ಬೆಂಗಳೂರು: ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ)ಯ ಬಸ್ಸೊಂದಕ್ಕೆ ಕೇಸರಿ ಧ್ವಜದಿಂದ ಅಲಂಕೃತಮಾಡಲಾಗಿತ್ತು. ಆ ಫೋಟೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದಂತೆ ಅಧಿಕಾರಿಗಳು ಧ್ವಜವನ್ನು ತೆರವುಗೊಳಿಸಿದ್ದಾರೆ.
ಪ್ರಯಾಣಿಕ ಸಯ್ಯದ್ ಮೋಯಿನ್ ಎನ್ನುವವರು ತಮ್ಮ ಟ್ವಿಟರ್‌ನಲ್ಲಿ ಬಸ್ಸಿನಲ್ಲಿರುವ ಧ್ವಜದ ಫೋಟೊ ಹಂಚಿಕೊಂಡಿದ್ದು, ‘#JUSTIN: @BMTC_BENGALURU ಹ್ಯಾಶ್ ಟ್ಯಾಗ್ ಜೊತೆಗೆ ‘ಸರ್ಕಾರಿ ವಾಹನಗಳನ್ನು ಕೋಮುವಾದ ಗೊಳಿಸಲಾಗುತ್ತಿದೆ. ಸರ್ಕಾರಿ ವಾಹನಗಳನ್ನು ಕೋಮುವಾದಗೊಳಿಸುವುದರಿಂದ ಇತರ ನಾಗರಿಕರ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ’ ಎಂದು ಬರೆದುಕೊಂಡಿದ್ದಾರೆ.
#JUSTIN: Morning Trvales in @BMTC_BENGALURU bus seems Saffronization is spreading vastly in every Sector. Communalizing govt vehicles will leave a bad Impact on its fellow citizens. @CMofKarnataka @sriramulubjp @siddaramaiah @hd_kumaraswamy @BBMPCOMM @BangaloreMirror pic.twitter.com/gf9Dvj0cbD
— Syed Mueen (@Mueen_magadi) December 31, 2021
“ಈ ಕುರಿತು ಬಸ್ ನಿರ್ವಾಹಕರಲ್ಲಿ ಪ್ರಶ್ನಿಸಿದಾಗ ಅವರು ಪ್ರತಿಕ್ರಿಯಿಸಲಿಲ್ಲ” ಎಂದು ಪ್ರಯಾಣಿಕ ತನ್ನ ಟ್ವಿಟರ್ ನಲ್ಲಿ ಹೇಳಿದ್ದಾರೆ.
ಸದ್ಯ ಈ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದಂತೆ ‘ಈ ಬಗ್ಗೆ ಕ್ರಮ ಕೈಗೊಳ್ಳಲಾಗಿದ್ದು, ಸೂಕ್ತ ತನಿಖೆ ನಡೆಸಿ ತಪ್ಪಿತಸ್ಥರ ಮೇಲೆ ಕ್ರಮಜರುಗಿಸುತ್ತೇವೆ ಎಂದು ಬಿಎಂಟಿಸಿ ಫೋಟೋವನ್ನು ಹಂಚಿಕೊಂಡ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ತಿಳಿಸಿದೆ.
Appreciate the action taken and proof sent
— Anti Majority (@prabhua1) December 31, 2021
