ಹೊಸದಿಲ್ಲಿ: ವಿವಾಹೇತರ ಸಂಬಂಧವನ್ನು ಹೊಂದಿರುವ ಮಹಿಳೆ, ವಿವಾಹದ ಭರಸೆ ನೀಡಿ ತನ್ನ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಎಂದು ಪುರುಷನ ವಿರುದ್ಧ ಆರೋಪ ಹೊರಿಸುವಂತಿಲ್ಲ ಎಂದು ಸುಪ್ರೀಂಕೋರ್ಟ್‌ ತೀರ್ಪು ನೀಡಿದೆ.
ವಿವಾಹೇತರ ಸಂಬಂಧ ಹಳಸಿದ ಸಂದರ್ಭದಲ್ಲಿ ಪರಸ್ಪರ ಒಪ್ಪಿತ ದೈಹಿಕ ಸಂಬಂಧವನ್ನು ಅಪರಾಧೀಕರಣಗೊಳಿಸುವ ಪ್ರವೃತ್ತಿ ಬಗ್ಗೆ ಸುಪ್ರೀಂಕೋರ್ಟ್‌ ತೀವ್ರ ಕಳವಳ ವ್ಯಕ್ತಪಡಿಸಿದೆ. ಹಲವು ವರ್ಷಗಳ ಕಾಲ ವಿವಾಹೇತರ ಸಂಬಂಧವನ್ನು ಹೊಂದಿರುವ ಮಹಿಳೆ, ವಿವಾಹದ ಭರಸೆ ನೀಡಿ ತನ್ನ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಎಂದು ಪುರುಷನ ವಿರುದ್ಧ ಆರೋಪ ಹೊರಿಸುವಂತಿಲ್ಲ ಎಂದು ತೀರ್ಪು ನೀಡಿದೆ.
ಏಳು ವರ್ಷದ ಹಿಂದೆ ವನಿತಾ ಎಸ್ ಜಾಧವ್ ಎಂಬ ಮಹಿಳೆ ಹೇಶ್ ದಾಮು ಖಾರೆ ಎಂಬವರ ವಿರುದ್ಧ ಮುಂಬೈನ ಖರ್ಗಾ ಠಾಣೆಯಲ್ಲಿ ದಾಖಲಿಸಿದ್ದ ಎಫ್‌ಐಆರ್ ವಜಾಗೊಳಿಸಿದ ನ್ಯಾಯಮೂರ್ತಿ ಬಿ.ವಿ.ನಾಗರತ್ನ ಮತ್ತು ಎನ್.ಕೋಟೀಶ್ವರ್ ಸಿಂಗ್ ಅವರನ್ನೊಳಗೊಂಡ ನ್ಯಾಯಪೀಠ, “ಹಲವು ವರ್ಷಗಳ ಕಾಲ ಮುಂದುವರಿಯುವ ವಿವಾಹೇತರ ಸಂಬಂಧ ಹಳಸಿದ ಸಂದರ್ಭದಲ್ಲಿ ಅದನ್ನು ಅಪರಾಧೀಕರಣಗೊಳಿಸುವ ಪ್ರವೃತ್ತಿ ಕಳವಳಕಾರಿ’ ಎಂದು ಅಭಿಪ್ರಾಯಪಟ್ಟಿದೆ.
ಇದನ್ನೂ ಓದಿ : ನರ್ಸ್ ಮೇಲೆ ಸಾಮೂಹಿಕ ಅತ್ಯಾಚಾರ: ಗುಪ್ತಾಂಗದಲ್ಲಿ ಕೋಲು ಮತ್ತು ಮೆಣಸಿನ ಪುಡಿಯನ್ನು ಹಾಕಿ ಹಿಂಸಾಚಾರ
ಒಪ್ಪಿತ ಲೈಂಗಿಕ ಸಂಬಂಧವನ್ನು ಆಧರಿಸಿ, ವಿವಾಹವಾಗುವ ಆಶ್ವಾಸನೆಯ ಉಲ್ಲಂಘನೆ ಬಗೆಗಿನ ದೂರನ್ನು ವಂಚನೆಗೆ ಒಳಗಾದ ಮಹಿಳೆ ಕ್ಲುಪ್ತ ಸಮಯಕ್ಕೆ ನೀಡಬೇಕೇ ವಿನಃ ಹಲವು ವರ್ಷಗಳ ಕಾಲ ಲೈಂಗಿಕ ಸಂಬಂಧವನ್ನು ಮುಂದುವರಿಸಿದ ಬಳಿಕ ನೀಡುವಂತಿಲ್ಲ ಎಂದು ಸ್ಪಷ್ಟಪಡಿಸಿದೆ.
ವಿವಾಹಿತ ಖಾತೆ ಮತ್ತು ಜಾಧವ್ ಎಂಬ ವಿಧವೆ ನಡುವಿನ ಪ್ರೇಮಸಂಬಂಧ 2008ರಲ್ಲಿ ಆರಂಭವಾಗಿತ್ತು. ಆಕೆಯನ್ನು ವಿವಾಹವಾಗುವುದಾಗಿ ಖಾತೆ ಭರವಸೆ ನೀಡಿದ ಬಳಿಕ ತಾವು ಲೈಂಗಿಕ ಸಂಬಂಧ ಆರಂಭಿಸಿದ್ದಾಗಿ ಮಹಿಳೆ ವಾದಿಸಿದ್ದರು. ಜಾಧವ್ ವಿರುದ್ಧ ಖಾರೆಯವರ ಪತ್ನಿ ಸುಲಿಗೆ ಆರೋಪ ಹೊರಿಸಿ ದೂರು ನೀಡಿದ್ದರು.
2017ರ ಮಾರ್ಚ್ ನಲ್ಲಿ ಜಾಧವ್, ಖಾರೆ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲಿಸಿದ್ದರು.
ಸುಧೀರ್ಘ ಅವಧಿ ವರೆಗೆ ಮಹಿಳೆ ಪ್ರಜ್ಞಾಪೂರ್ವಕವಾಗಿ ಒಪ್ಪಿತ ಲೈಂಗಿಕ ಸಂಬಂಧವನ್ನು ಮುಂದುವರಿಸಿದ ಸಂದರ್ಭದಲ್ಲಿ ಅದನ್ನು ಖಾರೆ ನೀಡಿದ ವಿವಾಹದ ಭರವಸೆ ಹಿನ್ನೆಲೆಯಲ್ಲಿ ದೈಹಿಕ ಸಂಬಂಧ ಬೆಳೆಸಿದ್ದಾಗಿ ಪ್ರತಿಪಾದಿಸುವಂತಿಲ್ಲ ಎಂದು ಕೋರ್ಟ್ ಸ್ಪಷ್ಟಪಡಿಸಿದೆ.
ಇದನ್ನೂ ನೋಡಿ : ಸಂವಿಧಾನ ಬದಲಿಸಿ, ನಮಗೆ ಬೇಕಾದ ಸಂವಿಧಾನ ಕೊಡಿ ಎಂದ ಪೇಜಾವರ ಮಠದ ಸ್ವಾಮಿ ವಿರುದ್ದ ಪ್ರಕರಣ ದಾಖಲಿಸಬೇಕಲ್ಲವೇ?
