ನವದೆಹಲಿ: ಭಾರತೀಯ ಯುವಜನರು ಗಮನಾರ್ಹ ಮಾನಸಿಕ ಆರೋಗ್ಯ ಸವಾಲನ್ನು ಎದುರಿಸುತ್ತಿದ್ದಾರೆ. 18ರಿಂದ 34ನೇ ವಯಸ್ಸಿನ ನಡುವಿನ ಯುವಜನರ ಮೈಂಡ್ ಹೆಲ್ತ್ ಕೋಷಂಟ್ (MHQ) ಪರೀಕ್ಷೆಯಲ್ಲಿ ಕೇವಲ 33 ಅಂಕಗಳನ್ನಷ್ಟೇ ಗಳಿಸಿದ್ದಾರೆ ಮತ್ತು ಜಾಗತಿಕವಾಗಿ 60ನೇ ಸ್ಥಾನದಲ್ಲಿದ್ದಾರೆ ಎಂದು ಮಾನಸಿಕ ಯೋಗಕ್ಷೇಮಕ್ಕೆ ಸಂಬಂಧಿಸಿ 84 ದೇಶಗಳಲ್ಲಿ ನಡೆದ ಸಮಗ್ರ ಅಂತರರಾಷ್ಟ್ರೀಯ ಅಧ್ಯಯನವಾದ ಗ್ಲೋಬಲ್ ಮೈಂಡ್ ಹೆಲ್ತ್ 2025ರ ವರದಿ ತಿಳಿಸಿದೆ.
ತಾತ್ಕಾಲಿಕ ಒತ್ತಡ ಮತ್ತು ಸಾಂಕ್ರಾಮಿಕ ರೋಗದ ನಂತರದ ಪರಿಣಾಮಗಳು ಯುವಜನರ ಮೇಲೆ ಪರಿಣಾಮ ಬೀರಿದೆ ಎಂದು ಅಧ್ಯಯನ ತಿಳಿಸಿದೆ. ಇದಕ್ಕೆ ವಿರುದ್ಧವಾಗಿ ಹಿರಿಯ ವಯಸ್ಕರು (55 ಅಥವಾ ಅದಕ್ಕಿಂತ ಹೆಚ್ಚಿನವರು) ಶೇ 96ರಷ್ಟು ಅಂಕಗಳನ್ನು ಗಳಿಸಿ ಜಾಗತಿಕವಾಗಿ 49ನೇ ಸ್ಥಾನ ಪಡೆದಿದ್ದಾರೆ. ಮಾನಸಿಕ ಕಾರ್ಯನಿರ್ವಹಣೆಯಲ್ಲಿ ಪೀಳಿಗೆಗಳ ನಡುವಿನ ಅಂತರವನ್ನು ಇದು ಒತ್ತಿ ಹೇಳಿದೆ. MHQ ಅನ್ನು ವೈವಿಧ್ಯಮಯವಾಗಿ ಅಳೆಯಲಾಗುತ್ತದೆ. ಜೀವನ, ಕೆಲಸ ಮತ್ತು ಸಂಬಂಧಗಳನ್ನು ನಿಭಾಯಿಸುವಲ್ಲಿ ವ್ಯಕ್ತಿಯ ಮೇಲೆ ಪ್ರಭಾವ ಬೀರುವ ವ್ಯಾಪಕ ಶ್ರೇಣಿಯ ಸಾಮರ್ಥ್ಯಗಳು, ಅರಿವಿನ, ಭಾವನಾತ್ಮಕ, ಸಾಮಾಜಿಕ ಮತ್ತು ದೈಹಿಕ ಸಾಮರ್ಥ್ಯಗಳನ್ನು ಅಳೆಯಲು ವಿನ್ಯಾಸಗೊಳಿಸಲಾಗಿದೆ.
ತಜ್ಞರು ಹೇಳುವ ಪ್ರಕಾರ, ಭಾರತೀಯ ಯುವಜನರಲ್ಲಿ ಹೆಚ್ಚಾಗಿರುವ ಆತಂಕ (anxiety) ಅಥವಾ ಖಿನ್ನತೆಯ (depression) ರೋಗಗಳನ್ನು ಎತ್ತಿ ತೋರಿಸುವುದನ್ನು ಮೀರಿದ ಕಾಳಜಿಯ ಪ್ರವೃತ್ತಿಯನ್ನು ತೋರಿಸಿದೆ. ಅಂದರೆ, ಭಾವನಾತ್ಮಕ ನಿಯಂತ್ರಣ, ಗಮನ, ಹೊಂದಾಣಿಕೆ ಮತ್ತು ಸಾಮಾಜಿಕ ಸಂಪರ್ಕದಂತಹ ಮೂಲಭೂತ ಮಾನಸಿಕ ಆರೋಗ್ಯದ ಗುಣಲಕ್ಷಣಗಳಲ್ಲಿನ ಕುಸಿತವನ್ನು ಪ್ರತಿಬಿಂಬಿಸುತ್ತದೆ.
ಇದನ್ನೂ ಓದಿ: 1 ತಿಂಗಳಲ್ಲಿ 56,432 ಹುದ್ದೆಗಳ ಭರ್ತಿ ಪ್ರಕ್ರಿಯೆ ಆರಂಭಿಸಲು ಸೂಚನೆ
ಜೀವನಶೈಲಿಯ ಬದಲಾವಣೆಗಳು, ಜನನದಿಂದಲೇ ಮೊಬೈಲ್-ಟಿವಿ ಪರದೆಗಳಿಗೆ ಪರಿಚಯ, ಆಹಾರದ ಅಂಶಗಳು ಮತ್ತು ಕುಟುಂಬದ ಬೆಂಬಲ ರಚನೆಗಳು ದುರ್ಬಲಗೊಂಡಿರುವುದರಿಂದ ಕಂಡುಬರುವ ಬದಲಾವಣೆಗಳು ಪ್ರಭಾವ ಬೀರಿವೆ. ಈ ಅಧ್ಯಯನಗಳು ನೀತಿ ನಿರೂಪಕರು, ಶಿಕ್ಷಕರು ಮತ್ತು ಕುಟುಂಬಗಳಿಗೆ ತುರ್ತು ಸಾರ್ವಜನಿಕ ಆರೋಗ್ಯ ಪ್ರಶ್ನೆಗಳನ್ನು ಹುಟ್ಟು ಹಾಕಿವೆ.
ಮೈಂಡ್ ಹೆಲ್ತ್ ಕೋಷಂಟ್ ಎಂದರೇನು?
ಮೈಂಡ್ ಹೆಲ್ತ್ ಕೋಷಂಟ್ ಅರಿವಿನ, ಭಾವನಾತ್ಮಕ, ಸಾಮಾಜಿಕ ಮತ್ತು ದೈಹಿಕ ಮೊದಲಾಗಿ 47 ಸೂಚಕಗಳಲ್ಲಿ ವ್ಯಕ್ತಿಗತ ಪ್ರತಿಕ್ರಿಯೆಗಳನ್ನು ಜೊತೆಗೂಡಿಸುವ ಒಂದು ಸಂಯೋಜಿತ ಅಳತೆಮಾಪಕ ಆಗಿರುತ್ತದೆ. ಭಾವನಾತ್ಮಕ ನಿಯಂತ್ರಣ, ಗಮನ, ಸಾಮಾಜಿಕ ಸಂಬಂಧಗಳು ಮತ್ತು ಒತ್ತಡ ಚೇತರಿಕೆ ಸೇರಿದಂತೆ ದೈನಂದಿನ ಜೀವನದಲ್ಲಿ ಎಷ್ಟು ಚೆನ್ನಾಗಿ ಕಾರ್ಯನಿರ್ವಹಿಸುತ್ತಾರೆ ಎಂದು ನಿರ್ಣಯಿಸಲಾಗುತ್ತದೆ. ಚಿಕಿತ್ಸಾತ್ಮಕವಾಗಿ ರೋಗ ನಿರ್ಣಯವನ್ನು ಮೀರಿ ನಿರ್ಣಯವನ್ನು ಕೈಗೊಳ್ಳುತ್ತದೆ.
ಪೀಳಿಗೆಯ ನಡುವೆ ವ್ಯತ್ಯಾಸಗಳು
ನಿರೀಕ್ಷಿತ ಕ್ರಿಯಾತ್ಮಕ ಮಾನದಂಡಗಳಿಗೆ ಹತ್ತಿರದಲ್ಲಿದೆ ಮತ್ತು ಜಾಗತಿಕ ಶ್ರೇಯಾಂಕದಲ್ಲಿ ಹೆಚ್ಚಿನದಾಗಿದೆ. ಈ ನಾಟಕೀಯ ಅಂತರವು ಇತ್ತೀಚಿನ ಜೀವನ ಘಟನೆಗಳ ಅಲ್ಪಾವಧಿಯ ಫಲಿತಾಂಶಕ್ಕಿಂತ ಹೆಚ್ಚಾಗಿ ರಚನಾತ್ಮಕ, ಬಹು-ವರ್ಷದ ಪೀಳಿಗೆಯ ಬದಲಾವಣೆಯನ್ನು ಸೂಚಿಸುತ್ತದೆ.
ವರದಿಯಲ್ಲಿ ಹೇಳಿದ ಪ್ರಮುಖ ಅಂಶಗಳು
* ಕೌಟುಂಬಿಕ ಸಂಬಂಧಗಳು: ಸಾಮಾಜಿಕ ಮತ್ತು ಕೌಟುಂಬಿಕ ಸಂಪರ್ಕ ಮಾನಸಿಕವಾಗಿ ಯೋಗಕ್ಷೇಮಕ್ಕೆ ರಕ್ಷಣಾತ್ಮಕ ಅಂಶವಾಗಿದೆ. ತಮ್ಮ ಹಿಂದಿನ ತಲೆಮಾರಿನ ಶೇ 78ರಷ್ಟು ಮಂದಿಗೆ ಹೋಲಿಸಿದರೆ ಭಾರತದಲ್ಲಿ ಶೇ 64ರಷ್ಟು ಯುವಜನರು ಮಾತ್ರ ಕುಟುಂಬದ ಕಡೆಗೆ ಆಪ್ತವಾದ ಸಂಬಂಧವನ್ನು ಹೊಂದಿದ್ದಾರೆ. ಇದರಿಂದ ಸಾಮಾಜಿಕ ಬೆಂಬಲ ದುರ್ಬಲಗೊಂಡಿರುವುದು ವ್ಯಕ್ತವಾಗುತ್ತದೆ.
* ಆಹಾರ ಮತ್ತು ಪೌಷ್ಠಿಕಾಂಶ: ಅತಿ ಸಂಸ್ಕರಿತ ಆಹಾರಗಳನ್ನು ಹೆಚ್ಚು ಸೇವಿಸುವುದರಿಂದ ಶೇ 44ರಷ್ಟು ಭಾರತೀಯ ಯುವಜನರು ಸಂಶೋಧನೆಯಿಂದ ಆರಂಭಿಸಿ ಮೆದುಳಿನ ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮಗಳು ಬೀರಿವೆ. ಅದರಲ್ಲಿ ಮನೋಸ್ಥಿತಿಯ ಅಸ್ವಸ್ಥತೆ ಮತ್ತು ಅರಿವಿನ ಸಮಸ್ಯೆಯೂ ಸೇರಿದೆ.
* ಸ್ಮಾರ್ಟ್ ಫೋನ್ ಬಳಕೆ: ಮೊದಲ ಬಾರಿಗೆ ಸ್ಮಾರ್ಟ್ ಫೋನ್ ಬಳಸಿದ ಮಕ್ಕಳ ಸರಾಸರಿ ವಯಸ್ಸು 16.5 ವರ್ಷಗಳಾಗಿದೆ. ಹದಿಹರೆಯದವರು ಇನ್ನೂ ಮೊದಲೇ ಸ್ಮಾರ್ಟ್ಫೋನ್ ಬಳಸುತ್ತಿದ್ದರು. ಹೀಗೆ ಚಿಕ್ಕ ವಯಸ್ಸಿನಲ್ಲಿ ಪರದೆಯನ್ನು ಬಳಸುವುದು ಅವರ ಮೇಲೆ ಗಮನದ ಸಮಸ್ಯೆ, ನಿದ್ರೆಯ ಸಮಸ್ಯೆ ಮತ್ತು ಭಾವನಾತ್ಮಕವಾಗಿ ಅನಿಯಂತ್ರಣ ಕಾಣಿಸಿಕೊಂಡಿದೆ.
* ಜೀವನಶೈಲಿಯ ಒತ್ತಡಗಳು: ಸಮಕಾಲೀನ ಜೀವನದ ಬೇಡಿಕೆಗಳು, ಶೈಕ್ಷಣಿಕ ಒತ್ತಡ, ಆರ್ಥಿಕ ಅನಿಶ್ಚಿತತೆ ಮತ್ತು ಸಾಮಾಜಿಕ ನಿರೀಕ್ಷೆಗಳು ಇನ್ನಷ್ಟು ಒತ್ತಡವನ್ನು ಯುವಜನರಲ್ಲಿ ಹೇರಿದೆ.
ಭಾರತದಲ್ಲಿ ವಿಸ್ತರಿತ ಸಾರ್ವಜನಿಕ ಆರೋಗ್ಯ ಸಮಸ್ಯೆ
ಅಧ್ಯಯನ ವರದಿ ಭಾರತದ ಯುವಪೀಳಿಗೆಯ ಕುರಿತಾದ ಕಳವಳಕಾರಿ ಚಿತ್ರಣ ಮುಂದಿಟ್ಟಿದೆ. ಮಾನಸಿಕ ಆರೋಗ್ಯ ಅಸ್ವಸ್ಥತೆಗಳು ಬಹಳ ಹಿಂದಿನಿಂದಲೂ ಗಮನಾರ್ಹ ಆರೋಗ್ಯ ಹೊರೆಯನ್ನು ಪ್ರತಿನಿಧಿಸುತ್ತಿವೆ.
ರಾಷ್ಟ್ರೀಯ ಮಾನಸಿಕ ಆರೋಗ್ಯ ಸಮೀಕ್ಷೆಯ ಪ್ರಕಾರ ಯುವಜನರಲ್ಲಿ ಗಣನೀಯ ಪ್ರಮಾಣದಲ್ಲಿ ಖಿನ್ನತೆ ಮತ್ತು ಆತಂಕದಂತಹ ಮಾನಸಿಕ ಸಮಸ್ಯೆಗಳು ಕಂಡುಬಂದಿವೆ. ಮಾನಸಿಕ ಆರೋಗ್ಯದ ಕುರಿತ ಮೌಢ್ಯತೆ ಮತ್ತು ಆರೈಕೆಯತ್ತ ಹೆಚ್ಚು ಗಮನಹರಿಸಲಾಗುತ್ತಿಲ್ಲ. ಹೀಗಾಗಿ ಚಿಕಿತ್ಸೆ ಮತ್ತು ರೋಗದ ನಡುವಿನ ಅಂತರ ವಿಶಾಲವಾಗಿದೆ.
ಇದನ್ನೂ ನೋಡಿ: ಪರಿಶಿಷ್ಟ ಸಮುದಾಯಗಳ ಮೇಲಿನ ದೌರ್ಜನ್ಯ ಪ್ರಕರಣಗಳ ಸಂಖ್ಯೆ ಹೆಚ್ಚುತ್ತಲೇ ಇದೆ ಯಾಕೆ? Janashakthi Media
