮುಂದಿನ ಆಲೋಚನೆ ಹೀಗಿದೆ
- ಫೇಸ್ಬುಕ್, ಇನ್ಸ್ಟಾಗ್ರಾಂ, ವಾಟ್ಸಾಪ್ ಒಂದೇ ಬ್ರ್ಯಾಂಡ್ ಅಡಿ ಕಾರ್ಯ ನಿರ್ವಹಣೆ
- ಫೇಸ್ಬುಕ್ ಹಾಗೂ ಇತರೆ ಆಪ್‌ಗಳ ಹೆಸರಲ್ಲಿ ಯಾವುದೇ ಬದಲಾವಣೆ ಇಲ್ಲ
ಗುರುರಾಜ ದೇಸಾಯಿ
ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ನ ಹೆಸರು ಬದಲಾವಣೆ ಮಾಡಲಾಗಿದ್ದು, ಮೆಟಾ ಎಂದು ಮರುನಾಮಕರಣ ಮಾಡಲಾಗಿದೆ” ಎಂದು ಫೇಸ್ ಬುಕ್ ಸಿಇಒ ಮಾರ್ಕ್ ಜುಕರ್ ಬರ್ಗ್ ತಿಳಿಸಿದ್ದಾರೆ.
ಸೊಶಿಯಲ್ ಮೀಡಿಯಾಗಳಲ್ಲಿಯೇ ದೈತ್ಯಾ ಕಂಪನಿಯಾದ ಫೇಸ್ಬುಕ್ ತನ್ನ ಹೆಸರನ್ನ 17 ವರ್ಷಗಳ ನಂತರ ಬದಲಾಯಿಸಿಕೊಂಡಿದೆ. ಇನ್ಮುಂದೆ ಮೆಟಾ ಎಂದು ಬ್ರಾಂಡ್ ಆಗಲಿದೆ.. ಈ ಬಗ್ಗೆ ಫೆಸ್ಬುಕ್ ನಲ್ಲಿ ಬರೆದಿಕೊಂಡಿರುವ ಫೇಸ್ಬುಕ್ ಸಂಸ್ಥಾಪಕ ಜುಕರ್ ಬರ್ಗ್, ಮೆಟಾವರ್ಸ್ ಡಿಜಿಟಲ್ ಜಗತ್ತನ್ನ ಮತ್ತಷ್ಟು ರಿಯಾಲಿಟಿಗೆ ತರಲಿದೆ ಎಂದು ತಿಳಿಸಿದ್ದಾರೆ.
ಅರೇ ಇದೇನಪ್ಪಾ, ನಾವು ಬಳಸುವ ಫೇಸ್ಬುಕ್ ಹೆಸರು ಬದಲಾಗಲಿದೆಯಾ ? ಅಂತಾ ಗಾಬರಿಯಾಗಬೇಡಿ, ಇದು ಕೇವಲ ಕಂಪನಿಯ ಹೆಸರನ್ನಷ್ಟೆ ಬದಲಾವಣೆ ಮಾಡಿದೆ. ಅಪ್ಲಿಕೇಶನ್ ಗಳ ಹೆಸರು ಯಥಾರಿತಿ ಮುಂದುವರೆಯಲಿದೆ. ಇನ್ಸ್ಟಾಗ್ರಾಂ ಮತ್ತು ವಾಟ್ಸಪ್ ಓಪನ್ ಮಾಡುವಾಗ ಪವರ್ಡ್ ಬೈ ಫೇಸಬುಕ್ ಎಂದು ತೊರಿಸುವ ಬದಲಿಗೆ ಪವರ್ಡ್ ಬೈ ಮೆಟಾ ಎಂದು ತೋರಿಸಲಿದೆ.
ಇದನ್ನೂ ಓದಿ : ಏನಿದು ಪೆಗಾಸಸ್ ತಂತ್ರಾಂಶ? ಫೋನ್ ಹೇಗೆ ಹ್ಯಾಕ್ ಆಗಬಹುದು?
ಮೆಟಾವರ್ಸ್ ಎಂದರೇನು?: ‘ಮೆಟಾ’ ಎಂಬ ಪದವು ಗ್ರೀಕ್ ಮೂಲದ್ದಾಗಿದೆ. ಅದು ‘ಆಚೆ’ ಅಥವಾ ‘ಮೀರುವ’ ಎಂಬ ಅರ್ಥ ನೀಡುತ್ತದೆ. ವಾಸ್ತವಿಕ ಪ್ರಪಂಚದಿಂದ ತಪ್ಪಿಸಿಕೊಳ್ಳುವ ವರ್ಚ್ಯುವಲ್ ಜಗತ್ತಿನ ಜನರನ್ನು ಅಮೆರಿಕದ ಕಾದಂಬರಿಕಾರ ನೀಲ್ ಸ್ಟೀಫನ್‌ಸನ್ ಅವರು ‘ಸ್ನೋ ಕ್ರ್ಯಾಶ್’ ಎಂಬ ಸೈನ್ಸ್ ಫಿಕ್ಷನ್ ಕಾದಂಬರಿಯಲ್ಲಿ ‘ಮೆಟಾವರ್ಸ್’ ಎಂದು ಕರೆದಿದ್ದರು. ಈಗ ಸಿಲಿಕಾನ್ ವ್ಯಾಲಿಯಲ್ಲಿ ಈ ಹೆಸರು ಹಲವರನ್ನು ಆಕರ್ಷಿಸುತ್ತಿದೆ. ನೈಜ ಪ್ರಪಂಚದಿಂದ ತಪ್ಪಿಸಿಕೊಳ್ಳುವ ವರ್ಚ್ಯುವಲ್ ಪ್ರಪಂಚದ ಜನರನ್ನು ಉದ್ದೇಶಿಸಿ ಅಮೆರಿಕದ ಕಾದಂಬರಿಕಾರ ನೀಲ್ ಸ್ಟೆಫನ್ಸನ್ ಅವರು ಮೆಟಾವರ್ಸ್ ಎಂಬ ಪದವನ್ನು ಮೊದಲ ಬಾರಿಗೆ ಬಳಕೆ ಮಾಡಿದ್ದರು. ಇದು ವಿಭಿನ್ನ ಸಾಧನಗಳನ್ನು ಬಳಸುವ ಜನರು ಪ್ರವೇಶಿಸಬಹುದಾದ ಹಂಚಿಕೆಯ ವರ್ಚುವಲ್ ಪರಿಸರದ ಕಲ್ಪನೆಯನ್ನು ಉಲ್ಲೇಖಿಸುತ್ತದೆ. “ಮುಂದಿನ ದಶಕದಲ್ಲಿ ಮೆಟಾವರ್ಸ್ ಒಂದು ಶತಕೋಟಿ ಜನರನ್ನು ತಲುಪುವ ನಿರೀಕ್ಷೆಯಿದೆ” ಎಂದು ತಿಳಿಸಿದ್ದಾರೆ. “ಮೆಟಾ ಸಾಮಾಜಿಕ ಜಾಲತಾಣವನ್ನುಇನ್ನೊಂದು ಹಂತಕ್ಕೆ ಕೊಂಡೊಯ್ಯಲಿದೆ. ಸಾಮಾಜಿಕ ವಿಚಾರಗಳೊಂದಿಗಿನ ಜಂಜಾಟಗಳಿಂದ ಸಾಕಷ್ಟು ಕಲಿತಿದ್ದೇವೆ. ಇದು ಹೊಸ ಅಧ್ಯಾಯವನ್ನು ರೂಪಿಸಲು ನೆರವಾಗಲಿದೆ” ಎಂದಿದ್ದಾರೆ ಜುಕರ್ ಬರ್ಗ್
ಈ ಹಿಂದೆ ಎಲ್ಲಿ ಬಳಸಲಾಗಿತ್ತು : 1992 ರ ಸೈಬರ್ ಪಂಕ್ ಕಾದಂಬರಿ 《ಸ್ನೋ ಕ್ರಾಶ್ in ನಲ್ಲಿ ಮೊದಲಿನ ಮೆಟಾವರ್ಸ್ ಅನ್ನು ರಚಿಸಲಾಗಿದೆ. ಈ ಪುಸ್ತಕದಲ್ಲಿ, ನಾಯಕ ಹಿರೋ ನಾಯಕ ಮೆಟಾವರ್ಸ್ ಅನ್ನು ತನ್ನ ಜೀವನದಿಂದ ತಪ್ಪಿಸಿಕೊಳ್ಳಲು ಬಳಸುತ್ತಾನೆ. ಕಥೆಯಲ್ಲಿ, ಮೆಟಾವರ್ಸ್ ಒಂದು ವಾಸ್ತವ ಸೃಷ್ಟಿ ವೇದಿಕೆಯಾಗಿದೆ. ಆದರೆ ಇದು ತಂತ್ರಜ್ಞಾನದ ಚಟ, ತಾರತಮ್ಯ, ಕಿರುಕುಳ ಮತ್ತು ಹಿಂಸೆ ಸೇರಿದಂತೆ ಸಮಸ್ಯೆಗಳಿಂದ ಕೂಡಿದೆ, ಇದು ಸಾಂದರ್ಭಿಕವಾಗಿ ನೈಜ ಜಗತ್ತಿಗೆ ಹರಡುತ್ತದೆ.
ಇನ್ನೊಂದು ಪುಸ್ತಕ – ನಂತರ ಸ್ಟೀವನ್ ಸ್ಪೀಲ್‌ಬರ್ಗ್ ನಿರ್ದೇಶಿಸಿದ ಚಲನಚಿತ್ರ – ಈ ಪರಿಕಲ್ಪನೆಯನ್ನು ಜನಪ್ರಿಯಗೊಳಿಸಿದ್ದು ರೆಡಿ ಪ್ಲೇಯರ್ ಒನ್. ಅರ್ನೆಸ್ಟ್ ಕ್ಲೈನ್ ಅವರ 2011 ರ ಪುಸ್ತಕವನ್ನು 2015 ರಲ್ಲಿ ಸ್ಥಾಪಿಸಲಾಯಿತು, ಅಲ್ಲಿ ಜನರು ವಾಸ್ತವ ಜಗತ್ತನ್ನು ಬಿಕ್ಕಟ್ಟಿಗೆ ಸಿಲುಕಿಸಿರುವುದರಿಂದ ವಾಸ್ತವ ವಾಸ್ತವ ಆಟಕ್ಕೆ ತಪ್ಪಿಸಿಕೊಳ್ಳುತ್ತಾರೆ. ಆಟದಲ್ಲಿ, ನೀವು ಸಹ ಆಟಗಾರರೊಂದಿಗೆ ಸಂವಹನ ನಡೆಸುತ್ತೀರಿ ಮತ್ತು ಅವರೊಂದಿಗೆ ಸೇರಿಕೊಳ್ಳುತ್ತೀರಿ.
2013 ರ ಜಪಾನೀಸ್ ಸರಣಿ ಸ್ವೋರ್ಡ್ ಆರ್ಟ್ ಆನ್‌ಲೈನ್ (SAO), ಅದೇ ಹೆಸರಿನ ವೈಜ್ಞಾನಿಕ ಕಾಲ್ಪನಿಕ ಬೆಳಕಿನ ಕಾದಂಬರಿಯನ್ನು ಆಧರಿಸಿ, ರಾಯ್ ಕವಾಹರ, ಒಂದು ಹೆಜ್ಜೆ ಮುಂದೆ ಹೋಗಿದೆ. 2021-22 ರಲ್ಲಿ ಆಟದಲ್ಲಿ, ತಂತ್ರಜ್ಞಾನವು ತುಂಬಾ ಮುಂದುವರಿದಿದ್ದು, ಆಟಗಾರರು ವರ್ಚುವಲ್ ರಿಯಾಲಿಟಿ ಜಗತ್ತಿನಲ್ಲಿ ಸತ್ತರೆ ಅವರು ನಿಜ ಜೀವನದಲ್ಲಿಯೂ ಸಾಯುತ್ತಾರೆ, ಇದು ಸರ್ಕಾರದ ಹಸ್ತಕ್ಷೇಪಕ್ಕೆ ಕಾರಣವಾಗುತ್ತದೆ. SAO ನಲ್ಲಿ ಸೃಷ್ಟಿಯಾದ ಜಗತ್ತು ಸ್ವಲ್ಪ ವಿಪರೀತವಾಗಿದ್ದರೂ, ಒಂದು ಮೆಟಾವರ್ಸ್ ವೈಜ್ಞಾನಿಕ ಕಾದಂಬರಿಯಿಂದ ಈ ವ್ಯಾಖ್ಯಾನಗಳಿಗೆ ಸೀಮಿತವಾಗಿಲ್ಲ. ಪರಿಸರ ವ್ಯವಸ್ಥೆಯು ವಿಕಸನಗೊಳ್ಳುತ್ತಿದ್ದಂತೆ ಇದು ಹೆಚ್ಚು ಅಥವಾ ಕಡಿಮೆ ಇರಬಹುದು. ಕಳೆದ ತಿಂಗಳು ಗಳಿಕೆಯ ಕರೆ ಸಮಯದಲ್ಲಿ ಜುಕರ್‌ಬರ್ಗ್ ವಿವರಿಸಿದಂತೆ, “ಇದು ಡಿಜಿಟಲ್ ಸ್ಥಳಗಳಲ್ಲಿ ನೀವು ಜನರೊಂದಿಗೆ ಇರಬಹುದಾದ ಒಂದು ವಾಸ್ತವ ವಾತಾವರಣವಾಗಿದೆ.
ಬದಲಾವಣೆಗೆ ಕಾರಣವೇನು? : ಇತ್ತೀಚೆಗೆ ಫೇಸ್ಬುಕ್ ಜಾಗತಿಕ ಮಟ್ಟದಲ್ಲಿ ಸಮಸ್ಯೆ ಎದುರಿಸಿತ್ತು. ಅದರಿಂದ ಆದ ಹಿನ್ನಡೆಯಿಂದ ಕಂಪೆನಿ ಇನ್ನೂ ಹೊರಬಂದಿಲ್ಲ. ‘ನಾವು ಸಾಮಾಜಿಕ ಸಮಸ್ಯೆಗಳ ಜಂಜಾಟದಿಂದ ಸಾಕಷ್ಟು ಕಲಿತಿದ್ದೇವೆ ಮತ್ತು ಸೀಮಿತ ಅವಕಾಶಗಳ ವೇದಿಕೆಗಳಡಿಯಲ್ಲಿದ್ದೆವು. ನಾವು ಈವರೆಗೆ ಕಲಿತಿದ್ದೆಲ್ಲವನ್ನೂ ಬಳಸಿಕೊಳ್ಳುವ ಹಾಗೂ ಮುಂದಿನ ಅಧ್ಯಾಯವನ್ನು ನಿರ್ಮಿಸಲು ಸಹಾಯ ಮಾಡುವ ಸಮಯ ಬಂದಿದೆ’ ಎಂದು ಮಾರ್ಕ್ ಜುಕರ್‌ಬರ್ಗ್ ವಾರ್ಷಿಕ ಡೆವಲಪರ್‌ಗಳ ಸಮ್ಮೇಳನದಲ್ಲಿ ಹೇಳಿದ್ದಾರೆ.
ಡಿಜಿಟಲ್ ಪರಿಸರದ ಎಲ್ಲ ಸಂಗತಿಗಳಿಗೂ ಸಂಪರ್ಕಿಸುವ ವರ್ಚ್ಯುವಲ್ ಜಗತ್ತನ್ನು ಪ್ರವೇಶಿಸಲು ಮೆಟಾವರ್ಸ್ ಬಳಕೆದಾರರು ಹೆಡ್‌ಸೆಟ್ ಬಳಸಬೇಕಾಗುತ್ತದೆ. ವರ್ಚ್ಯುವಲ್ ಜಗತ್ತು ಕೆಲಸ, ಆಟ, ಕಾರ್ಯಕ್ರಮಗಳು ಹಾಗೂ ಸ್ನೇಹಿತರು ಮತ್ತು ಕುಟುಂಬದವರೊಂದಿಗೆ ಬೆರೆಯುವ ಅವಕಾಶವನ್ನು ನೀಡುತ್ತದೆ. ತನ್ನ ಷೇರುಗಳ ವಹಿವಾಟನ್ನು ಹೊಸ ಹೆಸರು ಎಂವಿಆರ್‌ಎಸ್ ಅಡಿ ಡಿಸೆಂಬರ್ 1ರಿಂದ ಆರಂಭಿಸಲು ಬಯಸಿರುವುದಾಗಿ ಫೇಸ್ಬುಕ್ ತಿಳಿಸಿದೆ.
