ಗ್ಯಾಸ್‌ ಸಿಲಿಂಡರ್‌ ಬೆಲೆ ಏರಿಸಿ ಸೌದೆ ಒಲೆ ಉರಿಸೆಂದ ಬಿಜೆಪಿ ಸರ್ಕಾರ !

ಬೆಂಗಳೂರು  : ಕೋವಿಡ್‌ ಕಾರಣದಿಂದಾಗಿ ರಾಜ್ಯದ ಜನತೆ ಕಳೆದೊಂದು ವರ್ಷದಿಂದ  ಅಲ್ಪಮಟ್ಟಿಗೆ ಸುಧಾರಿಸಿಕೊಳ್ಳುತ್ತಾ ಬಂದಿರುವ ಹೊತ್ತಿನಲ್ಲಿ ಕೇಂದ್ರ  ಸರ್ಕಾರ ಗ್ಯಾಸ್ ಸಿಲಿಂಡರ್ ಬೆಲೆಯನ್ನು ದುಪ್ಪಟ್ಟು ಮಾಡಿ ಜನತೆಗೆ ಪೆಟ್ಟು ನೀಡಿದೆ.

ಹೌದು,2023ರ ಈ ವರ್ಷವೂ ಕೂಡ ಗೃಹೋಪಯೋಗಿ ಗ್ಯಾಸ್‌ ಸಿಲಿಂಡರ್‌ ಬೆಲೆಯನ್ನು  50 ರೂ. ಗೆ ಹೆಚ್ಚಳ ಮಾಡುವುದಲ್ಲದೆ. ವಾಣಿಜ್ಯ ಸಿಲಿಂಡರ್ ಬೆಲೆ 350.50 ರೂಪಾಯಿಗೆ ತಂದು ನಿಲ್ಲಿಸಿದೆ. ಮೂಲಗಳ ಪ್ರಕಾರ ದೇಶದ ಪ್ರಧಾನಿ ನರೇಂದ್ರ ಮೋದಿ ಅವರ ಆಡಳಿತಾವಧಿಯಲ್ಲಿ ಅತೀ ಹೆಚ್ಚು ಬೆಲೆ ಏರಿಕೆಗಳಿಂದ ಜನ ತತ್ತರಿಸಿ ಹೋಗಿದ್ದಾರೆಂದು  ಹೇಳಲಾಗುತ್ತಿದೆ.

ಗ್ಯಾಸ್‌ ಸಿಲಿಂಡರ್‌ ಬೆಲೆಯ ಏರಿಕೆಗೆ ಎಲ್ಲೆಡೆ ತೀವ್ರ ಆಕ್ರೋಶ ವ್ಯಕ್ತವಾಗುತ್ತಿದ್ದು ಚುನಾವಣೆಯ ಈ ಹೊತ್ತಿನಲ್ಲಿ ಬಿಜೆಪಿ ಜನತೆ ಇಡಿ ಶಾಪ ಹಾಕುತ್ತಿರುವುದು  ಒಂದೆಡೆಯಾದರೆ ಕಾಂಗ್ರೆಸ್‌, ಜೆಡಿಎಸ್‌, ಸಿಪಿಐಎಂ ಮತ್ತಿತರ ಪಕ್ಷಗಳು ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ವಿರೋಧವನ್ನು ವ್ಯಕ್ತಪಡಿಸುತ್ತಿವುದಲ್ಲದೆ ಕೇಂದ್ರ ಸರ್ಕಾರದ ಈ ನಡೆಗೆ ಹಲವಾರು ಕಡೆಗಳಲ್ಲಿ ಸೌದೆ ಒಲೆ ಉರಿಸುವ ಮೂಲಕ ವಿನೂತನ ರೀತಿ ಪ್ರತಿಭಟನೆ ನಡೆಸಿ ರಸ್ತೆಯಲ್ಲಿ ಸೌದೆ ಒಲೆ ಉರಿಸಿ ಅಡುಗೆ ಮಾಡಲಾಗಿದೆ.

ಕಳೆದ ಜನವರಿ ತಿಂಗಳಲ್ಲಿ ವಾಣಿಜ್ಯ ಸಿಲಿಂಡರ್‌ಗಳ ಬೆಲೆಯಲ್ಲಿ ಬರೋಬ್ಬರಿ 25 ರೂ. ಹೆಚ್ಚಳ ಮಾಡಲಾಗಿತ್ತು. ಜೊತೆಗೆ ಕಳೆದ ಒಂದು ವರ್ಷದಲ್ಲಿ ಸಿಲಿಂಡರ್ ಬೆಲೆ 153.5 ರೂ ಹೆಚ್ಚಳ ಮಾಡುತ್ತಾ ಬಂದಿದ್ದು, ಗೃಹಬಳಕೆಯ ಗ್ಯಾಸ್ ಸಿಲಿಂಡರ್‌ನ ಬೆಲೆಯಲ್ಲಿ ಕೊನೆಯ ಬದಲಾವಣೆಯನ್ನು ಅಂದರೆ 14.2 ಕೆಜಿ ಸಿಲಿಂಡರ್ ಬೆಲೆಯನ್ನು 6 ಜುಲೈ 2022 ರಂದು ಮಾಡಲಾಗಿತ್ತು.  2022ರ ಮಾರ್ಚ್ ತಿಂಗಳಿನಲ್ಲಿ ಗೃಹಬಳಕೆಯ ಸಿಲಿಂಡರ್‌ಗಳ ಬೆಲೆಯನ್ನು 50 ರೂಪಾಯಿಗಳಷ್ಟು ಹೆಚ್ಚಿಸಲಾಯಿತು. ನಂತರ ಮೇ ತಿಂಗಳಲ್ಲಿ ಮತ್ತೆ 50 ರೂ.ಏರಿಸಲಾಯಿತು. ಆ ಬಳಿಕ ಮತ್ತೊಮ್ಮೆ ಅದೇ ತಿಂ ಗಳಲ್ಲಿ ಎರಡನೇ ಬಾರಿಗೆ 3.50 ರೂ. ಹೆಚ್ಚಳವಾಯಿತು. ನಂತರ ಜುಲೈನಲ್ಲಿ ಕೊನೆಯ ಬಾರಿಗೆ 50 ರೂ. ಏರಿಕೆ ಮಾಡಲಾಯಿತು. ಇದಾದ ಬಳಿಕ  2022  ಮೇ 7 ರಂದು 50 ರೂ. ಏರಿಕೆಯಾಗಿದ್ದ ಗೃಹಬಳಕೆಯ 14.2 ಕೆಜಿ ತೂಕದ ಎಲ್‌ಪಿಜಿ ಸಿಲಿಂಡರ್ ದರವನ್ನು 3.5 ರೂ. ಏರಿಕೆ ಮಾಡಲಾಗಿದೆ. ಈ ಮೂಲಕ ಕಳೆದ ಬಾರಿ 999.50 ರೂ.ಗೆ ಏರಿಕೆಯಾಗಿ ಸಾವಿರ ರೂ. ಅಂಚಿಗೆ ತಲುಪಿದ್ದ ಪ್ರತಿ ಸಿಲಿಂಡರ್ ದರ ಇದೀಗ ಸಾವಿರದ ಗಡಿ ದಾಟಿ 1,003 ರೂ.ಗೆ ಮುಟ್ಟಿದೆ.

ಸಿಲಿಕಾನ್‌ ಸಿಟಿ ಬೆಂಗಳೂರಿನಲ್ಲಿ ಗೃಹ ಬಳಕೆಯ 14.2 ಕೆಜಿ ತೂಕದ ಅಡುಗೆ ಅನಿಲ ಸಿಲಿಂಡರ್ ದರ ಕಳೆದ ಮೂರು ವರ್ಷಗಳಲ್ಲಿ ಹೆಚ್ಚಳ ಕಂಡು  ಬಂದಿದ್ದು ಹೀಗೆ 

2020 ಮೇ – 585 ರೂಪಾಯಿಗಳು
2021 ಜನವರಿ – 697 ರೂಪಾಯಿಗಳು
2021 ಮಾರ್ಚ್ – 822 ರೂಪಾಯಿಗಳು
2022 ಮಾರ್ಚ್ – 902 ರೂಪಾಯಿಗಳು
2023 ಫೆಬ್ರುವರಿ – 1,055 ರೂಪಾಯಿಗಳು
2023 ಮಾರ್ಚ್ – 1,105 ರೂಪಾಯಿಗಳು

ಪ್ರಮುಖ ನಗರಗಳತ್ತ ನಾವು ನೋಡುವುದಾದರೆ ಇಂದಿನಿಂದ

ದಿಲ್ಲಿ – 1003 ರೂಪಾಯಿಗಳು

ಮುಂಬೈ – 1,002 ರೂಪಾಯಿಗಳು

ಕೋಲ್ಕತ್ತಾ – 1,029 ರೂಪಾಯಿಗಳು

ಚೆನ್ನೈ – 1,018.5 ರೂಪಾಯಿಗಳು

2022ರ ಮಾರ್ಚ್‌ನಲ್ಲಿ ಬ್ಯಾರಲ್‌ಗೆ ಸುಮಾರು 100 ಡಾಲರ್‌ನಷ್ಟಿದ್ದ ಕಚ್ಚಾತೈಲ ದರ ಈಗ 77 ಡಾಲರ್‌ಗೆ ಕುಸಿದಿದೆ. ಆದಾಗ್ಯೂ, ಎಲ್‌ಪಿಜಿ ಸಿಲಿಂಡರ್‌ ದರವನ್ನು ಏರಿಕೆ ಮಾಡಿದೆ.

 – ಎಲ್‌ಪಿಜಿ ದರ ಹೆಚ್ಚಳದಲ್ಲಿ ವಿಶ್ವದಲ್ಲಿಯೇ ಭಾರತ ಮೊದಲ ಸ್ಥಾನವನ್ನು ಹೊಂದಿದೆ.

–  ವಿಶ್ವದಲ್ಲಿ ಪೆಟ್ರೋಲ್‌ ದರ ಏರಿಕೆಯಲ್ಲಿ ಭಾರತದ 3ನೇ ಸ್ಥಾನವನ್ನು ಹೊಂದಿದೆ. 

– ಪ್ರಪಂಚದಲ್ಲಿ ಡೀಸೆಲ್‌ ದರ ಏರಿಕೆಯ ದೇಶಗಳಲ್ಲಿ ಭಾರತದ 8ನೇ ಸ್ಥಾನವನ್ನು ಹೊಂದಿದೆ.