ಬೆಂಗಳೂರು: ಕೇಂದ್ರದ ಮೂರು ಕೃಷಿ ಕಾಯ್ದೆಗಳ ರದ್ದತಿಗಾಗಿ ನಿರಂತರವಾಗಿ ಹೋರಾಟ ನಡೆಯುತ್ತಿದೆ. ಇತ್ತೀಚಿಗೆ ಅಂದರೆ, ಅಕ್ಟೋಬರ್‌ 03ರಂದು ಲಖಿಂಪುರ ಖೇರಿಯಲ್ಲಿ ನಡೆದ ಹಿಂಸಾಚಾರ ಘಟನೆಯಲ್ಲಿ ರೈತರನ್ನು ಹತ್ಯೆ ಮಾಡಲಾಗಿದೆ. ಈ ಹಿನ್ನೆಲೆಯಲ್ಲಿ ರೈತ ಹುತಾತ್ಮ ದಿನ ಆಚರಿಸಲು ಸಂಯುಕ್ತ ಹೋರಾಟ – ಕರ್ನಾಟಕ ಕರೆ ನೀಡಿದೆ.
ಉತ್ತರ ಪ್ರದೇಶದ ಲಖಿಂಪುರ ಖೇರಿಯಲ್ಲಿ ನಡೆದ ದುರ್ಘಟನೆಯಲ್ಲಿ ಲವ್ ಪ್ರೀತ್ ಸಿಂಗ್(20), ಗುರ್ ವಿಂದರ್ ಸಿಂಗ್(19), ದಲ್ಜಿತ್ ಸಿಂಗ್(35), ನಚ್ಚ್ ರತ್ ಸಿಂಗ್(60), ರಮಣ್ ಕಶ್ಯಪ್ ಹುತಾತ್ಮರಾದ ರೈತರು.
ಅಕ್ಟೋಬರ್‌ 12ರಂದು ಸಂಜೆ 6 ಗಂಟೆಗೆ ಮಾಲಾರ್ಪಣೆ ಮಾಡಿ ಸ್ಥಳೀಯ ಘಟಕ ಮಟ್ಟದಲ್ಲಿ /ಮನೆಗಳ ಮುಂದೆ ಹುತಾತ್ಮರ ಪೊಟೋ ಇಟ್ಟು 5 ಮೇಣದ ಬತ್ತಿ /ದೀಪ ಬೆಳಗುವ ಮೂಲಕ ಶ್ರದ್ದಾಂಜಲಿ ಸಲ್ಲಿಸಬೇಕೆಂದು ಸಂಯು ಹೋರಾಟ – ಕರ್ನಾಟಕ ಕರೆ ನೀಡಿದೆ.
ಅಕ್ಟೋಬರ್‌ 12ರ ಸಂಜೆ 5 ಗಂಟೆಗೆ ಬೆಂಗಳೂರು ನಗರದ ಮೌರ್ಯ ವೃತ್ತದಲ್ಲಿರುವ ಗಾಂಧಿ ಪ್ರತಿಮೆ ಬಳಿ ರೈತ ಹುತಾತ್ಮ ದಿನಾಚರಣೆ ನಡೆಯಲಿದೆ.
ತಾವಿರುವ ಸ್ಥಳಗಳಲ್ಲೇ, ಅಂದರೆ ಊರಗಳಲ್ಲಿ, ಗ್ರಾಮ-ಪ್ರದೇಶದಲ್ಲಿ ಶ್ರದ್ಧಾಂಜಲಿ ಸಭೆ ಏರ್ಪಡಿಸಲು ಕೋರಿದೆ. ಹುತಾತ್ಮ ರೈತರ ಆಶಯಗಳಿಗಾಗಿ ಹೋರಾಟ ಮುನ್ನಡೆಸುವ ಸಂಕಲ್ಪ ತೊಡಲು ಸಂಯುಕ್ತ ಹೋರಾಟ ಕರ್ನಾಟಕ ಕರೆ ನೀಡಿದೆ.
